Dr. Zaganza
JF-Expert Member
- Jul 15, 2014
- 1,195
- 1,661
Chati ya kinyesi ya Bristol ilitengenezwa mnamo 1997 kama zana ya tathmini ya kliniki. Kuna aina saba za kinyesi kulingana na Chati ya hiyo.
Chati ya kinyesi ya Bristol ni msaada wa matibabu ulioundwa na kuainisha kinyesi katika vikundi saba.
Baada ya kujisaidia, kile unachokiona chooni kimsingi ni matokeo ya lishe yako, maji unayokunywa, dawa unazotumia na mtindo wa maisha.
Unaweza kutumia Chati ya Kinyesi ya Bristol kuangalia kile kinyesi chako kinamaanisha nini kulingana na muonekano wake.
Aina ya kwanza na ya pili ya kinyesi ni vidonge vigumu vilivyotengana kama karanga ambavyo inakuwa ngumu kutoka wakati wa kujisaidia.
Hii inamaanisha kuwa mhusika amevimbiwa kutokana na kutokula matunda au mboga mboga.
Aina ya tatu na nne ni kama sausage au nyoka au ndizi, kwa kawaida hii huwa rahisi kutoka wakati wa kujisaidia. Hii huchukuliwa kama aina bora ya kinyesi ambayo humaanisha mhusika ana afya nzuri.
Aina ya tano mpaka ya saba kwa ujumla hizi huonesha kuhara. Aina hizi tatu zinaonesha kinyesi ambacho kina maji maji ambayo husababishwa na kukosa aina fulani ya vyakula kama vile matunda.
Ni muhimu kutambua aina ya kinyesi chako na kama kinaishara isiyo nzuri ni vyema kubadilisha mtindo wa maisha.
