habari si tu hali mbaya ya arusha, ni kweli ndugu zetu poleni sana tunalia nanyi na pia tunawahurumia; la msingi zaidi ni kushirikiana na FOS namna bora ya kuwasaidia ndugu, na sasa si tena habari ya ushabiki wa vyama bali haki ya kidemokrasia kwa kila mtanzania, watanzania chini ya baba wa taifa tulisaidia nchi za kusini mwa afrika kujikomboa; mimi kwa hali inayoendea sasa ya kunyanyasa demokrasia ya Tz na kuinyanyapaa kwa makusudi ya wachache wanaotumia rangi ya kijani kunufaisha maslahi yao... muda huu naona si wenyewe. na wala hautakuwa wenyewe wakati wowote, polisi kutumia silaha za moto kumpiga mlalahoi ambaye anatozwa kodi hizo silaha zinunuliwe na badala ya kumlinda inamnyanyasa, ss kwa maana na mtazamo huu na kwa kuijali haki jamii inavyoelezwa katika ibara ya 19 ya haki msingi, za tamko rasmi la haki za kibinadamu hapa serikali ina kosa kubwa kutumia polisi kufanya hivyo nami sioni aibu kusema hatuna tofauti na wareno waliowakandamiza waafrika kule msumbiji na angola na makaburu Afrika ya kusini ya wakati ule. Je kama watu hawakutaki, au hawakuchagui walilazimisha nini kwao. Je demokrasi ni nguvu au hiari jamii? Je watanzania hata baada ya uhuru wa takriban miaka hamsini kweli hawawezi kumchagua wampendaye hadi tujilazimishe kwao na kiasi cha kuwashinikiza na mabomu na hatimaye risasi za moto. Na kwani hasa tufikie hapo, kama ni swala ni mwenyekiti wa halmashauri hakuna taratibu kubalika mpaka tushinikize. Na kwanini hasa nguvu kubwa ya dola itumike mpaka kumwaga damu? Je wanaoandamana ni ngombe? au binadamu wenzetu, na kweli hawajui kwa nini waandamane, na kama wanaandamana, kwa nini uzuie maandamano na kwa sheria ipi, matashi ya polisi na serikali iliyo madarakarni, kwani serikali yetu ni ya kiimla ama kidemokrasia. Hivi kweli Tanzania haikusaini Mikataba ya kimataifa kuhusu haki msingi za kibinadamu? Je haki hizo hazisemi mtu yeyote yule ana haki kusema, kufanya, na kwenda anakotaka ili mradi asivunje sheria. Je kuandamana ni kuvunja sheria ipi? Je mikataba ya kimataifa tuliyoisaini haisemi mtu yeyote ana haki kutoa maoni yake kwa namna yeyote ili mrani havunji sheria. Na tena Katiba yetu nayo ikaridhia? Tunapojaribu sana kila mara kulinda tu watawala kwa mabomu na risasi hivi nchi hii ni ya utawala wa kijeshi au wa kiraia? Kama kura tulizopiga ni za kuridhia utawala wa kijeshi si tuambiwe tu ss tujue mikakati tunayoichukua?
Leo tunaposikia waziri wa mambo ya ndani anapotangaza sasa inafaa viongozi wa kisiasa kukutana kwa swla la arusha awali hilo halikujulikana mpaka watu wapigwe mabomu na kuuawa baadhi yao? Je huu ni utawala kweli wa kiraia uliochaguliwa na wananchi, kwa maslahi ya maendeleo na usitawi wao kweli, endapo ati serikali inatumia nguvu kubwa; kwa kisingizio cha amani, hivi kuna amani gani wakati wengi wanalia na kulalia umasikini, tukasema serikali haina fedha kwa maendeleo na wakati wa uchaguzi mabilioni yatumika kwa mabango na kulinda uchaguzi ati huru na haki, wakati ukifanyika, raia wakaeleza uchaguzi wao bado tuwafunike macho kwa kujilazimisha kwenye uongozi kama ulivyofanyika arusha, na kumburuza mbunge halali wa wananchi kama mahabusu aliyeua? Bado tudai tunafuata haki na amani, hapo nani kachochea wananchi kukasirika kama siyo polisi na serikali yenyewe!
anayeumia, na wanaoumia hospitalini Arusha, Poleni nasema Mungu si wa Matajiri na watawala bali ni wa Raia wote kama ilivyo Demokrasia ya Kweli na Makini.
