Bongo movie bila mabasi ya mikoani ingeshakufa

[vitz14]

Mabasi ya mikoani huwasaidia sana wasanii wa bongo movie kuwatangaza. Naimani kabisa raia wengi hulazimishwa kuangalia bongo movie wawapo safarini wengine hukumbushwa na wengine hukerwa sana. Napenda kuwashauri na kuwaomba waendelee kuwahimiza madereva na makonda wa mabasi kuweka filamu zao kila mara wawapo safarini

Kweli aisee...sie wa mwanza ni bongo movie na apocalypto

 

[Bishop Hiluka]

Cc: Bishop Hiluka

Mkuu, nimeitikia wito baada ya kusikia ukiniita.

Kiukweli Bongo Movies na tasnia nzima ya filamu ipo 'Babeli', hili la kutumia mabasi ya mikoani kama mambo mengine hayajawekwa sawa haliwezi kusaidia chochote. Kuna matatizo makubwa mno yanayotakiwa kwanza kushughulikiwa. Hapa chini naweka makala niliyoandika jana na imetoka kwenye gazeti la SpotiLeo la leo Jumapili:


Tasnia ya filamu Tanzania ni sawa na soka bila refa!

Na BISHOP HILUKA

HADI leo sijajua ni ‘impact’ gani iliachwa na maandamano ya mwezi Aprili mwaka huu ya wasanii wa filamu walioandamana kushinikiza kusitishwa kwa uuzwaji wa filamu kutoka nje ya nchi kwa madai zinaharibu soko la ndani! Athari pekee niliyoishuhudia ni ufa uliojitokeza kati ya wasanii waliounga mkono maandamano na waliopinga, kiasi cha kuibua mihemko iliyosababisha kutishiana maisha na kutukanana matusi ya nguoni.

Kwa sasa Sekta ya filamu Tanzania ipo ‘Babeli’ ingawa ilifikia hatua ya kutingisha Afrika. Sidhani kama kuna mtu atabisha kuwa filamu za kibongo ‘hazikutesa’ Afrika Mashariki na nchi za Maziwa Makuu. Filamu hizi zilisaidia kwa kiwango fulani kuitangaza Tanzania na kuwatangaza wasanii wa nchi hii. Sinema hizi ziliuzwa kwa wingi mitaani, watu walizichangamkia; wanawake na vijana ndio wakiwa wateja wakubwa wa sinema hizi.

Uchumi wa soko huria la filamu ulichangia kwa kiasi kikubwa kukua kwa sinema za Kiswahili. Ilikuwa ukipita mitaa ya jiji la Dar es Salaam au katika miji mikubwa unaona mabanda ya kuoneshea video yametapakaa kila kona. Pia unakutana na wauzaji wa filamu wakitembeza barabarani.

Na kwa tuliopata bahati ya kutembelea nchi jirani za Kenya, DR Congo, Rwanda, Burundi na kadhalika, tunathibitisha kuwa filamu hizi zilitesa sana maeneo hayo. Lakini sasa hali imebadilika!

Inawezekana filamu zinazotoka nje ya nchi zimechangia kuharibu soko la filamu za ndani, lakini kabla wasanii hawajaandamana kushinikiza kusitishwa kwa uuzwaji wa filamu kutoka nje ya nchi walipaswa kutoa kwanza boriti kwenye macho yao ndipo watazame kibanzi kwenye macho ya wengine.

Utoaji wa filamu zetu ndio umelifikisha soko la filamu hapa, maana ulikuwa ni kama soka bila refa, mkutano bila mwenyekiti, darasa bila mwalimu, au nyumba (familia) bila mzazi…

Wasanii waliwaamini sana wafanyabiashara, waliahidiwa milioni kadhaa kwa sinema; watengenezaji sinema wakawa wanalipua kazi; waigizaji hawalipwi vizuri; utengenezaji sinema ukafanywa haraka haraka. Sinema zikatengenezwa kwa siku tatu hadi wiki moja, na ndani ya mwezi mmoja tu ziko sokoni. Haraka haraka…

Wasanii wa filamu wakaigiza bila script wala mazoezi, baadhi ya watengenezaji filamu wakatumia mwanya huo kula uroda na wasichana warembo (na Umiss ukawa kigezo kikubwa cha kupata nafasi ya kucheza filamu, haijalishi ana kipaji cha kuigiza au la), baadaye wasanii wetu wakaanza kujilinganisha na Wanaijeria!

Sikatai na wala hakuna atakayebisha kuwa sinema za Nigeria zilitingisha katika nchi yetu, zilileta athari kubwa na kubadilisha tamaduni za Nigeria na Afrika. Sekta ya filamu ya Nigeria imesaidia kuleta mageuzi na kuhifadhi utamaduni wa Kiafrika pamoja na kuwepo nguvu za utandawazi.

Sikatai na wala hakuna atakayebisha kuwa sinema za Nigeria zinatumia lugha za asili za Nigeria kusimulia habari za Afrika. Ni kweli kuwa lugha na utamaduni wa watu ni muhimu katika utambulisho wao na matarajio yao kwa ajili ya kujitawala.

Aidha, sikatai na wala hakuna atakayebisha kuwa sinema za Nigeria zinaelezea maisha ya jadi, mchanganyiko na ya kisasa ya watu wa Nigeria. Lakini kwanini wasanii wetu walizitumia kama kipimo chao cha filamu? Kwanini waliamua kufuata nyayo za Wanaijeria katika kuzalisha sinema za Tanzania? Matokeo yake wakajikuta wameacha kusimulia hadithi zetu na kusimulia za Wanaijeria.

Sinema zetu zikawa zinasimulia uchawi, mapenzi au mikasa ya kijamii kama wanaijeria. Wasanii wetu wakawa wanaiga hadithi za Wanaijeria na namna yao ya uchezaji. Kwanini Watanzania wasizione sinema za Nigeria zinafaa kuliko za kwetu?

Sasa wasanii wanalalamika kuwa Watanzania hatununui sinema zinazotolewa na Watanzania wenzetu. Kwa kuwa sinema za nje zimejaa, zinauzwa bei chee na hazilipi kodi. Wanaweza kuwa sahihi. Lakini, wakumbuke ni Watanzania haohao walioacha kuangalia sinema za nje na kuzipokea sinema za ndani, na sasa wameamua kurudi kuangalia sinema za nje. Kisa? Haziwavutii tena na zinatengenezwa kwa kulipuliwa.

Lakini nimekuwa najiuliza, kwanini hata zile zinazotengenezwa vizuri bado hazinunuliwi? Kwanini hazifurahiwi? Kwanini hazitolewi maoni na hazitangazwi? Tunachokiweza ni kuziponda tu!

Na wasanii wasilalamike tu bali wakumbushane kwamba sinema ni sanaa inayochukua muda. Hawawezi kutengeneza sinema ikakamilika ndani ya wiki au mwezi mmoja tu. Wajipe muda katika kuifanya kazi kwa ufanisi zaidi. Wasiangalie kufanya kazi haraka haraka ili wapate pesa na kutatua matatizo yao. Wakumbuke kuwa ukitoa kazi nzuri yenye ubora hukaa na huuzika miaka nenda miaka rudi, tofauti na kazi ambazo baada ya wiki mbili zinakuwa hazina tena soko.

Wakumbushane kujipa muda katika uandaaji wa filamu: Mwezi mmoja wa mikutano kupanga mambo (wapi itapigwa picha, nani atafanya nini, waigizaji watatoka wapi, watafanya nini), mwezi mwingine kupanga usanii (mazoezi ya waigizaji, mazingira yao), mwezi mwingine wa kupiga picha. Baada ya miezi mitatu, mingine miwili ya kuhariri na kusahihisha makosa.

Kisha kifuate kipindi cha kuitangaza kusudi iuzwe. Ukichunguza sana utagundua kuwa sinema haiwezi kumalizika chini ya miezi sita kwa mazingira ya Tanzania. Ndiyo maana wenzetu wanatoa sinema moja tu kwa mwaka lakini pesa wanazopata wanakula kwa miaka kibao. Sisi tulikuwa tunatoa sinema kila mwezi lakini pesa yake ni ya kujikimu tu.

Kwa hoja hii, nakaribisha mjadala.

 

[cyrustheruler]

Nhahahahhahaa halafu kweli!

Sent from my SM-J700F using JamiiForums mobile app

 

[Umba Tuku]

wanafiki wale

 

[kirikou1]

Nimepanda ndugu yangu,
Kelele hizo sijawahi sikia lakini nilivumilia sana na sikupanda tena
Nilitamani kuona tu Maana muonekano ni mzuri ila kelele hizo sio za wazee kama Mimi

hahaha, yaani kama ni mtu usiependa muziki utajikuta ni mteja wa tax

 

[Black Sniper]

hahaha, yaani kama ni mtu usiependa muziki utajikuta ni mteja wa tax

We acha tu
Muziki napenda ila sio kwa sauti hiyo,
Na kweli bora tax niliamua hivyo [emoji3] [emoji3]

 

[kirikou1]

We acha tu
Muziki napenda ila sio kwa sauti hiyo,
Na kweli bora tax niliamua hivyo [emoji3] [emoji3]

mara ya kwanza kupanda sacco zao si mchezo hiace kama za usa river plus muziki wa kupasua masikio 😀😀

 

[Black Sniper]

mara ya kwanza kupanda sacco zao si mchezo hiace kama za usa river plus muziki wa kupasua masikio 😀😀

Mmh kweli biashara matangazo
Unaweza ukashuka ukasahau ulikuwa unaenda wapi haha

 

[gwa myetu]

Mange Kimambi ameshawafuta kama Gwajima alivyomfuta Bashite

 

[Sky Eclat]

Mimi wakiweka 'bongo muvi' hua napata wasaa wakufanya utalii wa ndani.... Hakika nchi yetu ni nzuri na yenye fursa za kutosha....... Nipo na vijana wenzangu tunasubiri zile milioni hamsini za kila kijiji tuwekeze na kua "mabilionea''

Mmenitangulia kidogo mimi ninsubiri Noah.

 

[Sky Eclat]

sasa mkuu,si ndo hata faida hawapati kabisa just mabus yanawasaidia watanzania tujue kam bongo movie ipo.ila ukishaangalia kweny bus movie ndo inaishia hapo hukai uitafute wala ununue ...sijui jamaaa wanakula wapi au wanamuuzia nani?
lada na hizi channels za zuku na zingine zinawasaidia.

Na wote ni macelebrity hawapandi mwendo kasi.

 

[Sky Eclat]

Haya majanga mnakutana nayo nyinyi wa luxury, mimi Rahaleo nina panda lile kaja.mba nani starehe pekee ni sauti ya konda, "maili moja maili moja".

 

[inamankusweke]

Mimi namwambiaga dereva abdilishe.
Ila hawana budi kuziweka sababu kwenye bus wanapanda na watoto ambao wanazipenda.

Sent from my MI NOTE LTE using JamiiForums mobile app

uliwauliza abiria wote wakakwambia hawapendi isipokua watoto?

 

[inamankusweke]

Mange Kimambi ameshawafuta kama Gwajima alivyomfuta Bashite

Mange Kimambi ameshawafuta kama Gwajima alivyomfuta Bashite

dawa yenu inachemka,mna tabia na kauli za kishambenga sana!

 

[mfate42]

Du huk shabiby n mwendo wa season..tu ndo mana huwa sipand mabas mengine

Sent from my DP7CPRO using JamiiForums mobile app

 

[Ip man 3]

Maish jmn maish

Sent from my TECNO L8 Lite using JamiiForums mobile app

 

[LadyRed]

MI ndo napataga mda wa kutafakari maisha tu kwa ujumla, bongo movies ni kwikwii

 

[LadyRed]

Huo uchafu nishaachaga ndo maaana nakwea pipa

Chopa je?unatumia

 

[Al-Watan]

Hivi Morogoro kuna airport?

 

[jike la simba]

Mimi nachukiaga sana niwapo safarini kuwekaga hayo madude ,alafu mabasi yote yanafana madude yao utafikili wameambizana vile miiizzzzzzzyy!

Sent from my TECNO-N8 using JamiiForums mobile app