Mji wa Moshi ulijiwekea utaratibu wa kujenga angalau km 1 ya barabara ya lami kila mwaka, tangu wameanza utaratibu huo wameweza kujenga barabara nyingi za mji wa Moshi kuliko miji mingi TanzaniaSwala la usafi ukweli ni kwamba wako mbali sana, ukiwa mjini jaribu kutupa karatasi au hata vocha iliyotumika ndio utajua wamejipanga vipi, ajabu ni kwamba miji mingine imeshindwa kuiga, huhitaji kuwa na kisomo cha hali ya juu kuweka mipango kama ilivyo Moshi mjini, mafanikio haya yana msukumo zaidi toka kwa wanamageuzi, hawa hawakubaliani na maswala ya rusha na uzembe katika utendaji.Jiji la Arusha limechangiwa pamoja na uzembe ni ufisadi ulio kithiri, mwaka jana au juzi kama sikosei mkurugenzi alileta mradi wa kupanda miti kando ya barabara ambazo ni finyu na hakuna maegesho ya magari ya kutosha, hili lilishangaza wakazi wengi wa 'jiji' hili lakini kwakuwa hapo ndipo palipokuwa na ulaji mzuri walishinikiza mpaka mradi huo ukafanyika. Baadhi ya watendaji ndani ya manispaa wanadokeza kwamba kiasi cha pesa kilichotumika kwa mradi kingetosha kujenga angalau km 1 ya barabara ya lami, lakini kwa upofu, ufisadi na kukosa uzalendo mradi uliofanyika ni huo wa vyungu vya miti mjini ambavyo leo vingi miti yake imekufa.Maeneo ya Clock Tower napo pana mambo yake, hapo ndio kitovu cha 'jiji' la Arusha lakini cha kushangaza hivi sasa pamekuwa mahali hatari na wala si salama tena kwani kuna kundi la vijana (chokoraa) kati ya 15 - 20 ambao wamepageuza ni mahali pao pa kutengenezea maisha, ukihitaji kupaki gari wao ndio watakuongoza kwa hiari au lazima na ukijifanya hutaki ujue kuna hasara zake (utaibiwa side mirror nk). Haya yote yanafanyika kama vile hakuna serikali japo vijana wa Mwema hawakosekani eneo hilo, hivi kweli tutafika?
