Featured content

Ripoti ya Mdhibiti na Mkaguzi Mkuu wa Hesabu za Serikali (CAG), Charles Kichere, imebaini kuwa deni la serikali limefikia Tsh. Trilioni 110 kufikia Juni 30, 2025. Ongezeko hili la Tsh. Trilioni 12.7, sawa na asilimia 13 ndani ya mwaka mmoja, likijumuisha deni la ndani la Tsh. Trilioni 35.5 na deni la nje la Tsh. Trilioni 74.55. Akizungumza Machi 30, 2026, Kichere ameeleza kuwa ukuaji wa deni hilo umechangiwa zaidi na kuongezeka kwa mikopo ya nje.

Shirika la kutetea Haki za Binadamu la Amnesty International limetoa onyo kuwa Mashindano ya Kombe la Dunia 2026 yanayotarajiwa kufanyika kuanzia Juni 11 hadi Julai 19, 2026 nchini Marekani, Canada na Mexico, yanaweza kugeuka kuwa "jukwaa la ukandamizaji." Amnesty imelitaka Shirikisho la Soka la Kimataifa (FIFA) na nchi waandaaji kuchukua hatua za dharura kulinda Haki za Binadamu za Wachezaji, Mashabiki na Jamii zinazozunguka mashindano hayo.

Mdhibiti na Mkaguzi Mkuu wa Hesabu za Serikali (CAG), Charles Kichere akisoma ripoti ya ofisi yake ya Mwaka 2024/2025, Machi 30, 2026 amesema alibaini upungufu katika mradi wa ujenzi wa Uwanja wa Mpira wa Arusha, ambapo ulikadiriwa kugharimu Tsh. Bilioni 187 lakini mkataba ukasainiwa kwa Tsh. Bilioni 338. Uwanja huo unatarajiwa kutumika katika michuano ya Kombe la Mataifa ya Afrika (AFCON) 2027, itakayofanyika kwa pamoja Kenya, Tanzania, na Uganda kati ya Juni 19 hadi Julai 18, 2027.

Mbunge wa zamani wa Jimbo la Kilwa Kusini mkoani Lindi kupitia Chama cha CUF, Selemani Said Bungara maarufu Bwege, amefariki dunia, Machi 30, 2026, alipokuwa akipatiwa matibabu katika hospitali binafsi iliyopo Kigamboni, jijini Dar es Salaam. Enzi za uhai wake Bwege amewahi kutumikia vyama vya Siasa vya CUF, ACT Wazalendo na hivi karibuni ilidaiwa alikuwa mbioni kujiunga na CHADEMA, ingawa mchakato rasmi wa kukabidhiwa kadi ya chama hicho ulikuwa haujakamilika.

Mahakama ya Usuluhishi wa Michezo (CAS) imetangaza kuwa itatoa uamuzi wa rufaa ya Senegal "haraka iwezekanavyo" kufuatia hatua ya nchi hiyo kupinga kuvuliwa taji la Mataifa ya Afrika (AFCON), uamuzi uliofanywa na Shirikisho la Soka Afrika (CAS) mnamo Machi 18, 2026. Awali, Januari 18, 2026, Senegal ilitwaa ubingwa kwa ushindi wa goli 1-0, na baada ya maamuzi ya Shirikisho la mpira wa miguu barani Afrika (CAF), Morocco ilipewa ushindi wa mezani wa Magoli 3-0 kwa maelezo Senegal kukiuka Kanuni za

Shiriki nasi katika Mjadala huu kupitia Instagram Live ya JamiiForums, utakaoongozwa na mwandishi wa habari, Imani Luvanga, wazungumzaji ni Nuzulack Dausen wa Nukta Africa pamoja na Mpoki Thompson, Mhariri Mkuu Mwananchi Communication.

Hatua hiyo iliidhinishwa kwa kura 123 za kuunga mkono kuwa biashara ya utumwa wa Waafrika na mfumo wa kuwafanya kuwa mali ulikuwa miongoni mwa uhalifu mkubwa zaidi dhidi ya Ubinadamu na madhara yake ambayo yanaendelea kuathiri maisha ya watu hadi leo. Hata hivyo, nchi tatu ambazo ni Argentina, Israel na Marekani zilipinga azimio hilo, huku nchi 52 zikijizuia kupiga kura.

Utangulizi Kuwa kwa kasi kwa huduma za kifedha za kidijitali nchini Tanzania kumeleta mapinduzi makubwa katika upatikanaji wa mikopo na huduma za malipo kwa mamilioni ya wananchi. Miongoni mwa ubunifu huu ni kuibuka kwa huduma za mkopo wa dharura kupitia simu za mkononi, zinazojulikana kwa majina tofauti ya kibiashara ikiwemo Songesha. Huduma hizi huwezesha watumiaji kukamilisha miamala hata wanapokuwa na salio pungufu kwenye pochi zao za simu, hivyo kutoa mkopo wa muda mfupi papo kwa hapo...

Mwanasiasa mkongwe William Lukuvi amefariki Dunia, asubuhi ya Machi 25, 2026 katika Hospitali ya Benjamin Mkapa, Dodoma alipokuwa akipatiwa matibabu ya ugonjwa wa mshtuko wa moyo. Taarifa ya msiba wa William Lukuvi, aliyekuwa Waziri wa Nchi, Ofisi ya Waziri Mkuu (Sera, Bunge, Uratibu na Wenye Ulemavu) na Mbunge wa Jimbo la Isimani, imetangazwa na Katibu Mkuu Kiongozi, Balozi Dkt. Moses Kusiluka. Lukuvi, alizaliwa Agosti 15, 1955 na amewahi kuwa Mbunge kwa vipindi saba tangu mwaka 1995.

Wakili wa Kituo cha Sheria na Haki za Binadamu (LHRC), William Maduhu ameeleza licha ya Rais Samia kutoa agizo kwa DPP kufuta kesi za uhaini zinazowakabili vijana kufuatia matukio ya Oktoba 29, 2025, bado kuna mashauri Mahakamani ya waliokamatwa kwa tuhuma za uhaini. Amesema hayo Machi 19, 2026 katika mahojiano na Jambo TV, akidai Dar es Salaam mpaka sasa wamebaki watu 8 katika Mahakama ya Kisutu, Arusha watuhumiwa 9, Mwanza na Dodoma wamebaki watuhumiwa 4.

Kenya ipo hatarini kupoteza haki ya kuwa mwenyeji wa Michuano ya AFCON 2027 kutokana na kuchelewa kulipa ada ya uenyeji ya Dola Milioni 30 (takribani Tsh. Bilioni 77) kwa Shirikisho la Soka la Afrika (CAF). Katibu Mkuu wa Wizara ya Michezo, Elijah Mwangi, ametahadharisha kuwa nchi hiyo inatakiwa kukamilisha malipo hayo ifikapo Machi 30, 2026. Hali hii inatia wasiwasi kwani washirika wenza katika zabuni ya "East Africa Pamoja," yaani Uganda na Tanzania, tayari wameshalipa fedha.

Morocco imetawazwa kuwa mabingwa wa Kombe la Mataifa ya Afrika la 2025 baada ya uamuzi wa CAF siku ya Jumanne kueleza kuwa ushindi wa bao 1-0 wa Senegal kwenye fainali umebatilishwa. Senegal ilishinda mechi hiyo kwa bao la Pape Gueye katika muda wa nyongeza, ushindi ulipatikana katika mazingira yenye utata baada ya wachezaji wa Senegal kutoka nje ya uwanja wakigoma wakati wa dakika 90 za kawaida za mchezo.

Mkuu wa Upelelezi wa Makosa ya Jinai Kanda Maalumu ya Dar es Salaam, Kamishna Msaidizi Mwandamizi wa Polisi (SACP), Faustine Mafwele ni miongoni mwa Mashahidi 43 wanaotarajiwa kutoa ushahidi katika kesi ya askari wanaotuhumiwa kughushi vibali vya kumiliki silaha. Kesi hiyo inawakabili Watu tisa, wakiwemo maofisa sita wa Jeshi la Polisi, inasikilizwa na Hakimu Mwandamizi, Geofrey Mhini, na inatarajia kuanza kusikilizwa Aprili 2026.

Wadau mbalimbali wametaka kujua uhalisia wa picha zinazosambaa mitandaoni zikionyesha hali ya viwanja vya michezo vilivyotumika katika mashindano ya AFCON nchini Gabon mwaka 2017 vikiwa katika hali mbaya ya uharibifu na kutelekezwa. Stade Omar Bongo ni moja kati ya viwanja vilivyopangwa kutumika katika AFCON 2017 lakini haukuweza kutumika kwa sababu hadi kufikia mashindano kuanza haukuwa umekamilika, hivyo haukukidhi vigezo.

Mkurugenzi wa Mamlaka ya Maji Safi na Usafi wa Mazingira Dodoma, Mhandisi Aron Joseph, amesema Watu wanaochimba visima vya maji wanapaswa kuvitumia na familia zao pekee na wasitoe huduma kwa Wananchi wengine. Kauli hiyo ameitoa Machi 16, 2026, kupitia Clouds TV kwenye kipindi cha Clouds 360 akidai sababu ya hatua hiyo ni maji ya chini ya ardhi kubadilika sifa zake kila siku, na wengi kutopima ubora wake kabla ya kuyatoa kwa wengine ambapo yanaweza kuathiri mtaa mzima.

Mahakama Kuu, Masjala Ndogo ya Dar, imetupilia mbali shauri la kikatiba lililofunguliwa na Chama cha Wanasheria Tanganyika (TLS) dhidi ya Inspekta Jenerali wa Polisi kupinga amri ya kutotoka nje iliyotolewa Oktoba 29, 2025. Mahakama imebaini dosari za kisheria katika hati ya kiapo ya Rais wa TLS, Boniface Mwabukusi. TLS ilidai amri hiyo ilikiuka Katiba ya mwaka 1977 na haki za wananchi, na kuomba kuundwa kwa tume huru ya kuchunguza vurugu zilizosababisha vifo, majeruhi na uharibifu wa mali

Mahakama Kuu, Divisheni ya Biashara, imeamuru kufilisiwa na kufungwa rasmi kwa Sahara Media Group Limited baada ya kubainika kuwa kampuni hiyo imepata ukata wa fedha, kushindwa kujiendesha pamoja na kulipa madeni. Uamuzi huo umetolewa na Jaji Dkt. Mwajuma Kadilu kufuatia ombi la kampuni kutaka kufilisiwa baada ya ripoti ya Afisa Mkuu Steven Diallo kuonesha kampuni imepata hasara ya zaidi ya Tsh. Bilioni 3.9 mwaka 2023 na kuwa na deni la kodi la takribani Tsh. Milioni 97.7 kwa TRA.

Mamlaka ya Usimamizi wa Bandari Tanzania (TPA) imetoa wito kwa Wadau wa bandari kukamilisha masharti na marekebisho ya mikataba waliyonayo na Wateja wao wa ndani na nje ya nchi ndani ya muda uliobaki kabla ya kuanza kutumika kwa Ada ya Uendelezaji wa Miundombinu ya Bandari (PID), Julai 1, 2026 Nyongeza hiyo inalenga kuwapa nafasi wateja na Wadau ikiwemo kampuni za usafirishaji wa meli, mawakala wa forodha na usafirishaji, wasafirishaji wa mizigo, waagizaji, wauzaji nje na ndani ya nchi.

Mdau amehoji kuhusu utekelezaji wa mabadiliko ya Sheria ya Mfumo wa Hifadhi ya Jamii upande wa Fao la Kukosa Ajira baada ya kurejeshwa kwa Fao la Kujitoa Desemba 2025. Anasema NSSF haijaeleza taarifa ya mabadiliko hayo kwa umma, badala yake wanaendelea kupewa mafao yao kwa mfumo wa asilimia 33, jambo linaloathiri uchumi wao na kuzua maswali kuhusu uwazi wa utekelezaji wake.

Waziri Mkuu, Mwigulu Nchemba ameagiza mamlaka husika kumfukuza kazi Muuguzi wa Mkoa wa Tabora aliyedaiwa kumfanyia mgonjwa upasuaji wa Tumbo nyumbani, kwenye Kochi kwake badala ya hospitalini. Akizungumza Machi 4, 2026, amesema mbali na kufukuzwa kazi, muuguzi huyo pia afikishwe kwenye vyombo vya sheria kwa hatua zaidi za kisheria, pamoja na kufutiwa leseni yake ya uuguzi.