Uko sawa. Hii ni mizigo mizito. Ndiyo maana sasa tumemwachia mwenyewe mnyamwezi aibebe. Na ameanza kuselema nayo. Kuhamia dodoma inaselema. Stieglers gauge inaselema. Reli ya SGR inaselema. Suala la viwanda linaselema. ATCL inaselema. Na hili la IPTL limeshaanza kuselema. Ndiyo maana waswahili waliwahi kusema "Mzigo mzito mpe Mnyamwezi". Punde mambo yote yatanyooka tu. Tuvute subira.
Kumbuka yote haya ni madeni tu(mikopo ya kibiashara yenye riba) na usidhani waliomtangulia walishindwa kukopa kwa kiwango hiki bali walizingatia ushauri.
Ni kweli hii miradi na hii mipango yote inaweza kukamilika ili tupate sifa za kisiasa ila mwisho wa siku tutaishia kuwa kama Waethiopia wanaokimbia nchi yao.
Hii miradi imetekelezwa kisiasa zaidi na inagharimu nchi matrilioni ambayo yalipaswa pia kuelekezwa katika sekta nyine muhimu kama kilimo,afya,kulipa madeni ya ndani, ajira, kupunguza mzigo wa madeni ya nje, mikopo kwa wanafunzi, kulipa mafao ya wastaafu,n.k.
Kinachokwenda kutokea huko mbeleni ni serikali kulazimika kutenga matrilioni kila mwaka wa fedha ili kulipa madeni haya huku ATCL ikiendelea kuwa mzigo kwa kukomba pesa za walipa kodi kama ruzuku mbali na hela tulizokopa kununua hizi ndege.
Kufufua ATCL na kuhamia Dodoma ni mifano miwili ya mipango iliyofaa kutekelezwa kwa awamu na si yote kwa wakati mmoja maana hii mipango ni mizigo tu kwa serikali na wala hizo fedha hazitarudi zaidi ya kuwa zimetukima tu kama gharama kwa serikali(ATCL haiwezi kuleta faida leo wala kesho).
Ndio maana wapinzani walishauri serikali ihusishe sekta binafsi katika kutekeleza hii miradi ya matrilioni ili kuipunguzia serikali gharama.
Nyie siku zote huwa ni wabishi alafu mkishaharibu mnaleta propaganda kama sasa kwenye hii issue ya kushitakiwa na Acacia.
Mtakamilisha hii miradi lakini sehemu kuvwa ya mapato ya nchi hii na kwa miaka mingi ijayo itaishia kulipa madeni haya yanayotokana na mikopo hii yenye riba kubwa na hapo ndipo mtakuja kuona hasara ya kutekeleza miradi hii ya matrilioni ndani ya muda mfupi tu ili kupata sifa za kisiasa na msisahau tunakwenda kudaiwa matrilioni mengine kutokana na kesi za kibiashara katika mahakama za kimatifa.
Mnakwenda kupunguza uwezo wa serikali kugharamia wananchi wake katika sekta za kijamii kama afya,elimu,n.k kutokana na madeni haya kwani makusanya ya TRA yatalazimika kutumika kulipa mikopo hii ya matrilioni na mnaweza kuja kujikuta mnalazimika hata kukopa ili mlipe baadhi ya madeni.
Hamuwazi kuzalisha na kubuni vyanzo vipya ya mapato bali mnawaza zaidi kukopa ili mtekeleze miradi ya kuwapatia sifa za kisiasa pasipo hata kuangali mbele.
Endeleeni na mipango yenu ya bila tahadhari mtakuja kuona matokeo yake.