Wanabodi,
Hatimaye ile Simtofahamu juu ya hatima ya Mahakama ya Kadhi kwenye Katiba mpya, imemalizika leo, baada ya M/Kiti wa BMK, Mhe. Samuel Sitta, kupokea mchango wa maandishi wa Mjumbe wa Bunge hilo, Mhe. Harold Jaffu, na alipouna umekaa vizuri, akaupeleke mchango huo moja kwa moja kwenye kamati ya uandishi, kuiingiza mahakama ya Kadhi moja kwa moja ndani ya katiba mpya bila kuupitishia kwenye kamati ya Uongozi, kama kanuni zinavyoeleza.
Hivyo sasa Mahakama ya Kadhi, iko rasmi ndani ya Katiba Mpya!.
Akifafanua, Mhe. Sitta amesema kumbe mzizi wa fitna kuhusu Mahakama ya Kadhi ni kitendo cha Mahakama hiyo kutotambuliwa rasmi na katiba ya nchi, na maamuzi ya mahakama ya kadhi, kutotambuliwa na mahakama za kawaida, sasa mahakama ya kadhi, itatambuliwa rasmi kuwa ni moja ya mahakama halali nchini Tanzania, na uamuzi wake sasa utatambuliwa na mahakama za juu, ili waathirika wa maamuzi ya mahakama ya kadhi, waweze kukata rufaa kwenye mahakama za juu.
Hata hivyo, bado mahakama hiyo ya kadhi, itaendeshwa na Waislamu wenyewe, itagharimiwa na Waislamu wenyewe na sio kodi za Watanzania!.
Hivyo kinachofanyika sasa kwa mahakama ya kadhi kuingizwa kwenye katiba, ni kwa ajili ya kutambuliwa tuu, na sii zaidi ya hapo, na maamuzi yake kutambuliwa ni maamuzi halali ndani ya JMT.
My Take.
Kwa vile Mahakama ya Kadhi ilikuwepo tangu enzi ya mkoloni, na tulipopata uhuru, mahakama hizi zilikuwepo, baadae zikafutwa, kiukweli hakuna tatizo lolote kwa Waislamu kupewa haki hii katika katiba mpya!.
Source: Sitta akizungumza live BMK-Dodoma.
Thanks.
Pasco
