Msamiati
R I P
- Mar 6, 2011
- 1,063
- 697
[video=youtube_share;hHhPmRHvMRI]http://youtu.be/hHhPmRHvMRI[/video]
Unit- 3- Web Adress
Hongera! kama umefanya assignment niliyotoa hapo juu, utakuwa umefanikiwa kutengeneza website yako ya kwanza na punde tu utakuwa Proffessional web Developer. Ili kujiridhisha kama umefanya assignment kwa usahihi tafadhari tizama Video hii Majibu ya assignment.
Uwasilishaji wa taarifa za kwenye website kwa mtumiaji
Bila shaka hivi sasa wote tunafahamu kuwa website ni mahali maalum palipoandaliwa kwaajili ya kuhifadhia mafaili ya taarifa, Ngoja tutanue uelewa kwa kufananisha website na jumba la habari.
Ramani ya majumba ya habari 28.1
Kwenye kielelezo hapo juu, ni mfano wa ramani ya majumba ukionesha mfano wa majumba ya habari yakiwa yametapakaa sehemu mbali mbali duniani. Mfano huu una randana kabisa na jinsi website zilivyo tapakaa katika kila kona duniani.
Kwenye mfano wangu wa majumba ya habari, sote tunajua kuwa nyumba zinakuwa na adress ambazo hurahisisha mawasiliano na usafirishaji.
Mpaka hivi sasa kuna zaidi ya website Bilion 1.1 duniani na zaidi ya watumiaji Billion 2.7 hivyo basi ili kumrahisishia mtumiaji kuzifikia taarifa za website tarajiwa lazima kila website iwe na Anuani (Adress). Adress za website huitwa web Adress.
Kuhusu web Adress pia ni mada pana ambayo tutaijadili kwa undani Siku zijazo. Lakini kwa sasa hebu tutizame jinsi tunavyoweza kupata adress ya website uliyoitengeneza kwenye kompyuta yako kupitia assigment iliyopita.
Kabla ya kuanza kwa kozi hii niligundua kuwa kinachofanya watu wengi washindwe kupata taaluma hii ni kutokana na kubeba mkusanyiko mkubwa wa misamiati ya kigeni inayopelekea elimu hii kutoeleweka na kuonekana kuwa ni ngumu.
Hivyo watu wengi wamekuwa wakifikiria kuwa pengine inahitaji elimu kubwa ili uweze kujifuza maswala haya, lakini ukweli ni kwamba kama unajua kusoma na kuandika na unafahamu matumizi ya kawaida kabisa ya kompyuta inatosha kabisa kukufanya uwe mtaalamu wa maswala ya website.
WebAdress ni maandiko yanayofafanua mahali ilipo website. Mfano mzuri ni Adress ya nyumba. Unapotaka kumuelekeza mtu nyumba ya Bwana Lenard Membe ilipo, utaanza kwa kumuelekeza //Nchi ilipo kisha //utamuelekeza mkoa//Utamuelekeza wilaya// utamuelekeza kata//utamuelekeza mtaa// mwisho utamtajia namba ya nyumba.
Tizama vizuri nilivyo ainisha adress ya nyumba namba kgg358, mfumo huu umetumika mara zote kwenye kuainisha adress za Website japokuwa upande huu zimetumika namba badala ya maneno kama nilivyo ainisha hapo juu. Sasa basi, nitamalizia somo hili kwa kuonesha ni jinsi gani utaweza kupata Adress ya Website yako uliyotengeneza kwenye assignment.
1. Awali nilisema kuwa website huweza kutembelewa kwa kutumia web browser, ili web Browser iweze kuifikia website yako na kukuonesha mafile yaliyomo ndani yake unalazimika kufahamu adress ya website yako ndani ya komputer, adress yako italazimika kuanza na neno file likifatiwa na alama tatu za slash (/). Kama hivi file:///
2. Angalia phisical adress ya website yako (Location ya Website yako). ili kupata maelekezo rahisi ya kifahamu adress ya website yako tizama video hii. Web Adress .
- ili uweze kuipata location hii utabonyeza left click kwenye folder ambalo ndio website yako, kisha utabonyeza propertise, itatokea widow ambayo itakuwa na sehemu imeandikwa location, hiyo ndiyo itakuwa Phisical Adress ya website yako
Mimi kwangu imenionesha home/agent/Desktop kama unatumia Operating Systeme yoyote ya Linux jibu lako litakuwa kama langu, lakini kama ni OS tofauti basi jibu lako litakuwa tofauti.
3. Hatua ya mwisho ni kuunganisha neno file:/// na phisical location yako ambayo itakupa
file:///home/agent/Desktop .
Hapo tayari utakuwa umepata webadress yako ambayo unaweza kuitumia kwa sasa ambayo kwangu imekuwa ni, file:///home/agent/Desktop .
Ukitumia Adress hii unaweza kuaccess taarifa zote zilizopo kwenye website yako.
Hongera kwa mafanikio !
Unit- 4
Habari gani Developers, Alhamdulillah wiki hii tumefikia mahali pazuri na kufanikiwa kupata mwangaza wa kutosha kwenye teknologia hii.
Tayari tulipofikia hivi sasa kila mmoja wetu anatakiwa awe na uwezo wa kutengeneza website ambayo anaweza kuitembele kwenye browser yake. Hakikisha unaweza kufanya hivyo kabla ya kuendelea na sehemu inayofata, na kama unapata ugumu wowote basi usisite kuomba msaada kupitia darasa hili.
Katika hatua tuliyopo hivi sasa tuna website ambayo inamkusanyiko wa taarifa mbalimbali ambazo tunaweza kuzipata kupitia Web Browser. Hivi sasa unaweza kupitia mafile yote yaliyopo kwenye website yako kwa kubadili jina la file unalotaka kulitizama kwenye Web Adress yako.
Mfano mimi kwenye kompyuta ninayotumia hivi sasa Web Adress yangu ni
file:///C:\Users\Msamiati\Desktop\swdc
picha ya website ikionesha mafile manne
Nikifungua Web Adress hii itanifungulia website yangu na kunionesha mafile yote yaliyomo ndani yake. Endapo ninataka kutizama file lolote kutoka ndani ya website yangu, natakiwa kuongeza alama ya slash (/) na jina la file husika, cheza sana na kanuni hii na uifanyie mazoezi ya kutosha kwa madhumuni ya kujifunza. Njia mbadala ya kupitia mafile ni kubofya file husika.
Mpaka hapa tutakuwa tumemaliza kipengele cha kwanza ambacho ni msingi wa awali kabisa na imara wa teknolojia hizi za Website.
Kuelekea katika kipengele kinachofata inabidi tuchambue udhaifu wa website zetu zikiwa kama chanzo cha habari.
Udhibiti wa taarifa (Information management)
Moja kati ya shida kubwa na tatizo la msingi ambalo linaikabili website yako kwa sasa ni udhibiti wa taarifa. Kama unavyoona mtumiaji akipata tu Web Adress yako anaunganishwa na taarifa zote zilizomo ndani yake bila utaratibu wala mpangilio wowote.
Mtumiaji anaweza kujiamulia taarifa ya kwanza kuipitia na ya mwisho, wewe huna uwezo wa kumpangia, lakini shida nyingine inakuja pale unapotaka kumuonesha ujumbe wa muhimu kwani, mtumiaji anaweza kufunga website yako bila kufungua file lenye ujumbe husika.
Ukitizama vizuri matatizo haya mawili utagundua kuwa kimsingi yanasababishwa na tatizo la mafile yote kuwa wazi kwa mtumiaji, hiyo ndio sababu tunashindwa kumpangia mtumiaji mtiririko wa kupata taarifa na wakati mwingine hatutaweza hata kuzuia kabisa baadhi ya taarifa kuonekana kwa mtumiaji.
Tutaondoa tatizo hili kwa kuficha mafile yote nyuma ya file maalum.
Mwanzo Web Adress yetu ilikuwa file:///C:\Users\Msamiati\Desktop\swdc, na kupelekea mafail yote ndani ya website (folder) swdc kuwa wazi kwa mtumiaji, lakini hivi sasa itatulazimu kuandika web address yetu kama ifatavyo file:///C:\Users\Msamiati\Desktop\swdc\filemaalum.
Ukiangalia kwa makini utagundua kuwa Baada ya kuielekeza web address yetu ifungue swdc tumeielekeza moja kwa moja kwenye file maalum ambalo ni filemaalum. Zingatia, mwanzo ilikuwa ikifungua Website (folder) na sasa inafungua file lililopo ndani ya website, Hivyo basi muda wowote mtu akifungua website yako web browser itamfungulia website na itamuonesha moja kwa moja filemaalum.
Kielelezo kuonesha mafile yalivyo fichwa nyuma ya filemaalum
Hiki ambacho tumekiita hapa file maalum ndio kile kinachoitwa index file au default file kwenye ulimwengu wa teknolojia za website. Hatutatumia lugha hii ya kidigitali kwa sasa lakini itatulazimu kuhamia huko siku za mbeleni.
Ninachotaka tu kukusihi kwa sasa ni kukuomba upitie mara mbili mbili maelezo haya na uyaelewe vizuri kabisa. Hizi ni kama stori tu, usipasue kuchwa kukariri, kama unahisi au unaona kunakitu hukielewi na unalazimika kukariri, tafadhari usifanye hivyo, let me know nitakuelekeza katika mtindo wa peke yako mpaka utanielewa.
Mwisho nakuomba tena usisahau lengo na madhumuni ya sisi kuficha mafile yote nyuma ya filemaalum.
Nakutakia jumapili njema, Ahsante !
Unit- 11
Kufikia katika Unity 10 ya kozi hii, tayari utakuwa umepata ujuzi wa msingi na wa muhimu kabisa unaohitajika katika utengenezaji wa website yoyote ile ya kisasa.
Katika hatua inayofata ya kozi hii, tutaenda kujifunza matumizi ya tags mbali mbali katika kuongeza taarifa kwenye file maalum.
Kumbuka kuwa file ambalo tunalionesha kwa mtumiaji wetu ndio hili linaloitwa file maalum ambalo ni file aina ya HTML. Katika teknolojia za website, sura ya file hili ndio hujulikana kama Web Page.
TAGS ZA MSINGI
Ndani ya kipengele hiki nitafundisha tags za msingi, tags ambazo mara nyingi hutumika zaidi na madeveloper katika matengenezo ya websites.
Ukiwa kama Developer huna haja hata kidogo ya kukariri tag hizi, bali utahitaji kuzifanyia mazoezi ya kutosha na ndani ya kipindi kifupi tu utakuwa umezielewa tag zote kiasi cha kuziandika kama unavyoweza kuandika maneno ya lugha ya Kiswahili.
Hatua hii itakugharimu muda wako tu wa kufanya mazoezi ya kutosha.
Tag za Kichwa cha Habari (Heading)
Tag za kichwa cha habari, ni tag ambazo hutumika katika kutengeneza maandishi yanayotumika kama kichwa cha habari katika website.
Kielelezo kuonesha vichwa vya habari kwenye website ya mwananchi
Kwenye Teknolojia ya website tuna aina kuu 3 za vichwa vya habari, ambazo ni kichwa kikuu, kichwa cha wastan na kichwa kidogo.
Tag ambayo hutumika kutengenezea kichwa cha habari ni <h>. Ili kutengeneza kichwa kikuu utatumia namba moja kwenye tag na kufanya tag yako iandikwe kama hivi, <h1>.
Ili kutengeneza kichwa cha wastan tag yako itakuwa na namba mbili kama hivi, <h2> . Na ukitaka kutengeneza kichwa kidogo utatumia namba tatu kwenye tag <h3>.
Mfano ufatao unaongeza vichwa vyote ndani ya website yetu:
Kama kawaida element zote zinazobeba taarifa tunazotaka kuzionesha kwa mtumiaji wetu tunaziweka kwenye Body <body>.
Code:[SIZE=4]<!DOCTYPE html> <html> <head> [B]<title> [/B]SWDC Website – Home[B] </title> [/B] </head> <body> <h1> Mafunzo ya Kiswahili ya utengenezaji website</h1> <h2> Taaluma ya bure imetolewa kwa kila mtu </h2> <h3> Jipatie ujuzi huu kupitia mtandao wa JamiiForums</h3> </body> </html>[/SIZE]
Ukiandika kwa makini code hizi zitakuonesha tofauti ya kimuonekano baina ya vichwa vya habari kwenye website yako.
Note: Unaweza kupata size ndogo zaidi za Vichwa vya habari kwa kutumia namba 4, 5 na 6. Namba 7 na kuendelea zitakupa maandishi ya kawaida.
UNITS OVERVIEW
.
New Updates: Tar 01/03/2015
***
Units Auto Review Element ndani element, Viwango vya mpangilio na Indentation
*********
New Updates: Tar 15/03/2015
