Waziri Lukuvi asitisha zoezi la bomoa bomoa

[matumbo]

Kuna watu mpaka Magu aruhusu ndoa za mashoga ndio watakubali mziki so sijui kwa nini mnaangaika nao.

 

[Nyani Ngabu]

Ukuliza hivyo na mimi nukuulize ulikuwa wapi siku zote kwa kukwepa sheria. Kulingana na Sheria ya Ardhi kuna sehemu ili uweze kutumia ardhi lazima umilikishwe kisheria-"any urban land must be granted"

Hahahaaa wewe unachekesha kweli.

Siyo kabisa wajibu wa mvunja sheria kuitii na kuitekeleza sheria.

Ingekuwa hivyo ndivyo basi wala kusingekuwa na vyombo vya utekelezaji wa sheria.

Jipange upya uje na swali lenye mantiki.

 

[MsemajiUkweli]

Huna umakini kabisa.

Hebu rudi ukurasa wa kwanza bandiko namba 4 usome nilichoandika.

Kama huwezi kurudi hilo hapo nimekuwekea.

Hivyo futa kauli yako. Nimeuliza hilo swali tokea mwanzo kabisa.

Nadhani ingekuwa vizuri kama ungenieleza upumbavu wa serikali ya awamu ya nne unatoka wapi wakati inafanya kazi zake kisheria.

Kwa hiyo ulitaka waachwe tu waendelee kuvunja sheria?

Sielewi mantiki ya hoja yako hasa ikichukuliwa huu ni utawala wa awamu nyingine ambao moja ya Ilani yake ilikuwa ni kuhakikisha inasimamia kikamilifu sheria za nchi.

 

[Nyani Ngabu]

Nadhani ingekuwa vizuri kama ungenieleza upumbavu wa serikali ya awamu ya nne unatoka wapi wakati inafanya kazi zake kisheria.

Kwa hiyo ulitaka waachwe tu waendelee kuvunja sheria?

Sielewi mantiki ya hoja yako hasa ikichukuliwa huu ni utawala wa awamu nyingine ambao moja ya Ilani yake ilikuwa ni kuhakikisha inasimamia kikamilifu sheria za nchi.

Nimesema wewe huna umakini na unaendelea kudhihirisha nilichokisema.

Hii ni serikali ya awamu ya nne au tano?

 

[Jay One]

Je nikiwa Jangwani nikajenga juu ya mti, kuna kosa kisheria...?

Bomoa tu, ila wajue maafisa ardhi ndio wanaongoza kwa rushwa...!!

 

[mlimilwa]

Ila utu na busara inahitajika. Asilimia 80 bongo wamejenga kiholela name miaka yote hiyo serekali

like.

 

[mlimilwa]

Mngeichagua chadema msingekumbwa na hayo mambo

kwani magu si anatekeleza ilani ya chadema,au ndio unaanza kumkana?

 

[mlimilwa]

Mkuu pamoja na kwamba uko upande huo wa hovyo hovyo wa" kuzungusha mikono" lakini huu mfano wako ni kiboko-ulitulia sana acha nikupe tano.

hahahahahaha.....

 

[MsemajiUkweli]

Nimesema wewe huna umakini na unaendelea kudhihirisha nilichokisema.

Hii ni serikali ya awamu ya nne au tano?

Usikimbie hoja ya msingi kwa kutafuta sehemu ya kujisetiri ili ujenge hoja ya nguvu.

Hoja yako ya msingi umedai Serikali ya Rais Magufuli ni wapumbavu kwa sababu wanabomoa nyumba ambazo hazikubomolewa mapema au haikuwazuia kujenga mapema. Kwa maana nyingine, serikali iwaache tu waendelee kuvunja sheria.

Hoja yako ya msingi ni sawa na kusema, kwa nini serikali inawafungulia mashitaka wale waliopitisha makontena zaidi ya 2000 bandarini kwa sababu wamefanya hivyo kwa muda mrefu wakati serikali haikuweza kuwachukulia hatua mapema au kuzuia makontena kupita bila kulipa ushuru.

 

[Kimbunga]

Wananishangaza sana wanaoilaumu serikali ya Rais Magufuli kwa kutenda kazi yake ambayo ni pamoja na kusimamia sheria za nchi.

Kwa hiyo wanataka kutuambia kama kuna watu walitenda makosa na hawakushughurikiwa, wasishughurikiwe. Kwa maana nyingine, wanatuambia wale jamaa wa TPA & TRA na pia wale ambao walikwepa ushuru wa makontena inafaa waachwe kwa kigezo kuwa, serikali ilikuwa wapi wakati wanatenda hayo makosa mpaka makontena zaidi ya 2000 yakapita bila kulipiwa ushuru. Ni upumbavu kuanza kuwashughurikia sasa!

Kuna fikra zingine za ajabu kweli.

Wamesahau kwamba sheria inakata kote kote kwa makontena na kwa wavamizi wa ardhi. Nchi haina mae eo ya wazi utadhani hatuna maafisa mipango miji. Wanapima maeneo na kuacha ya wazi lakini waroho wanayavamia na kuwanyima watoto wetu sehemu za kucheza.

Sheria ichukue sehemu yake

 

[reandle]

Kwanza, mimi sitetei kabisa watu wa aina hiyo.

Pili, nalia na serikali kwa kushindwa kutimiza wajibu wake.

Serikali ingekuwa makini huyu mtu asingenyanyua hata huo msingi wa huo mjengo wake.

Kwa hiyo, hapo utaona kabisa kuwa serikali nayo ni chanzo cha baadhi ya haya matatizo.

I know si kwamba unatetea hao jamaa coz' ulichosema wote sisi huwa tunasema ila tu nilitaka kukumbushia upande wa pili wa wananchi tulivyo. Yaani sisi si watu wa kutii sheria za makaratasi na maagizo... ni hadi tushurutishwe!

 

[mdeki]

Maafisa mipango miji waliojiriwa miaka hiyo kama wapo watumbuliwe majipu haraka sana

 

[gogo la shamba]

Ujue Unaposema Serikali Inakurupuka Nashindwa Kukuelewa,kwa Sababu Hili Jambo La Kuhama Watu Wa Mabondeni Halikuanza Leo Wala Jana..

Jamani Hii Si Serikali Ya Kikwete Ya Kubebembelezana Na Kuchekeana,tulihitaji Mtu Wa Kutenda Sio Wa Kutoa Maagizo Yanayoishia Palepale.

kama maneno yako ni kweli, kwa nini wamesitisha?kama sio walikurupuka kwanza sasa ndio wanatumia busara,palipo na ukweli lazima pasemwe ndio unaweza kuirekebisha, mbona nyinyi magamba kila kitu ni ndioooo tu,mnashindwaje kutumia Akili?

 

[Nguto]

Hii kidogo itawapa muda wa kutoa mizigo yao na kubomoa wenyewe ili wasipate hasara ya bati na tofali. Pole zao.

Waziri wa Ardhi, Nyumba na Maendeleo ya Makazi nchini, Mhe. William Lukuvi amesitisha zoezi la bomoabomoa kwa muda wa siku14 katika maeneo ya mabondeni na yaliyovamiwa na kujengwa kinyume cha sheria ili kutoa nafasi kwa watu waliojenga katika maeneo hayo kuondoa wenyewe mali zao.

Kwa mujibu wa taarifa iliyotolewa leo na Waziri wa Ardhi Nyumba na Maendeleo ya Makazi, William Lukuvi imebainisha kuwa zoezi la bomoa bomoa limesimamishwa kwa muda kuanzia tarehe 22/12/2015 hadi 05/01/2016.

Taarifa hiyo imeongeza kuwa eneo la mto msimbazi ni eneo hatarishi na ujenzi katika eneo hilo ni kinyume na sheria ya mipango miji na 8 ya mwaka 2007 na sheria ya mazingita na.4 ya mwaka 2004.

Maeneo mengine ambayo serikali imepiga marufuku ni maeneo ya wazi, kingo za mito, fukwe za bahari, maeneo ya hifadhi za barabara na maeneo hatarishi.

Aidha, katika Jiji la Dar es Salaam maeneo ya wazi takribani 180 yamevamiwa ambayo ni kama ifuatavyo; Halmashauri ya wilaya ya Kinondoni maeneo 111, Halmashauri ya Ilala maeneo 50 na Halmashauri ya Temeke maeneo 19.

VIDEO:

 

[Nguto]

Bure kabisa!!! Walikuwa wapi?

Wapumbavu kabisa.

Wakati watu wanajenga kwenye hayo maeneo serikali ilikuwa wapi?

 

[Nguto]

Hili nalo neno!!!!!

Unachomwa kisu unalia,aliyekuchoma anakichomoa halafu unamsifu ana huruma na busara amechomoa,kweli kuiondoa ccm ni kazi

 

[msem]

kwani magu si anatekeleza ilani ya chadema,au ndio unaanza kumkana?

kiongozi embu wakumbushe hao vilaza,manake wanajua kubwata tu,wanapoamka leo hawakumbuki jana waliongea nini-wananikumbusha mgombea wao alipokuwa anawaombea kura wabunge wa ccm huku akiwa kasahau kama alishahama huko.

 

[Egwugu]

hiyo inaonyesha kwamba,serikali ilikurupuka, kwa kifupi serikali hii inaweza kuitwa ya kukurupuka

Nyinyi toeni meno tu, kasitisha ama kawaambia mubomowe wenyewe? na amewaambia mkisubiri January basi mjiandae kulipia ..sasa hapo mnafurahi nini ?

 

[Eric Cartman]

The 'Occupier Liability Act' 1968

2.1 The rules enacted by this Act shall have effects, in place of the rules of common law, to regulate the duty which an occupier of the premises owes to his visitors in respect to dangers due to the state of the premises or to things done or omitted to be done on them

Nijukumu la mmiliki halmashauri/serikari kuakikisha ardhi yake kama mmiliki aitumiki kwa sababu zingine zozote zile ambazo sizo vinginevyo they have the liability

2.2 The rules so enacted shall regulate the nature of the duty imposed by law in consequence of a person's occupational or control of premises and of any invitation or permission he gives (or is to be treated as giving) to another to enter or use the premise, but they shall not alter the rules of common law as to the person whom a duty is imposed or to whom it is owed: and accordingly for the purpose of the rules so enacted to the persons who would at common law be treated as an occupier and has his invitees or licencees.

Mmiliki anatakiwa kukagua na kusimimamia matumizi ya premises zake ukiacha watu kufanya vitu katika ardhi yako ina maana kisheria kama umebariki kinachoendelea chini ya duty ulizonazo mmiliki; sasa wakati watu wanaanza kujenga halmashauri ilikuwa aiwaoni. Sheria inasema kitendo cha mmiliki au msimazi kama atavyotambulika kisheria kitendo cha kuachia watu kufanya vitu tofauti na matumizi ya sehemu yako na kukaa kimya sheria itatambua kama umetoa baraka kinachoendelea.

Kuna kitu hapo wanaita 'limit as to purpose' sawa kuna sheria zingine lakini wewe mwenye dhamana na ardhi unaona kabisa ardhi inatumiwa kwa matumizi mengine ambayo sio sahihi na kuachia ina maana kisheria una kosa la negligence ambalo adhabu yake ni fidia kwa nchi za wenzetu.

Kwa sababu chini ya sheria hii 'repeated visits or action' (wakati wanafanya ujenzi wa holela) ambavyo mmiliki/msimamizi anayevikalia wakati anamajukumu ya kulinda matumizi sahihi ya premises zake sheria inaweza mtambua trespasser as a lawful visitor kwakuwa mmiliki akufanya jitihada zozote ukipitia na 4.4 ya sheria ina maelezo ni majukumu gani landlord anayo ya ardhi yake.

Atuwezi kukopi and paste vitu halafu tuanze kuchanganya madawa wizi wa bandari ni swala tofauti na kwanza theft in sheria yake pia; lakini kunapokua na sheria kama hizi ni lazima watu wawajibike hivi tutaweza kweli changamoto za nchi ambazo raia wanataka msimamizi a reli ashitakiwe kisa ajali zilitokea msituni huko kosa lake hakukuwa na warning signs au kuweka jitihada za kuzuia watu kuvuka kwa usalama zaidi.

Serikari ina makosa ikubali na ifanye vitu kiubinadamu sio kitemi as if they did not contribute to the problem nchi nyingine dhama kama hizi wanasheria ingekuwa sikukuu imeshawakimbilia wananchi kuwa wawakilishi wao kudai fidia toka serikarini sisi bado sana kuweka taratibu sahihi tusione wengine wanaendelea hila wako serious kwakweli.

 

[Nyani Ngabu]

Usikimbie hoja ya msingi kwa kutafuta sehemu ya kujisetiri ili ujenge hoja ya nguvu.

Huna umakini wowote wewe. Na hakuna anayekimbia hoja. Sasa ngoja nikugaragaze.

Hoja yako ya msingi umedai Serikali ya Rais Magufuli ni wapumbavu kwa sababu wanabomoa nyumba ambazo hazikubomolewa mapema au haikuwazuia kujenga mapema. Kwa maana nyingine, serikali iwaache tu waendelee kuvunja sheria.

Kwanza, hiyo unayoiita kuwa ni 'hoja yangu ya msingi' si hoja yangu ya msingi. Hujui hata maana ya hoja ya msingi. Ungekuwa unajua maana ya hoja ya msingi basi hiyo unayoiita kuwa ndo hoja yangu ya msingi usingeiita hivyo.

Hoja yako ya msingi ni sawa na kusema, kwa nini serikali inawafungulia mashitaka wale waliopitisha makontena zaidi ya 2000 bandarini kwa sababu wamefanya hivyo kwa muda mrefu wakati serikali haikuweza kuwachukulia hatua mapema au kuzuia makontena kupita bila kulipa ushuru.

Hapana, umekosea kabisa. Huwezi kulinganisha kupitisha makontena zaidi ya 2000 bandarini bila kuyalipia ushuru na kuwavunjia watu miji yao ambayo wametumia rasilimali zao finyu kuijenga.

Hilo la kwanza [la makontena] halihusishi maisha ya watu moja kwa moja wakati hilo la pili [la bomoa bomoa] linahusisha maisha ya watu moja kwa moja.

Na ndo maana nikasema kwamba hekima na busara ni lazima itumike kwa sababu serikali nayo imechangia kwa kiasi kikubwa kwenye kulitengeneza hilo tatizo.

Watu wana familia zao, mali zao, miaka yote hiyo wamekuwepo hapo huku serikali ikiwaacha tu waendelee kuwepo halafu leo hii inakuja na bomoa bomoa bila hata huruma ya ubinadamu!

Serikali yoyote ile iliyo ya watu, inayoongozwa na watu kwa ajili ya watu lazima ingetumia hekima, busara, na huruma katika kutekeleza wajibu wake.

Walau ingewapa watu hata mwaka mzima kujiandaa kuhama na kuwasaidia watu kutafuta sehemu zingine za kuishi.

Lakini siyo bomoa bomoa kana kwamba wenye makosa ni hao tu wanaobomolewa nyumba zao wakati ukweli ni kwamba hata serikali ina makosa.

Kwa hiyo hoja yangu ya msingi ni serikali kutumia hekima na busara na si kama ulivyodhani wewe.

Hakuna ubaya wowote kabisa kama serikali ingekuja na mipango mbadala ya kuwahamishia hao watu kwenye sehemu zingine halafu ndo ibomoe hizo nyumba zao.

Sasa inapobomoa bomoa hivyo kiholela holea hao watu waende wapi? Inakimbilia kuwawajibisha watu ambao wengine wala hawana makosa huku yenyewe ikikwepa kuwajibika kwa makosa iliyoyafanya.

Ndo maana nasema huna umakini wowote wewe. U mchemkaji. Pole zako.