Wafanyabiashara wagoma kushusha bei ya sukari

[real G]

WAFANYABIASHARA WAGOMA KUSHUSHA BEI YA SUKARI

Licha ya Bodi ya Sukari Tanzania kutangaza bei elekezi ya bidhaa hiyo kuwa ni Sh1,800 kwa Dar es Salaam, maeneo mbalimbali jijini inauzwa kwa Sh2,200.

Juzi, Mkurugenzi Mkuu wa bodi hiyo, Henry Semwanza alisema bei hiyo itatumika kwa maduka yote ya rejareja na wafanyabiashara wanatakiwa kuizingatia pamoja na kuendelea kusambaza sukari kwa wingi.

Waandishi wetu waliotembelea maeneo mbalimbali yakiwamo Manzese, Magomeni, Kariakoo, Kisutu na Gongo la Mboto walibaini kuwa mfuko wa sukari wa kilo 50 ulikuwa unauzwa Sh97,000 hadi Sh100,000 huku wa kilo 25 ukiuzwa kuanzia Sh48,000 hadi Sh50,000.

Mfanyabiashara wa duka la jumla eneo la Manzese, Alex Brayton alisema alikuwa akiuza sukari kwa bei ya rejareja Sh2,200 na kwamba sababu kubwa ni kwamba sukari inayozalishwa viwandani haionekani wala haitoshelezi hivyo wafanyabiashara wakubwa wamekuwa wanawauzia kwa bei ya juu.

Chanzo: Mwananchi

 

[Katavi]

Hii bado ni ngumu sana.

 

[myoyambendi]

naona ugumu ni kwamba walishanunua ya ghali, sasa kushusha ni shida. lakini itashuka tu.

 

[stanylee]

hili ni tatizo bado, serikali inatakiwa itoe msimamo thabiti na tamko halisi kwa atakaebainika anauza sukari tofauti na bei iliyopangwa na bodi hiyo kwa sasa afanywaje!

 

[asmaa80]

Dawa nikuyarudisha yale maduka yetu ya Ushirika, tupate sukari, vyakula na kila kitu huko kwa bei.

 

[Zamaulid]

Hii bado ni ngumu sana.

na hivi inawezekana kweli kuwepo kwa bei moja nchi nzima...

 

[Katavi]

na hivi inawezekana kweli kuwepo kwa bei moja nchi nzima...

Haiwezekani. Nitashangaa sana huku kwetu katavi nikinunua sawa Na kilombero au kagera

 

[KILIVITE]

Ngumu kumeza.Kati ya vipimo muhimu vya hapakazi tu kwenye Serikali ya JPM basi kimoja wapo ni kufanikiwa kwa bei elekezi ya sukari Tanzania nzima.Vipimo vingine ni ,elimu bure mpaka kidato cha nne (Maana halisi ya bure),hali ya kisiasa Zanzibar pamoja na mgawanyo sawia wa keki ya Taifa.

 

[Zamaulid]

Haiwezekani. Nitashangaa sana huku kwetu katavi nikinunua sawa Na kilombero au kagera

umeona ilivyokuwa ngumu eeeh!sasa sijui sirikali imetumia kigezo gani...ila kama inawezekana sawa kila la heri kwa wauzaji!

 

[Kang]

Inabidi watoe muda hadi hiyo bei ishuke kwenye supply chain nzima, hauwezi kumwabia mtua auze kwa 1,800 wakati haujui cost aliyotumia kuipata.

Katika manunuzi yajayo ndo mfanyabiashara ataamua kama kuuza sukari kwa 1,800 inaleta faida kwake au asiuze hiyo bidhaa kabisa.

 

[Borat69]

Haiwezekani. Nitashangaa sana huku kwetu katavi nikinunua sawa Na kilombero au kagera

Kwani wakati wa enzi za maduka ya UGAWAJI iliwezekanaje...mpaka sasa ishindikane!!??? Au ulikuwa hujazaliwa enzi hizo!!?? Acheni Uhujumu Uchumi.

 

[Katavi]

umeona ilivyokuwa ngumu eeeh!sasa sijui sirikali imetumia kigezo gani...ila kama inawezekana sawa kila la heri kwa wauzaji!

Tusubiri tuone Hali itakuwaje??

 

[Katavi]

Kwani wakati wa enzi za maduka ya UGAWAJI iliwezekanaje...mpaka sasa ishindikane!!??? Au ulikuwa hujazaliwa enzi hizo!!?? Acheni Uhujumu Uchumi.

Me sio muhujumu uchumi.

 

[myoyambendi]

Haiwezekani. Nitashangaa sana huku kwetu katavi nikinunua sawa Na kilombero au kagera

inawezekana, kama soda

 

[Borat69]

Me sio muhujumu uchumi.

Tuuungane na serikali kutokomeza UHUJUMU UCHUMI. Haya mambo yanawezekana Ila watu wachache wanataka kuibeep serikali ya awamu ya tano. Wawe tayari kupokea simu na kucheza mziki wakipigiwa.

 

[Katavi]

inawezekana, kama soda

OK kumbe inawezekana!

 

[manuu]

Wacha Magu nadhani anawavutia pumzi soon atatoa tamko ifikapo saa 12 maduka yote sukari iwe 1800 na hakika watashusha tu...Rejea wale Mawaziri waliojifanya wajanja kutoa taarifa zao....Chap walizipeleka kwa kukimbia mbaya kabisa sembuse wauza sukari

 

[mwasu]

na hivi inawezekana kweli kuwepo kwa bei moja nchi nzima...

Kwa hili mkuu mi nadhani wamekurupuka, haiwezekani mtu utoe sukari morogoro uipeleke mtwara ukauze bei sawa na morogoro, hata mafuta yana bei elekezi lakini kila mkoa una bei yake.

 

[Governor of Bettors-GB]

inawezekana, kama soda

Hahahah,aisee JF kuna viumbe mnaona mbali saana,yaani jibu nilikuwa naona gum saana.Ila mzee umepiga maneno matatu yenye jibu Tosha
Ni kweli,Maana soda imewezekanaje ishindikane sukari

 

[Danken Mbombo]

Dawa nikuyarudisha yale maduka yetu ya Ushirika, tupate sukari, vyakula na kila kitu huko kwa bei.

sasa unataka turudie enzi ya utawala wa nyerere... kupata kilo moja ya sukari kwa foleni, tena foleni ya kupanga mawe, halafu unalazimishwa kununua pamoja na bidhaa nyingine usiyohitaji...achana na mawzo hayo..