Wabunge Viti Maalumu ruksa udiwani

[singidadodoma]

MKURUGENZI wa Uchaguzi wa Tume ya Taifa ya Uchaguzi (NEC), Ramadhan Kailima, amesema wabunge wa Viti Maalumu wanaruhusiwa kuwa madiwani katika maeneo wanakotoka.
Alitoa ufafanuzi huo jana, alipozungumza na gazeti hili kuhusu hatua ya vyama vya siasa, ikiwemo CCM kuongeza idadi ya madiwani wake kutoka kundi la wabunge wa viti maalumu, katika chaguzi za mameya hasa jijini Dar es Salaam.
Kwa mujibu wa Kailima, Sheria ya Serikali za Mitaa inatambua kuwa kila mbunge ni diwani katika eneo anakotoka, hivyo wabunge wa viti maalumu, ni madiwani katika maeneo wanakoishi.
Kwa kuzingatia sheria hiyo, wabunge wa viti maalumu wanapoomba nafasi hiyo ndani ya vyama na kuteuliwa, Kailima alisema, wanatakiwa kujaza fomu namba 8D ya NEC inayoelezea maeneo wanayoishi, ambayo ndiyo inayotumika kuwapa uhalali wa kuwa madiwani katika maeneo hayo.
Maombi ya CCM, Chadema Kailima alisema mwishoni mwa wiki, vyama vya CCM na Chadema waliandikia barua kwenda NEC kuomba uthibitisho wa makazi ya wabunge wake wa viti maalumu, ili utumike kuwaidhinisha kuwa madiwani katika halmashauri za Mkoa wa Dar es Salaam.
Alisema CCM walikwenda na barua ikiwa na orodha ya madiwani inaotaka wathibitishwe ukazi wao na nakala ya fomu namba 8D, ambayo mbunge husika wa viti maalumu alijaza kabla ya kuteuliwa, inayoonesha anuani ya eneo analoishi.
Hivyo CCM kwa mujibu wa Kailima, walithibitisha makazi na anuani ya wabunge wanaoishi Kinondoni, wakajiridhisha kisha wakachukua fomu yenye majina ya wabunge wote wa viti maalumu na kuweka alama ya tiki katika majina ya wabunge wanaostahili kuwa madiwani katika Halmashauri ya Kinondoni.
Alisema baadae Chadema walikwenda NEC na barua, lakini bila nakala ya fomu namba 8D, hata hivyo kwa kutumia fomu hizo zilizopo NEC, wakathibitisha wabunge wa viti maalumu wa chama hicho waliokuwa wakazi na wasio wakazi wa Kinondoni, mbele ya Mwenyekiti wao Freeman Mbowe na ofisa wao mmoja.
Kailima alisema kabla ya Mbowe kuondoka, aliomba kuthibitisha pia wabunge wa viti maalumu ambao ni wakazi wa Ilala bila kuwa na barua, ambapo aliruhusiwa kuthibitisha.
Alisisitiza kuwa kazi hiyo ya kuthibitisha ukaazi wa wabunge wa viti maalumu, ili kutambua wanakoweza kuwa madiwani, inafanywa na NEC kwa kuwa Ofisi ya Rais Tawala za Mikoa na Serikali za Mitaa (Tamisemi), hawana uwezo kutoa uthibitisho huo.
Hivi karibuni, wakati wa uchaguzi wa Meya wa Kinondoni, vyama vya upinzani vililalamika kuburuzwa katika uchaguzi huo, kwa madai kuwa CCM ilitaka kuongeza madiwani wa Viti Maalumu tisa, kutoka kundi la wabunge wa viti maalumu.
Vyama hivyo vilidai kuwa, hatua ya wabunge hao wa viti maalumu kuwa madiwani wa viti maalumu Kinondoni, ni uchakachuaji wa wazi wa kura za kumpata Meya wa manispaa hiyo.

 

[Godfrey-K]

Wanataka goli la mkono

 

[kirengased]

Kuna kauli hazijakaa vizuri, alikotoka ama anapoishi? Kuna wabunge viti maalum wanaishi dar lakini amegombea ubunge vitimaalum mkoa wa morogoro.
huyo anakuwa diwani wawapi? Dar ama huko alikogombea inabidi akakuwakilishe kwa kuchagua halmashauri? Na vipi akihama,anabeba udiwani wake na kuutumia halmashauri aliyohamia ambayo wakaazi anaowawakilisha hawamjui wala yeye hajui shidazao?

 

[mndorwe]

Kwahiyo na wale wa zanzibar.....ni wakazi wa dar je sheria za serekali za mitaa inaruhusu ?? je serekali za mitaa ni miongoni mwa mbo ya muungano??

 

[Mshana Jr]

Something fishy

 

[Return2roots]

Kailima kaeleweka, na ufafanuzi wa form 8D, umeeleweka pia......hapa ukweli unaobaki ni labda juu ya sheria isiyofaa, lkn baada ya ufafanuzi, hiyo sheria iko...CCM, tofauti a wengine, waliijua, na walijiandaa kuitumia, na wanaonekana hawatanii ktk hilo...

 

[Consigliere]

Kwa hiyo kwa mujibu wa maelezo ya Kailima majimbo mengi hapa nchini yapo wazi kwa kuwa wabunge wake si wakaazi wa majimbo hayo. Ni kama vile yanabaki wazi mara tu baada ya uchaguzi kuisha.
Na hivyo kuufanya mkoa wa Dar es salaam kuwa wa mkoa unaoongozwa na wabunge wengi zaidi.

 

[Mohamed R]

Ufafanuzi huu ni kama kunjwa vidonge vya chloroquine bila maji.

 

[mukandarasi]

Ifike wakati CCM wawe na soni! Kulazimisha mambo ambayo wao wanaita bao la mkono wananchi tunawaona! Ugumu wa uchaguzi walioupata mwaka 2015 wasizidi kuujenga kwa uchaguzi ujao.Leo wamelazimisha Ilala na Kinondoni imeshindikana! Kama vile haitoshi sasa wamehamia uchaguzi wa Umeya wa Jiji la Dsm.Hilo jiji wamekuwa nalo miaka dahali mpaka wamelifikisha hapo lilipo.Kama Uma unataka wapumzike kwanini kunakuwa na mbinu chafu za waziwazi? Haiingii akilini leo wanakwenda kuchukua wapiga kura Znz ili bao la mkono lipatikane! Tunafahamu wasiwasi wao nipale UKAWA watakapo faulu kuliendesha jiji kwa ufanisi,wananchi watajua udhaifu wa CCM,na huo utakuwa mfano dhahili wa mafanikio ya UKAWA ambayo yatatumika kama mfano kwa majiji mengine.Mimi naomba uchaguzi uwe wa haki,
atakaeshinda apewe haki yake.Ikitokea CCM
WaWameshindwa,utakuwa wasaa mzuri kwao kujifunza walikuwa wanakosea wapi na wapi walikuwa sawa.Huku wakijipanga kwa uchaguzi ujao.Hivi vitendo tunavyo visikia nikama vile waliingia mkataba na Mungu kuwa hakuna watu wengine wanaoweza kuongoza zaidi yao!

 

[TZ kwanza]

Kuna kauli hazijakaa vizuri, alikotoka ama anapoishi? Kuna wabunge viti maalum wanaishi dar lakini amegombea ubunge vitimaalum mkoa wa morogoro.
huyo anakuwa diwani wawapi? Dar ama huko alikogombea inabidi akakuwakilishe kwa kuchagua halmashauri? Na vipi akihama,anabeba udiwani wake na kuutumia halmashauri aliyohamia ambayo wakaazi anaowawakilisha hawamjui wala yeye hajui shidazao?

Swali la msingi sana,Mkurugenzi inabidi afafanue vinginevyo hii sheria haiko sawa inahitaji marekebisho

 

[mndorwe]

Swali la msingi sana,Mkurugenzi inabidi afafanue vinginevyo hii sheria haiko sawa inahitaji marekebisho

Swala liko wazi ,na linaeleweka tatizo huyo mkurugenzi anaendeshwa na ccm...sheria hairuhusu ila kwa ccm inaruhusu

 

[Camp Gilgal]

Upuuzi huu!

 

[Crocodiletooth]

UMEYA NI CHEO NDANI JIJI CHEO HICHI KISIWATOE ROHO CCM MPAKA KUVUNJA SHERIA /
....>>WABUNGE NA MADIWANI WA ENEO HUSIKA WAPO RESPONSIBLE ZAIDI NA ENEO LAO,HAWA WA KUTEULIWA NI BOUNDRY-LESS.

 

[Mbulu]

ccm wa sengerema kweli

 

[Tetty]

Nadhani hayuko tofauti na Waziri wa Tamisemi.Kuna wabunge walionyimwa kupiga kura wa CDM na CCM ambao ni wa viti maalum wa Kutokea Dar.Lakini sina uhakika kama Mbunge wa viti maalum Morogoro na Z'bar wanaweza kuingia kupiga kura.
Inamaana Mbunge wa viti maalum aliyepewa kwa kuhakikisha akina mama Mbeya hataruhusiwa kupiga kura Dar,Bali ni diwani wa Mbeya.Mie naona Kailima yuko sahihi kabisa.Kwa maana hiyo wale wabunge wa CCM viti maalum wa Z'bar hawawezi kupiga kura maana ni wawakilishi wa sehemu watokazo huko Z'bar.

 

[Lab]

MKURUGENZI wa Uchaguzi wa Tume ya Taifa ya Uchaguzi (NEC), Ramadhan Kailima, amesema wabunge wa Viti Maalumu wanaruhusiwa kuwa madiwani katika maeneo wanakotoka.
Alitoa ufafanuzi huo jana, alipozungumza na gazeti hili kuhusu hatua ya vyama vya siasa, ikiwemo CCM kuongeza idadi ya madiwani wake kutoka kundi la wabunge wa viti maalumu, katika chaguzi za mameya hasa jijini Dar es Salaam.
Kwa mujibu wa Kailima, Sheria ya Serikali za Mitaa inatambua kuwa kila mbunge ni diwani katika eneo anakotoka, hivyo wabunge wa viti maalumu, ni madiwani katika maeneo wanakoishi.
Kwa kuzingatia sheria hiyo, wabunge wa viti maalumu wanapoomba nafasi hiyo ndani ya vyama na kuteuliwa, Kailima alisema, wanatakiwa kujaza fomu namba 8D ya NEC inayoelezea maeneo wanayoishi, ambayo ndiyo inayotumika kuwapa uhalali wa kuwa madiwani katika maeneo hayo.
Maombi ya CCM, Chadema Kailima alisema mwishoni mwa wiki, vyama vya CCM na Chadema waliandikia barua kwenda NEC kuomba uthibitisho wa makazi ya wabunge wake wa viti maalumu, ili utumike kuwaidhinisha kuwa madiwani katika halmashauri za Mkoa wa Dar es Salaam.
Alisema CCM walikwenda na barua ikiwa na orodha ya madiwani inaotaka wathibitishwe ukazi wao na nakala ya fomu namba 8D, ambayo mbunge husika wa viti maalumu alijaza kabla ya kuteuliwa, inayoonesha anuani ya eneo analoishi.
Hivyo CCM kwa mujibu wa Kailima, walithibitisha makazi na anuani ya wabunge wanaoishi Kinondoni, wakajiridhisha kisha wakachukua fomu yenye majina ya wabunge wote wa viti maalumu na kuweka alama ya tiki katika majina ya wabunge wanaostahili kuwa madiwani katika Halmashauri ya Kinondoni.
Alisema baadae Chadema walikwenda NEC na barua, lakini bila nakala ya fomu namba 8D, hata hivyo kwa kutumia fomu hizo zilizopo NEC, wakathibitisha wabunge wa viti maalumu wa chama hicho waliokuwa wakazi na wasio wakazi wa Kinondoni, mbele ya Mwenyekiti wao Freeman Mbowe na ofisa wao mmoja.
Kailima alisema kabla ya Mbowe kuondoka, aliomba kuthibitisha pia wabunge wa viti maalumu ambao ni wakazi wa Ilala bila kuwa na barua, ambapo aliruhusiwa kuthibitisha.
Alisisitiza kuwa kazi hiyo ya kuthibitisha ukaazi wa wabunge wa viti maalumu, ili kutambua wanakoweza kuwa madiwani, inafanywa na NEC kwa kuwa Ofisi ya Rais Tawala za Mikoa na Serikali za Mitaa (Tamisemi), hawana uwezo kutoa uthibitisho huo.
Hivi karibuni, wakati wa uchaguzi wa Meya wa Kinondoni, vyama vya upinzani vililalamika kuburuzwa katika uchaguzi huo, kwa madai kuwa CCM ilitaka kuongeza madiwani wa Viti Maalumu tisa, kutoka kundi la wabunge wa viti maalumu.
Vyama hivyo vilidai kuwa, hatua ya wabunge hao wa viti maalumu kuwa madiwani wa viti maalumu Kinondoni, ni uchakachuaji wa wazi wa kura za kumpata Meya wa manispaa hiyo.

Huyu jamaa na usisiemu wake atakua chanzo cha machafuko , "wanapoishi na wanakotoka " hii ni kuwachanganya watu, aseme kule walikombea na kuchaguliwa, kwani akisema wanakoishi wabunge wengi wanaishi dar hata wakuchaguliwa, anaweka mitego ya maneno ili kusaidia chama chake aibu sana,!!!!

 

[Usangu]

Ujanja ujanja tu. Haya magoli ya mkono Mwisho lini

 

[BarakaJr]

Kuna kauli hazijakaa vizuri, alikotoka ama anapoishi? Kuna wabunge viti maalum wanaishi dar lakini amegombea ubunge vitimaalum mkoa wa morogoro.
huyo anakuwa diwani wawapi? Dar ama huko alikogombea inabidi akakuwakilishe kwa kuchagua halmashauri? Na vipi akihama,anabeba udiwani wake na kuutumia halmashauri aliyohamia ambayo wakaazi anaowawakilisha hawamjui wala yeye hajui shidazao?

Watoe majibu haraka,sio kulazimisha kutuhalalishia haramu zao

 

[Borat69]

Kailima kaeleweka, na ufafanuzi wa form 8D, umeeleweka pia......hapa ukweli unaobaki ni labda juu ya sheria isiyofaa, lkn baada ya ufafanuzi, hiyo sheria iko...CCM, tofauti a wengine, waliijua, na walijiandaa kuitumia, na wanaonekana hawatanii ktk hilo...

Mkuu,
Mimi ndio maana huwa napenda kuwashauri Watanzania wenzangu kuwa na tabia ya kupenda kujisomea. Kwa sababu vitu vingi viko kisheria na vinalindwa na Katiba ya nchi. Point uliyoongea ndio ukweli mchungu hapo ulipo.
Wakati wengine wanahangaika na propaganda za kuzungusha mikono, huku wengine wanachimbua fursa kwenye Katiba na kutekeleza wajibu wao. Ila ukiwaeleza hawa ndugu ukweli utaambulia matusi na kejeli. Let's wait and see on this. Kwa sababu sioni CCM kuiachia CHADEMA katika mwamvuli wa UKAWA kutoa Meya wa Jiji la Dar es Salaam. Time Will Tell.

 

[MAHANJU]

Kailima kaeleweka, na ufafanuzi wa form 8D, umeeleweka pia......hapa ukweli unaobaki ni labda juu ya sheria isiyofaa, lkn baada ya ufafanuzi, hiyo sheria iko...CCM, tofauti a wengine, waliijua, na walijiandaa kuitumia, na wanaonekana hawatanii ktk hilo...

we nae ni kama jipu hunielewi! Inawezekanaje Mimi mbunge wa Kisarawe nishiriki kumchagua mwenyekiti wa halmashauri ya Kisarawe ilikotokea nafasi yangu ya ubunge viti maalum, halafu kwakua naishi Ilala tena nimchague Meya wa Manispaa? Mbone haya miaka yote hayakuwepo? Huu ni upumbavu kila mtu anoshindwa anaibua ujinga.