Kuna wakati binaadamu unaweza kujikuta ukitamani kupenda lakini kuna wakati unaweza kujuta kwanini ulipenda.
Hakuna aneichukia furaha pindi inapomuangukia katika himaya yake, lakini je kila aitakaye furaha huipata wakati sahihi?
Wakati mwengine binaadam tunahitaji kupata faraja.
Hakuna kitu kizuri kama unapogundua umpendae, familia marafiki woote wapo nyuma yako kukupongeza ama kukusapoti kwa kile ufanyacho.
Sikatai katika Mapenzi kuna wasaliti, wezi, waongo na wengine woote wenye kusababisha maumivu.
Ila tambua kati ya Makundi mawili kati ya Wanaume na Wanawake amini kuwa wapo wenye Mapenzi ya kweli.
Japo kumpata mwenye Mapenzi ya dhati ni ngumu ila tafuta unachokiamini na Mungu atakupa kwa Imani yako.
Ni vibaya sana kuwahukumu Kundi fulani kwa kosa la Mtu Mmoja, achana na ule Msemo usemao samaki Mmoja akioza na Wengine wameoza.
Kila siku unaanzisha Mahusiano mapya ukiulizwa kwanini Mmeachana lawama zoote kwa waliokuacha kuwa wana tabia mbaya na unakiri ulikosea kuwa nao.
Jitazame kwa jicho la Tatu labda kuna sehemu unakosea na bado ujajua.
Japo alikuacha au ulimuacha kwa makosa yake ila na Wewe jitathimini amini kuwa ujakamilika.
Tumia angalau dakika tano kwa kila siku kujitathimi ni wapi ulipokosea kabla hujanyoosha kidole kwa mwenzako, inawezekana wewe ukawa chanzo cha yeye kubadilika.
Hakuna alieweza kuisimamia vyema misingi imara na kanuni za kimahusiano, kwa hiyo hata wewe unaweza kuwa sababu ya mabadiliko hayo bila kujijua.
Kabla ya kulalamika kwa watu ni afadhali ujitathimi, kisha utafute namna ya kujadiliana na mwenza wako, ili upate taswira ya muelekeo wako.
Alamsiq.
