Sawa. Nifanye kukubaliana nawe. Kwa hiyo Tulia Ackson ndiyo wa kwanza kutunukiwa hizo shahada? Ni kipi cha kipekee katika 'ubobezi' wake kushinda wengine kiasi cha kupelekea awe fast tracked kwa mwendo ule? Kumbuka justification ya fast tracking ni kwamba yeye ni mbobezi, wa kipekee na muhimu sana kuwa naibu spika mwenye ubobezi wa sheria. Kwa maana kama huo uzamaji wa ndani unaousema, si Tulia peke yake alionao hapa Tanzania.
Ebu thibitisha hili. Usiseme mambo nadharia tu. Thibitisha hao mabingwa wa sheria waliomtambua Tulia. Lete profiles zao tuweze kuona huo ubingwa wao katika sheria.
Anyway, pengine kukusaidia tu, kutambuliwa na bingwa wa fani fulani hakukufanyi uwe mbobezi kwenye fani husika. Wanafunzi wa shahada ya uzamivu waliosimamiwa na Einstein, baadhi yao hawakupata kuwa wabobezi kwa kuwa walitambuliwa na Einstein. Issa Shivji, bingwa na nguli wa sheria hapa nchini, kasimamia wanafunzi wengi tu katika shahada ya uzamivu, lakini wengine hawajaweza kuwa wabobezi.
Kwa hili sikubaliani nawe. Labda ni kigezo ambacho umekitunga wewe katika ulimwengu wako wa akademia. Lakini, katika ulimwengu wa akademia ninaoufahamu, kupingana na vigezo vya ubobezi katika fani kama nilivyoelezea, ni sawa na kupigana na ukuta. Kuwa na shahada ya uzamivu pekee hakukufanyi uwe mbobezi kwenye fani yako ndugu. Ushajiuliza kwanini kwenye akademia kuwa na shahada ya uzamivu pekee hakukuhakikishii ajira ya kudumu? Kwanini kuna masharti ya kuandika machapisho kwa viwango ambavyo vimewekwa ili uweze kudumu katika akademia?
Eti "kwa kiswahili uzamivu ndio ubobezi". Mbona uzamivu tayari ni neno la Kiswahili?
