Tiba ya Babu Loliondo: Wanasiasa tuliingizwa mkenge

Raia Fulani said:
Babu aulizwe kwa nini watu hawaponi? Imani hapa si ishu tena
Click to expand...
..Mliwahi kuwauliza madaktari muhimbili na hospitali nyingine kwa nini watu wanaoenda kutibiwa huko kwenye hospitali zao wanakufa?...tulizeni akili zenu.
 
Huyo MUNGU mwenyewe yupo basi? Mambo na vituko vyooote ninavyovishuhudia hapa duniani mnaniambia Mungu yupo kweli? Na watakaokwenda huko mbinguni ni akina nani hasa. Wakristo, Waislamu, Wabudha, Wahindu au wapagani kwa imani zao mbalimbali?
 
Someni maandiko matakatifu ya Mungu jamani ndiyo mtajua ukweli wa jambo hili. Huu haukua mpango wa Mungu kabisa bali ni wa shetani na malaika zake. Biblia inasema mtawawekea mikono nao watapata afya, sasa kikombe na kuwekea mikono wapi na wapi!!!!!!!!!!!! mwenye macho haambiwi tazama
 
Mhabarishaji said:
Tiba ya mchungaji wa Kainsa la Kiinjili la Kilutheri Tanzania (KKKT) Ambikile Mwasapile, imeingia dosari baada ya kuanza kupoteza umaarufu na idadi ya watu wanaokwenda kupata kikombe hicho kuanza kupungua kwa kasi, Sauti Huru limebaini.


Tiba hiyo iliyodaiwa kutibu aina zote za magonjwa yakiwemo magonjwa sugu, ilianza kutolewa kwenye kijiji cha Samunge, miezi mitatu iliyopita na watu mbalimbali kumiminika kupata kikombe hicho kilichopigiwa mbiu na vyombo vya habari, viongozi wa dini na wanasiasa waandamizi.


Uchunguzi uliofanywa na gazeti hili umebaini kuwa, hivi sasa idadi ya watu wanaokwenda kupata tiba hiyo hivi sasa imepungua tofauti na iliyokuwa hapo awali, na inaelezwa hali hiyo imechangiwa na utata uliogubika tiba hiyo.
Imebainika kuwa idadi kubwa ya watu ambao walikuwa wakienda kupata 'Kikombe' hicho hawajapona na wengine wamepoteza maisha muda mfupi tu baada ya kunywa dawa hiyo, na wapo ambao hali yao imezidi kuwa mbaya baada ya kunywa dawa hiyo; tofauti na imani iliyokuwa imejengwa kupitia matangazo ya vyombo vya habari kwamba tiba hiyo imetoka moja kwa moja kwa Mungu na haishindwi kitu.


Mashaka zaidi kwenye dawa hiyo ni ukimya wa mamlaka husika ikiwemo taasisi ya utafiti wa madawa (NIMRI) ambayo zaidi ya kuthibitisha kwamba dawa hiyo haina madhara kwa binadamu anayeitumia imeshindwa kuweka wazi kama ni kwei inatibu magonjwa yanayotangazwa na mchungaji Mwaisapile.


Aidaha imeelezwa kwamba wengi wa waliopata kikombe hicho hawakupona na badala yake magonjwa yao yameendelea kuwatesa na huku wengine wakipoteza maisha.


Mkazi mmoja aishie Tabora Mjini aliyeongea na gazeti hili ambaye alikwenda na familia yake kunywa dawa hiyo amesema hakuona mabadiliko pamoja na kuwa na imani na dawa hiyo.


"Naomba niwahakikishieni kwamba mimi nilienda Loliondo na mke wangu pamoja na wanangu mi nikiwa nasumbuliwa na sukari , mke wangu pumu na wanangu wawili wlikuwa wamepooza lakini hadi sasa niongeapo na wewe hali imerudi pale pale na labda tunaumwa zaidi", alisema Jumanne Mwanasali na Kuongeza; "Yaani tunajuta gharama kubwa tulizotumia kwenda Loliondo kusema kweli Serikali lazima ilaumiwe kwa kutuhamasisha kupitia vyombo vya habari lakini hakuna kilichotokea."


Naye kiongozi mmoja wa siasa ambaye hakutaka jina lake litajwe gazetini amekiri kutopona kutokana na kikombe cha babu wa Loliondo na kudai walidanganyika.
"Yani kama kuna wakati wanasiasa tumeingizwa mkenge basi ni katika tiba ya Loliondo. Nilienda na mke wangu, nimechoma mafuta kwenye gari langu nimekaa kwenye foleni siku tatu kwa maisha ya tabu nikajua nitapona kisukar, leo hali yangu ni mbaya zaidi hata kabla ya kwenda, ama kweli wajinga ndio waliwao", alisema mwanasiasa huyo wa upinzani mwenye ushawishi mkubwa nchini.


Naye kijana mmoja anayeishi Mwananyamala amesema walimpeleka mama yao aliyekuwa anasumbuliwa na tatizo la kupooza upande mmoja kulikotokana na mshtuko wa moyo (stroke) lakini tangu walipotoka Loliondo, hali ya mama huyo imekuwa mbaya sana na hivi sasa wanahangaika sana ili kuokoa maisha yake.


Habari zaidi kutoka maeneo kadhaa ya kuelekea Loliondo ikiwemo Mto wa Mbu zinasema biashara imeshuka sana kwenye maeneo hayo, pamoja na Samunge kwenyewe na kwamba hata nauli ya kuelekea huko nayo imeshuka.


Nauli ya kwenda Loliondo ambayo kuna wakati ilikuwa ni kuanzia shilingi laki moja na hamsini elfu kwa mtu mmoja, hivi sasa imeshuka mpaka thelathini elfu na kuna uwezekano ikarudi kwenye bei yake ya kawaida ya shilingi elfu kumi na tano.


Nayo bei ya chakula huko Samunge ambayo kuna wakati ilifikia shilingi elfu tano kwa sahani moja ya wali, hivi sasa imeshuka mpaka elfu moja na mia tano.


Hata idadi ya wanasiasa waliokuwa wakimiminika kuelekea Samunge kila siku, wakiwemo wale waliokuwa wakitumia tiba hiyo ya babu kama mtaji wao wa kisiasa, hivi sasa hawaonekani tena kwa babu na wengine ambao licha ya kupata kikombe hawakupona wameanza kuhangaika kutafuta tiba nyingine zikiwepo za maombezi na waganga wa kawaida wa kienyeji.


Mkazi mmoja wa Samunge alipoulizwa kama helikopta za mbunge wa Moshi mjini, Philemon Ndesamburo zinaendelea kwenda kijijini humo alisema hakumbuki ni lini aliiona helikopta hizo kwa mara ya mwisho.


Itakumbukwa siku chache baada ya tiba hiyo kutangazwa na baadhi ya wataalamu wa tiba kuitilia shaka, walijitokeza watu maarufu katika jamii waliotumia lugha za kuilazimisha serikali iikubali, ukiwemo uongozi wa kanisa la KKKT jimbo la Arusha uliodai tiba hiyo ni mradi maalum wa kanisa hilo.


SOURCE: Sauti Huru, Juni 22-28, 2011
Click to expand...

Habari hii inanikumbusha maandiko fulani katika biblia ambapo kiongozi mmoja wakati akichangia katika mjadala uliolenga kuzimisha huduma ya Yesu alisema"kama mambo haya yametoka kwa Mungu yatadumu lakini kama yametoka kwa wanadamu yatakwisha na akatoa mifano ya watu maarufu walioibuka siku za nyuma(asomaye na afahamu).Mpaka sasa kuna kila dalili kuwa yawezekana tiba ile si ya Mungu,ni baada ya kuibuka watu wengine wenye stail ya vikombe na bei ile ile.Binafsi nina ushahidi katika familia yetu,mzee wetu alikwenda Loliondo kupata kikombe na kukacha miadi na daktari wake aliyekuwa akimhudia tatizo la stroke,hali yake imerejea kuwa mbaya.
Asante kwa kuleta habari hii itasaidia kuleta kutafakari zaidi juu ya tiba ya Loliondo
 
Huyo MUNGU mwenyewe yupo basi? Mambo na vituko vyooote ninavyovishuhudia hapa duniani mnaniambia Mungu yupo kweli? Na watakaokwenda huko mbinguni ni akina nani hasa. Wakristo, Waislamu, Wabudha, Wahindu au wapagani kwa imani zao mbalimbali?


Mungu yupo ndugu yangu acha kufuru yako hasira ya Mungu isije waka juu yako. Kwani wewe umetoka wapi? jinsi ulivyoumbwa hujishangai wewe? Sikiliza, hakuna mbingu ya wakristo, wala waislam, wala dini yoyote unayoifahamu, ila kuna mbingu moja tu, MBINGU YA WATAKATIFU WANAOMCHA MUNGU
 
aine said:
Mungu yupo ndugu yangu acha kufuru yako hasira ya Mungu isije waka juu yako. Kwani wewe umetoka wapi? jinsi ulivyoumbwa hujishangai wewe? Sikiliza, hakuna mbingu ya wakristo, wala waislam, wala dini yoyote unayoifahamu, ila kuna mbingu moja tu, MBINGU YA WATAKATIFU WANAOMCHA MUNGU
Click to expand...
Mkubwa hatishiwi nyau bwana. Nimeumbwa na baba na mama yangu tu. Hao watakatifu wakoje?
 
Watu wataongea sana, lakini tunaojua tunajua!
Watu wamepona na wataendelea kupona!
Kama watu wamepungua hiyo ni habari njema, maana ni wengi mno waliokwishatibiwa, na kawaida dawa ile haina kurudia.
Kwa mtu kama mimi ambaye nina ushahidi lukuki naona wanaoiponda ni kama wanataka attention tu!
 
  • Thanks
Reactions: LAT
Haya kazi imeanza sasa Judithi kakimbia PJ umeingia..nafuatilia!! Lakini PJ ni ushahidi gani utakauleta ili tuendelee kukuamini(hapa sihitaji porojo sijui nani kapona, sijui muhimbili wameenda...hivi zishaandkwa sana) nataka vivid evidence-ikibidi scanning items za mgonjwa utubandikie!!before and after yaani outcome!!
 
tanzania tunatafuta wawekezaji wa ndani na nje sasa nyie mnawavunja moyo wawekezaji wazalendo?
mimi naona tumtie moyo ili baada ya miaka 10 aanzekulipa kodi
big up babu.umeonyesha mfano.
nchi inaibiwa na wageni sasa watanzania tuamke hili ni shamba la bibi.
na mimi naumiza kichwa nitoke vipi?
 
Sizinga said:
Haya kazi imeanza sasa Judithi kakimbia PJ umeingia..nafuatilia!! Lakini PJ ni ushahidi gani utakauleta ili tuendelee kukuamini(hapa sihitaji porojo sijui nani kapona, sijui muhimbili wameenda...hivi zishaandkwa sana) nataka vivid evidence-ikibidi scanning items za mgonjwa utubandikie!!before and after yaani outcome!!
Click to expand...
Je hudhani kuwa itakuwa ni violation ya right to privacy ya mgonjwa?...unless kama mgonjwa mwenyewe atatoa consent. sUBIRI NIFANYE MAWASILIANO, NAJA!
Ila kwa taarifa ni wengi sana mkuu!
 
Kwa mujibu wa maandiko matakatifu ya Biblia, hata wayahudi, walimpinga YESU na hata kuamua kummua kwa sababu ya kuto amini yale aliyokuwa anayafanya.

Nawaombeni wanajamii, tusithubutu kumkashi mambo ya MUNGU. Ikiwa kama hatuna imani , basi tukae kimya yasijekutukuta ya Wayahudi. Suala la Babu ni la kiimani 100%, tena imani isiyo na mgogolo.
 
You must log in or register to reply here.

Similar Discussions

Back
Top Bottom
Forums
New posts
Post thread
Back