Sayansi ni zaidi ya dini; Corona yathibitisha

[Robert Heriel Mtibeli]

SAYANSI NI ZAIDI YA DINI; CORONA YAZIAIBISHA DINI ZOTE DUNIANI.

Na, Robert Heriel.


Tokea dunia kuumbwa Dini imekuwa msaada mkubwa sana katika kuituliza dunia iwe salama. Dini ni muhimu kama itatumika kulingana na sababu ya uwepo wake. Lengo kuu la dini kuwepo duniani ni Kufunza maadili, hilo tuu. Hakuna ziada katika dini isipokuwa suala la maadili.

Siku hizi watu hutumia dini tofauti na malengo ya uwepo wake. Watu wanadanganywa kuwa kupitia dini watu watajipatia utajiri, magari, fedha, na mambo mengine kama hayo.

Dini siku hizi imejiwekeza zaidi kwenye miujiza bandia, kamwe dini haiwezi kufufua mtu, dini haiwezi kumpa mtu utajiri, dini haiwezi kuponya magonjwa, dini haiwezi kuvumbua na kugundua teknolojia mpya. Dini haiwezi fanya hayo mambo.

Dini ni shule ya kufundishia maadili. Haina la ziada.

Dini inayojiwekeza zaidi kwenye miujiza ni dini za kitapeli, haina tofauti kubwa na watu wa mazingaombwe. Dini ya namna hiyo humnufaisha mmiliki wa dini hiyo yaani mfanyabiashara wa hiyo dini. Usishangae kwa nini kila siku wamiliki wa dini waliojipa jina manabii wakiwa matajiri wa kutupwa. Jibu ni kuwa, ni kwa sababu hiyo ni biashara ambayo msingi wake mkuu ni utapeli na hadithi za kitoto.

Dini hutegemea zaidi hadithi za kizamani, hutegemea zaidi vitu vilivyopita ambavyo kimsingi mtu mwenye akili hawezi kuvipa kipaombele.

Huwezi mwambia mtu mwenye akili kuwa zamani Nabii fulani aliponya mtu kipofu japo inaweza kuwa kweli au sio kweli, hivyo ukimuamini Mungu unaweza kuponya kipofu ilhali zama za leo vipofu wapo na watumishi wanaojiita wa Mungu wapo lakini hakuna uponyaji wa hao vipofu wa zama za leo.

Ni mjinga pekeake anayeweza kukubali kusikiliza hadithi za kitoto akazikubali.

Dini ni nzuri kama itafundisha maadili, lakini dini ni mbaya kama itatapeli watu na hadithi za kizamani zisizo na uhalisia katika zama hizi. Hadithi zinazosimuliwa na watu wasiokuwa mashuhuda wa matukio hayo lakini wanavyosimulia ni kana kwamba walikuwepo. Huo ndio upuuzi wenyewe.

Huwezi danganya watu kuwa UKIMWI ukiombewa unapona, jambo ambalo kamwe haliwezi kuwezekana. Kikawaida maombi hayawezi zuia vitu natural, maombi hayawezi zuia njaa, usingizi, kifo, magonjwa, huzuni, furaha, majanga ya asili miongoni mwa mambo mengine ya asili.

Katika Dini kuna kipengele kinaitwa Imani. Imani ni sehemu ya maadili. Imani huhusu zaidi mambo yasiyobayana, yasiyodhahiri, mambo yanayotarajiwa. Sana zaidi huhusu mambo ya kiroho.

Huwezi tumia imani kwenye ishu za kimwili, imani inahusu mambo ya kiroho. Halikadhalika huwezi tumia mambo ya kimwili kwenye mambo ya imani. Hii ni kusema kila jambo linamipaka yake. Imani haiwezi ingilia mambo ya kimwili(Akili) na Akili haiwezi ingilia mambo ya kiimani.

Maombi huweza kutumika zaidi kwenye ishu zinazohusu madhara ya falme za rohoni, mfano magonjwa ya kimwili yatokanayo na ulozi, ushetani, ujini. Magonjwa haya huweza kuwa na dalili za magonjw ya asili lakini ukienda maabara hayaonekani. Mfano mtu huweza kuumwa UKIMWI wa kichawi lakini akienda hospitalini hataonekana kama anaukimwi lakini kinachofanya watu waseme anaUkimwi ni dalili zote alizonazo mgonjwa ni za Ukimwi wa kawaida.

Magonjwa haya yasiyo ya kimwili ndio yanapaswa kuombewa kanisani, misikitini, na kwenye nyumba za ibada. Na hapo ni baada ya Mgonjwa kwenda hospitalini na kuonekana hana Ukimwi, kisukari, Saratani, n.k lakini mtu huyo anaumwa kikamilifu.

Siyo umeenda maabara kupimwa alafu ukaonekana unaukimwi au ugonjwa wowote ule alafu uende kuombewa kanisani. Utakufa asubuhi kabisa.

Kumbuka Magonjwa na matatizo mengi ya mwanadamu yanatibika kibinadamu ambapo hapo sayansi ndio inahusika.

Watu masikini wengi tunashindwa kwa sababu tunaamini maombi zaidi kuliko nguvu zetu, huo ni upuuzi. Hata mnyama hawezi kufikiri hivyo. Maombi 10% kazi 90%.

Sayansi ni maarifa yanayopatikana kwa kufanya vitendo, kutazama na kujaribu kweli zilizo bainishwa pasi kuthibitishwa. Msingi wa sayansi ni vitendo. Vitendo vya Kisayansi vina njia zake zinazotumikia kusimamisha kweli ya kisayansi.

Mungu hakukupa akili ati umuombe yeye pakeake, hakukupa mdomo na mikono ati akulishe chakula, hakukupa miguu alafu uje umuombe akubebe, hakukupa macho alafu uombe akuangalizie. Mungu amekupa maisha ufanye kwa vitendo.

Ujio wa Corona umefanya dini ziwe duni mbele ya Sayansi. Uduni wake unatokana na ulaghai wa watumishi matapeli wanaodanganya watu sijui Mungu anaweza kuondoa Corona, sijui Corona haitafika nchini, yaani upuuzi upuuzi tuu.

Sasa baada ya Corona kutawala tumeona watumishi wakihaha bila kutafuta suluhu, bila kutafuta chanjo wala dawa. Wao wamekaa tuu wanatunga uongo mwingine wa kudanganya dunia.

Watakuambia dunia imefika mwisho utadhani waliuona mwanzo wa dunia. Wewe hujui mwanzo wa dunia ilikuwa lini iweje ujue mwisho wake. Huo ndio uhuni wa hawa watumishi matapeli.

Badala ya kujikita kwenye fani yao ya kufunza maadili, kwamba watu wawe waadilifu, wasiibe, wasizini, wasiue, wasidhulumu, matokeo yake yao ndio yamekuwa matapeli yanadhulumu akili za waumini wao.

Corona ni sehemu ya mambo yanayowashtua watu kuwa maisha ya mwanadamu yapo chini ya mwanadamu. Matatizo ya mwanadamu atakayeyatatua ni mwanadamu mwenyewe. Hakuna mtu au kiumbe atakayekuja duniani kumuokoa na matatizo yake.

Dini kufundisha kuwa Mungu atakusaidia hivyo umuombe zaidi na zaidi ni fundisho bandia na lakipuuzi. Mungu alishakupa uhai na Afya hiyo ilitosha kabisa, hayo mengine unajiendekeza na kujidekeza.

Sayansi ni zaidi ya dini kutokana na kuwa Sayansi inajikita zaidi kwa mambo ya sasa na baadae, sayansi inajikita kwenye vitendo na mambo yanayoonekana na yanayosaidia watu wote . Lakini dini inajikita katika mambo yaliyopita ambayo yalisaidia watu waliopita bila ushahidi wa kivitendi bali simulizi. Dini haisaidii watu wote zaidi ya hadithi za mtu mmoja mmoja ambao wengi wao tunasimuliwa tuu kwenye majukwaa ya mihadhara. Utasikia Mchungaji au Sheikh anasema; Kule kwetu kijana mmoja, au Mji ambao watu anaowasimulia hawajawahi kufika, utasikia ukifika Marekani mtu fulani aliwahi kutukana akapata madhara, au kufunga akapata hivi. Yaani stori nyingi za kidini ni simulizi za kitapeli tapeli.

Hazina tofauti na stori za Biashara za mtandao za kina Aim Global, unahadithiwa simulizi ya mtu usiyemjua.

Hii ni tofauti na Sayansi. Sayansi haihitaji stori, fanya uone, gusa unate, cheza uchezeshwe, Fanya upate, mfano unaambiwa ukigusa waya wa umeme unapigwa shoti na unaweza kupoteza maisha. Kweli ukijaribu unapigwa shoti na unaweza kufa kabisa.

Lakini watu wa dini wanasema ukiichana sijui QURAN au Biblia unaweza kuchanganyikiwa. Lakini wapo wanaochana, wanaokojolea, wanaoifanyia vyovyote watakavyo na hawapati madhara zaidi ya kuambiwa sijui mji fulani mtu mmoja alichana quran sijui biblia akachanganyikiwa lakini mtu huyo hatumjui mpaka hivi leo.

Hata yule aliyechana Quran hivi majuzi akiwa kalewa hakuna alichotokewa nacho zaidi ya serikali kumchukulia hatua za kinidhamu.

Dini watu wake wamejaa uongo uongo mwingi na propaganda nyingi za kitoto ambazo hazina msingi wowote. Hii yote ni kutaka kuwapa watu hofu na viongozi kutaka heshima kubwa isiyowastahili.

Hii ni tofuati na wanasayansi, wao hawanaga Blah blah! Wanakuambia kabisa, ukigusa kemikali hii ndani ya dakika tano utadhurika, na kweli utadhurika.

Watu wote duniani wanawaheshimu wanasayansi bila ya kulazimishwa, lakini viongozi wa dini huheshimiwa kwa kutunga simulizi za kubuni na kutishia watu. Sijui usimseme mchungaji hata kama kakosea, usichane Quran, au Biblia utachanganyikiwa, wakati yote yanafanyika na hakuna linalotokea.

Kwa nini nimeandika haya?

Nimeandika haya ili kuwashtua watu wanaotumikishwa kwenye dini. Wakiacha kujihangaisha na kujilinda ati wakitegemea maombi na kukesha makanisani.

Nakuhakikishia, Dini haikuondolei umasikini, magonjwa asilia, njaa nyumbani kwako, na matatizo mengine. Dini itakufanya uwe mtu mwema, mwenye maadili, basi. Lakini mtu mwema sio kigezo cha kuwa tajiri, kutokuwa na njaa, magonjwa n.k

Mwisho: Dini tuendelee kuziheshimu ikiwa zinamchango kwenye maisha yetu. Tuheshimu watu wote lakini sio wanaolazimisha kuheshimiwa. Mtu yeyote anayelazimisha heshima hastahili heshima.

 

[mzalendo iq1]

Kama kwel Basi watoke njee waanze kutembea kama zamani ukitaka ujue kua hakuna mlipuko wowote ulio wahi kutokea ukapata dawa Ila unapita tu hata Corona itaisha yenyewe hamna mwenye atakua na uwezo wa kutibu ndio utajua mungu anawajibisha watu

 

[Iblis Bin Shetan]

Na hapa ndipo corona inavyowakamata manabii feki. Wakina gwajima mwamposa sharifu majini wanajifanya wanaombea watu wanapona magonjwa yote mbona ktk hili la corona hatuwaoni.

Kimya wametulia wanasubiri upepo uje na tiba ipatikane waanze kutamba matapeli wakubwa

 

[Jesusfreak08]

Dini ni kweli!!!
Ila kwa MUNGU icho kiwango bado sana

Corona si kitu kwa MUNGU, sayansi ndio usiseme si kitu kabisa

 

[Robert Heriel Mtibeli]

Kama kwel Basi watoke njee waanze kutembea Kama zamani ukitaka ujue kua hakuna mlipuko wowote ulio wahi kutokea ukapata dawa Ila unapita tu hata Corona itaisha yenyewe hamna mwenye atakua na uwezo wa kutibu ndio utajua mungu anawajibisha watu

Sent using Jamii Forums mobile app

Mkuu Mungu ni Mkuu aliyewapa wanadamu ukuu. Ukilijua hili umeshafanikiwa

 

[Robert Heriel Mtibeli]

Na hapa ndipo corona inavyowakamata manabii feki
Wakina gwajima mwamposa sharifu majini wanajifanya wanaombea watu wanapona magonjwa yote mbona ktk hili la corona hatuwaoni
Kimya wametulia wanasubiri upepo uje na tiba ipatikane waanze kutamba matapeli wakubwa

Wamekaa wanatunga cha kusema

 

[Robert Heriel Mtibeli]

Dini ni kweli!!!
Ila kwa MUNGU icho kiwango bado sana

Corona si kitu kwa MUNGU,sayansi ndio usiseme si kitu kabisa

Corona sio kitu kwa Mungu, kama ilivyo dini sio kitu kwa Mungu.
Mungu hakuanzisha dini, ila watu ndio walianzisha dini. Mungu alianzisha maisha watu waishi kwa upendo lakini walivyoasi ndipo wakatafuta njia ya kumtafuta Mungu ambapo njia hiyo huitwa dini.

 

[Centia2]

Ukweli mchungu,Wanafanikiwa kukamata fikra zetu tukiwa wadogo.Hii hutufanya twendelee kuogopa mambo haya mpaka ukubwani!!

"And the best that you can hope for
Is to die in your sleep."(Others ar usless)

 

[mbalaka]

Dini inapiga Ramli, SAYANSI NI FACT.
wanao amini katika dini ni vipofu, tena ule upofu ulio zaidi ya upofu.
wanao amini dini wanauana, wanao iishi sayansi wanakubaliana, uvumbuzi wako ndo ndo unakupa Credit na sio imani yako.

Sent using Jamii Forums mobile app

 

[Robert Heriel Mtibeli]

Centia2,
Kuna mmoja kanipigia simu kanambia ati nichane Quran mbele za watu nione kitakachotokea,

Nikampa home work, nikamwambia aimbie serikali inipe ulinzi na kunihakikishia usalama kutoka kwa wafuasi wa dini wasije wakaniua kwa ujinga wao.

Alafu waite vyombo vyote vya habari, kisha nitakuja na vitabu vyangu vya kidini, biblia, Quran, Bahaulah Books, na vitabu vyote vya kidini nivichane mbele ya kamera aone kama nitadhurika.

Nikamwambia asiniletee vitabu vyake asijekuwa ameviwekea sumu ili nikivuta wakati navichana sumu inidhuru. Naona kakimbia

 

[Robert Heriel Mtibeli]

Dini inapiga Ramli, SAYANSI NI FACT.
wanao amini katika dini ni vipofu, tena ule upofu ulio zaidi ya upofu.
wanao amini dini wanauana, wanao iishi sayansi wanakubaliana, uvumbuzi wako ndo ndo unakupa Credit na sio imani yako.

Sent using Jamii Forums mobile app

Dini si somo la Maadili hilo ndio lengo lake. Lakini kwa vile linafundishwa nje ya malengo usishangae mtu ameshika dini lakini hana maadili.

 

[Hazard CFC]

Uzi bora kwa miaka miwili iliyopita hapa jf.

Kwa kifupi hayo mqmbo ya dini ni usanii na stor tu za kusadikika

Sent using Jamii Forums mobile app

 

[Jile79]

Mungu alimpa mwanadamu akili kuliko viumbe wote.....akawapa uwezo wa kujua mema na wabaya. Mungu akampa kwanadamu kutawala viumbe vyote.

Mungu yeye amegawa karama tofauti tofauti kwa binadamu japo ni kweli Kuna wengine wanajifanya Wana karama fulani lkn ni matapeli wa kutupwa.

Mungu yupo ila amempa mwanadamu akili na uwezo mkubwa. Tusisahau kuwa uvumbuzi wowote wa kisayansi ni matokeo ya Mungu anayetoa uwezo kwa mwanadamu.

 

[Mr.Wenger]

Ukisikiliza story zao za maisha baaada ya kufa utachoka kabisa yaani msimualiaji utasema alishawahi kufa akajionea hayo anayoyasema [emoji23]

Sent using Jamii Forums mobile app

 

[Chrismoris]

Mimi nachojua Mwenyezi Mungu aliyetuumba ni mwanasayansi nguli.


Anachofanya binadamu ni ku discover scientific formula ambazo mwenyezi Mungu alikwisha ziumba miaka mingi sana

 

[J C]

Yaani wana sayansi watengeneze gonjwa liwashinde lawama apewe Mungu/dini. haya nayo ni majanga. Mleta mada unafail wapi?. Ukome kabisa. Mungu kaumba dunia dini inatugundisha jinsi ya kudumisha uumbaji sayansi imekuja kuharibu kila kitu alafu tunalaumu dini. Acha upumbavu.

Sent using Jamii Forums mobile app

 

[MR. IBU]

Kilakitu kina wakati wake.kinacho msumbua muandishi alitaka aone dawa corona,maralia au ukimwi imeandikwa ndani ya vitabu vya dini au jinsi ya kutengeneza gari au treni vielezwe hatua kwa hatua..ivi kilakitu cha duniani kinge andikwa kwenye hivo vitabu hivyi iko kitabu kingekuwa cha namna gani.

Na kingefanya yatokee machafuko mengi sana ya mauaji maana asili ya binadamu ni mbinafsi watu wangekificha na kukitumia wao ili wengine wasipate maarifa.

Mungu ni muweza ya yote anayua ambayo sisi binadamu hatuya jui.yeye katuumba anatujua vilinyo kilakitu kimewekwa kwa mpangilio ulio maalumu na vinaenda kama alivyo taka yeye sio sisi.

Hivyo vyote dawa zote,uvumbizi wote vyote unavyo sema wewe vipo vichwani mwetu.Mungu katujaalia maarifa kwenye bongo zetu ni swala la muda tu kilakitu kinaenda kama alivyo panga yeye.

Dini kazi yake kutukumbisha kuwa mungu yupo.sio kuvumbua kitu au vitu.
Jiuluze hao wanasayansi unao wasujudia wewe,walimu wao wakina nani na ukiangalia asilimia kubwa darasani walikuwa weupe.hizo sasa ni neema za mungu alizo wajaalia wajawake vichwano vyao.

 

[byakunu]

Jamaaa una akili nyingi sana. Huu uzi unafikirisha na una transform minds

Sent using Jamii Forums mobile app

 

[The Most Winner]

Dini ni lazima iwepo inategemea ni Dini gani ya Uongo au ya kweli, Yesu alisema ni namna gani utaweza tofautisha Dini ya kweli au ya uongo, Sasa Dini ya kweli ndo nazungumzia mmi na ni njia ya kumfikia Mungu, kumbe tusibeze Dini ya kweli, ila kuna dini za uongo hizi ndo zinatuaibisha Kwa kuhubiri injili mpya( miujiza utajili na mengineyo ya kuwafuraisha watu na sio kuonya watu).

Na kumwomba Mungu tunamuomba sana ili chanjo ya kweli iweze patikana na aweze kuepusha haya majanga na hata hao wanawake sayansi huo uwezo umetoka Kwa Mungu moja Kwa moja au kupitia maombi na hayo maombi yanatokea kupitia Dini, watu wakiungana kusali pamoja. Tusibeze Dini na naamini ndo imesaidia leo kuepusha au kuzuia majanga mengi na kusaidia wanasayansi kupewa uwezo na Mungu kugundua tiba,kupitia Dni ya kweli

Hao Wanasayansi ni watu wa Mungu kumbe Mungu anatenda kazi kupitia wao Kwa maombezi ya Watu kupitia Dini. Sio lazima muujiza uje direct Kutoka mbinguni ukishuka huja Kwa njia za Madoctor,Wanasayansi pia Kwa njia ya Dini. Kumbe uzi wako sio sawa Kwa Dini ya Kweli, ila upo sahihi Kwa dini za uongo.

Nb, labda Mungu awe ameamua tu Kutoka ghazabu hapo sawa tunaweza omba ila akaruhusu tujifunze kitu lakini naamini mwishowe atatuhurumia.

 

[njitile junior]

Corona sio kitu kwa Mungu, kama ilivyo dini sio kitu kwa Mungu.
Mungu hakuanzisha dini, ila watu ndio walianzisha dini. Mungu alianzisha maisha watu waishi kwa upendo lakini walivyoasi ndipo wakatafuta njia ya kumtafuta Mungu ambapo njia hiyo huitwa dini.

Hiyo ni imani yako,ndivyo unavyoamini wewe usijaribu kutuaminisha tuamini unavyoamini wewe.

Sent using Jamii Forums mobile app