Samsung na Galaxy S dhidi ya Apple na iPhone

[ManiTek TV]

10/03/2013

Galaxy S Kuipiku iPhone?

​

Samsung ndio kampuni inayoitia tumbo joto Apple katika simu. Ingawa kama simu moja, kuanzia iPhone ya kwanza hadi ya sita yaani iPhone 5, simu hii imekuwa ikiongoza kwa mauzo tangu mwaka 2007. Lakini katika miaka minne iliyopita Samsung walianzisha familia ya Galaxy S, familia hii imekuwa ni tishio kubwa kwa ufalme wa iPhone katika mauzo. iPhone zimeshauzwa milioni 133.7 na Galaxy S zimeuzwa milioni 74.3.

Takwimu za awali zilionyesha kwamba huenda mauzo ya Galaxy S yakawa makubwa kuliko ya iPhone kwa mwaka 2012, lakini hatimae baada ya kutolewa kwa iPhone 5 mambo yalibadilika na iPhone kuendelea kushikilkia nambari moja katika mauzo. Wengi miongoni mwa wadau wa gajeti hasa washabiki wa Android wanadhani kwamba hatimae familia ya Galaxy itatwaa namba moja katika mauzo ya simu ulimwenguni kwa simu aina moja pekee, hivyo ni imani ya wadau hao kuwa hili litatokea miaka hii tuliyo nayo. Hebu tupitie ni nini hasa kinaweza kuifanya Galaxy S iwe juu ya iPhone na tuone kama iPhone wataweza kutetea taji lao kwa miaka mingi zaidi.

Kabla ya lolote kwa sasa takwimu zinaonyesha kwamba mwaka 2010 Apple walikuwa wameuza mara nne ya Galaxy S, yaani galaxy S ilikuwa kwenye wastani wa simu milioni 10 na Apple waliuza iPhone milioni 40. Ilipofka mwishoni mwa mwaka jana Samsung imeuza Galaxy S milioni 75.3 wakati Apple wameuza simu milioni 133.7, hivyo ni wazi kuwa Samsung inajitutumua vilivyo katika mauzo ya Galaxy S. Sasa tuingie kwenye mambo yanayowapa mafanikio Samsung:

Mosi, Uzuri wa simu za Galaxy S ndio jambo la awali linaliowezesha Samsung kuwa na mauzo mazuri duniani. Galaxy SII ilikuwa ndio simu nyembamba ya mwaka 2011 ikiwa na upana wa milimeta chini ya 7. Galaxy SIII nayo ilikuwa na umbile na ukubwa unaovutia mno.

​

Pili, Android imekuwa ikipiga hatua kubwa kimaendeleo kama OS, ambapo ingawa bado inaaminika kuwa na kasoro mbili tatu ukilinganisha na iOS, lakini bado Android Jelly Bean imekuwa ni OS iliyopiga hatua kubwa ukilinganisha na enzi zile za Android Donut, Eclair na Froyo. Tayari kampuni ya Google iko jikoni ikipika Android mpya itakayojulikana kama Key Lime Pie.


Tatu, Simu za familia ya Galaxy S zimekuwa zikitoka na matumizi mbali mbali ambayo huwezi kuyapata kwenye simu nyingine za Android. Mambo kama vile yaliyotoka kwenye SIII yaani Smart Stay, S Beam, Popo Up Play, Smart Alert na Direct Call yanaifanya Sammy ionekane ni kampuni yenye uvumbuzi wa hali ya juu.


Nne, Sammy (Samsung) inajitegemea zaidi kuliko Apple katika Hardware mbali mbali, wakati Apple wanachofanya ni kubuni (design) na kufungasha (Assemble) Samsung wanatoa wenyewe sehemu mbali mbali za simu kama vile skrini na mambo mengine.


Tano, Samsung ndio kampuni yenye bajeti kubwa zaidi miongoni mwa kampuni za elektroniki Duniani ambapo hutumia kiasi cha Dola za Kimarekani Bilioni 5 kila mwaka kwa ajili ya matangazo ya biashara tu. Kwa mfano Samsung walitoa tangazo maalum la kuiponda iPhone 5.


Hivyo sifa kama hizi zimekuwa zikiinyanyua Samsung mwaka hadi mwaka, kwa upande wa Apple wao wameweza kuwepo walipokuwepo na huenda wakaendelea kuongoza katika mauzo kwa sababu zifuatazo:

​

Mosi, iOS ni nguzo kubwa ya iPhone ambapo ni OS iliyoleta mapinduzi ya simu mwaka 2007 pale iPhone ya kwanza ilipotoka. iOS ina sifa ya urahisi katika utumiaji na hukubali amri za mtumiaji kwa heshima (very responsive). Kinyume na Samsung ambao wao hutegemea Google kwa maendeleo ya Android, Apple iOS ni yao wenyewe na iPhone ndio simu pekee inayotumia OS hiyo. Pia iOS ni platfomu inayoongoza kwa kuwa na Apps nyingi tena zenye ubora zaidi.


Pili, Kitengo cha ubunifu (design) kikiongozwa na Sir Jonny Ive kimekuwa kikiwaacha watu mdomo wazi kila wanapotoa gajeti mpya, umbile kama vile la iPhone 5 ambapo kuna ufito wa mng'ao kwenye nzunguko wa simu, tayari ufito huu umeshaigwa na simu mbali mbali kama vile HTC One.


Tatu, Apple wana fedha za kutosha (cash reserve), hivyo watakapoamua kufanya matangazo zaidi, ua utafiti zaidi basi fedha sio tatizo. Kuna wakati Apple walikuwa na fedha nyingi kuliko serikali ya Marekani. Hata hivyo serikali ya Marekani fedha ni tatizo sugu kwa sasa.


Nne, iPhone imekuwa simu ya aina ya peke yake, ukiangalia simu nyingine zote ama ni utitiri wa Android au utitiri wa Windows Phone. iPhone haina mwenza, ikitaka kutumia Siri basi lazima uwe na iPhone lakini ukitaka jambo lolote la Android sio lazima uwe na Galaxy S. Na pia ukitaka kutumia S Beam basi ukinunua simu yoyote mpya ya Samsung unaweza kupata jambo hilo.


Tano, ingawa wahenga wanasema "kutangulia sio kufika" Apple na iPhone yao wapo walipo kwa vile walitangulia. Kutangulia huko kukipewa nguvu ya kusonga mbele ya utafiti wa kuindeleza gajeti hiyo kumeifanya iPhone ibaki kuwa namba moja katika mauzo kwa miaka mingi sasa.


Usikose sehemu ya pili ya makala hii tutakapozungumzia udhaifu wa Apple katika miaka ya karibuni kwa upande wa iPhone.

Tafadhali weka comment kuhusu​

Je Galaxy S4 itakayotangazwa siku 3 zijazo ndio simu itakayoifanya Apple iPhone ishuke hadhi?
Je mbali na mauzo ni ipi namba moja kwa sasa: Samsung Galaxy SIII au Apple iPhone 5?
​

 

[Pancras Suday]

Mkuu respect, nimependa sana uchambuzi wako, pokea LIKE manually

 

[ManiTek TV]

Respect to you too WAHEED SUDAY

 

[Brakelyn]

binafsi nadhani kwa upande wa mobile phones iPhone ndio the best in terms of stability, performance na Reliability 'very reliable for corporate mobile phone usage' (text messaging, MMS, email, Internet access,business applications, gaming and photography), kwa upande wa Tablets nadhani Samsung especially GALAXY Note 10.1 inafanya vizuri in additional computing Tasks..

 

[Preta]

Imetulia hii......big up mkuu......nasubiri part 2 nione udhaifu wa IPhone......usikawie sana kuuleta........

 

[TZ boy]

Daah Much Respect!

 

[ManiTek TV]

Imetulia hii......big up mkuu......nasubiri part 2 nione udhaifu wa IPhone......usikawie sana kuuleta........

Ahsante sana, tuko wote, vuta subira kidogo tu.

 

[ManiTek TV]

ki mtazamo wangu nadhani kwa upande wa mobile phones iPhone ndio the best in terms of stability, performance na Reliability 'very reliable for corporate mobile phone usage' (text messaging, MMS, email, Internet access,business applications, gaming and photography), kwa upande wa Tablets nadhani Samsung especially GALAXY Note 10.1 inafanya vizuri in additional computing Tasks..

@Brakelyn, hata mimi nadhani kama wewe kuwa iPhone bado inastahiki kuwa namba moja, ila kuna makosa mawili matatu yanayofanyika ndani ya Cupertino (makao makuu ya Apple) wasipoangalia Samsung itawalaza chali. Chungulia makala yangu ijayo tuone kama tutaafikiana kifikra.

 

[ManiTek TV]

Daah Much Respect!

REspect to you too TZ boy

 

[Izzo G]

wakuu hv hyo galaxy s111 sh ngap kwa sasa dukan

 

[John W. Mlacha]

I phone forevet

 

[akohi]

Mkuu nimekupa Big up kwa kuanzisha huu uzi. Binafsi umenisaidia japo pia nimechanganyikiwa kiasi maana sijawahi kutumia aina yoyote ya ulizoziorodhesha hapo. Toka ziingie Bberry ndo nimejikuta naelekea kufia humo japo baadhi ya marafiki wananiona mtu wa kizamani sana kwa kuwa na bberry.
Binafsi ni mtu wa field so wakati mwingine unakuta mingono michafu sana na natakiwa kupokea au ku reply sms Sasa kwa simu zisizo na key pads nahisi itanirazimu kila kukicha niwe na safisha screen na pia naona iko more delicate.

Ushauri wako pls kwa kuielezea na bberry against other smart phones.

 

[Chief-Mkwawa]

Mkuu nimekupa Big up kwa kuanzisha huu uzi. Binafsi umenisaidia japo pia nimechanganyikiwa kiasi maana sijawahi kutumia aina yoyote ya ulizoziorodhesha hapo. Toka ziingie Bberry ndo nimejikuta naelekea kufia humo japo baadhi ya marafiki wananiona mtu wa kizamani sana kwa kuwa na bberry.
Binafsi ni mtu wa field so wakati mwingine unakuta mingono michafu sana na natakiwa kupokea au ku reply sms Sasa kwa simu zisizo na key pads nahisi itanirazimu kila kukicha niwe na safisha screen na pia naona iko more delicate.

Ushauri wako pls kwa kuielezea na bberry against other smart phones.

mkuu kama hupendi simu tofauti na bb na hutaki kuchange na pia hutaki simu isiyokua na qwerty then una option moja tu kuchukua blackberry q10.

Hii q10 inatumia os mpya ya blackberry ambayo ni nzuri mara 100 ya os ya sasa ya bb.

na hamna atakaekucheka kua una simu ya kizamani maana level ya simu hii ni kama simu nyengine kubwa kama galaxy s3 nk

sema tatizo ni upatikanaje wake ni mgumu blackberry wana upungufu wa hizi simu maybe labda mwez wa 6 zinaeza kuanza kusambaa

 

[Cestus]

binafsi nadhani kwa upande wa mobile phones iPhone ndio the best in terms of stability, performance na Reliability 'very reliable for corporate mobile phone usage' (text messaging, MMS, email, Internet access,business applications, gaming and photography), kwa upande wa Tablets nadhani Samsung especially GALAXY Note 10.1 inafanya vizuri in additional computing Tasks..

Its all about preferences...Android phones can do so well all the things you mentioned..and more....

 

[Chief-Mkwawa]

Mkuu na mimi nimekuja kuleta challenge kidogo kwenye mada. Kwanza kuna vitu sikubaliani navyo kwenye mada.

-Moja apple hajaanza kuongoza mauzo toka 2007, world wide hadi 2010 ni nokia ndo aliekua kinara na kwa upande wa marekani alikua blackberry.

-pia samsung hatumii bilion 5 kwa matangazo anatumia bilion 12 (data za mwisho)

tuje kwenye mada. Mi naona kama sio fair kufananisha iphone zote na galaxy s series kwa sababu iphone ni chache na galaxy s series ni nyingi

kuna iphone hiiz

-iphone ya kwanza
-iphone 3g
-iphone 3gs
-iphone 4
-iphone 4s
-iphone 5

kwa hio jumla kuna variety 6

samsung s series kuna
-samsung galaxy s
-samsung galaxy s plus
-samsung galaxy s duos
-samsung galaxy s advance
-samsung galaxy s 2
-samsung galaxy s 2 plus
-samsung galaxy s 2 1900g
-samsung galaxy s 2 hd lte
-samsung galaxy s 3
-samsung galaxy s3 mini
-samsung galaxy s3 19305

na hapa kuna variety 11

so 11 against 6 sio fair competition mwenye device 11 ana advantage kubwa.

Ukilinganisha mauzo ya simu moja moja zimeuzwa galaxy s3 kama milion 30 kwa miez 6 (q3 na q4) na zimeuzwa iphone 5 milion 27.4 kwa miez mitatu (q4) report za mpaka mwez huu hazijatoka but am sure iphone ni nyingi zaidi.

Cha ajabu zaidi iphone 4s zimeuzwa nyingi kuliko s3 mwez wa 10 hadi wa 12 mwaka jana. Zimeuzwa iphone 4s milion 17 na galaxy s3 milion 15.

Sasa mkuu kama iphone 4s simu ya mwaka 2011 inaipita galaxy s3 then sioni chance ya samsung kumpita apple kwenye simu karibuni maybe 2015.

 

[stickyfinger]

Tatizo la iphone ni charge kuisha haraka, samsung S3 wamejitahidi sana kwenye hilo. Sijui kwanini wasingefanya ziwe zinadumu na charge kama ilivyo kwenye laptop zao!

 

[Mundungus Fletcher]

10/03/2013

Galaxy S Kuipiku iPhone?

​

Samsung ndio kampuni inayoitia tumbo joto Apple katika simu. Ingawa kama simu moja, kuanzia iPhone ya kwanza hadi ya sita yaani iPhone 5, simu hii imekuwa ikiongoza kwa mauzo tangu mwaka 2007. Lakini katika miaka minne iliyopita Samsung walianzisha familia ya Galaxy S, familia hii imekuwa ni tishio kubwa kwa ufalme wa iPhone katika mauzo. iPhone zimeshauzwa milioni 133.7 na Galaxy S zimeuzwa milioni 74.3.

Takwimu za awali zilionyesha kwamba huenda mauzo ya Galaxy S yakawa makubwa kuliko ya iPhone kwa mwaka 2012, lakini hatimae baada ya kutolewa kwa iPhone 5 mambo yalibadilika na iPhone kuendelea kushikilkia nambari moja katika mauzo. Wengi miongoni mwa wadau wa gajeti hasa washabiki wa Android wanadhani kwamba hatimae familia ya Galaxy itatwaa namba moja katika mauzo ya simu ulimwenguni kwa simu aina moja pekee, hivyo ni imani ya wadau hao kuwa hili litatokea miaka hii tuliyo nayo. Hebu tupitie ni nini hasa kinaweza kuifanya Galaxy S iwe juu ya iPhone na tuone kama iPhone wataweza kutetea taji lao kwa miaka mingi zaidi.

Kabla ya lolote kwa sasa takwimu zinaonyesha kwamba mwaka 2010 Apple walikuwa wameuza mara nne ya Galaxy S, yaani galaxy S ilikuwa kwenye wastani wa simu milioni 10 na Apple waliuza iPhone milioni 40. Ilipofka mwishoni mwa mwaka jana Samsung imeuza Galaxy S milioni 75.3 wakati Apple wameuza simu milioni 133.7, hivyo ni wazi kuwa Samsung inajitutumua vilivyo katika mauzo ya Galaxy S. Sasa tuingie kwenye mambo yanayowapa mafanikio Samsung:

Mosi, Uzuri wa simu za Galaxy S ndio jambo la awali linaliowezesha Samsung kuwa na mauzo mazuri duniani. Galaxy SII ilikuwa ndio simu nyembamba ya mwaka 2011 ikiwa na upana wa milimeta chini ya 7. Galaxy SIII nayo ilikuwa na umbile na ukubwa unaovutia mno.

​

​

Mkuu Data zako mbona hazina reference???? umezitoa wapi????

 

[ManiTek TV]

Mkuu na mimi nimekuja kuleta challenge kidogo kwenye mada. Kwanza kuna vitu sikubaliani navyo kwenye mada.

cheif-mkwawa
Kwanza kuhusu hili ninakunukuu "Moja apple hajaanza kuongoza mauzo toka 2007, world wide hadi 2010 ni nokia ndo aliekua kinara na kwa upande wa marekani alikua blackberry." Hapa tunazingumzia familia moja ya handset. Nokia wanaongoza kwa kuuza vimeo na BB wanatoa simu nyingi tofauti kwa mwaka. Mwaka huu ndio wamegundua kuwa mtiondo ule huwezi kushindana na simu za hali ya juu ndio wametoa mbili tu (Q10 na Z10). KWa hiyo Cha msingi ni kwanga hatuzungumzii mauzo ya simu zote za kampuni. Kwa mtindo wa simu zote sasa hivi Sammy ndio wanaoongoza.

Kuhusu hili la siries ni hivi:
1. Zifuatazo ni Galaxy S: S, S Plus, S Duo na S Advance.
2. Zifuatazo ni S II: SII, SII Plus, SII HD LTE, S2 1900G
3. Zifuatazo ni SIII: SIII na VAriant nyingine isipokuwa SIII Mini ambayo ni simu tofauti kabisa. Hata takwimu nilizotumia haziingizi SIII mini.

Hizi variant huwa simu haibadilishwi sana, lengo huwa ni ku-boost sales tu na sio kuboresha sana simu kiasi cha kuifanya iwe tofauti. Ndio maana kwa mimi iPhone 4 na iPhone 4S ni simu ile ile. Ndio nikasema Apple hutoa simu moja kila miwili. Ingawa sio consistently kwa sababu from iPhone to iPhone 3G ilikuwa ni simu mbili tofauti.

Labda ningekiri mtu ambaye angekuja na hoja kwamba simu za familia ya Galaxy S zimeanza mwaka 10 na iPhone zimeanza mwaka 2007 saba hii ingekuwa ni hoja ya msingi. Hata hivyo takwimu zilizotumika hazijumuishi mauzo ya iPhone kwa miaka ya nyuma ili tuweze kufanya mlinganyo ulio wa haki.

Kuhusu Advertising Spending za Samsung: Kabla ya kukujibu naomba niweke ushahidi wa SAmsung advertising spending kutoka kwenye Official Samsung Financial Report. TAble hii ya chini nimeitoa kwenye ukurasa wa 78 wa ripoti hiyo


Sasa uki-convert to Dollar utakuta inakupa kwamba samsung wametumia $4.2 billion mwaka 2011, ukiangalia loop kutoka mwaka 2010 utaonona umezidi kama bilioni moja, kwa hiyo it makes more sense kukubali samsung wametumia bilioni 5 kuliko bilioni 12. Ingawa nimeiona article kutoka kwenye mitandao mbali mbali, lakini article hizo zinazungumzia hili kama "romours" kwa vile SAmsung hawaku-publish new financial report bado.

Ila tu kama unadhani kuwa figure ya 12 Billlion ni ya uhakika basi unaweza kutuletea source, nasi hatutaipinga.

 

[ManiTek TV]

Mkuu Data zako mbona hazina reference???? umezitoa wapi????

Data mbona source imeandikwa IDC, angalia chini kulia, IDC ni International Data Corporation wao ni global marketing researchers katika masula ya IT, Telecom consumer technology markets.

Au kaka ulitaka niweke full reference (citation na reference list/bibliography)? This is more journalistic than academic.

 

[ManiTek TV]

Mkuu nimekupa Big up kwa kuanzisha huu uzi. Binafsi umenisaidia japo pia nimechanganyikiwa kiasi maana sijawahi kutumia aina yoyote ya ulizoziorodhesha hapo. Toka ziingie Bberry ndo nimejikuta naelekea kufia humo japo baadhi ya marafiki wananiona mtu wa kizamani sana kwa kuwa na bberry.
Binafsi ni mtu wa field so wakati mwingine unakuta mingono michafu sana na natakiwa kupokea au ku reply sms Sasa kwa simu zisizo na key pads nahisi itanirazimu kila kukicha niwe na safisha screen na pia naona iko more delicate.

Ushauri wako pls kwa kuielezea na bberry against other smart phones.

Kaka wewe endelea kutumia simu ambayo inakonga moyo wako, usijali watu wanatumia nini, isipokuwa kama unataka ushauri baina ya BB, Android na iPhone, jibu ni kwamba inategemea zaidi wewe ni mtumiaji wa aina gani, lakini haya huenda yakakusaidia kidogo:

BB ni kwa ajili ya watu wa keyboard, ingawa hawa inabidi wakubali kwamba kama walivyokubali Blackberry wenyewe kwamba huhitaji keyboard kwa ajili ya BBM, SMS au Whatsapp. Hivyo ungejaribu maji ya touch screen huenda ukagundua kwamba walio wengi wako sahihi, (walio wengi kwa sababu market share ya simu za BB imebaki 6% tu) ila nirudie kuwa hili sio lazima. Tatizo kubwa la BB kama platform ni ukame wa apps na pia BB OS mpya haiko stable sana (full of bugs) ingawa hili taratibu litatoweka tu kwa kupitia updates.

Android: inajulikana zaidi kwa customisation; unaweza kubadili simu yako kila siku ikawa na muonekano mwengine. Yaani inawafanya watuamiaji wachelewe kuichoka simu. Customisation ipo kwenye widgets, skin na hata version ya Android OS, kwa mfano unaweza ukawa na Galaxy Nexus, ukiichoka stock Android una-port Android ya Galaxy SIII na ukaenda na wenye simu hiyo sambamba kwenye mambo mengi tu (inaweza isiwe perfect kama inavyokuwa kwenye SIII yenyewe) lakini utaikaribia sana. Apps ni nyingi ingawa kuna matatizo ya quality kidogo kwa vile hakuna uangalizi mzuri. Kiujumla hili sitatizo kubwa kwa vile kuna apps kama 700,000 hivi, hivyo utapata apps za kutosha kwa ajili ya matumizi yako binafsi. C

iPhone: Wepesi wa kuitumia na stability ya hali ya juu ndio sifa kuu, pia apps ni nyingi tena za quality nzuri kwa vile Apple wako "strick" katika suala za kupasisha apps kwenye soko lao. Ina apps zaidi ya milioni kwa sasa. Tatizo ukiitumia sana unaanza kuona "boring" yaani kuswipe na ku-touch hamna zaidi. Pia huna uhuru mkubwa wa kufanya unavyotaka mpaka ufanye jailbreak (kitu ambacho binafsi kimenichosha), hata ukijailbreak utaweza tu kuweka apps za bure basi na ukafanya tweaks kadhaa, huwezi kwa mfano kuweka widgets au another skin (there is only one iOS anyway)

Windows Phone: ni content centric. Hapa sina mengi ya kusema kwa sababu nilipoijaribu haikunivutia hivyo sikudumu nayo muda mrefu kiasi cha kuielewa vya kutosha. Ila udhaifu uliopo ni uchache wa apps na kampuni nyingi bado kuipa OS hii kipaumbele cha kutosha. Ni Nokia tu kwa vile "walihongwa" na Microsoft waipe kipaumbele OS hii kwenye kile walichokiita mkataba.

Kiujumla BB na Windows kidogo zina-struggle kuji-establish (au niseme re-establish), kwa sasa Android na iPhone zina fly.

Hoja kuu ni kwamba: Siku zote huwashauri wale ambao hawakuwahi kutumia Smartphone hizi waanze na iPhone. Ukiwa na matumizi ambayo ni "serious" basi iPhone ni platform ambayo haitakuangusha. Haya ni maoni binafsi wengine wanaweza kusema mengine au hata wasikubaliane na ninayoyasema.