Return of Queen Nkamba wa Nyakayenze

Return of Queen Nkamba wa Nyakayenze

Annael said:
Ngiza lilianza kuwaita huku msitu mnene mbele yao ukiwakaribisha. Tayari walikuwa wameingia kwenye maeneo ya Mwingilo. Ili wabidi watafute sehemu ya kupumzika ili kesho waendelee na safari, maana Nyang’ombe iliyo maeneo ya Nsalala walikuwa wamekaribia kufika.

Walitafuta nyumbani kwa Mwanangwa wa maeneo ya mwingilo. Kijana mmoja aliye jitambulisha kwa jina la Jomoka aliwaambia anaweza kuwaelekeza kwa mwanangwa. Hii ilitokana na kwamba mavazi ya askari yalikuwa yameonesha nembo ya Ikoulou. Ndio maana Jomoka aliwaamini.

Wakati huo Nyamhindi usingizi unampitia. Alikuwa ndani ya mkokoteni ulikuwa unavutwa na Punda wawili. Huku juu ya mkokoteni huo umefunikwa vizuri na kupambwa vizuri sana.

Kijana aliwachukua na kuwapeleka kwa Mwanangwa. Ilikuwa mbali kidogo na pale walipokuwa. Kijana alianza kuwapigisha stori nyingi sana kuhusu yeye kuwa na mpango wa kujiunga kwenye jeshi la basambilo.

Aliwaeleza yeye baada ya kupevuka alichukuliwa na kupelekwa Ihano (Eneo wanalopelekwa vijana kwaajili ya kufundishwa maadili na siri mbali mbali). Kwamba alifundishwa vitu vingi sana ikiwamo kulinda taifa lao la busambilo.

Alifundishwa na kuelekezwa mipaka yote ya nchi yao. Wakati huo Nyamhindi alikuwa akisikilia mazungumzo ya huyo kijana. Alichungulia dirishani na kumuona huyo kijana namna anavyo waeleza askari.

Walienda mpaka kwa mwanangwa. Walipokelewa na askari wa hapo na kujitambulisha majina yao. Kwa kuwa wale wanaotoka Ikoulou mara nyingi huwa wanaleta ujumbe; waliambiwa mwanangwa hayupo ameenda Ikoulou lakini Mwanisale(Mke wa mwanagwa) yupo.

Basi walienda kumuona mwanisale na kumueleza wao sio wakaaji kesho wanaendelea na safari kuelekea Nyango’mbe. ‘Mwanisale aliwauliza na huyo binti vipi. Wakasema tumetumwa na mama yake Soji mtoto wa mfalme kumpeleka Nyan’ombe. Akasema sawa.

Basi alimuita askari mmoja na kumuuliza kuwa mpo na habari ya huko Ikoulou? Akasema hapana. Basi msimwambie huyu mtoto maana nimesikia kuwa mfalme amefariki.

Askari alishangaa sana maana wapo na siku mbili njiani na hawajasikia hilo.
Click to expand...
Subili jioni mkuu tutoke ofcn ndo twendelee,ngoja tupige kazi kwanza
 
Masanja alipata taarifa kuwa kaka yake amefariki na anahitajika haraka sana kwaajiri ya mazishi. Masanja alilia sana maana walikuwa ni wawili tu kutoka kwa baba yao Nyasha.

Masanja alimwambia mke wake kuwa nguzo moja imevunjika umebaki wewe tu Nshoma. Kwahiyo tunatakiwa kuwaelekeza vizuri watoto wa kaka namna ya kuendesha nchi. Mimi na kaka yangu tulishirikiana kwa karibu sana na kusaidiana mambo mengi.

Basi Nshoma umebaki wewe tu, kwa hiyo basi sisi tumebahatika kuwa na mtoto mmoja tu wa kiume “Masemba” nae amejariwa kuwa na watoto wawili wa kiume, Ntemanya na Mgoyela. Kwa hiyo basi inatakiwa Ntemanya aweze kwenda kumuoa mjukuu wa kaka yangu. Maana nilienda kule tayari tulishaongea na kaka kuwa huyo mjukuu atakuja na atakulia huku.

Ni vyema sasa kulinda utawala wa kizazi kijacho, kutokana na utabili uliotabiliwa kuhusu busambilo. Hawa bado wadogo Ntemanya yupo na miaka kumi na Mgoyela yupo na miaka mitano. Itakuwa vyema sana kwa ntemanya kumuoa mjukuu wa kaka yangu na hakika nitakuwa na furaha sana.

Yule mjukuu wa kaka yangu niliambiwa anaitwa Nyamhindi kwa hiyo baada ya mazishi nitamuomba Soji nimchukue nije nae huku na kumfundisha siri zote za nchi hii. Lakini sijui kitabu na fimbo amemkabidhi nani kaka. Kwa sababu kitabu hicho anatakiwa apewwe mtu mmoja tu na fimbo hiyo awenayo yeye tu aliye kabidhiwa. Mtu mwingine haruhusiw kuibeba hiyo fimbo maana inaweza kumdhuru.

Sasa mimi ninaondoka mda si mrefu wewe baki hapa nyumbani, najua watu wote wananisbiri mimi. Ila lazima Niende nikachukue mawe kwenye Mlima wa mvua (Lugulu lwa mbula). Sio mbali kutoka hapa. Najua nikienda huko lazima tukamtawaze mfalme mpya. Nina uhakika kaka tayari amesha muandaa kapera.

Masanja aliondoka kutoka nyang’ombe kuelekea Lugulu lwa mbula ili kuchukua mawe meupe kwaajiri ya kumtawaza mfalme mpya. Alichukua mkokoteni unaovutwa na farasi kisha akachukua vijana watano wa kumsindikiza.
 
Mkuu wa jeshi kutoka Ngaya aliamulisha jeshi lake lirudi nyuma kidogo na kwenda kujificha kwenye mapori ya Nyamalogo. Walituma mtu ili jeshi lao liongezewe nguvu. Walienda mpaka mwakalundi na kuchukua kikundi cha wachawi ili kuweza kupenya ngome ya Iseme.

Pale Iseme walikuwepo askari mahili wakiongozwa na mkuu wa jeshi la salawe jina lake Bundala. Aliitwa jina hilo kwa sababu aliwafundisha wanajeshi wake namna ya kukwepa mishale kwa kulala chini kifudi fudi. Ndio maana jina lake aliitwa Bundala.

Bundala alikuwa mahili wa kutumia panga na ilikuwa bingwa wa kukwepa mishare na mikuki. Alipata sifa sana katika nchi ya Busambilo na hatimaye alipelekwa kila sehemu ili kuwafundisha askari mbinu za kukwepa mishale.

Kazi yake ya kwanza kabisa ilikuwa Ntuzu kule kulikuwa na vita kubwa kati ya Busambilo na watu kutoka mashariki waliokuwa wanavamia eneo la Dutwa kwaajiri ya kuchukuo Ng’ombe. Basi yalikuwa yakitokea mapigano ya mara kwa mara.

Nchi ya Busambilo ili amuru Bundala aende kule kuimarisha ulinzi. Bundala aliwafundisha askari wa huko namna ya kupigana na kukwepa mikuki na mishara.

Aliwafundisha namna ya kumuweka kati adui na kumshinda kirahisi. Basi siku ilitoka watu kutoka mashariki walikuja usiku kuvamia kwa lengo la kuchukua ng’ombe maeneo ya Dutwa. Askari wa busambilo waliwashambulia na hatimaye kuwashinda na hakuna Ng’ombe hata mmoja aliyechukuliwa na hao watu.

Basi Jeshi la Ntuzu, Dutwa na Itilima lilikuwa na nguvu sana. Kiasi cha kwamba watu mashariki waliogopa kuja kuchukua Ng’ombe.

Baada ya hapo Bundala alipelekwa Buchosa ambako kulikuwa na ungovi wa mipaka kati ya Bahima na Busambilo. Kwakuwa bahima walikuwa wanamjua Bundala ilibidi usuruhishi ufanyike kwa mazungumzo.

Watawala wa bahima na busambilo walikaa huko buchosa na kukubaliana kuwa hakutakuwa tena na vurugu kati ya bahima na basambilo. Waishi kama majirani wanaopendana kwa kusaidiana.

Liliwekwa jiwe mpakani ili kuonesha mpaka unaotenganisha bahima na basambilo.
 
Asubuhi na mapema safari ilianza kuelekea Nyang’ombe. Mida ya tano hivi walikuwa wamefika maeneo ya chela. Walifika sehemu ya milima miilima na kutafuta sehemu ya kupita. Walipita sehemu ambapo milima haijaungana (Lyoma).

Walipopita hapo lyoma walipita Ntambalale na kuelekea Ng’wakitolyo. Walikosea njia ya kuelekea Nyang’ombe ikabidi warudi kuelekea kwenye mlima wa Nyang’ombe.

Masanja alikuwa anakaa juu ya mlima wa nyang’ombe. Yeye na familia yake wote walikuwa juu ya mlima.

Baada ya Nshoma kuona wageni wanakuja, Alipiga vigele gele huku akiwalaki na huku akiimba wimbo.

“Sumbili abageni babo bashikax4” (Tuwapokee wageni hao wamefika).

Basi watu wato kwenye familia hiyo walitoka na kuongozana na Nshoma kuwapokea hao wageni.

Waliwapokea kwa furaha kubwa, kisha watu wa kijiji hicho walipewa taarifa kuwa kuna wageni wamefika kutoka kwa mfalme kwa hiyo waje kwaajiri ya kuongea nao.

Watu wengi walikusanyika, alichinjwa ng’ombe kwaajiri ya kitoweo. Watu walikuja na vitu mbali mbali kutoka majumbani kwao. Wengine walikuja na maziwa, Karanga, Viazi nk. Kila mmoja alikuja na kitu anachoona.

Jioni ilipofika ngoma mbali mbali ziliitishwa kwaajili ya kuonesha umahili waho. Walicheza kila mmoja kwa uwezo wake. Na baada ya maonesho hayo walielekezwa kila mmoja sehemu ya kupumzika.

Watoto wa Masemba wote walikuwepo kwenye hafla hiyo fupi ya kuwakaribisha wageni.

Ntemanya na Mgoyela walikuwa hawapendani, ni kwa sababu Mke wake wa kwanza Masemba alifariki tu baada ya kumzaa Ntemanya, ilibidi Masemba atafute mke mwingine. Alikaa kama miaka 3 hivi bila kuwa na mke baadae alimpata mwanamke anyeitwa Wande kisha akamzalia mtoto wa kiume na kumwita Mgoyela. Wande alikuwa hampendi Ntemanya eti tu kwasababu sio mtoto wake. Alikuwa akimtesa na kumpiga kila wakati. Kitendo hicho kilimfanya Mgoyela kuonekana yeye ndiye mtoto wa pekee.
 
Wakati kikao cha wazee kinaendelea ilikuja taarifa kuwa watu wa Ngaya wamevamia eneo la Nindo na pia wamepigana na jeshi la Iseme huko salawe kwa na mapambani ni makali na inasemekana watu wa Ngaya wafuata watu wanaotumia uchawi ili kuhakikisha wanapambana na Bundala na kumshinda ili wachukue salawe.

Na hawa watu wasipo angaliwa wanaweza kuendelea mpaka Bulima, Msala, Buhungukila na Busiya. Kwahiyo inatakiwa kuwazuia haraka iwezekanavyo.

Wazee walichanganyikiwa kwa habari hizo. Lakini Madodi alisima na kusema “Enyi wazee wa busambilo iweni makini na kufanya maamuzi sahihi”

Kwa maana nyie ndio muhimili wa hii nchi kwa kutoa busara. Basi mkishindwa kutoa maamuzi sahihi watu wa Ngaya wanaweza kututawala na kuchukua nchi yetu yote.

Sasa basi inabidi kutoa maamuzi sahihi. Uzuri ni kwamba tunajua uchawi wao ukoje na kwa uhakika hawatuwezi kwa uchawi. Kwa sababu hii vita imebadilika imekuwa ya kichawi sasa basi Bundala kijana wetu anatakiwa arudi anatakiwa asiwepo kwenye uwanja wa mapambano. Lengo la watu hawa ni kumuua shujaa wetu. Shujaa huyu ana thamani kubwa sana.

Sasa basi mtu atumwe haraka kwenda kumwita Bundala aje haraka hapa. Mwingine aende huko Buhungukila afike pale Busongo akalete Mchawi mkuu wa pale ili aweze kutusaidia katika hili.

Busongo ni makao makuu ya wachawi katika nchi ya Busambilo. Hicho ni chuo kikuu kila mtu mkubwa katika nchi ya Busambilo lazima apitie kwenye chuo hicho. Chuo hicho kinafundisha mambo mengi sana ikiwamo uchawi, Uganga, Vita vya kichawi, Kuleta mvua, Kuzuia mvua na mengine mengi.

Mkuu wa chuo alikuwa akiitwa Lubala. Huyu alikuwa na uwezo wa kujibadili badili wakati mwingine alikuwa na uwezo wa kuwa ndege, Nyoka, Nzi au wakati mwingine Upepo. Lubala alikuwa na uwezo wa hali ya juu sana kiasi cha Busambilo nzima walikuwa wanamfahamu.
 
Annael said:
Wakati kikao cha wazee kinaendelea ilikuja taarifa kuwa watu wa Ngaya wamevamia eneo la Nindo na pia wamepigana na jeshi la Iseme huko salawe kwa na mapambani ni makali na inasemekana watu wa Ngaya wafuata watu wanaotumia uchawi ili kuhakikisha wanapambana na Bundala na kumshinda ili wachukue salawe.

Na hawa watu wasipo angaliwa wanaweza kuendelea mpaka Bulima, Msala, Buhungukila na Busiya. Kwahiyo inatakiwa kuwazuia haraka iwezekanavyo.

Wazee walichanganyikiwa kwa habari hizo. Lakini Madodi alisima na kusema “Enyi wazee wa busambilo iweni makini na kufanya maamuzi sahihi”

Kwa maana nyie ndio muhimili wa hii nchi kwa kutoa busara. Basi mkishindwa kutoa maamuzi sahihi watu wa Ngaya wanaweza kututawala na kuchukua nchi yetu yote.

Sasa basi inabidi kutoa maamuzi sahihi. Uzuri ni kwamba tunajua uchawi wao ukoje na kwa uhakika hawatuwezi kwa uchawi. Kwa sababu hii vita imebadilika imekuwa ya kichawi sasa basi Bundala kijana wetu anatakiwa arudi anatakiwa asiwepo kwenye uwanja wa mapambano. Lengo la watu hawa ni kumuua shujaa wetu. Shujaa huyu ana thamani kubwa sana.

Sasa basi mtu atumwe haraka kwenda kumwita Bundala aje haraka hapa. Mwingine aende huko Buhungukila afike pale Busongo akalete Mchawi mkuu wa pale ili aweze kutusaidia katika hili.

Busongo ni makao makuu ya wachawi katika nchi ya Busambilo. Hicho ni chuo kikuu kila mtu mkubwa katika nchi ya Busambilo lazima apitie kwenye chuo hicho. Chuo hicho kinafundisha mambo mengi sana ikiwamo uchawi, Uganga, Vita vya kichawi, Kuleta mvua, Kuzuia mvua na mengine mengi.

Mkuu wa chuo alikuwa akiitwa Lubala. Huyu alikuwa na uwezo wa kujibadili badili wakati mwingine alikuwa na uwezo wa kuwa ndege, Nyoka, Nzi au wakati mwingine Upepo. Lubala alikuwa na uwezo wa hali ya juu sana kiasi cha Busambilo nzima walikuwa wanamfahamu.
Click to expand...
iko poa sana!! endelea kutupia mambo
 
Kijana alitumwa kwenda busongo alibeba vitambulisho vya kumtambulisha kuwa ametumwa na wazee. Panga yenye mpini mwekundu na kuku mweupe.

Alipofika busongo alienda mpaka pale chuo kikuu, alikuta wanafunzi wakifanya mazoezi mbali mbali. Wengine walikuwa wanajigeuza kama paka. Wengine wanauwezo wa kuwasha moto kwa kutumia macho, wengine wanauwezo wa kupaa angani, wengine wanauwezo wa kupotea. Kweli pale kulikuwa na elimu ya kila namna.

Aliwaliza wanafunzi hivi ninaweza kuonana na walimu wa hapa. Mwanafunzi akamwambia ndio. Lakini lazima uniambie sababu yako kuja hapa. Kijana alitoa panga. Baada ya kutoa hiyo panga watu wote walioona walipiga magoti na kusema Muheshimiwa karibu sana.

Basi baada ya hapo kijana alichukuliwa na kupelekwa kwa mwalimu wa zamu. Basi alipokutana na mwalimu akamwambia yeye ametumwa kuonana na mwalimu mkuu.

Mwalimu wa zamu alimpeleka kwa mwalimu mkuu. Kisha alitoa bahasha iliyo kuwa imeandikwa. Lubala akamwambia nitaaminije kweli wewe umetumwa na wazee au umekuja kwa niaba yako tu. Alimuonesha kuku mweupe na hiyo panga.

Lubala alikubali kisha akamwambia jambo hilo lina hitaji maandalizi ya siku mbili. Ninatakiwa kutuma mjumbe aende kwa Gindu huko Seke maeneo ya Buchambi akamlete hapa ndiye tunaye weza kufanya nae kazi kwa maana yeye anauzoefu mimi sijawahi kupigana vita vya kichawi japo kuwa ninafundisha.

Kijana alirudisha taarifa hizo na kuwaeleza Jinsi Lubala alivyo toa taarifa.

Lubala alituma kijana kwa usafiri wa haraka wa kichawi mpaka kwa Gindu.

Gindu ni mwanamke mkuu wa wachawi wote busambilo na mkuu wa vyuo vyote busambilo na anauzoefu mkubwa sana wa vita vya kichawi. Akinyosha mkono sehemu yoyote akiwa na hasira vitu vyote vinakauka.
 
Masanja alianza safari kuelekea Ikoulou huku akiwa na vijana wake. Mida ya jioni alifika huko Ikoulou.

Mida ya mchana alifika kalung’wa na alikuwa amekaribia sana kufika ikoulou. Aliendela na safari. Jioni alifika na akakuta watu wengi sana wakiwa wanamsubiri. Wazee walimpokea na kumpa pole na safari vile vile pole kuondokewa na ndugu yake wa karibu.

Alienda kuonana na Nyandalo. Alichuchumaa mlangoni na kuita kwa sauti ya upole “Mayuu nashika lulu lekaga ukulila” (Mama nimefika sasa acha kulia).

Bagole walimkaribisha mpaka ndani alipokuwa Nyandalo. Alimsalimia na kumwambia pole nimefika ndugu yangu kumzika usilie.

Basi wazee walimchukua na kwenda kuonesha mwili wa Mfalme. Alipoona mwili wa mfalme alilia kwa sauti kuu “Ndugu wane Bugomola waje gete” (Ndugu yangu Bugomola umeenda kabisa).

Basi alichukua maji alyokuja nayo kutoka kwenye mkondo wa ziwa na kumwagia.

Basi baada ya hayo yote waliandaa mazishi na kuweza kumzika kwa sifa zote kama Mfalme.

Masanja aliuchukua mkuki wa kifalme na kukaa kwenye kiti kikubwa cha duara kwaajiri ya kumwapisha mfalme mpya.

Kama kawaida ya Busambilo nipo hapa kuweza kumwapisha mfalme mpya. Kiti chake cha kifalme kile pale. Alionesha kile kiti. Katika taratibu zetu za hapa busambilo mtoto mkubwa wa kiume ndiye atakaye rithi utawala. Nina uhakika Mfalme amewaeleza watoto wake maan hata sisi tulielezwa kabla na ndugu yangu kuwa mfalme.

Basi ninamuomba Kapera aketi kwenye kiti kile cha kifalme na kuanzia sasa yeye ndiye atakuwa mfalme wetu.

Kapera alienda kukaa kwenye kiti watu wato walinama na kusujudia. Masanja alimkabidhi mkuki wa kifalme na kumpa aweze kuyashika mawe mawili meupe kwaajiri ya afya ya utawala wake, mvua inyeshe na watu wapate mazao.
 
Baada ya kila kitu kukamilika Masanja alimwita Soji. Soji alikuja na kuketi.

Masanja alianza kwa kusema, nimekuita hapa kwa mazungumzo muhimu sana. Na kabla ya kuanza mazungumzo yoyote nina muomba mjukuu wangu Nyamhindi aje hapa ili tuzungumze naye.

Soji akasema sawa lakini kabla ya baba kufaliki alituita na kutueleza mambo mengi sana ya muhimu. Na baadaye akaniambia ni mwite Nyamhindi aongee nae. Baba alimkabidhi vitu aje navyo nyumbani kwako, kwahiyo nadhani mmepishana naye yeye atakuwa yupo nyumbani kwako.

Mzee alikaa kimya kidogo, kisha akatabasamu na kusema hakika nyota ya magharibi ndio mwanzo wake hapa.

Soji hakumwelewa baba yake mdogo alikuwa anaongelea nini. Alimuuliza kwani baba unamaanisha nini unavyoongea hivyo?

Mzee hakusema kitu ila alimuuliza unajua ni nini alitumwa kuja navyo kwangu. Soji akasema nadhani utaviona ukifika nyumbani. Vile vile baba alisema atakaa huko mda wote mpaka atakapokuwa mzima ili uweze kumfundisha.

Mzee alitabasamu kidogo na kusema hakika. Kisha akasema ahsante kaka kwakuwa mimi ndiye mtunza utabiri huu. Nitajitahidi kuhakikisha kila kitu kinaenda sawa. Kwa uaminifu wako kwangu nitahakikisha sitakuangusha.

Baada Masanja alimugeukia Soji na kumwambia uzao wako umebarikiwa kwaajiri ya kuilinda nchi hii. Kwahiyo mwanao atakuwa mmbeba nyota ya Magharibi. Usije ukatoa siri hii kwa mtu yoyote hata mme wako usimwambie chochote wewe kaa kimya.

Wazee walikuwa wakimsubiri Masanja kwaajiri ya utaratibu mwingine kuhusu Fimbo na Kitabu. Maana utaratibu ni kwamba Mfalme mpya lazima apewe kitabu hicho na Fimbo ile. Na mfalme anatakiwa akisome na kukijua kitabu hicho kinaongelea nini.

Masanja alienda kuonana na Nyandalo ili kuomba vifaa hivyo apatiwe ili aweze kumkabidhi Kapera. Walienda kuangalia sehemu ya kuhifadhia vitu vya mfalme hawakuona fimbo wala kitabu. Lakini vitu vingine vyote vilikuwepo. Maelezo kuhusu nani atakuwa mfalme vilikuwepo. Walijaribu kutafuta kila kona hawakuona.
 
Gindu aliondoka kutoka Buchambi kuelekea Busongo. Alifika Busongo mida ya saa sita za usiku kila mmoja akiwa amelala. Alienda moja kwa moja kuonana na Lubala.

Alipofika akmuulize Lubala ni kwanini unaniita haraka haraka? Au siku hizi unanidharau. Lubala aliinama chini na kuanza kusujudia na kusema hapa hili ni agizo kutoka Ikoulou. Mimi siwezi kukudharau hata siku moja.

Gindu alimpiga ngumi ya kichawi akaenda kuangukia mbali. Alimfuata huko huko kijana siku hizi umekuwa na dharau. Akasema hapana mama yangu siwezi kuku dharau wewe.

Unanidanganya umepata habari kutoka kwa mfalme wakati mfalme amefariki!!?

Lubala alishangaa sana na kusema sina taarifa kuhusu mfalme kufariki lakini nitakuonesha vitambulisho vya mtu aliyetumwa.

Nioneshe harakaaaaaa!!!!!

Alienda kuchukua panga alipoona panga ile alicheka(hahahahahaha!!!). Hii panga ni kwaajiri ya kipindi kilichopita ndio tulitumia kuwasilia unataka kunidanganyaaa!!. Je unakumbuka tulikubaliana nini na wazee??

Lubala alisema ndio nakumbuka lakini sio hicho tu bali kunakitu kingine.

Gindu akasema unaleta mchezo kwenye kazi eti eeee, weweeeee. Alimuangalia kwa jicho kali sana huku akiwa amekunja uso.

Lubala akasema hapana mama kuna kuku mweupe.

Gindu akasema yupo wapiiiiiii!?

Huyu hapa Lubala alisema.

Baada ya Gindu kuona huyo kuku hasira zake zilishuka na kumfuata Lubala na kumwambia sasa niambie umeniitia nini haraka haraka?

Akaanza watu wa Ngaya wamevamia na wamechuku Eneo lote la Nindo Wemeshindwa kuingia Salawe mana pale Iseme Bundala aliwazuia. Wameenda kujipanga upya na watatuma wachawi sio mda mrefu.

Na tusipofanya chochote wataenda mpaka eneo la mazindiko huko Kano na kutupunguzia nguvu yetu.
 
Gindu akamuuliza kwahiyo wewe umeshindwa kuwazuia?

Lubala aksema mimi sina uzoefu na vita na sijawahi kupambana.

Gindu akasema basi wewe nenda huko na mimi nitakuwa Kano kwaajiri ya kuwazuia wasije kuchukua mazindiko yetu hapa.


Wakati huo mjumbe aliyetumwa kwenda kumchukua Bundala alikuta mapambano yamepamba moto. Wachawi Kutoka Ngaya wameshafika na wameto amri Bundala akamatwe akiwa mzima ili aweze kuwa rahisishia kazi yao.

Wachawi wanaotumia upepo walikuwa wameingia Iseme na kuvuruga nyumba zote huku wakiua watu wote waliooneka.

Aliyetumwa Alipofika Buduhe kabla ya kufika Iseme aliona vumbi kubwa na watu wakirushwa angani kwa nguvu za kichawi.

Vumbi lilikuwa jekundu limetapakaa damu za watu na wanyama waliouawa.

Tayari Ngaya walikuwa wamefika kwenye Bonde la mbuga ya Mhuyugu kuelekea Buduhe kijiji kimoja tu wafike Kano.

Hapo Buduhe kulikuwa na mzee mmoja anaitwa Madeleke alimuona kijana anaelekea Iseme kwaajiri ya kupeleka ujumbe. Mzee alimwita huyo kijana na kumsihi aisiende huko maana ni hatari sana. Kijana alisema nimetumwa na wazee kwenda kumwambia Bundala arudi na siwezi kuacha kwenda.

Mzee akamwambia hata ukifika huko hutaweza kumkuta Bundala anaweza kuwa kauawa au kakamatwa.

Kijana alikataa kurudi na akaanza kukimbie kuelekea iseme. Mzee madeleke alikuwa na nguvu kidogo za kuweza kuzuia uchawi wa upepo lakini wachawi sharti wawe karibu na Buduhe na Iseme ni umbali wa Kilometa kama nane hivi kwahiyo nguvu zake zisingeweza kuzuia.

Madeleke alipiga kelele kijana acha usiendeeeeee!!. Lakini kijana aliendelea kwenda tu. Madeleke alimwambia nisubiri basi twende wote.

Walipo fika mwenye bonde la Mhuyugu tayari wachawi walikuwa wamekaribia bonde hilo. Basi mzee alitumia nguvu zake. “Aliita Igulu ikaga” yaani mbingu shuka. Ilishuka mvua ya moto na kuanza kuwachoma wote waliokuwa wanatumi uchawi wa upepo. Ghafla upepo ukakatika. Wachawi wa Ngaya walikimbie na kuweka kambi yao Iseme. Ili kutafuta mbinu nyingine. Wakati huo walikuwa wamemkamata Bundala na kumfunga Kamba za Nyoka huku wakimpatia mapigo makali.

Wakimuuliza Nyie Busambilo mna siri gani tupatie siri yenu ya kuwa nan chi tajiri na yenyerutuba. Ukitupatia hiyo siri tunakuachia huru.

Walikuwa wakimchapa mijeredi Chwaaaaa!!!! Inamchana ngozi yake wanamuunguza vidole vya mikono na maji ya moto huku wakiche na kusema nyie mnajifanya wajanja sana mwaka huu lazima muwe watumwa wetu.

Nyie mkilima tu mnapata mazao lakini sisi hatupati lazima mtupatie siri au sehemu ya Nindo na Salawe.

Mzee Madeleke alimwambia kijana subiri kwanza maana walivyo rudi hivi wanakuja na mbinu mpya.
 
Wachawi waliopigwa na ile mvua ya moto walirudisha taarifa na kusema kuna mtu mmoja ametuzuia alikuwa anatumia nguvu ya moto.

Mchawi mkuu wa Ngaya alisema “nani huyu anayeweza kuzuia nguvu yangu!!!” Kwa hasira laitazama jiwe kubwa lilokuw upande wake wa kushoto jiwe hilo lilipasuka vipande vipande.

Akasema nyie wachawi nafasi ya tano mmeshindwa basi ninataka wale nafasi ya nne jiandae haraka tunaenda mpaka Kano kwenye mazindiko yao na kuyahari watakuwa hawana kitu. Maana huyu Gindu alishagakufa mda mrefu hakuna wa kuwasaidia watu hawa.

Wachawi nafasi ya nne walikuwa watatu walitumwa. Kila mmoja alikuwa na uwezo wake. Mmoja alikuwa na uwezo wa kupasua ardhi na kuamuru vitu vyote vifunikwe, Mwingine alikuwa na uwezo wa kuzima jua na kuwasha moto kila sehemu.

Mwingine alikuwa na uwezo wa kujibadili na kuwa nyoka mwenye vichwa 11.

Wote kwa pamoja walikuwa na uwezo wa kupotea wasionekane kwa macho huku wakifanya matukio makubwa makubwa.

Mzee Madeleke alimwambia kijana huu wakati ni wa kukimbia kuna wachawi wakubwa wanaweza kuja maana tumewachokoza na mimi sina uwezo wa kuwazuia.

Kijana alikataa na kusema wewe nenda tu mimi siwezi kurudi mpaka nifikishe ujumbe.

Mzee Madeleke akasema kijana ni hatari sana. Kijana aksema nafuu mimi nife Bundala awe hai maana huyu ni mpambanaji wetu. Na tayari kuna kijana ametumwa kwenda busongo Lubala anaweza kuja kutuokoa sisi hapa.

Basi mzee alipata nguvu maana na kumwambia kijana subiri tuende wote nikachukua ulinzi wangu liliokabidhiwa na mkubwa wetu. Mzee alienda kuchukua nguo nyeusi na kofia nyekundu na kumwambia kijana sasa mimi niko tayari twende tukutane na hawa wachawi.
 
Asubuhi Nyamhindi aliamka na kumfuata Nshoma. Nyamhindi alimsalimia na alipiga magoti mpaka chini. Baada ya salamu Nyamhindi alimuuliza Bibi yake mdogo kuna kazi yoyote ya kufanya nikusaidie? Nshoma akasema hakuna pumzika tu. Akamuuliza tena; babu yupo wapi mbona tangu jana sijamuona?

Nshoma alimjibu na kusema babu yako amesafiri kidogo atarudi tu na atakukuta sawa bibi!!??. Nyamhindi akasema sawa.

Askari waliokuwa wamemsindikiza Nyamhindi wakaaga ili waweze kurudi. Nshoma aliwaandalia chakula cha asubuhi ili wale kwanza kabla ya kuanza safari. Walipo maliza kula waliaga na kuanza safari ya kurudi Ikoulou.

Baadae mchana Nshoma aliwaita Ntemanya na Mgoyela ili waje wakutane na ndugu yao Nyamhindi. Walikuja na aliwatambulisha. Nyamhindi alifurahi sana kukutana na ndugu zake.

Basi Nshoma aliwaacha pekee yao na wakaanza mazungumzo. Nyamhindi alimuuliza Ntemanya eti wewe unapenda nini sana. Ntemanya akasema mimi napenda Kuwinda na kulima na wewe Mgoyela; Mgoyela akasema mimi napenda kula na kupika.

Nyamhindi alicheka sana; Yaani unapenda kupika kwani wewe ni mwanamke? Mgoyela alikasirika na kuondoka zake na kwenda kwa mama yake.

Nyamhindi akasema vipi huyu mbona anaondoka tu wakati tunataniana?

Ntemanya akasema huyu ndio alivyo hapendi kukosolewa na mama yake alivyo mkali atakuja sasa hivi kunigombeza na kunipiga.

Nyamhindi akauliza kwani mama yake sio mama yako.

Ntemanya akasema ndio mama yangu alishafariki zamani sana. Na sijawahi kumuona.

Nyamhindi akasema pole usilie mimi si mwanamke ninaweze nikawa mama yako je utakataa?

Utawezaje kuwa mama yangu wakati wewe ni mdogo hivyo.

Kwani mama yako lazima awe mkubwa? Nyamhindi aliuliza.

Ndio mama anatakiwa awe ni mkubwa na anaweza kumtunza mwanae.

Nyamhindi akasema siku tukienda kwa mama yangu nitamwambia wewe ni mwanangu sawa na nitakutunza sawa usilie eee!! Naomba basi usilie wanaume huwa hawalii sawaa!!.
 
Nyamhindi.jpg

Nyamhindi ni mzuri wa sura, sauti yake nyororo ya kuvutia alifanana kabisa na mama yake. Alikuwa napenda sana usafi wa mwili na mazingira yake. Meno yake meupe pee mithili ya mafungu ya pamba iliyo chambuliwa ki ustadi.

Japo kuwa alikuwa ni mdogo uzuri wake hakika hauwezi kufichika. Mwendo wake wa mikogo ulipendezesha sura yake na urefu wake aliokuwa nao.

Mashavu yake nyororo na alikuwa anapenda sana kuzitunza nywele zake za kuvutia utadhani manyoya ya mbuzi weusi wakitoka mtoni kuoshwa.

Kadri alivyozidi kuongea na Ntemanya, Ntemanya alijikuta anatabasamu na kusema sawa nimekubali uwe mama yangu. Ntemanya aliuliza je mama akificha chakula unaweza kunipikia.

Nyamhindi akasema mimi najua kupika sana nitakuwa nakupikia chakula kizuri sana alichonifundisha mama. Mama alikuwa nampikia baba na baba alikuwa akifurahi sana akila chakula cha mama. Mimi nitakupikia usiwe na wasi wasi.

Mama yake Mgoyela alikuja kwa hasira sana. Alipofika akamkuta Nyamhidi akiongea na Ntemanya. Baada ya kumuona Nyamhindi alirudi kwa hasira maana aliogopa kuongea chochote mbele ya Nyamhidi.

Aliporudi akamwambia Mgoyela nenda kamwite Ntemanya nahitaji aje hapa haraka.

Mgoyela alipofika kwa kujificha ficha akamwambia Ntemanya unaitwa na mama. Nymhindi akasema bado tunaongea atakuja tukimaliza.

Basi Mgoyela alirudisha taarifa kuwa Nyamhindi amesema mpaka wamalize kuongea ndio ataenda.

Mama alikasirika na kuanza kupigiza pigiza mguu wa kulia chini. Hivi haka katoto kananitakia nini haka mbona kamekuja jana tu kanataka kunipanda kichwani. Hebu ngoja azoee atanijua mimi nani.Kwanza nina hakikisha anarudishwa kwako.
 
Wale wachawi watatu walitoka Iseme na kuanza kuelekea Buduhe. Huku Mzee Madeleke akitoka Buduhe kumsindikiza kijana kwaajiri ya kupambana ili waweze kumuokoa Bundala.

Mzee Madeleke alituma dawa mbele kwaajiri ya kunasa wachawi wa kujificha ili waonekane. Alipuliza dawa angani na kusema “Shita chang’wa jaga ubabone” Yaani Asiye zuilika neda uwaone.

Wale wachawi baada ya kwenda mbele kidogo waliona kuna mtego wamewekewa ili waonekane. Alipogundua hivyo wakaacha kujificha wakasema sasa tunaenda hivi hivi na tukutane naye huyu aliye wazuia vijana.

Mchawi wa kuzima jua alilizima Ghafla kukawa giza nene chana.

Yule kijana aliyekuwa na Madeleke alianza kutetemeka na kusema sasa tufanye nini. Mzee Madeleke akasema kawa kuwa tumeamua kupambana basi tupambane.

Lubala alikuwa njiani na amefika Ikonongo karibu kabisa na Buduhe. Aliona Ishara hiyo ya jua kuzimwa. Lubala aksema aaah hawa ni namba nne sasa ngoja kwanza niwachanganye.

Lubala aliangalia kwenye darubini yake na kuona yule aliyezima jua. Na anakuja na wenzake kwa madaha sana.

Alituma ndege mweupe na akaenda kuwanyea wachawi wote watatu na Ghafla jua likawaka.

Alipogiga Darubini yake akamuona Madeleke anaelekea kwa wachawi hao akiwa na kijana amevalia nembo za Ikoulou. Alituma Ukungu mkubwa sana mbele yao na wakawa hawajui waende wapi. Mara upepo mkali ulikuja na kuwabeba na wakajikuta wamefungwa kwenye mti Maeneo ya Ikonongo.

Lubala akamfuata Madeleke akamwambia inatosha juhudi uliyoionesha rudi nyumbani ya kijana huyu kwa sababu wachawi wanaokuja hamuwawezi. Nendeni mpaka Kano mtakutana na Gindu.
 
Wale wachawi watatu baada ya kuona jua limewaka ghafla na ndege mweupe amewanyea. Walianza kutuma makombola ya kichawi mbele yao.

Baadae Lubala alipaa juu kabisa na kuwaambia wale wachawi Enyi wachawi wajinga nani aliyewadanganya kuwa mnaweza mkaishika busambilo kirahisi hivi. Mtakufa na mizoga yenu ikaliwa na ndege, Nyie bado wadogo sana nawahurumia rudini mkalete wakubwa wenu maana uchawi wenu ni mdogo sana ni wa watu wa mwanzo kabisa.

Pili waambieni jamaa zenu wamrudishe haraka Bundala la sivyo tutawafata huko huko Ngaya.

Mlidanganywa kuwa Gindu amefariki mkakubali na kuja kichwa kichwa amenituma niwaambie achaneni nan chi isiyo ya kwenu. Kama mnahitaji chakula sisi tupo tayari kuwauzia tupatieni mifugo na sisi tutawapatia chakula.

Eneo lote hili ni la basambilo ni utawala mkubwa sana hamuwezi kuushinda rudini nyumbani kwa watoto na ndugu zenu.

Hao wachawi walikasirika sana na kuanza kutumia nguvu zao ili kudhuru Lubala.

Lubala aliita mvua kubwa ya baridi kali ilianza kunyesha pale walipo tu. Wote walianza kutetemeka kwa baridi na wasiweze kufanya chochote. Mkuu wa wachawi wa Ngaya alisikia sauti ya Lubala.

Anasema huyu si Lubala huyu, basi vijana wangu wanatakiwa warudi haraka tukajipange upya.

Na amesema Gindu hajafa na anaonekana anauhakika kabisa. Inabidi turudi maana hawa jamaa kwa uchawi hatuwawezi angekuwa Lubala peke yake tunge baki maana huyu hana mbinu za vita.

Je wale waliondoka kwenda kule tufanyeje. Itabidi watafute njia ya kujiokoa wenyewe sisi hapa tukimbieni.

Vipi kuhusu huyu Bundala. Achaneni naye maana tukimchukua hawa jamaa watakuja mpaka kwetu na kutuharibia kila kitu.

Wachawi wa Ngaya walikimbia wote kurudi kwao
 
Masanja alikusanya wazee wote na kuwaambi. Tumejaribu kuangalia kila sehemu hatujaona kile kitabu wala ile fimbo.

Kwenye kikao cha wazee kila mmoja alianza kunung’unika.

Wengine wanasema sasa huu utawala utakuwaje bila kitabu

Wengine sasa hiyo fimbo itakuwa imeenda wapi.

Wengine labda ule utabiri unaanza kutimia

Kila mmoja aliongea alivyoona inafaa.

Masanja aliwaambia ndugu zangu hata kama kitabu na fimbo havipo vitabu vingine vya kumbu kumbu na majira vipo. Tunaweza kuvitumia hivyo waka huo huo tunatafuta ni wapi vitu hivyo vipo. Labda mfalme alikuwa na siri yake na amefanya hivyo kwa sababu yeye anajua ni yapi yatayo tokea.

Kuanzia sasa hatutakiwi kumlaumu mtu yeyote. Tusimame imara mfalme wetu alikuwa anajua kila kitu kwahiyo haitakuwa busara kwetu sisi kuanza kuuliza uliza vitu ambavyo vipo nje ya uwezo wetu.

Basi suala la Fimbo na kitabu hakuna mtu anayetakiwa kuliongelea kuanzia sasa. Nawaomba mwiteni mfalme wetu huyu mpya tuweze kumueleza haya.

Mfalme aliitwa na Msanja alimwambia kuanzia sasa suala la kuhusu fimbo na kitabu haitakiwi kulizungumzia mpaka tutakapopata ufumbuzi wake. Na hawa wazee wanabusara sana watakusaidia katika shughuli zako zote. Kwahiyo wasikilize kila siku. Maadamu mimi nikiwa hai usisite kuniuliza chochote.

Kapera alikubaliana na baba yake mdogo.

Kisha baada ya siku za msiba kuisha kila mmoja alirudi alikotoka. Masanja alirudi Nyang’ombe ili kuendelea na shughuli zake za kila siku.
 
Naomba comment zenu kabla sijaendelea.
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register