Mi ni mwana CDM na siandiki kwa ushabiki bali kilio cha kweli. Na ninaandika kwa sababu sina njia nyingine ya kumweleza mbunge wangu.
Sitaki niingie kwenye majungu bali nataka nimkumbushe Mbunge wangu wa Hai Mh .Freeman Mbowe kuhusu kwa nini tulimchagua na yeye mwenyewe atueleze kwanini hajatutendea haki wapiga kura wake.
Nataka nimweleze kuwa tulimchagua atusaidie kusukuma gurudumu la maendeleo mbele kwenye upande wa miundombinu, Elimu, maji n.k.
Mh. Mbunge wangu umetutelekeza na haya siyo majungu sisi tuna majonzi kwa jinsi ambavyo umekaa mbali na kutuacha tukiteseka.
Kwa leo naongelea tu jambo moja la miundombinu ya barabara:
Barabara zote za Kata ya Machame Mashariki sehemu za Lyamungo Kilanya, Sinde, na kati ziko taabani nitataja chache;
1. Maili sita Narumu hadi Kijiweni hali ya barabara ni mbaya na ni mashimo matupu na barabara haipitiki.
2. Kijiweni hadi kwa Elitira Mengi barabara ni mbovu mno haipitiki ni mashimo haswa eneo la Kwa akina Matinga, kwa Hans Kileo hali ni Mbaya na watu wamekata tamaa. Daraja la mto weruweru linaloonganisha Lyamungo na Nkuu tangu liharibiwe na mafuriko na kuharibu vyuma vya pembeni liko katika hali ya hatari.
Humo humo maeneo ya mtoni upande wa Lyamungo mahali ilipotokea land slide barabara inakaribia kufungwa kwani tumeshindwa kupata msaada wa kupasua mawe yaliyoanguka na kuifanya barabara kuwa nyembamba.
Mbunge ulitembelea daraja la wereweru na kuahidi kulifanyia ukarabati lakini hadi leo hii hujatimiza ahadi yako.
3. Barabara ya kutoka Nkuu Ndoo na kuunganisha na ya Kimbushi kwenda Uduru iko katika hali mbaya ni mashimo na inapitika ilimradi.
Barabara ya Kijiweni hadi Kilanya na makeresho ni mashimo matupu hali inayosababisha usafiri wa kufika kituo cha afya Umburi kuwa shida kabisa.
Ninajua mwaka huu hujafika kabisa
Tunajiuliza maswali je kwa nini umetutelekeza kata hizi za Machame mashariki, Machame kati?
Mbunge jirani yetu wa Moshi Vijijini Mh Cyril Chami anamalizia barabara zake kwa kasi ya ajabu na mbaya zaidi zinaishia mpakani mwa jimbo lako Mr. Mbowe. Na hili linatupa maumivu zaidi.
Kuna tatizo gani mheshimiwa mbona umetutelekeza au umeamua hiki kiwe kipindi chako cha mwisho na kwamba hutarudi tena kuomba kura?.
Mkuu ungekuwa unafika jimboni kuitisha mikutano haya maswali yangeishia kwenye mikutano lakini imekuwa siyo riziki hatukuoni zaidi ya pale Bungeni kupitia TV.
Naomba uelewe miundo mbinu imekuwa mibovu kuliko kipindi cha mbunge awaye yeyote na sijui kwa nini au ni kwa sababu wewe umejaliwa chombo cha kuruka angani hukanyagi huku chini ukaonja joto ya mashimo!
Hatutaki kufanya haraka kukuita mbunge jina kwani inawezekana umeshaweka mikakati inayosubiri utekelezaji. Hakuna mtu anaamini eti mbunge hajui ubovu wa barabara katika jimbo lake huku akijua umebaki mwaka mmoja atahitaji kufanya kampeni kupitia barabara hizo hizo ambazo kama hazitatengenezwa zitakuwa hazipo kabisa.
Mimi nimetumwa na sina hobby ya uongozi wa aina yoyote katika chama chochote bali maendeleo.
[/TD]
Mwenyekiti wa Chama cha Demokrasia na Maendeleo (CHADEMA) na Kiongozi wa Kambi ya Upinzani Bungeni (KUB), Freeman Mbowe akisalimiana na Naibu Waziri wa Ardhi, Nyumba na Maendeleo ya Makazi, Goodluck Ole Medeye. Viongozi hao walikutana juzi eneo la Bomang'ombe, wilayani Hai, kila mtu akiwa katika ziara yake. Wakati Mbowe alikuwa anaendelea na ziara ya kuzungukia wananchi latika vijiji mbalimbali jimboni kwake Hai, Medeye alikuwa katika ziara yake binafsi maeneo ya jimbo hilo.
