Ramani, makadirio, Elimu na ushauri kuhusu Ujenzi

[Hechy Essy]

Hata kama una kiwanja kidogo, tuwasiliane nikutengenezee plan kulingana na ukubwa wa kiwanja chako.

 

[Hechy Essy]

Cubic meter 1 ya zege (ambayo ni sawa na ndoo 50 za lita 20) ina uzito wa kilo 2400 (sawa na tani 2.4). Unapoweka zege mahali hakikisha unaweka support za kutosha zitakazoweza kubeba huo mzigo, vinginenyo itakuja kukutia hasara (vuta picha umemwaga slab yako, na baada ya dakika kadhaa support zimeachia na slab yote imeshuka chini).

Ukifunga mkanda, hakikisha kati kati unaweka mlunda wa kuzuia mbao ya sahani (mbao ya sahani pekee haiwezi kuhimili uzito wa zege)

Ramani, Makadirio au Ushauri tuwasiliane

 

[Hechy Essy]

Kesho ijumaa na weekend yake (jumamosi na jumapili) kutakuwa na offer ya punguzo la bei kwa asilimia 20.

Lakini pia kama una ramani yako na unahitaji usimamizi katika zoezi la kuset jengo ili jengo lako lijengwe sawa sawa kabisa na ramani inavyoonekana basi tuwasiliane.

 

[Hechy Essy]

Ramani, Makadirio au Ushauri tuwasiliane

 

[Hechy Essy]

Namna ya kujua size ya chumba unachotakiwa kujenga

1. Andika vitu vyote unavyotegemea kuwa navyo katika hicho chumba mfano kitanda, meza, kabati, show case n.k

2. Andika size ya hivyo vitu vyote mfano kitanda 5ftx6ft au 6ftx6ft, meza 2.5ftx4ft, kabati 1.5ftx6ft n.k

3. Chora mpangilio wa vitu vyako vyote katika hicho chumba kwa kuzingatia position ya mlango na madirisha kwa maana mpangilio wako usiathiri ufungukaji wa mlango, au kuziba madirisha.

4. Katika huo mpangilio, acha nafasi ya njia isiyopungua mita 1 ili kupunguza msongamano wa vitu katika eneo moja.

5. Jumlisha vipimo vya vitu vyako katika mpangilio (kulia kwenda kushoto, na mbele kwenda nyuma) na njia uliyoacha utapata size ya chumba kitakachotosha mahitaji yako

Ramani, Makadirio au Ushauri tuwasiliane

 

[Hechy Essy]

Kama hujaweka slab juu ya kibaraza, tafuta wire mesh au BRC upigilie juu ya mbao za dari. Kama mwizi akitoboa gympsum board, akutane na kizuizi kingine. Pigilia misumari ya kutosha

Ramani, Makadirio au Ushauri tuwasiliane

 

[Hechy Essy]

Kuna baadhi ya hatua za ujenzi, material yakibaki katika hizo hatua huwezi tena kutumia katika hatua zilizobakia kwa hivyo itabidi tu uuze kwa bei ya hasara.

Lakini kuna hatua zingine material yakibaki, inabidi uyahifadhi kwa sababu yatahitajika katika hatua zinazofuata na hivyo kukupunguzia gharama katika hatua za mbele. Mfano mbao zikibaki katika hatua ya upauaji, utaweza kuzitumia mbao hizo hizo kufanyia brandering japo zingine itabidi uzichane ili upate mbao za 2x2 au 2x3

Unaweza ukauza material yaliyobaki kwa bei ya hasara badala ya kuyahifadhi halafu huko mbele ukashangaa bei ya material imepanda zaidi kuliko ile uliyonunulia mwanzo kwahivyo kabla ya kufanya maamuzi ya kuuza angalia kama hayo material yataweza kutumika tena katika hatua zinazofauat na pia yataweza kuhifadhika katika muda unaotaka kuyahifadhi (mfano cement inatakiwa itumike ndani ya siku 90, huwezi ukaiweka tu ndani zaidi ya hizo siku)

Ramani, Makadirio au Ushauri tuwasiliane

 

[Seawhale]

Kama hujaweka slab juu ya kibaraza, tafuta wire mesh au BRC upigilie juu ya mbao za dari. Kama mwizi akitoboa gympsum board, akutane na kizuizi kingine. Pigilia misumari ya kutosha

Ramani, Makadirio au Ushauri tuwasiliane

Kuna ubaya ukipunguza kipenyo cha mbao za dari ya kibarazani kiasi cha mtu kuweza kupenya?.

 

[Hechy Essy]

Kuna ubaya ukipunguza kipenyo cha mbao za dari ya kibarazani kiasi cha mtu kuweza kupenya?.

Hakuna ubaya, unaweza ukapigilia square draft ya futi moja kwa futi 1 center to center lakini kwa uhakika zaidi kama mfuko unaruhusu mwaga zege tu. Mtu akishadhamiria kutekeleza nia yake, ni ngumu kumzuia.

Hata hiyo draft utakayopigilia akija siku ya kwanza akakutana nayo, siku nyingine atakuja na msumeno wa kukatia lakini kwa zege kidogo ni shughuli kutoboa. Lengo ni kuongeza muda atakaoutumia mwizi kabla ya kutekeleza dhamira yake, sidhani kama mwizi anaweza kuwa comfortable kwa dakika 10 na zaidi kutafuta njia ya kuingilia ndani