Rai ya Zitto Kabwe kuhusu udini Tanzania ulivyoenea

[Ritz]

Wanabodi,

Katika pita zangu kwenye mitandao ya kijamii nimekutana na haya maneno ya Naibu Katibu Mkuu wa Chadema Zitto Zuberi Kabwe.

---

Zitto Kabwe


Watanzania tunapenda sana kuficha uchafu chini ya kapeti. Chuki za kidini mitaani is real. SMS za chuki zinasambaa. Kuzisema au kuziweka hapa sio kuzitangaza bali Ni kuonyesha Kwa Kiwango gani uvundo wa udini umejaa nchini. Kila namba inayotuma ujumbe wa chuki za kidini ninau report #TCRA lakini SMS hizo zinaendelea. Waislam wanaambiana misikitini kuchaguana kwenye mabaraza ya #Katiba. Wakristo wanaambiana makanisani kuchaguana kwenye mabaraza ya Katiba. Hapo tuna Taifa kweli? Tusifiche mambo haya, tuyaseme waziwazi na kuyakemea Kwa vitendo. Wahenga walisema mficha ugonjwa?..........

 

[Kijakazi]

Huyu jamaa lazima atakuwa ana matatizo, ktk nchi ambayo kuna karibu Idadi sawa ya watu wa Dini mbili tofauti haiwezekani kusiwe na msuguano hata kidogo, haiwezekani watu wadini fulani wasiwalalamikie watu wa Dini nyingine, ni jambo la kawaida sana, na lipo tangu mwanzo wa Binadamu kuanza kuishi Dunia hii, na litazidi kuwepo, hivyo sio ishu!

Ishu hapa ni ukosefu wa ajira na Umaskini, hizo ndio hoja zinazopaswa kujadiliwa na Viongozi na sio mambo ya fulani katuma sms ya kukashifu Dini ya fulani, kupoteza muda ktk mambo kama hayo ni ujinga

 

[reandle]

Huyu jamaa lazima atakuwa ana matatizo, ktk nchi ambayo kuna karibu Idadi sawa ya watu wa Dini mbili tofauti haiwezekani kusiwe na msuguano hata kidogo, haiwezekani watu wadini fulani wasiwalalamikie watu wa Dini nyingine, ni jambo la kawaida sana, na lipo tangu mwanzo wa Binadamu kuanza kuishi Dunia hii, na litazidi kuwepo, hivyo sio ishu!

Kijakazi Kijakazi.....hapo kwenye RED unataka kutuibulia mjadala mwingine hapa; wengine tushajichokea haya mambo!

 

[Masalu T Bernard]

Ujumbe ni mzuri ila pia watu waache unafiki.wanafanya ujinga wakiambiwa ukweli na hatua zikichukuliwa juu yao wanasema eti sababu ya dini yao.kuna watu wanajiona malaika hasa baadhi ya wanasiasa wetu.hawataki kukosolewa,wakikosolewa wanajificha kwenye mwamvuli wa udini.hawa ndiyo wadini wakubwa.tuepuke udini tuokoe taifa

 

[The Boss]

Hivi udini ni mkubwa mno Tanzania au unaongelewa mno?
au unakuzwa mno?

 

[rodrick alexander]

udini tulionao ni ule ambao umetengenezwa na wanasiasa hasa baada ya kushindwa kuongoza kama kuna udini tuanzie ngazi za chini watu wa dini tofauti tunaishije halafu tuje huku juu ambako vyeo na vitu vingine vya kitaifa kama vinaendana na udini au la

 

[Tsidikeu]

Kama ungeelewa alicho maanisha usingeleta haya maandiko yako hapa!lkn kwavile wewe sii muelewa usiyetaka kuelewa ndio maana umeamua kuanzisha uzi ambao matokeo yake ni kujibizana UDINi ikawa ndio muendelezo wa kuujenga km mlivyoamua.

BATTER AN UGLY FACE THAN UGLY MIND!!

 

[Mahesabu]

Mwananyamala maeneo niyajuayo ya wazi yamejengwa MADRASA!!!!!
Pale ANGAZA opposite ni open space ila MADRASA ipo pale! Nyingine ipo katika hatua za mwisho za ujenzi MSUFINI

 

[Nyanko]

Hakuna tatizo la udini hapa Tz isipokuwa watu wasiokuwa na uweledi wa masuala ya dini ndiyo wamekuwa waongeaji wakubwa wa masuala ya dini. Hivi srikali makini imeshindwa kuwakalisha viongozi wa dini hizi mbili kuu?

 

[Getstart]

Hakuna tatizo la udini hapa Tz isipokuwa watu wasiokuwa na uweledi wa masuala ya dini ndiyo wamekuwa waongeaji wakubwa wa masuala ya dini. Hivi srikali makini imeshindwa kuwakalisha viongozi wa dini hizi mbili kuu?

Huo ndio udini wenyewe. ukiacha watu wa elimu ndogo ya dini kuwashawishi watu mambo yasiyofaa na kusababisha mfarakano wa kidini matunda yake ni udini.

Haya mambo yalipaswa kukemewa mapema yalipoanza na kuzuia wanasiasa au vyama vyao kutumia udini kama mitaji yao.

 

[mmaroroi]

Haya nikuulize swali agenda ya masalia ilikuwa nini kuhusu Chadema. Sasa ushauri wako ni upi? Je unafahamu kilichotokea kwenye kampeni za 2010? Mbona sasa unakwepa ukweli na ulihusika kwenye kampeni hizo?

 

[12STONE]

Srikali kushindwa kudhibiti cheche za udini hapa Nchini nako sio udini? Basi mie nakubali hakuna udini ila CCM ndio ina udini maana mpaka kwenye Ilani ya chama walibadika mambo ya udini. CCM ikiacha kuridhisha dini moja na kupuuza nyingine na kubakia kusimama Imara yakujenga UTAIFA hutaona udini popote PALE mitaani mwetu.

 

[nkongu ndasu]

Udini tanzania unadekezwa na serikali,mfano kwenye issue ya kuchinja serikali imebezi upande mmoja! Ccm ndo wadini wakubwa,maana 2005 waliingiza masuala ya mahakama ya kadhi kwenye ilani yao!

 

[tenende]

Udini tanzania unadekezwa na serikali,mfano kwenye issue ya kuchinja serikali imebezi upande mmoja! Ccm ndo wadini wakubwa,maana 2005 waliingiza masuala ya mahakama ya kadhi kwenye ilani yao!

Inawezekana Uislamu ni dini rasmi ya serikali.. Ngoja tuendelee kuchunguza!

 

[PROF PHILOSOPHY]

Zito. kwa nini hali hii wakati huu. Nataka ukubali kuwa umoja uliokuwepo hapo kabla ni matunda ya uongozi uliokuwepo. na udini uliopo ni matunda ya uongozi uliopo. hii ndio maana hasa ya kila zama na kitabu chake. zaidi ya hayo Bwana zito. Umewahi zisikia na kuziona video za Ustadhi Ilunga? ziliwekwa lini. kwa nini imechukua muda mrefu namna hii. Ilunga ametaja wazi kuuawa kwa mapadri na hilo likatokea. anaufungamanisha Muungano na ukristo. kisha ansema katika mhadhara ulofanyika ikwiriri kuwa kama waislam walivoung,oa ukoloni pwani ndivo wanapaswa kuupiga na kuung,oa mfumo kristo. swali langu kwa nini tunapigia kelele matokeo ya dhambi badala ya chanzo cha dhambi. kwa nini Ilunga hakushughulikiwa mapema ili waliolengwa wapate imani kuwa wako salama chini ya ulinzi wa serikali yao.

Zito! unayo habari huku mitaani waislam wanatamka wazi kuwa wakristo ni makafiri? na kwa hiyo hawezi kula nyama ilochinjwa na kafiri. Unadhani nini matokeo ya lugha hiyo.

Zito! nina hakika unajua mzizi wa udini huu pia una mkono toka kwa watawala. wewe binafsi ulishashuhudia kuwa kura za nchi hii ziigawika kidini. zilikuathili hata wewe jimboni kwako. nasema jambo hili linamkono wa utawala kwa sababu katika uchaguzi wa 2005 cuf ndo ilikuwa na nguvu. ccm walikinadi chama hiki kuwa ni cha kiislam. lakini uchaguzi wa 2010 wakanadi kuwa cdm ini cha wakristo. wewe huoni tatizo?

Zito! Ilunga alitoa video zake muda mrefu sana. hakukamatwa. lakini video ya Lwakatare ilipotoka tu, sidhani kama alichukua wiki. ukiwatazama watanzania kama watu wenye akili timamu unadhani watatafsri vipi jambo hili. nothing other than double standered approach. Msumeno haukati kuwili. wanachofanya wananchi hasa wakristo wanafungamanisha jambo hilo na imani za watawala waliopo. kuanzia polisi usalama, mahakama hadi ikulu.

mtu anasema kuchinja kwake ni ibada. hiyo ni sawa. lakini ibada yako inahusiana nini na uhuru wagu na ibada yangu. kauli za waislam kuwa wakristo ni makafiri hata humu JF zimo. zinamchango mkubwa sana katika hili. Ilunga ilipoanza video yake ya kuhusu Mauaji ya shekhe logo alianza na neno kafiri kabla ya kumalizia kwa wito wa kuwaua mapadri na maaskofu kana kwamba akiuawa shekhe tu, bila kujali nani kamuua basi kisasi ni kuwauwa mapadri na maaskofu.

ninyi wanasiasa ndio mliotufikisha hapa. nakukumbusha tu. kikwete alichaguliwa kwa asilimia ngapi mwaka 2005. nini kimetokea hapa katikati. nakumbuka Askofu klaini na baadhi ya viongozi wa kikristo walipaza sauti kwa kinywa kipana wakisema " hili ni chaguo la Mungu" mambo yakoje leo? wanasiasa mmewagawa wananchi kwa misingi ya dini ili tu mjipatie kura. Afu sasa mnakuja mnashangaa hali hii mnakuja mnashangaa hali hii. kaka, tunavuna tulichopanda.

Zito! yanayotokea ni responce to the prevailing situation. At every action, there is equal and opposite reaction. unaikumbuka hiyo?

mwinyi kasema hivi
RAIS mstaafu wa awamu ya pili Alhaji Ally Hassan Mwinyi amesema kila mtu ana
haki ya kuchinja kutokana na imani yake ilimradi tu asivunje sheria za nchi .
Alisema anashangaa watu kugombania kitu kidogo kama cha kuchinja ilihali
Tanzania ni nchi yenye utamaduni wa kuwa na amani siku zote na kwamba kila mtu
ana imani yake ya dini anayoiamini.
Hayo aliyasema jana katika hoteli ya Kilimanjaro wakati wa kongamano juu ya
utamaduni wa kiislamu Afrika Mashariki ambapo Tanzania imechaguliwa kuwa
mwenyeji wa kongamano hilo .
"Imani ni nafsi ya mtu na haitakiwi mtu kumlazimisha kula nyama iliyochinjwa na
mwenzio na kama unaona aliyochinja mwenzio ni kibudu basi usile chinja yako kula
hata ukitaka kula chura, mjusi konokono kula utakacho ruksa ilimradi tu usiingie
katika jinai,"alisema Alhaji Mwinyi.
Pia alisema majaribu kama hayo yaliwahi kumtokea katika miaka 80 wakati wa
utawala wake lakini alijitahidi kuweka sawa kwa kumwambia kila mtu ale kile
anachofikiri ni chakula bila kumlazimisha mwenzake ale anachokitaka yeye.
Alisema watanzania wamezaliwa ardhi moja na kwamba kinachotakiwa ni kuwa na
misingi ya kuvumiliana na kwamba sifa ya uislamu ni pamoja na kuwa na uvumilivu
si kufanya vurugu kama inayotafsiriwa na makundi ya wanaotaka kuvunja amani ya
nchi kwa kutumia jina la dini ya kiislamu.
Pia alimshukuru Katibu Mkuu wa Shirikisho la Ulimwengu wa Kiislamu Duniani
(RABITA) Dk.Abdullah Mohsin Al-Turki kwa kuichagua Tanzania katika kuhubiri
amani pia.

 

[Mpitagwa]

Ndoo leo najua kuwa Ritz ni mmoja wa wadini hatari hapa nchini, siku zote nimekuwa nikimchukulia kama mchambuzi. Leo namshangaaa kwanini anamsemea ZZ kabwe? ZZ Kabwe ni mmoja wetu hapa JF na hahitaji kuwasilishwa na mtu kutoa maoni yake hapa. Ritz, declare your interest or shut-up your mouth on this. Mzee umri ni hoja sio mnvi

 

[Oikos]

Ukiona kuna jambo tata na mfalme hatoi maamuzi elewa si mfalme bali alistahili kuwa mtoto wa mfalme....!!

 

[sunshine1]

Mi najua wewe ni msemaji wa CCM. Iweje leo unakuwa msemaji wa Zitto kulikoni! Au sbb Udini pia ni area yako?

 

[manumbu1]

Kuna ubaya gani pakiwa na madrasa sehemu ulizotaja,je amevunja sheria? nini mtazamo wako kama sio udini angalia sana ulimi wako,ulimi unajenga na kubomoa

 

[Jasusi]

Zitto ni mwanasiasa, tena mbunge. Katika nafasi yake hapaswi kulalamika. Anapaswa kutafuta majawabu kwa matatizo yanayolikabili taifa letu.