OPERATION GOTHIC SERPENT: Nguvu ya Itikadi, Imani na Ushujaa uliotukuka

[The Genius]

Mkuu samahani naona sehemu ya nne iliishia hapa naomba muendelezo nn kilitokea hapo


(Vijana wa kisomali walio na silaha za moto, wenye mapanga, majembe, mundu, akina mama na mpaka watoto, kama vile tai wakisikia harufu ya mzoga mahala… walimiminika kwa makundi ya mamia ya watu wakikimbia kuelekea Super 64 ilikodondoka. Hii ilikuwa ni siku ya sherehe na siku ya msiba… siku ya kupimana misuli kati ya imani na itikadi dhidi ya misuli ya weledi na ushajaa.)


Sent using Jamii Forums mobile app

Jamaa huwa hamaliziagi

Sent using Jamii Forums mobile app

 

[Mtoto wa Shule]

View attachment 802402

Masuala haya (Al-Qaida kumsaidia Aidid) yalithibitishwa pia na Osama Bin Laden mwenyewe alipofanya mahojiano na John Miller wa kituo cha habari cha ABC cha nchini Marekani mwaka 1998 katika eneo lisilojulikana. Katika mahojiano yale ukimsikiliza Osama namna ambavyo anawakashifu wanajeshi wa Marekani kama 'cowards', unawez kuelewa ni kwa namna gani kukimbia kwa vikosi vya Marekani nchini Somalia kulitumiwa na watu kama Osama kipropaganda kuwatia moyo vijana wake wasiogope jeshi la Marekani.

Kuna mengi ya kujifunza kijeshi, kiitikadi na hata kiimani na pengine kuchochea ushujaa kutoka kwenye kisa hiki cha Vita ya Mogadishu na Operation Gothic Serpent. Licha ya vikosi vya Marekani kuwa na silaha za kisasa zaidi na weledi zaidi wa kijeshi, lakini vijana wenye mori ya itikadi na imani wakiwa na mapanga na mundu tu mikononi waliweza kuwatoa jasho na mpaka kusalimu amri. Ni mara chache sana katika maisha ambapo tunapata kukumbushwa na kushuhudia kwa macho yetu namna nguvu hii ya itikadi na imani lakini pia hatupaswi kubeza ushujaa uliotukuka ulioonyeshwa na makomando wa Marekani.


MWISHO


Makala mpya inakuja wiki hii…

Ramadhan Kareem


Habibu B. Anga "The Bold"
To Infinity and Beyond

Nilichoona hapa ni kwamba Wamarekani walilichukulia "poa" suala la Somalia ndio maana likawagharimu. Hata Wasomali na Aidid walilijua hilo ndio maana Wamarekani walipotishia kufanya "full combat" wasiporudishiwa mateka wao, Wasomali waliwarudisha haraka haraka na inawezekana hata "halua" waliwapatia ili yaishe!

 

[Shaiba]

Pamoja sana

 

[Rasterman]

OPERATION GOTHIC SERPENT: NGUVU YA ITIKADI, IMANI NA USHUJAA ULIOTUKUKA




FINALE


Kwa muda wa siku kumi na moja Mohammed Farrah Aidid aliendelea kumshikilia rubani wa Super 64 Michael durant. Kwa siku zote hizi Farrah Aidid alikuwa akitoa matakwa yake juu ya vitu ambavyo alikuwa anataka vifanyike ili amuachie Michael Durant. Na sharti lake kuu alikuwa anataka vikosi vya UNOSOM wakiongozwa na Marekani kuondoka Somalia.
Lakini pia Adid alisambaza video za propaganda zikimuonyesha Michael Durant akiongea kupinga uwepo wa Wanajeshi wanzake wa Marekani juu ya uwepo wao ndani ya Somalia. Ni dhahiri kabisa kwamba Michael Durant alikuwa analazimishwa kusema kile ambacho alikuwa anakiongea.

Mpaka leo hii kuna utata mkubwa ya ni namna gani hasa Marekani waliweza kumshawishi Aidid kumuachia Michael Durant.
Ziko ripoti ambazo zinaeleza kwamba Marekani walilipa kiasi cha dola Milioni 10 ili kuachiwa kwa Michael Durant na mjadala juu ya malipo haya unazua nadharia juu ya kushamiri kwa uharamia katika pwani ya bahari ya hindi na hasa hasa kwenye pembe ya Afrika (tukipata nafasi tutajadili zaidi suala hili).

Mohammed Farrah Aidid alimuachia Michael Durant kwa shirika la misaada la msalaba mwekundu baada ya siku kumi na moja za kumshikilia. Baada ya Michael Durant kupatikana tu haraka alichukuliwa na jeshi na kusafirishwa kwenda nchini Ujerumani kwenye kituo cha tiba za kijeshi cha Landstuhl Regional Medical Center ambako alikaa kwa wiki kadhaa akitibiwa na kufanyiwa upasuaji kurekebisha paja na sehemu ya uti wa mgongo ambazo alivunjika kwenye ajali ya chopa ya Super 64.

Nilieleza kwamba miili ya wanajeshi wa Marekani ambao ilikuwa imechukuliwa kutoka kwenye chopa zilizodondoka, yaani Super 61 na Super 64 ilichukuliwa na wananchi na kuburuzwa barabarani na kudhalilishwa mno.
Wiki moja baadae jeshi la Marekani waliwabana viongozi wa koo za kisomali wakitaka miili ya wanajeshi wao irejeshwe. Ulikuwa ni mzozo mkubwa kweli kweli mpaka kufikia hatua ya Marekani kutishia kuingiza majeshi zaidi nchini Somalia ndipo ambapo viongozi wa koo za kisomali wakafanya juhudi za kusaka miili hiyo mpaka kupatikana na yote kurejeshwa kwa jeshi la Marekani. Miili ilikuwa katika hali mbaya kabisa na mengine ikiwa haina vichwa.

Mapigano haya ambayo nimeyaeleza kwenye makala hii ambayo kwenye vitabu vya historia yameandikwa kama "Vita ya Mogadishu" ni moja ya vipigo vya aibu kabisa na maumivu makali ambayo jeshi la Marekani limewahi kupata.
Kutokana na maumivu haya ba aibu hii, waziri wa ulinzi wa Marekani wa kipindi hicho Les Aspin alilazimika kujiuzuru na kuchukua lawama zote kutokana na kufeli kwa aibu kwa opareshenu hiyo. Moja ya masuala ambayo Waziri Aspen analaumiwa sana ni kitendo cha kukataa kuidhinisha kutumika kwa vifaru na magari ya silaha nzito na katika mapigano hayo.

The Bold Najuta kucheleea kukufahamu. Unanipa raha sana mkuu. Je kuna kitabu kilichounganisha stori zako zote hizi kwa pamoja?
Kichwa chako kina utajiri mkubwa wa historia za dunia hii.

 

[Bagamoyo]

The Bold Najuta kucheleea kukufahamu. Unanipa raha sana mkuu. Je kuna kitabu kilichounganisha stori zako zote hizi kwa pamoja?
Kichwa chako kina utajiri mkubwa wa historia za dunia hii.

Habibu B. Anga the Bold na vitu vyake


HISTORIA YA OPERATION ENTEBBE(Part 1) Siku ya tarehe 27 June 1976, ilianza kama siku nyingine yeyote ndani ya uwanja wa ndege wa kimataifa katika mji mkuu wa nchi ya Israel, TEL AVIV, Uwanja ujulikanao kama Ben Gurion International Airport. Moja ya ndege ambayo ilikuwa inafanya safari yake katika siku ya leo ilikuwa ni ndege ya kampuni ya Air France Flight 139 ambayo ni ndege aina ya Airbus A300B4-203 yenye namba za usajili mkiani F-BVGG.
Source : Global TV online

 

[paroko mweusi]

View attachment 791210



OPERATION GOTHIC SERPENT; NGUVU YA IMANI, ITIKADI NA USHUJAA ULIOTUKUKA


SEHEMU YA NNE


Baada ya chopa kushusha makoamndo wa ranger ilianza safari kurejea kwenye base kama ambavyo nilieleza kwenye sehemu iliyopita. Nilieleza pia kwamba makoamndo wa ‘chalk four’ walishushwa kwa makosa majengo kadhaa kaskazini mwa jengo husika. Pia wakiwa wanashuka kutoka kwenye chopa mwenzao mmoja alidondoka wakati wa kushuka ardhini kwa kamba na kuumia vibaya. Wakiwa wanajaribu kurudi nyuma kwenda kwenye jengo husika ghafla walianza kushambuliwa mfululizo.

Hii ilisababisha chopa ambayo iliwashusha kutorudi kambini moja kwa moja badala yake watumie muda mchache kutoa ‘fire support’ dhidi ya maadui ambao walikuwa wanashambulia makoamndo wao pale chini. Wakati chopa hii ya Super 61 (inatamkwa super-six-one) ikifanya mashambulizi dhidi ya adui ili kuwawezesha makoando wa chalk four warudi kwenye jengo husika, ghafla chopa hii ilidunguliwa na bomu la RPG.
Ndani yake ilikuwa na makomando wane, wawili wakiwa marubani na wawili ‘snipers’ wa Delta ambao ndio walikuwa wanashambulia adui kule chini. Marubani wale wawili walipoteza maisha pale pale baada ya chopa kudondoka lakini wale makoamndo wadunguaji wawili walisalimika licha ya kupata majereha makubwa. Baada ya chopa kudondoka tu, wapiganaji wa Kisomali walianza kusogelea wakiwa katika makundi. Iliwabidi makomando ambao walisalimika kuendelea na mapambano ya kujibizana kwa risasi licha ya kuwa katika hali mbaya kutokana na ajali kudondoka na chopa.

Taarifa hii ilitumwa haraka kwenye chopa nyingine ambazo zilikuwa karibu na eneo hili la tukio. Mara moja chopa aina ya MH-6, Star 41 ikiwa na makomando wawili CW3 Karl Meir na CW5 Keith Jones ilitua karibu na eneo ambalo chopa ya Super 61 ilidondoka kwa ajili ya kutoa usaidizi. Moja ya vitu ambavyo ni tunu ya jeshi lolote duniani ni utii, lakini kuna wakati ambao mwanajeshi ili aweze kutimiza azma yake na kufanya ushujaa kwa nchi yake pengine anapaswa kuvunja tamaduni huu wa utii. Hiki ndicho ambacho kiliwasibu makomando Jones na Meir baada ya kutua na chopa yao eneo ambalo super 61 ilidondoka. Kwanza kabisa kamanda wao alikuwa anawapa amri kwenye radio kwamba wasitue chini hapo na hiyo chopa. Lakini iliwabidi kukaidi na kutua chini. Baada ya kutua tu Jones aliruka kutoka kwenye chopa na kwenda kuwahamisha wale makomando wawili wa super 61 ambao walikuwa wamejeruhiwa vibaya na kuwasogeza sehemu salama. CW3 Meir alibakia pale ambapo chopa yao ilitua akijibizana mapambano ya risasi na wasomali ambao walikuwa wanamiminika kwa kasi eneo hilo.

Juu angani kulikuwa na ‘surveillance helicopter’ ambayo ilikuwa inafuatilia utekelezaji wa oparesheni nzima. Wakiwa huko juu waliweza kuona makundi ya wasomali kwa mbali wakimiminika kuelekea eneo ambalo super 61 ilidondoka. Ndipo hapa ambapo ilitolewa amri kwa CW3 Meir kuwa arushe chopa kutoka pale walipo kwani muda mchache ujao kuna uwezekano wakazidiwa nguvu kutokana na wingi wa wasomali ambao walikuwa wanakuja eneo hilo. Lakini kama ambavyo nilieleza kuwa Meir ndiye pekee ambaye alibaki chopa ilipo, mwenzake CW5 Jones alikuwa anawahamisha makoamndo walionusurika kwenye Super 61 na kuwaweka eneo salama. Kwa hiyo baada ya Meir kupewa amari hii kuwa arushe chopa angani mara moja, alikaidi amri hiyo kwa hoja kwamba hawezi kurusha chopa na kumuacha mwenzake pale chini.

Majibizano ya risasi yaliendelea pale chini, Meir akijitahidi kupambana na wasomali walikuwa wanawasili eneo hilo huku Jones akiwaficha makoamndo wa super 61 na kuwapatia huduma ya kwanza.

View attachment 791211
Ramani ya mji wa Mogadishu kuonesha sehemu ambayo operation ilifanyika na mahala ambapo Super 61 na Super 64 zilidondoka


Wakati vurumai hili likiendelea ukatokea uzembe wa hali ya juu sana. Nilieleza kwamba katika mkakati huu, makomando walikuwa wanapaswa kufikishwa kwenye jengo lengwa kwa kutumia chopa na baadae msafara wa magari ya kijeshi utawachukua wakiisha kumaliza oparesheni na kuwarejesha kambini.
Lakini baada ya kutokea ajali hii ya chopa ya Super 61 kila mtu alikuwa ameshikwa na taharuki akili zote wakiwa wamezielekeza kwenye namna gani wanaweza kufanya uokozi wa wenzao hao ambao walikuwa wameanguka na chopa.
Hii ilisababisha kutokea kwa mkanganyiko wa mawasiliano. Kuna wale makomando ambao walifanikiwa kushushwa kwenye jengo sahihi lengwa na kuingia ndani na kukamalisha oparesheni, walijikuta wanasubiria mawasiliano kutoka kwa makomando walioko kwenye msafara wa magari ili waweze kuondoka wakati huo huo kumbe wale makoamndo walioko kwenye msafara wa magari nao walikuwa wanasubiri wasikie neno kutoka kwa makomando walioko ndani ya majengo ili waweze kuchukua hatua.

Kwa hiyo kwa namna fulani oparesheni ilikuwa kwenye mkwamo wa ghafla pasipo wenyewe kujua.

Makundi ya wapiganaji wa Kisomali walikuwa yanazidi kujongea kuelekea mahala ambako chopa ya Super 61 ilikuwa imedondoka.

Katika muda huu huu kulikuwa na chopa nyingine ya Super Six Four ambayo nayo ilitumika kushusha makomando eneo lile la awali la jengo lengwa. Kwa muda huu Super 64 ilikuwa upande wa kaskazini mwa mji wa Mogadishu ikijiandaa kurejea kambini. Lakini kabla hajafanya hivyo walipokea mawasiliano kwenye radio kuhusu kudondoka kwa Super 61 ikiwa na makomando wanne ambao wawili walifariki pale pale na wawili ndio wale ambao walibakia. Pia walipewa taarifa juu ya kutua kwa chopa ya MH-6, Star 41 ikiwa na makoamndo CW3 Karl Meir na CW5 Keith Jones ambao walienda kutoa usaidizi.

Pia makomando hao ambao walikuwa ndani ya Super 64 walisikia taarifa juu ya makundi ya wapiganaji wa kisomali ambao walikuwa wanamiminika kwa kasi kwenye eneo la tukio ambalo Super 61 ilikuwa imedondoka.

Mara moja pasipo kujiuliza au kufikiria mara mbili mbili, Super 64 ndani yake ikiwa na makomando wane, Tommy Field, Bill Cleveland, Ray Frank ambaye alikuwa rubani msaidizi na Mike Durant ambaye alikuwa rubani mkuu.

Kwa hiyo chopa ya Super 64 ikageuza na kuelekea kwenye eneo ambalo Super 61 ilikuwa imedondoka. Tukumbuke kwamba mpaka muda huu pale chini kulikuwa na jumla ya makomando wanne wa Kimarekani, wawili ambao walisalimika kwenye ajali na wawili ambao walikuja kuwaokoa. Lakini pia kwenye eneo la karibu yao kulikuwa na makundi ya wasomali ambao walikuwa wanajitahidi kuwasogelea wale makoamndo pale chini ambako Chopa ilikuwa imedondoka. Kwa hiyo kule juu angani ambako Super 64 ilikuwa imewasili ilikuwa inawawia vigumu sana kutofautisha na kuwachambua kwa usahihi zaidi mahali ambako adui wapo na namna ambavyo wanaweza kufanya shambulizi bila kuwadhuru makomando wao ambao nao wako kule chini.

Kwenye chopa makomando walikuwa na ‘mini-guns’ ambazo zina uwezo wa kufanya shambulio zito la risasi elfu nne ndani ya dakika moja. Kwa hiyo walitakiwa kuwa makini haswa kabla hawajafanya uamuzi wowote wa kuanza kufyatua risasi. Kwa dakika kadhaa chopa ya Super 64 ilifanya mzunguko kule juu kujaribu kutenganisha walipo adui na walipo makomando wao. Wakiwa kwenye mizunguko hii ya kulizunguka eneo ili waweze kufanya uamuzi sahihi wa kushambulia, ghafla walisikia mtikisiko mkubwa kana kwamba unaendesha gari kwa kasi kubwa na kugonga tuta bila kujua… helikopta ilisukumwa juu kwa nguvu. Kuna kitu kizito kiligonga kwenye mkia wa chopa na kulipua ‘tail rotor’ na ‘gear box’ papo hapo kwa haraka.

View attachment 791226


Japo bomu lilipuka baada ya kugonga mkia wa chopa, lakini mkia haukukatika moja kwa moja badala yake baada tu ya kulipuka ilianza kufanya chopa kupoteza uelekeo na kuanza kuzunguka kwa kasi huku ikishuka chini. Rubani Mike Durant aalifanya uamuzi wa haraka wa kuzima injini zote labda kusaidia chopa isizunguke kwa kasi na labda aweze kutua chini salama, lakini ilikuwa ni kana kwamba ametia mafuta ya taa kwenye moto wa kifuu, chopa ilianza kushuka chini kwa kasi kubwa na kujipigiza chini ardhini. Bahata nzuri tu ni kwamba… mfano chopa inavyoshambuliwa kama hivi na kupoteza muelekeo, ukizima injini walau unkuwa na uwezo wa kudhibiti uelekeo wake japo unakuwa bado hauna uwezo wa kuifanya isidondoke… hii ilisaidia chopa ya Super 64 kudondoka chini kwa muelekeo mzuri (matairi chini kama inatua kawaida) badala ya kudondoka kiubavu uvavu au juu chini.

Chopa ya Super 64 ambayo ilikuwa imeenda kusaidia makomando waliokuwemo kwenye Super 61 nayo ilikuwa imeshambuliwa kwa bomu la RPG.

Kile kitendo cha Super 64 kujipigiza chini katika uelekeo sahihi (matairi chini) ndicho ambacho kilisaidia kuwafanya wote kuwa hai baada ya chopa kujipigiza chini ardhini. Japo kuwa walikuwa hai lakini walikuwa wamejuruhiwa vibaya sana.
Rubani Mike Durant alikuwa amevunjika mbavu kadhaa huku nyama ya paja la kulia ikiwa imechanika. Kabisa.Rubani wake msaidizi, Ray Frank naye alikuwa na majeraha kama yake. Wenzao wawili ambao walikuwa kwenye siti za nyuma walikuwa na hali mbaya zaidi kushinda wao kutokana na siti za nyuma kuundwa tofauti na siti za marubani.

Zilipita karibia dakika kumi wote wakiwa hawana ufahamu… Durant hatimaye alipopata ufahamu na kuamka na kuanza kuwaza sawaswa alishuhudia namna ambavyo wenzao walioko kwenye siti za nyuma walikuwa wametapakaa damu na wakiwa kwenye hali mbaya japo walikuwa hai, msaidizi wake Ray Frank alikuwa amejikongoja na kujivuta mpaka nje ya chopa akiwa ametapaa damu lakini akiwa amekaa kwenye mkao wa kuwa tayari kumfyatulia risasi adui yeyote Yule ambaye angethubutu kusogelea eneo hilo.

Taarifa tayari ilikuwa imetumwa kwamba Super 64 nayo imedunguliwa na imedondoka… ubaya ni kwamba nguvu kubwa na akili yote ilikuwa imeelekezwa kufanya uokozi kwenye chopa ya kwanza ambayo ilikuwa imedondoka, yaani Super 61. Kwa hiyo ingechukua muda mrefu kiasi mpaka wenzao kujipanga upya ili kufika hapa ambapo chopa hii nayo imedondoka.

Lakini kwa upande wa wasomali hii ilikuwa ni kama sherehe kwao. Walijua fika kwamba kitendo cha chopa mbili kudondoka lazima ingewabidi makomando wa marekani kujigawanya mara mbili ili kuweza kutoa msaada kwa sehemu zote mbili na hii maana yake ufanisi wao makomando wa Marekani usingekuwa mkubwa sana nah ii ilikuwa ni faida kwao.

Vijana wa kisomali walio na silaha za moto, wenye mapanga, majembe, mundu, akina mama na mpaka watoto, kama vile tai wakisikia harufu ya mzoga mahala… walimiminika kwa makundi ya mamia ya watu wakikimbia kuelekea Super 64 ilikodondoka. Hii ilikuwa ni siku ya sherehe na siku ya msiba… siku ya kupimana misuli kati ya imani na itikadi dhidi ya misuli ya weledi na ushajaa.

Itaendelea…

Habibu B. Anga ‘The Bold”
To Infinity and Beyond

Shukran Mkuu ndo nmeisoma Leo[emoji2]