Nancy nyalusi (mb) atoa msaada magodoro 50 kwa shule ya walemavu

[Stephano Mgendanyi]

MHE. NANCY NYALUSI (MB) ATOA MSAADA MAGODORO 50 KWA SHULE YA WALEMAVU​

Mbunge wa Viti Maalumu Mkoa wa Iringa (CCM) Mhe. Nancy Nyalusi tarehe 24/2/2023 amefanya ziara katika Halmashauri ya Wilaya ya Mufindi ambapo Pamoja na mambo mengine ametembelea Shule ya Msingi Mchanganyiko Makalala iliyopo wilayani humo na kutoa msaada wa magodoro 50 kwa uongozi wa shule hiyo ili kusaidia kupunguza mzigo wa changamoto ya magodoro katika shule hiyo ambayo ina idadi kubwa ya wanafunzi wenye ulemavu mbalimbali.

Katika ziara hiyo Mhe. Nyalusi ameongozana na viongozi mbalimbali wa UWT Wilaya ya Mufindi.

Aidha, Mhe. Nyalusi ametumia fursa hiyo kumpongeza Rais na Mwenyekiti wa CCM Taifa Mhe. Dkt. Samia Suluhu Hassan kwa kuendelea kufanya maboresho kwenye miundombinu ya elimu katika maeneo mengi mkoani Iringa jambo ambalo amesema halipaswi kufumbiwa macho badala yake ni vyema likasemwa ili kila mmoja ajue mambo yanayofanywa na Serikali.

#KAZIIENDELEE #CCM #IRINGA

 

[Yoda]

Ubunge wa viti maalum ufutwe

 

[Stephano Mgendanyi]

Ubunge wa viti maalum ufutwe

Kwa sababu zipi Ubunge wa Viti Maalumu ufutwe? Kwani waliouweka walikuwa na sababu zipi? CHADEMA isingekuwa Ubunge wa Viti Maalumu akina Mdee wangekuwa mjengoni now?

 

[Yoda]

Sijali kama CHADEMA watakuwa au watakosa wabunge bungeni bila aina hiyo ya ubunge. Kote kwenye mataifa ya demokrasia ya kweli ubunge unatokana na wapiga kura tu.
Huwezi kuwa mbunge bila kuchaguliwa na kura za wananchi katika jimbo la uchaguzi.

Kwa sababu zipi Ubunge wa Viti Maalumu ufutwe? Kwani waliouweka walikuwa na sababu zipi? CHADEMA isingekuwa Ubunge wa Viti Maalumu akina Mdee wangekuwa mjengoni now?