Mkutano ulitanguliwa na ufunguzi wa ofisi ya tawi maeneo ya mwaloni kata ya kirumba
Kisha ulifuatiwa na mkutano wa hadhara ambao ulikuwa ni maalumu kwa watu wa kataya Kirumba iliyokuwa inaongozwa na marehemu Novath Manoko
Kulikuwa na utambulisho wa viongozi wa chama cha CDM uliofanywa na katibu wa CDM wilaya ya Ilemela Ndg.Abeid katika mengi aliyozungumza alichombeza kuwa ni ajabu kuona mtu wa familia nyingine kuja kuomba urithi wa marehemu bila kufafanua na akauliza nadhani watu mmenielewa na kuitikiwa ndiyo....
Alifuatiwa na katibu wa mkoa wa mwanza Ndg Mshumbusi,ambaye yeye alisisitiza watanzania wakati tukiendelea kumuenzi mwalimu tutafakari Tanzania yetu baada ya miaka hamsini ya uhuru na kuwapuuza wanatamba wakati wakimuenzi Nyerere kuwa wamefanikiwa kutuibia na wanasonga mbele pia aliwataka kumuenzi diwani Manoko kwa yale aliyoyafanya kwa kipindi kifupi cha uongozi wake
Alifuatiwa na mbunge wa ilemela mh.Highness mambo ambaye alizungumzia mambo makuu matatu
1/Alieleza hajaja kumjibu nape wala hawezi kujibu umbea ila alifarijika kusikia CCM wanakuja kuhutubia katika jimbo lake tena viongozi wakuu kwani alijua wanakuja kuwapa pole wakazi wa kirumba kwa kumpoteza diwani wao na kujadili mustakabari wa Kirumba kwani huo ndiyo utanzania mbali na tofauti za kimtazamo wa kisiasa lakini alishangazwa badala yake walikuja kuwatukana wanakirumba na wanamwanza kuwa wanamimba tena ya kushikishwa ukuta na...............(hayaandikiki)
2/ kumbukumbu imenitoka kidogo
3/Alieleza masikitiko yake kwa tukio lililofanya na baadhi ya wakristo katika jimbo lake ambao walichoma Quran ambacho ni kitabu kitakatifu kwa imani ya kiislam,akasema yeye kama kiongozi ameguswa na kitendo hicho ambacho hakipendezi japokuwa si msemaje wa wakristo aliomba radhi akiamini kuwa itarejesha amani katika jimbo hilo.
Mheshiwa Tundu Lissu alifuata na kueleza mambo matatu
1.Alieleza historia ya Mwanza kama sehemu ya kanda ya ziwa wakati huo ikijulikana kama Nyanza katika historia ilivyokuwa chachu ya kupata uhuru kwani watu kama John Lupia,Bhoke Mnanka,Bomani walivyobeba ujasiri hata kumchangia mwalimu fedha mwaka 1958 kama sijakosea kwenda UN kudai uhuru kupitia chama cha ushirika Nyanza hivyo akawataka watu wa mwanza kuendeleza ujasiri na chachu hiyo ya kupigania uhuru tunapokwenda kwenye kutafuta uhuru wa pili na kueleza historia imekuwa haisemwi jinsi ilivyo kwani Mwl alivunja nguvu ya kiuchumi na kisiasa ya kanda ya ziwa baada ya kuviua vyama vya ushirika pamoja na vyama vingi wakijua idadi ya watanzania iko kanda ya ziwa na uchumi wote uko kanda ya ziwa akataja dhahabu na dhahabu nyeupe(pamba)
2.Aliwataka watanzania kumuenzi baba wa taifa na sio kumuabudu kwani alikuwa ni binadamu na kuna makosa alifanya kama binadamu pamoja na mazuri yote.Alieleza ubovu wakatiba ya sasa ni umechangiwa naye kwani alitambua na kuna wakati alieleza wakati akihojiwa na mwandishi wa BBC kuwa angeweza kuwa dictator kwani katiba haimbani hivyo kutokana na katiba hiyo aliyotuachia kaachia fursa ya warithi wake kupora raslimali za taifa hili.Akawataka watu wote tukatae katiba itakayotuchakachua na mambo yote yajadiliwe bila kuacha chochote.
3.Muungano,katika hili amewataka watanzania wasikubali suala hili lisijadiliwe na waamue wanataka muungano au la na akashangaa aligusa kidogo tu watu wakabiga kelele kuwa ni mbaya kuwa anataka muungano uvunjike hivyo akataka muungano ujadiliwe nawatu waulizwe wanautaka au la ,pamoja na mambo mengine alimalizia kwa kushangaa CCM wamefungua kesi halafu mashahidi wanakimbia kila siku anatoa sababu hivyo anasema wameuwasha moto kwani hatawaacha hivihivi
Mwisho kabisa kadi za CCM zilirejeshwa na kuchomwa
