Mungu amrehemu na ampe pumziko la amani, alishatangulia mbele ya haki. Ila sitokuja kumsahau milele na sitoacha kumwombea dua njema.
Alinitafutia kazi kipindi nimemaliza tu chuo kikuu, maisha yashanipiga kitanzi cha shingo na kimekaza kisawasawa, sina dira wala mwelekeo wa maisha. Na chuo kwenyewe nlikua natoka ghetto kwa miguu mpaka chuo umbali wa Kilometa 8 au Kilometa 9 bila hata kuwa na hela ya kula wala ya maji ya kunywa.
Home washaanza kupiga kelele na kunitukana kinoma, fulani yupo yupo tu dar, anazurura tu na kujihusisha na magenge ya wahuni... kamaliza chuo ila hataki kutafuta kazi, mtoto kalaaniwa yule, michango ya familia hatoi, kazi kufanya starehe, angalia mtoto wa fulani amemaliza chuo ana kazi yake na nyumba yake sasa hivi... Anakesha kubeti tu!!!
Ukweli mtaani hakuna ajira, kibanda cha kubeti hata sikijui, sio mtu wa viwanja, mfukoni hela ya kula hata buku mbili sina, mapenzi yamenikamata kwasababu ya stress demu ndio akanikolezea kunikamata vizuri... Masela nliomaliza nao degree wengine washakata tamaa ya maisha kwasababu hakuna ajira, na hapo washakua madereva wa bodaboda tena.... Nani wa kukupa mchongo? Stress zilinijaa mpaka nikapata depression kufikia hatua nlitamani nife, kikwazo cha kufupisha maisha yangu ilikua dini yangu, ni dhambi kubwa sana kujitoa uhai, ni kumkufuru muumba... Dah!!
Yule mzee hakua ndugu yangu wala hatukua hata na undugu wa mbali, ila alinipigia sim moja tu, from no where asubuhi ya siku ya alhamisi, maongezi yalikua;
Mzee : Hujambo? Nlijua umelala kijana. Haya mtafute huyu jamaa mwenye hii number kesho ijumaa saa moja kamili asubuhi, usiache. Nakutumia namba!
Mimi: Hapana, naamka saa 11 alfajr kila siku... Sawa mzee wangu, ntafanya hivo kumtafuta! Ila kuna nini mpaka unanihimiza hivi??
Mzee: Usiulize, ukishamtafuta na kuonana nae utajua. Kwaheri!
Nakutana na jamaa siku ya pili ijumaa ananiambia, mzee fulani amekuombea kazi, amekusifia uko vizuri darasani na pia kwenye kujituma na kazi, unatakiwa kuanza jumatatu bila kukosa! Mkataba wako huu! Mshahara 1.5 mil take home + laki 2 ya kodi + laki 1 usafiri + chakula = 1.8 Mill total!!!! Ila utakua chini ya uangalizi kwa muda wa mwezi mmoja tu juu ya utendaji wako wa kazi!!
Mwezi huo nlifanya kazi kama mbwa aisee!! Na kila nikiwaza maisha nliotoka baada ya hapo ndio nikazidisha kujituma vibaya sana! Kijijini huko ndugu na wazee wakaanza kuniita baba, sio tena nimelaaniwa!
Baada ya mwaka na nusu, mzee yule akaugua cancer na kufariki! Dah haya maisha!
God bless him!
