SEHEMU YA 60
Theo hakutaka kuongeza kitu chochote kile, alichokifanya ni kuondoka na kuelekea huko hospitalini. Ndani ya gari alichanganyikiwa, hakujua ni kitu gani alitakiwa kufanya.
Moyo wake ulimpenda mno Violeth, alikumbuka jinsi mwanamke huyo alivyokuwa mzuri, alivyohangaika kumpata, hakutakiwa kumfanyia yote hayo aliyokuwa akimfanyia.
Alisikia hukumu nzito moyoni mwake, aliendesha gari kama kichaa mpaka alipofika hapo hospitalini ambapo moja kwa moja akaelekea ndani, tayari waandishi wa habari walikuwa wamekwishafika tayari kwa kuchukua matukio ya kila kitu kilichokuwa kikiendelea.
Walipomuona Theo, wakaanza kumpiga picha huku wengine wakimsogelea kwa lengo la kuongea naye. Siku hiyo alikuwa mkali kama mbogo, alichanganyikiwa, kitendo cha mtoto wake, Rachel kupelekwa hospitalini pale kilionyesha kabisa hali haikuwa nzuri, na kama angeleta masihara basi wangeweza kumpoteza.
Daktari alipomuona tu, akamsogelea, akamsalimia na kumchukua kuelekea katika chumba alichokuwa mke wake na mtoto, akaingia ndani, macho yake yalipotua kwa Violeth, machozi yakaanza kumtoka moyoni mwake, hakuamini pamoja na uzuri wa mke wake, jinsi alivyompenda leo hii alikuwa akimsaliti.
Haraka sana Violeth alipomuona mume wake, akasimama na kumsogelea kisha kumkumbatia na kuanza kulia tena huku akimwambia kwamba Rachel alikuwa akienda kufa kwa picha ile iliyokuwa kitandani ilimuumiza mno.
“She is going to die...she is going to die,” (atakufa...atakufa...) alisema Violeth huku akilia kifuani mwa Theo.
Heri ya mwaka mpya mama kheri na baraka kwako na familia.
Heri ya mwaka mpya mama kheri na baraka kwako na familia.
yaani inabidi mjieleze vzr mueleweke,
