Ulukolokwitanga
JF-Expert Member
- Sep 18, 2010
- 8,396
- 7,968
Jana wafanyabiashara wa Mwanza walianza kile wanachokiita Mgomo usio na Kikomo kugomea mashine za kutunza kumbukumbu za mauzo na kukadiria ushuru zijulikanazo kama EFD. Pia siku za nyuma tulisikia mgomo wa aina hiyo hiyo Dar na Mbeya. Sababu wanayotumia ni ya msingi sana kuwa hawawezi kununua mashine hizo kwa bei ya shilingi laki nane (800,000=) tena kwa makampuni maalum wakati mashine hizo China zinauzwa dola 50 tu (kama 80,000 za kitanzania) na Kenya ziko madukani kwa retail price ya 150,000Tshs. Hapo TRA inastahili lawama kwa kutumia mfumo CCM ambao kila kunapokuwa na bidhaa mpya watu wanakimbilia kupiga dili, ilitokea kwenye Speed Governer, Plate namba za magari na hata kwenye mikanda usalama ya mabasi. Hapa kuna makandokando yanaoonesha kuna dili inapigwa TRA ndo maana hawataki Biashara huria ya EFD wao kazi yao iwe Calibration tu ya mashine. Pia mashine hizi za bei mbaya pia zinaharibika haraka na wao wateule wanouza wamejipa na dili la kufanya maintenance kwa shilingi kuanzia elfu sitini (60,000) na kuendelea, wakati kiuasilia hizi mashine ni kama Calculator ya kawaida iliyoongezewa akili kidogo tu hivyo hazina gharama kubwa kihivyo kutengeneza. Kumbuka wengine tukipeleka gari garage za ushwahilini kufanya service huwa tunalipa elfu kumi, iweje mashine hizi service au maintenance iwe elfu sitini na kuendelea. Hapo TRA jitazameni, hiyo ni hoja ya wafanyabiashara
Ukweli halisi ni kuwa wafanyabiashara wanachogomea ni KULIPA KODI kwa kuwa hizi mashine zinatunza kumbukumbu vizuri na zinazuia kila aina ya Magumashi ambayo ndio msingi wa biashara nyingi Tanzania. Wakati wa uhamasishaji wa mgomo wa Mwanza, tulielezwa na wachochezi wa huo mgomo kuwa kama zikitumika hizi mashine wafanyabiashara wengi watafilisika kwa maana toka zimeanza kutumika hizi mashine wengi wanalipa kodi kubwa kuliko zamani. Kwa kuwa utamaduni wetu watanzania sio kulipa kodi na serikali haisimamii kisawasawa masuala ya ulipaji kodi (Sijawahi kusikia mtanzania amefungwa kwa kukwepa kodi) wafanyabiashara wameamua kusimama imara kuibabaisha serikali hadi ilegeze uzi tubakie na mfumo wa zamani wa kukwepa kodi. Pia jana simu za pongezi kutoka mikoa mingine zilipigwa kwa wafanyabiashara wa Mwanza kuwa wakaze uzi, wawe ngangari. Pia baadhi ya maafisa wa TRA walikuwa wanahamasisha kichinichini huu mgomo kwa vile matumizi ya hizi mashine yanawanyima ile dili yao iliwafanya wajenge magorofa ya KUKADIRIA KODI. Kwa hiyo kinachopingwa kwenye huu mgomo sio bei ya mashine za EFD, bali ni matumizi ya EFD ili kuendeleza utamaduni wa kukwepa kodi. Bei ni kisingizio tu, nashauri serikali iwanunulie iwape bure kwani itarudisha tu hela zake, ingawa huku Mwanza hata za bure hawataki kama picha hapo juu inavyoonesha
Katika nchi ambayo zaidi ya asilimia 80 ya wananchi wake hawalipi kodi, ni ndoto kuwa na miundombinu bora, elimu bora, afya bora na huduma zingine. Mama zetu wanalala wanne kitanda kimoja wakati wa kujifungua kwa kuwa pamoja na utawala mbovu wa CCM lakini pia wameshindwa kupata TAX BASE kubwa. Kama chini ya asilimia 20 ya wananchi ndio wanalipa kodi ina maana hao 80% wanatunzwa na hao 20%. Serikali inatakiwa kusimama imara kwenye huu mgogoro kwani matumizi ya EFD ndio future ya biashara Tanzania. Kwa sasa ukwepaji kodi ndio Competitive Advantage ya biashara nyingi, ili upate faida kubwa zaidi lazima uwakwepe/uwahonge TRA usilipe kodi ili uuze bei rahisi, wakati umefika serikali kuwa imara. Waacheni wafanyabiashara wafunge maduka hadi panya wamalize bidhaa za dukani, njaa zikiwauma watafungua tu. Pia ulinzi uimarishwe kwa wafanyabiashara walio tayari kulipa kodi na kutumia EFD kwa kuwa zinazuia kuibiwa pia.