Joachim Mabula
Member
- Mar 12, 2009
- 87
- 109
Ninawasilisha andiko hili kwa nia ya kuonesha kukatishwa tamaa kutokana na uzembe wa Bodi ya Michezo ya Kubahatisha Tanzania (Gaming Board of Tanzania) katika kusimamia kwa ufanisi utekelezaji wa sheria na kanuni zinazoongoza sekta ya michezo ya kubahatisha nchini. Kwa mujibu wa Kifungu cha 77(1) cha The Gaming Act, 2003, bodi yenu ina wajibu wa kuhakikisha utekelezaji wa sheria na usimamizi wa haki za walaji. Licha ya wajibu huo, kampuni nyingi zimeendelea kukiuka sheria hizo bila hatua madhubuti kutoka kwenu.
Kampuni nyingi za kubashiri, kama Sportpesa, hazitoi chaguo la wazi kwa wateja wao kujiondoa au kujifungia (self-exclusion), hatua ambayo ni sehemu ya utekelezaji wa kanuni za Responsible Gambling zinazoainishwa kwenye Kanuni ya 26 ya The Gaming Regulations, 2004. Hii ni haki ya msingi kwa wateja, inayolenga kuwalinda dhidi ya madhara ya kiuchumi, kisaikolojia, na kijamii yanayosababishwa na matumizi ya kupindukia ya huduma za michezo ya kubahatisha. Kampuni hizi zinaendelea kuendesha biashara kwa namna inayokiuka haki za walaji kinyume cha sheria.
Matokeo ya uzembe huu wa usimamizi ni ongezeko la madhara ya kijamii na kifamilia kutokana na matumizi yasiyo na udhibiti ya huduma za kubashiri. Wateja wanajikuta katika mtego wa matumizi holela ya huduma hizi bila chaguo lolote la kujiondoa au kujilinda, jambo ambalo linakiuka moja kwa moja Kifungu cha 79(2) cha The Gaming Act, 2003 kinacholazimisha watoa huduma za michezo ya kubahatisha kuhakikisha wateja hawadhuriki kutokana na huduma zao.
Kwa kuzingatia mazingira haya, naomba Bodi ya Michezo ya Kubahatisha Tanzania itekeleze majukumu yake kama ilivyoainishwa katika Kifungu cha 5 cha The Gaming Act, 2003, kwa kufanya ukaguzi wa kina kwa kampuni zote zinazotoa huduma za kubashiri nchini. Pia naomba mtowe maagizo rasmi kwa kampuni hizo kuweka chaguzi rahisi na wazi za kujiondoa (opt-out/self-exclusion). Hatua za kinidhamu zichukuliwe dhidi ya kampuni zote zinazokiuka sheria na haki za walaji kama inavyotakiwa kisheria.
Nawasilisha andiko hili kwa matumaini ya kwamba bodi yenu itachukua hatua stahiki kwa haraka ili kulinda wananchi dhidi ya madhara ya michezo ya kubahatisha, kwa kuzingatia wajibu wenu kama chombo cha kusimamia sekta hii kwa mujibu wa sheria. Uzembe unaoendelea hauwezi kuvumiliwa tena katika mazingira haya ambapo madhara yanazidi kuathiri jamii kwa kiwango kikubwa kila siku.
Wako kwa heshima,
Joachim Mabula
Kampuni nyingi za kubashiri, kama Sportpesa, hazitoi chaguo la wazi kwa wateja wao kujiondoa au kujifungia (self-exclusion), hatua ambayo ni sehemu ya utekelezaji wa kanuni za Responsible Gambling zinazoainishwa kwenye Kanuni ya 26 ya The Gaming Regulations, 2004. Hii ni haki ya msingi kwa wateja, inayolenga kuwalinda dhidi ya madhara ya kiuchumi, kisaikolojia, na kijamii yanayosababishwa na matumizi ya kupindukia ya huduma za michezo ya kubahatisha. Kampuni hizi zinaendelea kuendesha biashara kwa namna inayokiuka haki za walaji kinyume cha sheria.
Matokeo ya uzembe huu wa usimamizi ni ongezeko la madhara ya kijamii na kifamilia kutokana na matumizi yasiyo na udhibiti ya huduma za kubashiri. Wateja wanajikuta katika mtego wa matumizi holela ya huduma hizi bila chaguo lolote la kujiondoa au kujilinda, jambo ambalo linakiuka moja kwa moja Kifungu cha 79(2) cha The Gaming Act, 2003 kinacholazimisha watoa huduma za michezo ya kubahatisha kuhakikisha wateja hawadhuriki kutokana na huduma zao.
Kwa kuzingatia mazingira haya, naomba Bodi ya Michezo ya Kubahatisha Tanzania itekeleze majukumu yake kama ilivyoainishwa katika Kifungu cha 5 cha The Gaming Act, 2003, kwa kufanya ukaguzi wa kina kwa kampuni zote zinazotoa huduma za kubashiri nchini. Pia naomba mtowe maagizo rasmi kwa kampuni hizo kuweka chaguzi rahisi na wazi za kujiondoa (opt-out/self-exclusion). Hatua za kinidhamu zichukuliwe dhidi ya kampuni zote zinazokiuka sheria na haki za walaji kama inavyotakiwa kisheria.
Nawasilisha andiko hili kwa matumaini ya kwamba bodi yenu itachukua hatua stahiki kwa haraka ili kulinda wananchi dhidi ya madhara ya michezo ya kubahatisha, kwa kuzingatia wajibu wenu kama chombo cha kusimamia sekta hii kwa mujibu wa sheria. Uzembe unaoendelea hauwezi kuvumiliwa tena katika mazingira haya ambapo madhara yanazidi kuathiri jamii kwa kiwango kikubwa kila siku.
Wako kwa heshima,
Joachim Mabula
