Maandamano ya CHADEMA Jiji la Mbeya-Picha na Matukio

[Dumelambegu]

Wakuu,

Kuna baadhi ya 'vichwa ngumu' humu jamvini wanaotaka kuleta tafsiri mbaya juu ya maandamano yanayoendeshwa nchi nzima na Chama cha Demokrasia na Maendeleo (Chadema).

Ninachojua mimi ni kwamba chadema imetoa fursa kwa wananchi wanyonge wa nchi hii ya kujitokeza hadharani na kuonyesha hisia zao kwa serikali ya kutoridhika namna nchi inavyoendeshwa na Serikali ya CCM.

Wananchi badala ya kukaa vijiweni na wengine wakinung'unika mioyoni mwao wakifura kwa hasira, sasa kupitia chadema wanapata fursa ya kujitokeza hadharani na ku-release tension wakiwa na mabango yenye maneno yanayobainisha hisia kali dhidi ya watawala wao (siyo viongozi wao).

So, ningekuwa kiongozi wa chama cha magamba in a way ningeunga mkono maandamano kwani yanasaidia kupunguza hasira ya wapinzani wangu.

Kwa upande mwingine pia, chama cha magamba (nasikia yameanza kunuka) kingekuwa kinaongozwa na great thinkers kisingebeza hata kidogo ujumbe unaotolewa kwenye maandamano hayo.

Hii ni kwa sababu wanaojitokeza kwenye maandamano unaweza ukashangaa kwamba wengi wao siyo wanachama wa chadema kwa maana ya kuwa na kadi ya chadema.

Kwa hiyo, jambo muhimu lingekuwa ni kujiuliza kwa nini wanaojitokeza kwenye maandamano ni wananchi wengi kiasi hicho! Kulikoni!

Mimi nawapongeza sana viongozi wa chadema kwa kazi nzuri ya kuhamasisha wananchi wanyonge wa nchi hii kuonyesha hisia zao.

Kama ccm haioni nguvu ya umma kwenye maandamano hayo, basi hilo ni sikio la kufa. Hatuhitaji kupoteza muda na fedha yetu kutafuta dawa.

Shime wanaJF tuendelee kuhamasisha umma kukikataa chama cha magamba ili nacho kikae pembeni. Vinginevyo, wananchi (siyo nchi) wataendelea kuwa maskini milele.

Mungu ibariki Tanzania, Mungu ibariki Afrika.

Aluta Kontinua, Mapambano Hayana Budi Kuendelezwa Mikoa Yote ya Nchi Hii Mpaka Kieleweke!!!

 

[kilimasera]

CHADEMA jana waliliteka Jiji la Mbeya kwa maandamano makubwa yaliyowashirikisha mamia ya wakazi wake, wakiwamo wafuasi wa chama hicho kikuu cha upinzani nchini.

Maandamano hayo yaliyoongozwa na viongozi wa ngazi ya juu kitaifa wa Chadema, yalianzia katika eneo la Mafiati na kuishia kwenye Viwanja vya Shule ya Msingi ya Luanda- Nzovwe.

Mwenyekiti wa Chadema, Freeman Mbowe, Katibu Mkuu, Dk Willibrod Slaa, Mbunge wa Arusha Mjini, Godbless Lema na Mbunge wa Mbeya Mjini, Joseph Mbilinyi walikuwa mstari wa mbele kuongoza maandamo hayo, huku wakishangiliwa na wananchi wa Jiji hilo.

Pia alikuwepo Mbunge wa Mbozi Magharibi, Silinde David na Wabunge wa Viti Maalum, Susan Kiwanga, Joyce Mukya na Grace Kiwelu.Pikipiki, baiskeli na magari yaliyokuwa yamepambwa bendera za Chadema yalitanda katikati ya Jiji la Mbeya kuanzia mchana, huku baadhi ya wapenzi wa chama hicho wakipiga kelele za kumkashifu, Sambwee Shitambala kwa kukihama chama hicho na kukimbilia CCM.

Kabla ya kuhamia CCM, Shitambala alikuwa Mwenyekiti wa Chadema mkoani Mbeya.
Maandamano hayo ya Chadema yalilenga kuishinikiza Serikali iachane na mambo kadhaa, ikiwamo muswada wa kubadilisha Sheria ya Ununuzi wa Umma ili kuruhusu ununuzi wa vitu chakavu, mchakato wa katiba uondolewe mikononi mwa CCM, kuunganisha nguvu ya umma ili kupinga bidhaa kupanda bei na kutaka uchaguzi wa Meya wa Arusha ufanyike upya.

Wakati maandamano hayo yakiwasili katika Viwanja vya Shule ya Msingi ya Luanda-Nzovwe tayari umati mkubwa wa watu ulikuwa umeshafurika kuwasubiri viongozi wa kitaifa wa chama hicho.Polisi walionekana maeneo mbalimbali yalikopita maandamano hayo wakiendelea kulinda usalama wa watu na mali zao.

Wafuasi wa Chadema walikuwa wakiimba nyimbo mbalimbali, huku wengine wakisema kama Dk Slaa si Rais wa Tanzania basi ni Rais wa Mbeya.Wengine walikuwa wamebeba mabango yanayokebei hatua ya CCM ya kujivua gamba na mengine yakilalamikia maoni ya Katiba mpya yanavyoendeshwa.

Wakati akifungua tawi la chama hicho katika chuo cha Teofilo Kisanji (TEKU), kabla ya maandamano hayo kuanza, Dk Slaa alimtaka Msajili wa Vyama vya Siasa, John Tendwa kuacha kuvitisha vyama kwa barua kuwa visifungue matawi vyuoni."Tendwa ajue kuwa wanafunzi nao ni wananchi na ajue kuwa sisi kama Chadema tunafuata taratibu, hivyo asitutishe," alisema Dk Slaa.

Mbowe kupinga kodi
Akizungumza katika mkutano wa hadhara, Mbowe alisema chama hicho kitapinga ongezeko la kodi yoyote bungeni katika bajeti ijayo mpaka kieleweke na kwamba Serikali isipofanya hivyo watapigana bungeni kwa maslahi ya wananchi.

Mbowe alisema ongezeko la kodi linawaumiza wananchi na Serikali imekaa kimya wakati hali ya maisha inaendela kuwa mbaya. Mbowe alisema kuwa mapambano hayo watayafanya bungeni, ikishindikana watayahamishia kwa wananchi ili Serikali ielewe kuwa hali ya maisha kwa wananchi wa chini si nzuri."Wabunge wa Chadema tutaendelea kukomaa mpaka kieleweke kwa kuwa hatuvunji amani, bali tunawahangaikia wananchi ili wawe na maisha bora," alisema Mbowe.

Mbowe alisema kuwa Taifa lina msiba mkubwa wa umaskini na Chadema itapambana bungeni na nje ya Bunge mpaka kieleweke.Alisema kuwa Serikali imezoea kupanda kodi ambayo husababisha kupandisha gharama ya maisha kwa wananchi kwa kuwa serikalini hawana shida.


"Kama Serikali inataka kuona uwezo wetu wa kuhamasisha Watanzania wapandishe kodi katika bajeti ya mwaka huu," alisema Mbowe.Alisema wamekuwa wakifanyiwa hila kuwazuia kutumia haki yao ya kidemokrasia bungeni kwa madai kwamba wabunge wa Chadema wanavunja kanuni, lakini haielezwi ni kanuni gani zimevunjwa.


Dk Slaa na bei ya bidhaa
Naye Dk Slaa alisema lazima Serikali ishushe bei ya sukari na mafuta kwa kuwa kutofanya hivyo ni kama Serikali haipo."Haiwezekani wanavuana magamba halafu wananchi wanaendelea kuteseka. Magamba ni yao, hivyo wananchi waangaliwe," alisema Dk Slaa.
Alisema kuwa wataendelea kuandamana kwa vile ni haki iliyopo kikatiba, hivyo Jeshi la Polisi haliwezi kuzuia au kutishia kuzuia maandamano yao.

"Tunawahamasisha Watanzania kuangalia hali ya maisha yao kwa sababu ni haki yetu ya msingi, na tunataka wananchi waionyeshe Serikali yao mambo yanayowasumbua," alisema Dk Slaa.

Akihutubia mkutano huo, Mbunge wa Arusha Mjini, Godbles Lema, alimtaka Dk Slaa asimjibu Ridhiwani Kikwete katika hizo siku alizotoa, bali ampe Rais Kikwete siku saba za kuhakikisha kuwa mafisadi wote wanatokomea.

Alisema mapambano yake yataendelea bungeni kwa kuwa suala lake na Waziri Mkuu, Mizengo Pinda, bado halijaisha, hivyo Bunge lijalo litawaka moto. "Pinda alinibeep bungeni nikampigia, Makinda akapokea. Lakini mvutano wangu na Pinda haujaisha, nikiingia bungeni mtanisikia," alisema Lema.

 

[nsimba]

Inategemeana sana na kigezo unachotumika kupima mapokeo kwa wapiga kura.

Kama utashindanisha maandamano basi ushindi ni dhahiri hasa kanda ya ziwa, sema tatizo vote is all that count in politics mkuu!!

Chadema ni wakati wao huu lakini siyo wa kwanza, kuna historia ya upinzani Tanzania.

Hiyo historia ndiyo inayotufundisha kutojihakikishia ushindi kutokana na umati wa watu kwenye mikutano kwa sababu kati ya hao wapo watakaowapigia kura watu wengine na wengi kati yao hata hawahangaiki kwenda kupanga foleni wapige kura.

Mrema ana uzoefu na haya, wakati Chadema wanalalamika kuibiwa kura kwa sababu ya "kulipua mabomu" na kujaza watu kwenye mikutano, kwa Mrema zaidi ya kujaza watu pamoja na gari kusukumwa alikuwa na sifa ya utendaji, hakuwa mlalamishi. Unajua alifanya nini kuhusu ujambazi, lakini unajua pia umma wa watanzania ulimfanyia nini kwenye sanduku la kura.

Utarahisisha kwa kusema watawala walichakachua, Mrema knows much better than that, sir...

Kwa msingi huo, Sasa Mkuu unashauri nini ili kuleta ukombozi wa kweli kwa nchi yetu??

 

[Duduwasha]

Hizo zingine hatuna mamlaka nazo mkuu.. [COLOR="yellow"]chama cha majambazi wamezikalia hizo halmashauri na bajeti za chai na vitumbua[/COLOR] ndio maana hatuwezi kuwasaidia wananchi walioko kwenye hizo halmashauri..

njia pekee kuwasaidia wananchi hao ni maandamano ambayo yanafungua macho ya wasioona ili come 2915 wafanye uamuzi sahihi

nawe pia unatakiwa kuhamasisha babu, bibi na shangazi kule ushirombo wafunguke macho kwani wanatazama bali hawaoni..

Lets awake our fellow countrymen.. tutakuja kujibu nini kwa wenetu? nchi inahujumiwa hii

Hiyo Red Sijaielewa ??

 

[Nicomedes]

Kura zinatokana na wananchi walioelimishwa ili waweze kuchagua kati ya nyeupe na nyeusi. Bila elimu nisawa na mtu asiyejua jibu sahihi kati ya A, B na C anapoamua kufumba macho na kushusha kalamu kwamba itakapoangukia ndo jibu sahihi. Uchaguzi hauko nanmna hiyo.

Elimu inayotolewa na CDM ndio njia muafaka kuwaelimisha watz ili kwa hiari yao waweze kuchagua mbichi na mbivu na si kuburuzwa kama ilivyokuwa zamani kuchagua kati ya mtu na kivuli.

Angalizo langu kwa CDM ni kwamba, kitengo cha habari kina kazi ya kufanya. Wananchi wengi wanahitaji taarifa juu ya namna chama chao CDM kinavyozidi kuchanja mbuga.

Lazima ufahamu kuwa TBC imeamua kukibeba CCM kiwazi wazi, hivyo habari zote za CDM tangu Tabora na sasa Mbeya hazirushwi. Ndo maana tunalilia mfumo mbadala wa kupashana habari.

Nishauri pia kama kuanzisha kituo cha TV ya CDM kunahitaji hela lakini pesa hizo hazipo basi twambie tutachanga kutimiza lengo hilo.

Mwisho niwapongeze viongozi, wanachama na wapenzi wa Chadema kwa kazi nzuri mnayoifanya. Achana na wachana magamba wameishakufa ganzi ukweli wanaujua kuwa hawatoki ICU walikojipeleka.

VIVA CHADEMA.

 

[Mzee Wa Rubisi]

Kwa mtazamo huu CCM wapime wenyewe.

Mikutano yao ya kujivua magamba wameipeleka Zanzibar, Je kwanini awaipeleki mikoa mingine?

 

[Gsana]

Na ukizingtia ruzuku inatumiwa vibaya na watu wa makao makuu. Huku mkoa nilipo mie sio siri viongozi wa CDM wanalalamika sana ukizingatia hawana vitendea kazi, na ofisi zenyewe za shida wanadaiwa kodi za pango. Kwa kweli CDM makao makuu ijiangalie sana na haya maandamano yataleta mgawanyiko mkubwa sana kwenye chama !. Hivi fikiria pesa za maandamano laiti zingetumika kununulia vitendea kazi , tatizo hili lingepungua kwa kiasi kikubwa

hata ktk vichaa kuna magenius wao. Sasa we ni genius kwenye mazezeta.

 

[markach]

Hakuna haja ya CCM kulalamika kabisa juu ya maandamano ya CDM. Na wao wawe na Plan B.Tafadhali sana CCM acheni vitisho.

 

[Mikael Aweda]

Mpaka kieleweke. excellent job.

 

[mgalisha]

Mpaka kieleweke hongereni CDM kwa elimu mnayo wapa wananchi,mwisho wa siku itafahamika tu.

 

[GEORGE KAZEMBE]

Mandamano ya Chadema Mbeya kwa kweli yametia fola umati wa watu ulikuwa mwingi sijawahi kuona hakika watanzania wamechoka na ccm,gamba kweli hilivuliki.

 

[Jile79]

Maandalizi mazuri kwa ajili ya kuchukua nchi kilaini kutoka ccm na ccm-b ambao baada ya kujivua magamba laini sasa wamelala fofofo wanagombea na kuweka mikakati ya kugombea urais 2015.................
Twende kazi chadema chama cha watz wote wapenda amani

 

[Masanilo]

Mtachoka tu kuandamana li-nchi likubwa sana hili. Kodi zetu ndio zinateketea hivo. Tofauti kati yenu na CCM kwa matumizi ya fedha za UMMA haipo. Watoto wetu waendelee kusoma chini ya miti na kukalia mawe. Tuendelee kuigharamia SIASA mpaka basi.

Crap! Crap

 

[Jile79]

Well done chadema.....watz wote wapo nanyi

 

[sanjo]

Maandamano ni haki ya kikatiba ya wananchi kudai haki zao. Kwa serikali makini maandamano ni sehemu ya kupata tathimini ya wananchi juu ya utekelezaji wa sera mbalimabali za serikali. Lakini kwa serikali isiyo makini, huwa haijifunzi chochote kutoka waandamanaji na huendelea kurudia makosa yale yale.

CDM endeleeni kuwa makini.

 

[Kichakoro]

"pind alinibeep nikampigia akapokea makinda... mnyukano bado haujaisha tusubiri bunge lijalo ... lema" nimeipenda sana

 

[Mpiga Nyoka]

VIVA CHADEMA...HONGERENI WATU WA NYUMBANI MBEYA KWA KUCHUNA MAGAMBA.
Nimependa hii 'kama
Dk Slaa si Rais wa Tanzania basi ni Rais wa Mbeya'

 

[Viper]

Chama cha Democrasia na Maandamano

hahahahahaha.....

 

[Edson Zephania]

"Ikibidi tutapigana bungeni kwa MASILAHI ya Mtanzania" by F. Mbowe. Source; Mwananchi la leo.

Nimependa kwa MASILAHI ya Mtanzania.

 

[GeniusBrain]

Jana tarehe 06.05.2011 CHADEMA walifanya maandamano yao Mbeya yaliyoanzia eneo la Mafiati na kuishia viwanja vya shule ya msingi ya Luanda – Nzovwe.

Maandamano hayo yalikuwa na nia ya kuishinikiza serikali mambo yafuatayo:

1. Kuachana na muswada wa sheria ya ununuzi wa vitu chakavu
2. Mchakato wa katiba uondolowe mikononi mwa CCM
3. Kupinga upangaji vitu bei
4. Uchaguzi meya wa arusha ufanyike upya

My take:

• Kuhusu kupinga muswada wa sheria ya ununuzi vitu chakavu huku ni kuwahadaa wananchi, wao wenyewe CDM ndio vinara wa ununuzi vitu chakavu, kwa hiyo wanasema wasilo litenda, hii ni alama kubwa sana ya watu wanafiki. Mifano ipo, rejea mtafaruku wa kikao cha kamati kuu 30.04.2011
• Mchakato wa katiba hauko mikononi mwa CCM, uko bungeni hivi sasa. Na watu wamepewa fursa ya kusoma muswada wa marekebisho ya katiba na watoe maoni yao. Sasa kusema uko kwa CCM huku ni kuwahadaa wananchi. Na bunge ni la wananchi, sasa kama CDM wabunge wake ni wachache hilo ni shauri lao kwani wananchi waliwachagua wachache kwa vile hawakukubalika, na wakaipa CCM ushindi wa kishindo wa urais na wabunge, wajipange 2015
• Suala la upandaji vitu bei, hilo haliihusu Tanzania tu kwani sio kisiwa. Tunaona sehemu mbali mbali na nchi nyingi vitu vimepanda bei. Sasa ukisema ushuru ushushwe, serikali itapata wapi mapato ya kutekeleza majukumu yake ?. Hili laonyesha CDM wanataka serikali itekeleze sera yao ya kuwapa watu vitu vya bure bure bila kufanya kazi, hili halitekelezeki
• Uchaguzi wa meya wa arusha ulitolewa maelezo ya kirefu na ufasaha na Mh. Waziri mkuu pale bungeni, kuwa ulikuwa ni huru, haki na wa halali. Kama CDM wanapinga waende mahakamani. CDM wakaanza kurudi kinyuma nyuma na kuipigia magoti serikali kwa kutaka mazungumzo. Mazungumzo yamefanywa na yanafikia ukingoni ambapo CDM wameomba wapewe nafasi ya unaibu meya kwa miaka 4, na TLP wapewe nafasi hiyo kwa mwaka 1. Suala la umeya , CDM wao wenyewe wamekubaliana nalo kuwa ni la CCM. Sasa kelele za nini , na mmeomba mmepewa

Kama dhumuni la maandamano lenyewe lilikuwa ni kuzungumzia mambo hayo ambayo , basi CDM wamepotoka na inaonekana si watu wa kuwaamini kabisa, na wanapoteza pesa wanazo pewa za kodi ya wananchi kama ruzuku kwa vitu tayari vinafanyiwa kazi na wao wakiwa ni sehemu ya utekelezaji. CDM tumieni ruzuku vizuri, kwani mikoani na wilayani ofisi hazina vitendea kazi, watu hawana mishahara na ofisi zinaendeshwa kwa pesa za mifukoni za viongozi, hamtofika kiivyo. Na mie naanza kuamini sasa kuwa ‘ SAA YA UKOMBOZI KUMBE SI SASA , BADO IKO MBALI SANA KWA MTINDO HUU’.