Kuelekea Maadhimisho ya Siku ya Wanawake Duniani 2020, Wanaume watakiwa kutonyanyasa Wanawake na kuwanyima haki zao

beth

JF-Expert Member
Aug 19, 2012
1,801
2,000
Wanaume nchini wametakiwa kutowanyanyasa wanawake kwa kuwadhulumu haki zao, kuheshimu nafasi zao na zaidi kuepuka kuomba rushwa ya namna yoyote pindi wanapohitaji msaada.

Hayo yamesemwa na Mkuu wa Wilaya ya Dodoma, Mhe Patrobas Katambi kuelekea kilele cha siku ya Wanawake duniani Machi 8 mwaka huu ambapo kitaifa maadhimisho hayo yatafanyika Mkoani Simiyu.

DC Katambi amesema Wanawake wengi wapewapo fursa hufanya vizuri zaidi na kwa uaminifu kuliko wanaume wengi hivyo kutoa rai kwa wanaume wote wa Jiji la Dodoma na Tanzania kwa ujumla na kwamba ndani ya Wilaya yake hatoruhusu haki ya mwanamke kupotea.

Amesema ndani ya kipindi chake cha uongozi wilaya ya Dodoma amepigania haki za wanawake ambapo amefanikiwa kurejesha haki za wajane 36, Talaka sita, walioporwa nyumba wanne, haki za ardhi 1036, waliokua na changamoto za malezi 12 na wa mirathi wakiwa saba.

" Kwa muktadha huo sisi kama Wilaya ya Dodoma tutaendelea kupambana kuleta usawa ndani ya jamii yetu, haiwezekani suala la mirathi liwe la wanaume tu, au haki ta kumiliki ardhi isiwe ya wanawake, nikiwa DC hapa sitoruhusu hali hiyo.

Sitomvumilia yeyote ambaye atamnyanyasa mwanamke kwa namna yoyote ile, iwe kuomba rushwa ya ngono, kudhulumu haki zao iwe ya ardhi au mirathi. Tutawalinda wanawake ndio Mama zetu," Amesema DC Katambi.

Amesema serikali ya awamu ya tano imeheshimu na kuthamini sana nafasi ya mwanamke katika sekta zote za elimu, ajira, afya, uchumi ikiwa ni pamoja na kuwapa nafasi za kiuongozi, fursa za kupata haki zao za kijinsi, kijamii, kiuchumi nakulinda usawa na haki za Binadamu na Watoto.

" Rais Magufuli anapaswa kupongezwa kwa namna ambavyo ametoa kipaumbe kikubwa kwa wanawake kwenye serikali yake. Ametoa nafasi kubwa za kiungozi na zenye maamuzi kwa kundi kubwa la wanawake jambo ambalo miaka ya nyuma ilikua ni nadra.

Leo hii Taifa limeweka rekodi ya kuwa na Makamu wa Rais mwanamke, Mawaziri na Manaibu Mawaziri ni wengi kulinganisha na zamani, kwenye u-DC tumeona namna alivyoteua wanawake wengi, hakika ameonesha imani kubwa kwao na tunapaswa kuiga mfano huu," Amesem DC Katambi.

Amesema serikali imekua ikiwalinda wanawake na watoto kwa kutunga Sheria nying zinazolinda na kuheshimu utu na haki zao pamoja na kuridhia na kusaini mikataba ya Kimataifa yenye kulinda haki ya kijinsia
 

Scars

JF-Expert Member
Apr 8, 2017
12,241
2,000
Kupitia kichaka cha "haki za wanawake" wanaume wamekua wakidhulumiwa na pengine kufungwa bila hatia
 

welding1682

JF-Expert Member
Aug 20, 2019
205
500
Kupitia kichaka cha "haki za wanawake" wanaume wamekua wakidhulumiwa na pengine kufungwa bila hatia
Hasa ukutane na hawa single mother wale wajuwaji wenye diploma zao alafu mtofautiane na bado hujazaa naye utajuta kumfahamu!
 
Top Bottom