Katibu Mkuu wa CCM na Propaganda "Za Kisomi"

[Mindi]

Nimemsikiliza Dr. Bashiru Ally, Katibu Mkuu wa CCM, akiongea na Vyombo vya habari. Pamoja na kutumia usomi wake kutetea "sera" za CCM, ikiwa ni pamoja na zile za kupora viongozi wa upinzani, ametumia nafasi hiyo pia kujitutumua kwa kutumia mgongo wa Marehemu Profesa Samir Amin, Mungu amweke mahali pema peponi.

Dr. Bashiru alianza kwa "kutangaza" habari za kusikitisha za kifo cha nguli huyo wa siasa za kimapinduzi Afrika na Dunia nzima, na kupenyeza kwamba alipigiwa simu na Profesa Issa Shivji. habari hiyo fupi ilikuwa hasa na lengo la kujinasibisha na Msomi huyo, ambaye kwa bahati mbaya yale ambayo aliyasimamia ni tofauti kabisa na yale ambayo Dr. Bashiru anayasimamia kwa sasa. Profesa Samir amedumu na misimamo yake mpaka kifo kimemkuta, wakati Dr. Bashiru, ambaye alishiriki kumwalika Profesa Samir kuwa Kigoda cha mwalimu Nyerere mwaka 2010, akishirikiana na Profesa Issa Shivji, amesaliti kile alichokiamini, angalau hadharani, na kukimbilia kutumikia Chama ambacho kinasimamia ukandamizaji, uporaji wa haki, rushwa, utesaji na mengine maovu zaidi. Mchambuzi mmoja ana mweleza Profesa Samir kama ifuatavyo:

"Amin believed that the world capitalism – a rule of oligopolies based in the rich world – maintains its rule through five monopolies – control of technology, access to natural resources, finance, global media, and the means of mass destruction. Only by overturning these monopolies can real progress be made." [Rejea hapa]

Sasa CCM ndiyo inasimamia hayo hayo ambayo Profesa Samir alipinga na alihubiri yang'olewe ili kuleta maendeleo ya kweli ya wanyonge. CCM kupitia serikali yake inakandamiza vyombo vya habari, inakandamiza mitandao, Badala ya kutumia rasilimali za nchi kwa masilahi ya taifa zima, tunashuhudia watanzania wakiishi maisha magumu kutokana na mipango isiyoeleweka na isiyokuwa na vipaumbele vya kitaifa, bali kufuata matakwa ya mtu mmoja vile anavyojisikia. Kauli ya Rais Magufuli ndiyo sheria. Serikali ya CCM inasimamia uvunjaji wa sheria na katiba ya nchi, kwa kuvuruga mfumo wa vyama vingi.

Kimsingi CCM siyo tena chama cha siasa, kwa sababu haiwezi kusimama wala kufanya siasa bila kutumia Polisi, vyombo vya serikali, wateule wa Rais waliosambaa nchi nzima, ambao kwa kweli ni watumishi wa umma ambao hawatakiwi kuwa upande wa chama cha siasa

Kwa kumrejea Marehemu Profesa Samir Amin, Dkt Bashiru Ally anakusudia kuhalalisha usomi wake na hivyo kuutumia usomi huo kuhalalisha yale yanayoendelea hapa nchini.

Bashiru na wakubwa wake katika CCM wanajidanganya. Bashiru anajisahaulisha kwamba HUWEZI KUIDANGANYA HISTORIA.

 

[Mindi]

Bashiru pia anatumia ukali, badala ya kujiegemeza katika ujenzi wa hoja, na kuacha hoja zijitegemee. nguvu na ukali huu ni dalili ya kushiba "uccm"

 

[shungurui]

Bashiru pia anatumia ukali, badala ya kujiegemeza katika ujenzi wa hoja, na kuacha hoja zijitegemee. nguvu na ukali huu ni dalili ya kushiba "uccm"

Kuushiba "uccm" ni sawa na kuuvaa ushetani.

 

[jogoo_dume]

Ukifuatilia siasa ktk jf unaweza sema mtaani kuna shida, kumbe raia mtaani wako na amani na wanamkubali mno rais wao. Chadema wamewekeza kwa vijana humu jf waeneze propaganda mbovu, kizuri uhalisiani yaani uraiani, wananchi wanawapuuza.

 

[Nokia83]

Tanzania hamna vyama vya siasa kwa sababu huko upinzani ni CCM B

 

[Freyzem]

Bushiri kwa sasa hana tofouti na polepole...
Tena polepole anamshinda kwa sasa kwa kweli...

 

[Dongo La Kiemba]

Ni mtazamo wako mleta mada! Hawezi kuwa utakavyo wewe.

 

[Chinsali]

wameshindwa kusimamia katiba yao ya chama ambapo ili mtu achaguliwe lazima kura ya maoni ipitishwe ndo apite wao hawajali?je wataweza kusimamia katiba ya nchi kweli .

 

[zitto junior]

Ukifuatilia siasa ktk jf unaweza sema mtaani kuna shida, kumbe raia mtaani wako na amani na wanamkubali mno rais wao. Chadema wamewekeza kwa vijana humu jf waeneze propaganda mbovu, kizuri uhalisiani yaani uraiani, wananchi wanawapuuza.

Uraiani wapi huko mkuu na utafiti upi umefanya?? Unajua shida ya sisi Tanzania hatujui kazi za serikali na upinzani sasa nani kasema Rais akikubalika ndio upinzani haukubaliki si kila mtu anafanya kazi yake na wala hazitegemeani ndio maana obama na kukubalika kote ila ubunge aliangushwa same case kwa clinton sasa cjui hii theory ya kusema Rais akiongezeka approval ratings basi upinzani umekwisha zinatoka wapi

Kingine kipimo pekee huwa ni chaguzi huru na haki hapo ndio mnapima chama gani kinakubalika na mkitaka majibu ya haya mkubali tume huru kama ilivyopendekezwa na Tume ya warioba ili ukweli uwe wazi ila haya mambo ya kuleta kejeli humu wakati field mnafanya uhuni kwenye chaguzi mnashangaza sana

Kejeli hizi zitapendeza kama mtashinda chaguzi huru na haki otherwise mnageuka vituko tu

 

[MsemajiUkweli]

Tatizo lako hapa ni nini?

Kwamba hukupenda Dkt. Bushiru kupigiwa simu na Profesa Issa Shivji au hukutaka aseme kuwa amepigiwa simu?

Nimecheka kidogo uliposema hii paragraph yako!
''Kimsingi CCM siyo tena chama cha siasa, kwa sababu haiwezi kusimama wala kufanya siasa bila kutumia Polisi, vyombo vya serikali, wateule wa Rais waliosambaa nchi nzima, ambao kwa kweli ni watumishi wa umma ambao hawatakiwi kuwa upande wa chama cha siasa''.

Naomba nikuulize swali, ni lini CCM haikuwa na haya uliyataja ambayo yaliifanya kuwa chama cha siasa nchini?

 

[wagagagigi]

Bashiru pia anatumia ukali, badala ya kujiegemeza katika ujenzi wa hoja, na kuacha hoja zijitegemee. nguvu na ukali huu ni dalili ya kushiba "uccm"

Ukali huu ni dalili ya kushindwa hoja na huku nafsi yake ikimsuta. Wasilolifikiria wasomi hawa ni muelekeo wa future yao na ya taifa. Ni kwa nini hawaoni kama pasipo kufuatwa sheria kwenye nchi ni sawa na mchezo wa bahati nasibu? ni kwamba hakuna uhakika wa kesho atakuwa wapi...kwa kweli hakuna aliesalama ni muda ndio utawapa funzo!

 

[Tindo]

Ukifuatilia siasa ktk jf unaweza sema mtaani kuna shida, kumbe raia mtaani wako na amani na wanamkubali mno rais wao. Chadema wamewekeza kwa vijana humu jf waeneze propaganda mbovu, kizuri uhalisiani yaani uraiani, wananchi wanawapuuza.

Uhalisia uko hivi, kadiri unavyozeeka mvuto huzidi kupotea. Na hilo ni dhahiri kwa ccm. Hiki ulichosema kingekuwa na nguvu iwapo hizi chaguzi zinaoendelea tusingeona uporaji wa kura. Ccm inatamba yenyewe na propaganda za kumwaga kwamba inakubalika. Matokea huko kwenye box la kura ni polisi tu na wakurugenzi wanafahamu. Mwanamke mzee hata ajipambe vipi na kuhonga mvuto hawezi kua nao.

 

[Omerta]

Ukifuatilia siasa ktk jf unaweza sema mtaani kuna shida, kumbe raia mtaani wako na amani na wanamkubali mno rais wao. Chadema wamewekeza kwa vijana humu jf waeneze propaganda mbovu, kizuri uhalisiani yaani uraiani, wananchi wanawapuuza.

Ndiyo mnavyomdanganya Jiwe ili kutetea teuzi?

 

[nyabhingi]

Ukifuatilia siasa ktk jf unaweza sema mtaani kuna shida, kumbe raia mtaani wako na amani na wanamkubali mno rais wao. Chadema wamewekeza kwa vijana humu jf waeneze propaganda mbovu, kizuri uhalisiani yaani uraiani, wananchi wanawapuuza.

 

[Tindo]

Tatizo lako hapa ni nini?

Kwamba hukupenda Dkt. Bushiru kupigiwa simu na Profesa Issa Shivji au hukutaka aseme kuwa amepigiwa simu?

Nimecheka kidogo uliposema hii paragraph yako!
''Kimsingi CCM siyo tena chama cha siasa, kwa sababu haiwezi kusimama wala kufanya siasa bila kutumia Polisi, vyombo vya serikali, wateule wa Rais waliosambaa nchi nzima, ambao kwa kweli ni watumishi wa umma ambao hawatakiwi kuwa upande wa chama cha siasa''.

Naomba nikuulize swali, ni lini CCM haikuwa na haya uliyataja ambayo yaliifanya kuwa chama cha siasa nchini?

Huko nyuma wangalau waliruhusu wengine kufanya siasa. Sasa hivi siasa wao wenyewe, ndege wamenunua, wabunge na madiwani wanahama upinzani kumuunga mkono rais, sasa iweje bado uporaji wa kura uzidi hata enzi kukiwa hamna ndege wala ujenzi wa SGR?

Nimemsikia katibu mkuu anasema anasikitishwa watu kupungua kupiga kura, iweje hao wananchi wanaomuunga mkono rais hawajitokezi? Ni rahisi tu zama zimebadilika hakuna wajinga tena. Ni ngumu kweli kulazimisha kupendwa hasa ukishakuwa mzee. Pata picha unampa msichana huduma zote anazohitaji lakini bado anampenda kijana mwenzake hata kama ni masikini. Ndio hapa unaona polisi na wakurugenzi wanaitangaza ccm kushinda kwa karatasi zenye handwriting moja! Katika mazingira hata huyo Bashir lazima awe frustrated kwani hawezi siasa hasa hizi za mabavu. Na boss lazima amfokee kama mtoto mdogo, iweje chama hakina mvuto huku akiamini kila kitu anafanya?

 

[Kitwa-Mulomoni]

Ukali huu ni dalili ya kushindwa hoja na huku nafsi yake ikimsuta. Wasilolifikiria wasomi hawa ni muelekeo wa future yao na ya taifa. Ni kwa nini hawaoni kama pasipo kufuatwa sheria kwenye nchi ni sawa na mchezo wa bahati nasibu? ni kwamba hakuna uhakika wa kesho atakuwa wapi...kwa kweli hakuna aliesalama ni muda ndio utawapa funzo!

Ukali unakuja baada ya baadhi ya wanahabari kushindwa kuuliza maswali yenye ueledi Wa kikao husika. Muuliza swali akipwaya - it frustrates muulizwa! Hata sisi wasikilizaji.

 

[Tindo]

Ukali unakuja baada ya baadhi ya wanahabari kushindwa kuuliza maswali yenye ueledi Wa kikao husika. Muuliza swali akipwaya - it frustrates muulizwa! Hata sisi wasikilizaji.

Kuna muandishi anaweza kuuliza swali la maana zama hizi? kwani hao waandishi hawakuona yule mwenzao kapata kipigo akiwa hana hata wembe na kesi kapewa? Zama hizi hakuna muandishi wa maswali magumu.

 

[Mnasihi]

Ukali unakuja baada ya baadhi ya wanahabari kushindwa kuuliza maswali yenye ueledi Wa kikao husika. Muuliza swali akipwaya - it frustrates muulizwa! Hata sisi wasikilizaji.

Kubali tu kuwa msomi wa level yake kababaishwa na mwenye elimu ya kawaida! Kuwa msomi maana yake ni kuwa na weledi, hekima, busara na mbinu za kujenga na kujibu hoja kwa hoja! Tena kwa level yake na nature yake ya ualimu alitakiwa kujibu kwa kuelimisha na siyo kufoka! Next time mwambie mwalimu huwa hawaprovoke wanafunzi wake wala hatakiwi kuwa frustrated na anatakiwa muda wote kuwa rational! Huo ndio usomi na ualimu niujuao! Aliruhusu maswali ya nini kama hakujiandaa? Ndio maana waliopita kwake hawaelewielewi na wapo frustrated kama yeye! Pathetic to such teacher!

 

[Jamandiga Karuka]

Asante kwa taarifa, wenzangu na mm hbr za CCM tunazipata hapa jukwaani tu. Kwenye TV au redioni nikisikia/kuona hbr za CCM ninahisi kama luku yangu inaisha. Thanks once again!

 

[tamuuuuu]