Jumuiya yenye hatma ya pamoja: Ushirikiano wa kilimo kati ya China na Afrika ni wa kunufaishana

[Yoyo Zhou]

Afrika ina rasilimali kubwa za kilimo. Lakini kutokana na sababu mbalimbali, kiwango cha maendeleo ya kilimo barani humo kimebaki nyuma kwa muda mrefu, na hata nchi nyingi haziwezi kujitosheleza chakula. Kwa hivyo, nchi za Afrika zinachukulia maendeleo ya kilimo kama kazi kuu ya kujiendeleza. Kwa upande mwingine, China ni nchi ya kijadi ya kilimo, ina teknolojia nyingi na uzoefu mkubwa katika maendeleo ya kilimo. Wakati huo huo, pia inatumai kukidhi mahitaji ya soko la ndani na kutimiza maendeleo endelevu ya kilimo kupitia ushirikiano na nje. Hivyo ushirikiano wa kilimo kati ya pande hizo mbili una msingi mkubwa.

Kwenye Kongamano la Pili la Ushirikiano wa Kilimo kati ya China na Afrika lenye kaulimbiu ya “Usalama wa Chakula Barani Afrika, Fungua Ukurasa Mpya wa Ushirikiano wa Kilimo kati ya China na Afrika”, lililofanyika katikati ya Novemba mwaka huu, pande hizo mbili zimejadili mikakati yao ya kuendeleza kilimo, kujumuisha uzoefu wa ushirikiano na kupanga ushirikiano katika siku zijazo.

Hivi sasa, ushirikiano wa kilimo kati ya China na Afrika unafanywa hasa kwa njia ya msaada, uwekezaji, na biashara ya mazao ya kilimo, na kupata mafanikio ya pamoja.

Kwanza ushirikiano wa kilimo kati ya China na Afrika unasaidia kuhakikisha usalama wa chakula kwa pande zote mbili. Kila mwaka, China inatoa msaada wa chakula kwa nchi za Afrika zenye mahitaji, na pia imetuma idadi kubwa ya wataalam wa kilimo ili kuzisaidia nchi za Afrika kuendeleza kilimo. Hatua hizo zimechangia juhudi za nchi za Afrika kukabiliana na njaa. Kwa upande mwingine, China ni nchi yenye idadi kubwa ya watu, kuanzisha mashamba makubwa ya nafaka barani Afrika sio tu kutakidhi mahitaji ya nchi za Afrika, bali pia kunaweza kuongeza mauzo yake ya chakula kutoka Afrika, ambayo itasaidia kuhakikisha usalama wa chakula nchini China.

Pili, ushirikiano wa kilimo kati ya China na Afrika unasaidia kuhimiza maendeleo endelevu ya kilimo kwa pande hizo mbili. Katika miaka ya hivi karibuni, makampuni mengi ya kilimo ya China yamepanua minyororo yao ya uzalishaji barani Afrika, kutoka upandaji wa mazao hadi usindikaji wa kina wa mazao, na hali hii imetoa msukumo mkubwa kwa maendeleo endelevu ya kilimo barani Afrika. Kwa upande wa China, ushirikiano wa kilimo kati yake na Afrika unaweza kupunguza matumizi ya kupita kiasi ya rasilimali za ndani, na kuboresha uwezo wa kupata maendeleo endelevu.

Tatu, ushirikiano wa kilimo kati ya China na Afrika umekuza biashara ya kilimo na kuwanufaisha wakulima wa pande hizo mbili. Katika miaka ya hivi karibuni, mazao bora mengi ya kilimo ya nchi za Afrika, yakiwemo maparachichi ya Kenya, korosho za Tanzania, na kahawa za Rwanda, yameingia kwenye soko la China, na kupendwa sana na wateja. Nchi nyingi za Afrika zinajishughulisha zaidi na kilimo, na kuuza bidhaa zao za kilimo katika soko kubwa la China ni muhimu sana kwa maendeleo ya kilimo na ongezeko la mapato ya wakulima katika nchi hizo. Kwa upande wa China, kuagiza bidhaa za kilimo sio tu kukidhi mahitaji ya soko, bali pia kunasaidia kupunguza hatari ya kutegemea kupita kiasi nchi fulani chache katika bidhaa muhimu.

Kilimo ni kipaumbele cha kwanza kwa maendeleo ya kiuchumi na kijamii nchini China na barani Afrika. Kukuza ushirikiano wa kunufaishana wa kilimo kati ya pande hizo mbili ni utekelezaji muhimu wa kujenga jumuiya yenye hatma ya pamoja ya China na Afrika, na ushirikiano huo wa kunufaishana una mustakabali mzuri.

 

[Numbisa]

Nice