Hadithi ya kusisimua: Kosa langu ni lipi?

Hadithi ya kusisimua: Kosa langu ni lipi?

mhhhhh...hi story ni balaa..unavuta picha kama kitu ni cha kweli .dah...
 
Hadithi saafi. Ninawaza hivi: ameline akishirikiana na Mentor katika utunzi wa riwaya/hadithi si itakuwa bonge la msisimko? Hebu shirikianeni bwana kutunga hadithi mziweke kwenye kitabu. Kitanunulika sana maana uandishi wa Mentor nshauonja.
 
Last edited by a moderator:
Mama wawili umnaendeleaje na ulezi?
 
SHIEKA said:
Hadithi saafi. Ninawaza hivi: ameline akishirikiana na Mentor katika utunzi wa riwaya/hadithi si itakuwa bonge la msisimko? Hebu shirikianeni bwana kutunga hadithi mziweke kwenye kitabu. Kitanunulika sana maana uandishi wa Mentor nshauonja.
Click to expand...

Mkuu SHIEKA, huu uwezo wa kumtoa msomaji machozi bado sijaufikia aisee...
 
Last edited by a moderator:
KOSA LANGU NI LIPI? Sehemu ya 9
ILIPOISHIA

Ilikuwa ni majira ya saa moja za jioni. Joyce
alilia na kumuomba sana Maliki asiwafukuze
lakini hakuswasikiliza, kwani yule mwanamke
aliyekuja naye alikuwa hataki kina Joyce
waendelee kuishi pale, hivyo hawakuwa na
namna nyingine zaidi ya kuondoka. Huku
wakifukuzwa kwa maneno ya kashfa.Bila ya
kujua wapi wanaenda walitembea huku na kule
ili kutafuta sehemu ya kujipumzisha kwa usiku
huo. JE NINI KITAENDELEA USIKOSE SURA
YA....9....
INAPOENDELEA
Walirudi katika maisha ya mitaani ambayo
yalikuwa ni maisha ya shida sana. Kwasababu
walikuwa hawana chochote zaidi ya kuomba
huku na kule. Siku moja kutokana na kuishi
maisha ya tabu James alianza kuumwa homa.
Lakini dada yake alikuwa hana pesa ya kununua
dawa. Ilimbidi aombe watu ili wamsaidie,
alipata msaada wa kununua dawa, lakini siku
zilivyozidi kwenda hali ya James ilizidi kuwa
mbaya. kutokana na hali halisi ya maisha Joyce
alikuwa kama amechanganyikiwa akimtizama
mdogo wake anavyoumwa “Nitafanya nini
mimi, nimejaribu kutafuta pesa bila mafanikio
na James anaumwa sana” Joyce ilimbidi aanze
kujiuza ili apate pesa za kumpeleka mdogo
wake Hospitalini. Alijiingiza katika biashara ya
ukahaba ili aweze kupata pesa za mahitaji
mbalimbali.
Wakati mwingine iliwabidi walale njaa
kutokana na hali halisi ya maisha. Akiwa
anaendelea na biashara hiyo alikutana na
changamoto nyingi sana. Siku moja alikutana
na mwanaume mmoja ambaye alionekana
kuwa na umbo kubwa mithili ya mmbeba
vyuma, alimchukua na kumuahidi kuwa
angemlipa kiasi kikubwa cha fedha. Walipofika
chumbani yule mwanaume alimtaka Joyce
afanye naye mapenzi kinyume na maumbile
lakini Joyce alikuwa akikataa “Sitaki, naomba
uniache, unaniumiza jamani, sitaki siwezi
mimi” Alikuwa akilalamika Joyce huku akijitoa
mikononi mwa yule mwanaume bila
mafanikio. Kwani aliambulia kipigo kikali sana,
yule mwanaume alimpiga Joyce na
kumlazimisha kufanya naye mapenzi kwa
nguvu.Joyce alilia sana kwa uchungu. Baadaye
yule kaka aliondoka bila hata ya kumlipa pesa
yoyote na Joyce alibaki akilia kutokana na
maumivu makali sana aliyokuwa akiyasikia.
Pesa alizokuwa anapata Joyce zilikuwa
hazitoshi kuwasaidia na huku hali ya James
haikuwa nzuri hatimaye alifariki Dunia. ni siku
ambayo Joyce alilia kwa uchungu bila ya kujua
nani atamsaidia katika maisha yake. Alisaidiwa
na watu mbalimbali wa mitaani katika mazishi
ya mdogo wake na baadaye alibaki pekee bila
kujua ataenda kwa nani ili aweze kumsaidia.
Siku zilienda Huku Joyce akiwa amekata tamaa
ya maisha. Baadaye aliamua kutafuta kazi za
ndani ili aweze kujikimu katika maisha.
Alihangaika sana huku na kule bila ya
mafanikioBaadaye alifanikiwa kupata kazi
katika nyumba ya Mama mmoja aliyejulikana
kwa jina la Mama Robert. alimuonea sana
huruma baada ya kumueleza kila kitu kuhusu
mkasa mzima wa maisha yake basi alianza
rasmi kufanya kazi katika nyumba hiyo.
Ambapo kwa wakati huo mume wake na
Mama Robert alikuwa amesafiri, pamoja na
watoto wake wawili. Zilipita kama wiki mbili
Joyce akiwa anaendelea na kazi bila matatizo
yoyote "Mwanangu unafanya kazi vizuri sana
lakini pia uwe unapumzika siyo lazima ufanye
kazi zote kwa mara moja" Alisema Mama
Robert huku akimsisitiza Joyce awe
anapumzika kwani Joyce alikuwa akifanya kazi
sana bila ya kuchoka. Kesho yake ilikuwa ni
siku ambayo Baba Robert ndiyo anarudi
kutoka safari.
Kesho yake Mama Robert aliandaa chakula
kizuri akishirikiana na Joyce. Yalikuwa ni
maandalizi ya kumpokea mume wake pamoja
na watoto wake. Waliandaa kila kitu mazingira
ya nyumbani yaliwekwa katika hali ya usafi.
Baadaye Mama Robert alijiandaa na kwenda
kumpokea mume wake ilikuwa ni furaha isiyo
na kifani, Mama Robert alimkaribisha mume
wake pamoja na watoto wake kwa furaha na
baadaye walielekea nyumbani. Ambapo moja
kwa moja walienda kukoga kwanza na baadaye
walienda mezani kupata chakula cha jioni.
Wakati huo Joyce alikuwa amejipumzisha
chumbani kwake kwa muda mrefu hivyo
hakuonana na wageni.NINI KITAENDELEA
USIKOSE ....SURA YA....10
 
ILIPOISHIA
Baadaye Mama Robert alijiandaa na kwenda
kumpokea mume wake ilikuwa ni furaha isiyo
na kifani, Mama Robert alimkaribisha mume
wake pamoja na watoto wake kwa furaha na
baadaye walielekea nyumbani. Ambapo moja
kwa moja walienda kukoga kwanza na baadaye
walienda mezani kupata chakula cha jioni.
Wakati huo Joyce alikuwa amejipumzisha
chumbani kwake kwa muda mrefu hivyo
hakuonana na wageni.NINI KITAENDELEA
USIKOSE ....SURA YA....10
INAPOENDELEA
Baadaye Mama Robert aliamua kumuita Joyce
ili amtambulishe kwa mume na watoto wake
“Joyce mwanangu” aliita Mama Robert Joyce
akiwa chumbani aliitika huku akinyanyuka na
kuelekea sebuleni “Abee mama” Alipofika kwa
mshangao Yule baba alikuwa kama
amemfananisha Joyce kisha akauliza “Huyu
binti ni nani mama Robert?” Aliuliza lakini
kabla hajajibiwa Joyce aliwakatisha kwa
kumsalimia “Shikamoo Baba” Aliitika
“Marahaba” Mama Robert akaanza
kumtambulisha, "Mume wangu huyu binti
anaitwa Joyce ni msichana wa kazi hapa
nyumbani ni binti mpole na anajua sana
kufanya kazi” Baba Robert akasema “Alaa
karibu sana binti karibu uketi” Joyce alijisogeza
taratibu na kujumuika pamoja nao.
Baba Robert aliendelea na maswali “ Joyce
wewe umetokea wapi? na wazazi wako
wanaishi wapi”? Joyce akamjibu mimi nilikuwa
nikiishi hapahapa Dar es salaam, sina wazazi
kwani walishafariki” alisema Joyce kwa sauti ya
upole. “Pole sana binti baba yako alikuwa
anaitwa nani na inamaana hauna ndugu”?
Aliuliza maswali mengi kwa wakati mmoja.
Joyce alimjibu na kusema “ Baba yangu alikuwa
anaitwa Ndesanjo Kimaro, kuhusu ndugu
sikuwahi......” Kabla hajamalizia kuzungumza
Baba Robert alimkatisha "Unasema Ndesanjo
Kimaro?” Wewe ni mtoto wa Ndesanjo alikuwa
anafanya biashara ya bidhaa za kilimo” Joyce
alishangaa kuona Baba Robert anamfahamu
baba yake kwani ni kweli baba yake alikuwa
akijishughulisha na biashara ya bidhaa za
kilimo, akasema “Ndiyo baba yangu alikuwa
anafanya biashara hiyo”
"Mungu wangu kumbe Ndesanjo alifariki
Mama Robert huyu mtoto ni ndugu yangu
kabisa. Ndesanjo ni mdogo wangu tumezaliwa
na Baba mmoja lakini hatukuwasiliana ni muda mrefu tokea nilipokuwa nje ya nchi kikazi.
Siamini ninachokisikia, lakini pia si alikuwa na
watoto wawili na mwingine wa kiume, yuko
wapi mdogo wako?” Joyce aliinama chini kwa
uchungu huku machozi yakimtoka akasema
“Baba na Mama walifariki kwa ajali ya gari, na
Mdogo wangu amefariki alikuwa anaumwa
sikuwa na pesa za kumpeleka Hospitali” Baba
Robert alihuzunika sana baada ya Joyce
kumsimulia kila kitu, aliahidi kumsaidia Joyce
katika maisha yake yote.
Maisha ya Joyce yalibadilika sasa alikutana na
ndugu zake aliishi kwa furaha na walimpenda
sana. Kuna wakati Joyce alikuwa akiwaza “Yalaiti
mdogo wangu angelikuwa hai. Tungeishi
pamoja haya maisha ya furaha” Siku zilienda
baadaye Yule baba yake mkubwa aliamua
kumpatia kazi Joyce katika duka lake la vifaa
vya ujenzi na kumlipa mshahara kila mwisho
wa mwezi.
Maisha yaliendelea Joyce alipendeza sana.
Kwani alikuwa ni msichana mrembo ambaye
kila mwanamume aliyekuwa akimuona
alivutiwa naye, Joyce alifahamiana na watu
mbalimbali na wengi walikuwa wakikutana pale
dukani. Ilipita miaka miwili tokea maisha ya
Joyce yabadilike na alisahau matatizo
aliyokutana nayo kipindi cha nyuma. Ilifikia
kipindi akapata rafiki ambaye alikuwa anaitwa
Fredy, walikuwa ni marafiki sana.Baadaye
walifikia hatua ya kuwa wapenzi.
Siku moja Fredy alimfuata Joyce dukani
ilikuwa ni jioni mida ambayo Joyce alikuwa
akifunga duka “Habari mpenzi naomba leo
tutoke kuna kitu cha muhimu nataka tuongee”
Joyce alimjibu akisema “Mmmh Fredy kitu gani
hicho mpenzi leo sitaki kuchelewa kurudi
nyumbani si unajua Baba na mama ni wakali
hawapendi nichelewe” “Hapana yaani
haitachukua muda mrefu nitakurudisha
mapema” Alisema Fredi “Basi hakuna tatizo
ngoja nimalizie kazi haraka, nifunge duka
tuondoke” Fredy aliondoka na kwenda
kumsubiriJoyce katika gari lake aina ya Rav 4.
Baadaye Joyce alimaliza kazi zake na Kumfuata
mpenzi wake kisha waliondoka na kuelekea
maeneo ya Posta, Walitafuta sehemu tulivu
maeneo ya City Garden kwa ajili ya
mazungumzo walikaa pale huku wakiendelea
kupata vinywaji Fredy alianza kwa kusema
“Joyce mpenzi unajua tumekuwa katika
mahusiano kwa muda mrefu natamani sasa
uwe mama wa watoto wangu, nadhani sasa ni
wakati mzuri tufunge pingu za maisha.”
Alisema Fredy,
Joyce aliyekuwa anakunywa Juisi kwa wakati
huo alishusha glasi yake mezani. Kisha
alimkumbatia mpenzi wake kwa furaha “
Jamani Fredy nimefurahi kusikia hivyo, nami
nakupenda sana nipo tayari maisha yangu
niishi na wewe katika shida na raha
nakupenda sana mpenzi” Basi ilikuwa ni
furaha, waliendelea kuzungumza na baadaye
waliondoka. Fredy alimrudisha Joyce nyumbani
kwao wakiwa njiani Fredy alitoa ahadi ya
kwenda kujitambulisha rasmi kwa kina Joyce
mapema siku za usoni. JE NINI
KITAENDELEA......USIKOSE SURA YA......11
 
KOSA LANGU NI LIPI? Sehemu ya 11
ILIPOISHIA
Joyce aliyekuwa anakunywa Juisi kwa wakati
huo alishusha glasi yake mezani. Kisha
alimkumbatia mpenzi wake kwa furaha “
Jamani Fredy nimefurahi kusikia hivyo, nami
nakupenda sana nipo tayari maisha yangu
niishi na wewe katika shida na raha
nakupenda sana mpenzi” Basi ilikuwa ni
furaha, waliendelea kuzungumza na baadaye
waliondoka. Fredy alimrudisha Joyce nyumbani
kwao wakiwa njiani Fredy alitoa ahadi ya
kwenda kujitambulisha rasmi kwa kina Joyce
mapema siku za usoni. JE NINI
KITAENDELEA......USIKOSE SURA YA......11
INAPOENDELEA
Alimfikisha Joyce nyumbani siku hiyo ilikuwa
ni siku ya furaha sana kwa Joyce. Kutokana na
namna ambavyo alikuwa akimpenda sana
Fredy. Ilipita kama wiki moja Fredy aliamua
kwenda kujitambulisha rasmi kwa walezi wa
Joyce. Walimpokea na kumpa Baraka zote,
hawakuwa na kipingamizi walitoa ushauri wao
na kuahidi kutoa ushirikiano kwa lolote
watakalohitaji."Sisi hatuna kipingamizi alimradi
mmependana, lakini kumbukeni maisha ya
ndoa yanahitaji sana uvumilivu msisite
kutushirikisha kwa lolote kwani ndoa si lele
Mama".
Alisema Baba Robert huku akiwatazama kwa
macho ya mkazo Joyce na Fredy . Mama
Robert aliongeza kwa kusema "Ni kweli
wanangu sisi tunaheshimu maamuzi yenu na
tunawatakia kila la heri katika maisha
yenu.Upendo na uaminifu iwe silaha muhimu
sana kwenu.na pia msisahau kumshirikisha
Mungu katika maisha yenu.
BAADA YA MWEZI MMOJA
Tokea Fredy aende kujitambulisha kwa walezi
wa Joyce. Mikakati ya ndoa ilianza haraka na
hatimaye Joyce na Fredy walifunga pingu za
maisha. Na sasa kuwa mke na mume. Joyce
alianza maisha mapya ya ndoa. Walikuwa
wakiishi maeneo ya Mikocheni katika nyumba
ya Fredy, ilikuwa ni nyumba nzuri sana,
waliishi maisha yaliyojaa furaha na upendo.
"Nafurahi sana kupata mke mwema na
anayejua kumjali mume wake" Alisema Fredy
akiwa anamuangalia Joyce aliyekuwa anaandaa
chakula mezani.
Alitabasamu na kusema "Jamani nakupenda
pia mume wangu karibu ule chakula"
Akionyesha uso wenye tabasamu Fredy
alisema "Asante mke wangu na wewe
nakuaminia kwa mapishi".Waliendelea kula na
baadaye walielekea kupumzika.Maisha
yaliendelea Joyce ilimbidi aache kazi yake ya
dukani aliyokuwa akiifanya katika duka la baba
yake mkubwa. Alianza kusimamia biashara
zake binafsi, ambazo mume wake
alimfungulia. Maisha yalikuwa ya furaha sana.
Ilipita kama miaka miwili tokea wafunge
ndoa. Siku hiyo Fredy alikuwa ametoka kazini
akiwa amechoka sana. Alimkuta mke wake
akiandaa chakula cha jioni na kusema “Habari
za hapa Joyce” Joyce alionyesha tabasamu
mwananana usoni na kusema “Nzuri mume
wangu kipenzi, pole na kazi”
Fredy aliitika kwa unyonge, huku akiwa
anaketi katika kochi pale sebuleni “Joyce
alimuangalia Fredy na kuhisi labda kutakuwa
kuna tatizo. Kwani alikuwa amechoka sana na
alionekana mwingi wa mawazo. Joyce
alijisogeza na kuketi karibu “Vipi mpenzi
unaonekana umechoka sana leo ungeenda
kukoga kwanza” Fredy alimtazama Joyce kisha
akamwambia usijali Joyce kuna kitu nataka
tuzungumze”
Joyce alivuta pumzi kwa umakini na kusema
“Sawa mume wangu, vipi lakini kuna tatizo”
Fredy akamjibu ndiyo kuna tatizo, inamaana
wewe huoni kama kuna tatizo? Joyce mke
wangu tumeishi kwenye ndoa ni miaka miwili
hakuna ujauzito wala mtoto wewe huoni kama
hili ni tatizo”. Alihoji Fredy. Joyce alinyamaza
kimya kidogo na kusema “Lakini hilo siyo
tatizo Fredy, kwani bado muda upo, Mungu
atatusaidia tutapatamtoto”
Fredy aligeuka na kusema “Natamani sana
kuwa na mtoto Joyce, haina haja ya kuvuta
subira huu ni muda muafaka tufanye vyovyote
lakini tupate mtoto” Aliongea Fredy huku
akinyanyuka kuelekea chumbani. Joyce alibaki
pale sebuleni akiwaza “Mmh sijui itakuwaje,
eeh Mungu nisaidie, hata mimi natamani sana
kupata mtoto” alinyanyuka na kuendelea na
shughuli za pale nyumbani.
Kesho yake Joyce aliamua kwenda
kumtembelea rafiki yake maeneo ya
kinondoni aliyekuwa anaitwa Lina. Alipofika
alimkuta Lina ameketi kibarazani anapunga
upepo. Lina alipomuona Jocye alisimama na
kusema “Hee leo umepotea njia” Joyce
alicheka kidogo na kusema “Lina na wewe hata
salamu” Lina akamjibu “Mwenzangu
nimeshangaa kukuona. hatujaonana siku nyingi
au ndiyo shemeji anakuficha” Baadaye
alimkaribisha ndani na kumpatia kinywaji, na
waliendelea kuzungumza “Eeh rafiki yangu,
niambie za huko kwako vipi shemeji mzima”
Alisema Lina.Joyce alinyamaza kimya kidogo
na kujibu “Mzima lakini huko si kwema sana,
nina tatizo kidogo”. JE NINI KITAENDELEA
USIKOSE ....SURA YA 12....
 
sehem ya 12 tunaisubiri mkuu;vp mama ngonyani mbona hatujajua wamepoteaje na kuhusu mama joyce amefariki kimyakimya?
 
page zimeruka sana mkuu kutoka pg ya 1 hadi tisa;tupia page kwa mtiririko mzuri mkuu.
 
Inafanana na hadithi ya shigongo guys inaitwa "end of torture" the girl so called amelia hapa n joyce
 
Ngoja nipumzike kesho naisoma ngwe zote mie ndo kwaaanza nimeisoma ka part 1 😀😀😀:thumbup::thumbup::thumbdown:
 
KOSA LANGU NI LIPI? Sehemu ya 12

ILIPOISHIA
“Hee leo umepotea njia” Joyce alicheka kidogo
na kusema “Lina na wewe hata salamu” Lina
akamjibu “Mwenzangu nimeshangaa kukuona.
hatujaonana siku nyingi au ndiyo shemeji
anakuficha” Baadaye alimkaribisha ndani na
kumpatia kinywaji, na waliendelea
kuzungumza “Eeh rafiki yangu, niambie za
huko kwako vipi shemeji mzima” Alisema
Lina.Joyce alinyamaza kimya kidogo na kujibu
“Mzima lakini huko si kwema sana, nina tatizo
kidogo”. JE NINI KITAENDELEA
USIKOSE ....SURA YA.....12.......
INAPOENDELEA
“Tatizo gani tena wewe mwanamke una mume
anakupenda. kila kitu unapata sasa una
matatizo gani” Alisema Lina huku akiguna
kidogo. Joyce alimjibu “Tatizo ni kupata
ujauzito,hapa nilipo sijui nifanyeje natamani
kweli kupata mtoto na Fredy jana alipofika tu
baada ya kutoka kazini amelizungumzia hilo na
kusema anataka mtoto” Lina alimsikiliza kwa
umakini na kusema “Sasa hapo kuna tatizo
gani, ni kwenda tu Hospitali. mkaangalie kama
kuna tatizo. Mshauri mume wako ili muende
kwa wataalamu watawasaidia, mbona kuna
watu wanakaa hata miaka kumi ndiyo wanakuja
kupata mtoto” Joyce akamjibu “lakini kweli
rafiki nitafanya hivyo”. Waliendelea
kuzungumza baadaye Joyce aliondoka na
kurudi nyumbani.
Huko nyumbani siku zilivyozidi kwenda Fredy
aliendelea na nia ya kutaka kupata mtoto.
Ndipo Joyce alipoamua kumuambia kuhusu
kwenda Hospitalini. Siku hiyo Joyce alifika
nyumbani na kufanya kazi zake za nyumbani
kama kawaida kisha aliketi sebuleni akimsubiri
Fredy ili amshauri kuhusu kwenda hospitalini.
Akiwa pale sebuleni moyoni mwake aliwaza
akisema “Eeeh Mungu naomba unisaidie
nipate mtoto, hivi inawezekana labda kizazi
changu kiliharibika nilipokuwa natoa mimba,
kipindi nipo kwa Maliki sijui nitafanyaje kama
mimi ndiye mwenye tatizo na Fredy hafahamu
kama mimi nilishawahi kutoa mimba naogopa
sana kumpoteza Fredy”.
Akiwa anaendela kuwaza alishtuka Fredy yupo
karibu yake. Fredy alimshangaa na kusema
“Vipi mke wangu mbona una mawazo sana
yaani mimi hadi naingia ndani hunioni
unawaza nini?” Joyce aliamua kutabasamu
kisha kusema “Samahani mume wangu
nilikuwa nimepitiwa kidogo ila pia nilikuwa
nawaza kuhusu wazo la kupata mtoto” Kabla
hajamaliza kuzungumza Fredy akasema “ Vipi
kuna dalili ya ujauzito mke wangu”
Joyce akasema “Hapana nilikuwa napendekeza
tuende Hospitalini kuangalia kama kuna tatizo
naamini watatusaidia” Fredy alicheka kidogo na
kusema “Unajua mke wangu nilijua ipo siku
utaniambia hivyo, mimi sina tatizo na kwanza
nilipoona tumekaa muda mrefu bila ya kupata
mtoto. Niliwahi kumuomba Daktari aniangalie
kama nina uwezo wa kumpa mimba
mwanamke. Na majibu ninayo kwamba sina
tatizo. Kwahiyo wa kwenda Hospitali ni wewe
na si mimi”
Joyce alishangaa na kusema “Lakini Fredy,
haujanitendea haki mume wangu. Kwanini
hukunishirikisha” Fredy alinyamaza kimya
kidogo na kusema “Naomba unisamehe mke
wangu, kwani niliogopa nikahisi isije ikawa
mimi ni tatizo. nilitamani kujua mapema
samahani kwa hilo” Joyce aliinama chini kidogo
kisha akamwangalia mume wake na kumuahidi
ataenda kuangalia nini tatizo. Ilipita kama wiki
moja tokea Joyce na Fredy wazungumze juu ya
kupata mtoto mambo yalizidi kuwa mabaya
kwa upande wa Joyce kwani hata ndugu wa
Fredy walianza kuhoji kuhusu mtoto.
Siku moja Mama yake mzazi na Fredy alienda
kuwajulia hali Joyce na Fredy. Siku hiyo
alimkuta Joyce kwani Fredy alikuwa hayupo
kwa wakati huo."Habari za hapa Joyce, binti
yangu naona unazidi kupendeza" Alisema
Mama Fredy. Joyce alijibu huku akionyenya
tabasamu pana "Asante mama jamani
nimefurahi umekuja kutusabahi, nikuletee
kinywaji gani Mama yangu" Mama Fredy
akamjibu "Hapana Joyce usiniletee chochote
embu keti kwenye sofa kwanza tuzungumze".
Joyce alijisogeza huku akisema "Lakini mama
si ningekuletea angalau hata soda" Mama
Fredy akasema "Hapana Joyce hizo soda
nakunywa kila siku, mimi kilichonileta hapa
nataka kujua hivi unawaza nini kuhusu kupata
mtoto jamani" Joyce alinyamaza kimya kidogo
bila kujibu chochote kana kwamba kuna kitu
anatafakari "Hivi si nazungumza na wewe Joyce
inamaana hunisikii" Alihoji Mama Fredy
"Hapana Mama, Mimi na mume wangu
tumeshalizungumzia suala hilo la kupata
mtoto.Kwani muda bado upo Mama mtoto
atakuja tu" Alisema Joyce huku akimtizama
mkwe wake, ambaye hakuridhika na majibu ya
Joyce "Muda upo! muda gani huo? Wakati
ndiyo huu, natamani sana kumuona mjukuu
wangu, au wewe binti ni mgumba?" Aliuliza
mama Fredy.
Joyce alionekana kukosa amani na kusema
"Jamani Mama kupata mtoto ni mipango ya
Mungu. Naamini Mungu atatusaidia tu...."Kabla
hajamalizia kuzungumza Mama Fredy
alimkatisha na kusema "Sikiliza nikuambie
binti mimi naona hapa kuna tatizo. Sasa kama
mwanangu ameoa mwanamke mgumba,
itabidi atafute mwanamke mwingine ili azae
naye. siwezi kukubali mwanangu asiwe na
mtoto wakati wanawake wapo wengi" Joyce
alimsikiliza Mama Fredy kwa umakini na
kusema "Lakini mama mbona unafika huko"
Alilalama Joyce Mama Fredy akamjibu kwa
sauti iliyojaa jazba "Huko wapi?Ahera au, tena
sikiliza nikuambie fanya ufanyalo mimi nahitaji
mjukuu. alaah! Hivi unafikiri hili jambo ni dogo
eeh, mimi naondoka lakini tuliyoyazungumza
hapa ukae nayo kichwani na uyafanyie kazi"
Aliongea huku akiondoka na kumuacha Joyce
akiwa ameketi pale sebuleni. JE NINI
KITAENDELEA USIKOSE SEHEMU YA ......13.....
 
KOSA LANGU NI LIPI? Sehemu ya 13
ILIPOISHIA
Joyce alimsikiliza Mama Fredy kwa umakini na
kusema "Lakini mama mbona unafika huko"
Alilalama Joyce Mama Fredy akamjibu kwa
sauti iliyojaa jazba "Huko wapi?Ahera au, tena
sikiliza nikuambie fanya ufanyalo mimi nahitaji
mjukuu. alaah! Hivi unafikiri hili jambo ni dogo
eeh, mimi naondoka lakini tuliyoyazungumza
hapa ukae nayo kichwani na uyafanyie kazi"
Aliongea huku akiondoka na kumuacha Joyce
akiwa ameketi pale sebuleni.

INAPOENDELEA
Hali hiyo ilimuumiza sana Joyce. Baadaye
aliamua kwenda kwa Lina na kumueleza hali
halisi mambo yanavyoendelea. “Lina rafiki
yangu nisaidie, naogopa kwenda Hospitali nina
hofu maisha niliyopitia zamani, nadhani hata
wewe unajua kuwa mimi nilikuwa nikitoa sana
mimba.yawezekana ikawa ndiyo sababu.Na
Fredy amenionyesha vipimo vyake yeye hana
tatizo embu nishauri nifanyeje”.
Lina aliguna kidogo na kusema “Sasa hapo
rafiki mimi nakushauri jaribu kuwa na
mwanamume mwingine uangalie kama
utapata mimba” Joyce alishtuka na kusema
“Wewe Lina yaani nimsaliti mume wangu?
Hapana haiwezekani na tena yeye hana tatizo
nahisi mimi ndiye mwenye matatizo.” Lina
alicheka kidogo kwa dharau nakusema
“Unanichekesha wewe, inamaana Joyce
umeshakuwa na wanaume wangapi kipindi cha
nyuma, leo hii unaogopa kujaribu kuwa na
mwanamume mmoja tu.” Joyce kwa sauti ya
upole akasema "Usiseme hivyo Lina hayo
mambo yalikuwa zamani nawala sikudhamiria
kutenda zilikuwa ni shida tu, mimi sikupenda
kuwa dada poa. Hata na hivyo nimeolewa na
namuheshimu sana mume wangu" Alisema
Joyce.
"hahahaha unanichekesha wewe” Kilikuwa ni
kicheko cha Lina huku akiendelea kusema
“Sikiliza nikuambie, kama kweli unataka
kuendelea kuishi na Fredy jaribu kupata
mimba nje kwani kila kitu kinawezekana,
mbona hayo ni mambo ya kawaidia tu,
vinginevyo unataka Fredy achukue mwanamke
mwingine." Aliendelea kumshawishi mwisho
wa siku Joyce alikubali kujaribu kwa shingo
upande.
Akiwa nyumbani Joyce alikuwa akiwaza sana
juu ya uamuzi wake wa kujiingiza katika
mahusiano ya kimapenzi na mwanaume
mwingine "Hili jambo ninalotaka kulifanya ni
hatari sana, lakini sina namna inabidi nifanye
hivi, ila nafsi yangu inasita, kwani namsaliti
mume wangu ila nikifikiria Fredy anaweza
kutafuta mwanamke mwingine." Alikuwa
akiwaza huku akijiuliza maswali aliyokuwa
akijijibu mwenyewe.
Baada ya wiki moja, Lina alimkutanisha Joyce
na kaka mmoja mfanyabiashara aliyeitwa
Sukari. Baada ya kufahamiana taratibu
walianzisha uhusiano wa siri. Lakini wakati
Joyce akiwa anafanya hivyo hakutaka Sukari
agundue lengo lake kuwa ni kupata mtoto.Kwa
kipindi chote Sukari alikuwa hajui kama Joyce
ni mke wa mtu.
Joyce alifanya mambo yote hayo kwa siri sana.
Kwani kwa wakati huo pia alikuwa akijihusisha
kimapenzi na mume wake kama kawaida.
BAADA YA MIEZI MIWILI
Baada ya miezi miwili kupita hali ya Joyce
ilibadilika alijigundua kuwa ni mjamzito.
Alifurahi sana. Huku moyoni mwake akijua
ujauzito alionao siyo wa mume
wake.Alimfahamisha Fredy siku hiyo walikuwa
pamoja nyumbani Fredy alifurahi sana huku
akimkumbatia Joyce kwa furaha.Wakati huu
mapenzi yaliongezeka maradufu kwa mke
wake kipenzi. Baada ya kupata ujauzito Joyce
alianza kukata mawasiliano na Sukari, hakutaka
kabisa kuonana naye.
Na mara nyingi Sukari alimtuma Lina
akamwambie ni kwa kiasi gani anamuhitaji
lakini Joyce hakutaka kabisa kumsikia.Ilifikia
kipindi Sukari alikata tama ya kuendelea
kumfuatilia Joyce. Maisha yaliendele, Baada ya
miezi tisa kutimia Joyce alijifungua salama
mtoto wa kiume. Alimbatiza jina na kumuita
James. Kwa kipindi kirefu Sukari alikuwa
amesafiri alikuwa Mkoani Mwanza katika
biashara zake. Wakati wote huo hakuwa na
mawasiliano na Joyce.
BAADA YA MIAKA MITATU
Baada ya miaka mitatu kupita Sukari alirudi
Dar es Salaam. Siku moja akiwa katika
mizungunguko ya hapa na pale alikutana na
Lina. Alifurahi sana na kumwambia kuwa
angependa kuonana na Joyce, kwani bado
alikuwa akimpenda."Nimefurahi sana kukutana
na wewe Lina natamani sana kumuona Joyce,
nilimpenda sana natamani angekuwa mke
wangu" Alisema Sukari huku akimtizama Lina.
"Umechelewa sana Sukari Joyce ameolewa na
ana maisha yake na mume wake kwani hawezi
tena kuwa na wewe kwahiyo ni vyema
ukamsahau" lakini aliendelea kumsisitiza
amsaidie huku akimuahidi kumpatia pesa
nyingi endapo atafanikiwa.
Lina kutokana na kuahidiwa fedha nyingi na
Sukari, aliamua siku moja kumfuata Joyce
nyumbani kwake alimkuta anacheza na mtoto
wake “Mambo shosti naona unazidi kupendeza
na mwanao” hahahaha kilikuwa ni kicheko cha
Joyce “mwenzangu nina furaha sana James
ananichekesha hapa na maneno yake na hivi
hajui kuongea vizuri” huku akimkaribisha lina
walikaa kibarazani na kuanza kuzungumza Lina
alimuuliza Joyce “Vipi shemeji yupo” Joyce
akamjibu “Hayupo amesafiri kikazi kama baada
ya wikimbili ndiyo atarudi” Lina akaonyesha
tabasamu na kusema “ Afadhali kama hayupo
sasa sikiliza rafiki hapa nilipo nimekuja kwako
jana nilikutana na Sukari anakutafuta yaani
ananisumbua sana” Joyce alimwangalia Lina na
kusema “ sitaki hata kulisikia hilo jina hapa
nyumbani kwangu najuta sana kumsaliti mume
wangu”..
..je nini kitaendelea usikose SEHEMU YA 14 hapo Alhamisi!
 
You must log in or register to reply here.

Similar Discussions

Our Community

Coming Soon

Regional Communities

Coming Soon
Back
Top Bottom
Menu
Forums
New posts
Log in
Register