Abtali mwerevu
JF-Expert Member
- May 5, 2013
- 637
- 432
Jina ni Dora Bloch na siyo Dora Block kama ilivyoandikwa katika kichwa cha habari hapo juu.
Na: Mwalimu Makoba
Mapema tarehe 28 mwezi Juni mwaka 1976, ndege ya Air France ilitekwa na kikundi cha Popular Front for the Liberation of Palestine na kuilazimisha ndege hiyo itue katika uwanja wa Entebbe huko Uganda. Ndege hii-Air France 139, ilianza safari yake Tel Aviv na ilitekwa mapema kabisa mara baada ya kupaa kutoka Anthens; ilikuwa na abiria mia tatu, wengi wao wakiwa Waisrael.
Nduli Idi Amin Dada aliwapokea watekaji na baada ya mazungumzo ya hapa na pale alimpa maagizo waziri wa afya, “Kyemba, Wapalestina wameteka ndege kutoka Israel na wametua Entebbe. Peleka madaktari na manesi ili kutoa msaada wa matibabu endapo utahitajika.” Jambo hili lilikuwa nyeti, Amin alipendekeza muuguzi wa Kinubi na aliagiza atafutwe daktari anayekubalika na Wapalestina. Kyemba aliwasiliana na Daktari Mmisiri, Dkt. Ayad na kumtaka aelekee Entebbe kwa kazi ya dharura.
Katika uwanja wa ndege, baada ya kupita msururu mrefu wa wanajeshi wa Uganda, Waziri wa Afya alikutana na Maofisa wa Palestinian Liberation Organization kutoka ofisi za Kampala. Walimpeleka mpaka katika jengo mojawapo katika uwanja huo wa ndege. Mara kadhaa jengo hili limekuwa likitumika kuhifadhi chai ikisubiri kusafirishwa kwenda Stanstead, Uingereza. Eneo lilikuwa chafu na madirisha yake yalivunjika vioo. mfumo wa maji haukufanya kazi na vyoo havikupatikana. Mateka walifungwa mahali walipokaa, wengine walilalia nguo zao na baadhi walionekana wakinong’ona taratibu. Walikuwa mahali hapo kwa zaidi ya saa kumi na mbili na walipewa chakula cha mchana, wali na nyama, vyakula hivi vilitolewa Entebbe Airport Hotel. Watekaji waliovalia nguo za kiraia, walisheheni bastola, mabomu ya kurusha kwa mkono aina ya ‘grenades’ na walisimama ndani ya jengo.
Ofisa wa Kipalestina alimtambulisha Waziri wa Afya kwa kiongozi wa watekaji, mwanamke jasiri, ambaye baadae alikuja kutambulika kuwa gaidi kutoka Ujerumani Gabriele Kroche-Tiedemann. Alikuwa mwanamke mwenye mvuto, alivalia sketi ya bluu na jaketi, bastola ilining’inia mapajani kwake. Wapalestina walimtambulisha Waziri wa Afya aliyesimama mbele yao naye alifurahia utambulisho huo. Alimanusura ajitambulishe jina lake, lakini alibadili maamuzi na kusema kwa ufupi, “Mimi ni Bi. Mtekaji.” Waziri akajibu, “Vyema, nafurahi kukutana nawe, Bi. Mtekaji.” Bi. Mtekaji alimtambulisha Waziri kwa mateka kwamba alikuwa mahari hapo kutatua changamoto zao. Alizungumza kwa kiingereza, mwanamke mmoja mateka akitumia kipaza sauti aina ya ‘megaphone’ akafasiri kwa lugha ya Kiebrania. Alisikika mtu mmoja akizungumza kwa sauti ya chini, bila shaka alifasiri kwenda lugha ya Kifaransa.
Baadae Waziri wa Afya alielekeza wahudumu wa afya kuendelea na kazi yao, kisha akazungumza na watekaji kwa muda wa dakika chache, akaondoka. Baadae alipewa taarifa kuwa, mateka walikuwa vizuri, walihitaji dawa za kutibu malaria na kutuliza maumivu.
Siku iliyofuata, Jumanne ya Tarehe 29 mwezi Juni, matatizo kadhaa yakaibuka. Wanawake wazee watatu raia wa Ufaransa walikasirishwa na hali ya wao kuwa mateka na wakasisitiza waruhusiwe kuondoka. Mmoja kati yao, alikojoa hadharani, pembezoni kidogo mwa walipokaa mateka na alionekana angeendelea kufanya vitimbwi vipya mpaka aachiwe. Daktari alishauri mabibi hao wapelekwe hospitali. Mwisho mabibi hao watatu waliruhusiwa kwenda katika hospitali ya Entebbe.
Mateka mwingine, naye Mfaransa, aliruhusiwa kwenda Hospitali ya Mulago. Alikuwa Mwanamke mzee ambaye alitiliwa shaka kuwa na tatizo la moyo. Mara baada ya kufanyiwa vipimo Mzee huyo hakukutwa na tatizo lolote. Hata hivyo Idi Amini akalikuza jambo hili. Akatangaza kwamba, mwanamke Mfaransa aliyeshindwa kupata tiba ya ugonjwa wake wa moyo katika hospitali zote duniani, amepata matibabu nchini Uganda na amepona!
Idi Amin aliagiza mara tu wazee wanapopatiwa matibabu warejeshwe katika jengo la uwanja wa ndege. Hata hivyo, wataalamu wakashauri kama mmojawapo angefariki ingeleta matatizo na pengine kuvuruga mipango. Amin alikubaliana na hoja. Haraka, wazee wanne walitolewa hospitali na kukabidhiwa katika ubalozi wa Ufaransa.
Ndani ya jengo, mateka kadhaa walilalamika kuhusu maumivu ya mgongo. Walikuwa na viti vya kukalia na sakafu ya kulalia pekee. Madaktari wakashauri wapewe magodoro na mashuka mazito.
Misheni yote ilikuwa ikiendeshwa na Idi Amin mwenyewe ambaye alifanya kazi kwa ukaribu na Wapalestina waliokuwa na ofisi zao Kampala. Amin alisikika akisema, “Sasa nimewapata watu hawa katika muda ninaotaka. Nimewakamata Waisrael muda huu.” alikuwa ametingwa na shughuli ya kuhakikisha mahitaji ya Wapalestina yanatimizwa ambayo yalitangazwa siku ya Jumanne: ili kuwaachilia mateka, wafungwa wa Kipalestina hamsini na tatu, waliokuwa wakishikiliwa katika magereza mbalimbali duniani waachiliwe huru. sharti hili lilitakiwa kutekelezwa ndani ya siku mbili, siku ya Alhamisi, tarehe moja mwezi Julai, vinginevyo mateka wote wangeuawa.
Inaendelea Kesho...
Soma: Jinsi ya Kuandika CV
Na: Mwalimu Makoba
Mapema tarehe 28 mwezi Juni mwaka 1976, ndege ya Air France ilitekwa na kikundi cha Popular Front for the Liberation of Palestine na kuilazimisha ndege hiyo itue katika uwanja wa Entebbe huko Uganda. Ndege hii-Air France 139, ilianza safari yake Tel Aviv na ilitekwa mapema kabisa mara baada ya kupaa kutoka Anthens; ilikuwa na abiria mia tatu, wengi wao wakiwa Waisrael.
Nduli Idi Amin Dada aliwapokea watekaji na baada ya mazungumzo ya hapa na pale alimpa maagizo waziri wa afya, “Kyemba, Wapalestina wameteka ndege kutoka Israel na wametua Entebbe. Peleka madaktari na manesi ili kutoa msaada wa matibabu endapo utahitajika.” Jambo hili lilikuwa nyeti, Amin alipendekeza muuguzi wa Kinubi na aliagiza atafutwe daktari anayekubalika na Wapalestina. Kyemba aliwasiliana na Daktari Mmisiri, Dkt. Ayad na kumtaka aelekee Entebbe kwa kazi ya dharura.
Katika uwanja wa ndege, baada ya kupita msururu mrefu wa wanajeshi wa Uganda, Waziri wa Afya alikutana na Maofisa wa Palestinian Liberation Organization kutoka ofisi za Kampala. Walimpeleka mpaka katika jengo mojawapo katika uwanja huo wa ndege. Mara kadhaa jengo hili limekuwa likitumika kuhifadhi chai ikisubiri kusafirishwa kwenda Stanstead, Uingereza. Eneo lilikuwa chafu na madirisha yake yalivunjika vioo. mfumo wa maji haukufanya kazi na vyoo havikupatikana. Mateka walifungwa mahali walipokaa, wengine walilalia nguo zao na baadhi walionekana wakinong’ona taratibu. Walikuwa mahali hapo kwa zaidi ya saa kumi na mbili na walipewa chakula cha mchana, wali na nyama, vyakula hivi vilitolewa Entebbe Airport Hotel. Watekaji waliovalia nguo za kiraia, walisheheni bastola, mabomu ya kurusha kwa mkono aina ya ‘grenades’ na walisimama ndani ya jengo.
Ofisa wa Kipalestina alimtambulisha Waziri wa Afya kwa kiongozi wa watekaji, mwanamke jasiri, ambaye baadae alikuja kutambulika kuwa gaidi kutoka Ujerumani Gabriele Kroche-Tiedemann. Alikuwa mwanamke mwenye mvuto, alivalia sketi ya bluu na jaketi, bastola ilining’inia mapajani kwake. Wapalestina walimtambulisha Waziri wa Afya aliyesimama mbele yao naye alifurahia utambulisho huo. Alimanusura ajitambulishe jina lake, lakini alibadili maamuzi na kusema kwa ufupi, “Mimi ni Bi. Mtekaji.” Waziri akajibu, “Vyema, nafurahi kukutana nawe, Bi. Mtekaji.” Bi. Mtekaji alimtambulisha Waziri kwa mateka kwamba alikuwa mahari hapo kutatua changamoto zao. Alizungumza kwa kiingereza, mwanamke mmoja mateka akitumia kipaza sauti aina ya ‘megaphone’ akafasiri kwa lugha ya Kiebrania. Alisikika mtu mmoja akizungumza kwa sauti ya chini, bila shaka alifasiri kwenda lugha ya Kifaransa.
Baadae Waziri wa Afya alielekeza wahudumu wa afya kuendelea na kazi yao, kisha akazungumza na watekaji kwa muda wa dakika chache, akaondoka. Baadae alipewa taarifa kuwa, mateka walikuwa vizuri, walihitaji dawa za kutibu malaria na kutuliza maumivu.
Siku iliyofuata, Jumanne ya Tarehe 29 mwezi Juni, matatizo kadhaa yakaibuka. Wanawake wazee watatu raia wa Ufaransa walikasirishwa na hali ya wao kuwa mateka na wakasisitiza waruhusiwe kuondoka. Mmoja kati yao, alikojoa hadharani, pembezoni kidogo mwa walipokaa mateka na alionekana angeendelea kufanya vitimbwi vipya mpaka aachiwe. Daktari alishauri mabibi hao wapelekwe hospitali. Mwisho mabibi hao watatu waliruhusiwa kwenda katika hospitali ya Entebbe.
Mateka mwingine, naye Mfaransa, aliruhusiwa kwenda Hospitali ya Mulago. Alikuwa Mwanamke mzee ambaye alitiliwa shaka kuwa na tatizo la moyo. Mara baada ya kufanyiwa vipimo Mzee huyo hakukutwa na tatizo lolote. Hata hivyo Idi Amini akalikuza jambo hili. Akatangaza kwamba, mwanamke Mfaransa aliyeshindwa kupata tiba ya ugonjwa wake wa moyo katika hospitali zote duniani, amepata matibabu nchini Uganda na amepona!
Idi Amin aliagiza mara tu wazee wanapopatiwa matibabu warejeshwe katika jengo la uwanja wa ndege. Hata hivyo, wataalamu wakashauri kama mmojawapo angefariki ingeleta matatizo na pengine kuvuruga mipango. Amin alikubaliana na hoja. Haraka, wazee wanne walitolewa hospitali na kukabidhiwa katika ubalozi wa Ufaransa.
Ndani ya jengo, mateka kadhaa walilalamika kuhusu maumivu ya mgongo. Walikuwa na viti vya kukalia na sakafu ya kulalia pekee. Madaktari wakashauri wapewe magodoro na mashuka mazito.
Misheni yote ilikuwa ikiendeshwa na Idi Amin mwenyewe ambaye alifanya kazi kwa ukaribu na Wapalestina waliokuwa na ofisi zao Kampala. Amin alisikika akisema, “Sasa nimewapata watu hawa katika muda ninaotaka. Nimewakamata Waisrael muda huu.” alikuwa ametingwa na shughuli ya kuhakikisha mahitaji ya Wapalestina yanatimizwa ambayo yalitangazwa siku ya Jumanne: ili kuwaachilia mateka, wafungwa wa Kipalestina hamsini na tatu, waliokuwa wakishikiliwa katika magereza mbalimbali duniani waachiliwe huru. sharti hili lilitakiwa kutekelezwa ndani ya siku mbili, siku ya Alhamisi, tarehe moja mwezi Julai, vinginevyo mateka wote wangeuawa.
Inaendelea Kesho...
Soma: Jinsi ya Kuandika CV
