Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dear mama....

Discussion in 'Mahusiano, mapenzi, urafiki' started by Magulumangu, May 25, 2011.

  1. Magulumangu

    Magulumangu JF-Expert Member

    #1
    May 25, 2011
    Joined: Jan 7, 2010
    Messages: 3,041
    Likes Received: 11
    Trophy Points: 135
    kamwe sijekuchelewa,kwako mama ninasema,
    miezi tisa kulelewa,na wewe tumboni mama,
    maneno ulirushiwa,mbele na ulitizama,
    Hii ndio siku yako,ishiri sita wa tano,

    Wengi waliyasema,ni utazaa jambazi,
    Jibu kwao hukusema,maneno yako ni tenzi,
    Ulienda kwa neema,ukayaacha mapenzi,
    Hii ndio siku yako,ishiri sita wa tano,

    Najua mama ulipo,umelala kwa salama,
    Muumba daima na yupo,zake mbawa dhahama,
    watoto wako na wapo,kukukosa we daima,
    Hii ndio siku yako,ishiri sita wa tano,

    najua nawahi mama,kukwambia siku yako,
    kumbuka we ulisema,kuwahi chelewa mwiko,
    ulienda kwa heshima,zote mpaka na uliko,
    Hii ndio siku yako,ishiri sita wa tano,

    sina zaidi kukupa,mpaka siku tuwe wote,
    ila kwako ulinipa,mapenzi wakati wote,
    miezi tisa ulinipa,tumboni wakati wote,
    Hii ndio siku yako,ishiri sita wa tano,

    maua nimeyaweka,tayari siku ifike,
    ulipo kuyatandika,harufu kwako ifike,
    siku pia nitafika,mungu na anialike,
    Hii ndio siku yako,ishiri sita wa tano,

    Nakumbuka lipotoka,chozi lilitiririka,
    miaka kupukutika,kichwani nakukumbuka,
    tabasamu nakumbuka,kabla haujatoka,
    Hii ndio siku yako,ishiri sita wa tano,

    Chozi laanza nitoka,anifuta malaika,
    hata yeye akumbuka,siku ulipong'atuka,
    mafuta alikupaka,kwa heri hutafufuka,
    Hii ndio siku yako,ishiri sita wa tano,
     
  2. afrodenzi

    afrodenzi Platinum Member

    #2
    May 25, 2011
    Joined: Nov 1, 2010
    Messages: 17,984
    Likes Received: 2,095
    Trophy Points: 280
    [​IMG]

    Pole sana Magulumangu
    yuko maahali pema na pa zuri
    yuko nyumbani
     
  3. Gagurito

    Gagurito JF-Expert Member

    #3
    May 25, 2011
    Joined: Feb 11, 2011
    Messages: 5,618
    Likes Received: 17
    Trophy Points: 135
    I LOVE MY MUMY SO MUCH! Mungu Akupe Maisha marefu!
     
  4. Lizzy

    Lizzy JF-Expert Member

    #4
    May 25, 2011
    Joined: May 25, 2009
    Messages: 22,205
    Likes Received: 168
    Trophy Points: 160
    Magulu umesikika kilio chako kwa mama..
    Hakika atafurahi kuona umesimama..
    Bila wasiwasi anajua alivyo kwako maana..
    Pole jamani pole kumpoteza mama!

    Miezi tisa tumboni alikuona baraka...
    Na wale walioponda akawaona viraka..
    Naweza kumtetea kukuacha hakutaka..
    Pole jamani pole kumpoteza mama!

    Futa machozi machoni useme mama asante..
    Fuata yake mafunzo furaha moyoni apate..
    Kuona waendelea na mezani hukosi mkate..
    Japo kakutangulia siku moja utamwona!
     
  5. Uda'a

    Uda'a JF-Expert Member

    #5
    May 25, 2011
    Joined: Jun 27, 2007
    Messages: 221
    Likes Received: 0
    Trophy Points: 33
    Lizzy kwa maishair azid kunikosha
    Ninachoweza kukushauri...

    Aaah mi nimeshindwa bana lizzy hahaha
     
  6. Uda'a

    Uda'a JF-Expert Member

    #6
    May 25, 2011
    Joined: Jun 27, 2007
    Messages: 221
    Likes Received: 0
    Trophy Points: 33
    Mwenyez Mungu akulaze mahali pema mama. Nakupenda na na kukushukuru kwa yote mama yangu uliyofanya kwangu.

    Amen!
     
  7. Asprin

    Asprin JF-Expert Member

    #7
    May 25, 2011
    Joined: Mar 8, 2008
    Messages: 42,551
    Likes Received: 5,424
    Trophy Points: 280
    Malenga Magulumangu, Pokea zangu salamu,
    Wewe kama ndugu yangu, Najua unafahamu,
    Alichokipanga Mungu, Hakiwezi mwanadamu,
    Mungu amlaze pema, daima milele yote.

    Hakuna tena kabisa, alokuwa kama mama,
    Kwa zamani mpaka sasa, hata mwisho wa kiama,
    Mama huwa hana visa, wala hana uhasama
    Mungu amlaze pema, daima milele yote.

    Tulioko duniani, lazima tutapotea,
    Tutazikwa aridhini, peponi kujongelea,
    Na tuishi kwa makini, tusije kuhangamia
    Mungu amlaze pema, daima milele yote.

    Alale pema amina, Amina tena amina,
    Amina nasema tena, Tena na tena amina,
    Tuje tumuone tena, Tuseme naye amina,
    Amina tena amina, tena na tena Amina.

    Na: Big Braza ODM a.k.a Asprini (Babu)
    Kaunta ya Juu, Etiennes
    Boko Basihaya
    Dsm

    Dedicated to: Malenga Magulumangu
    JF Malenga Wetu
    MMU.
     
  8. Lizzy

    Lizzy JF-Expert Member

    #8
    May 25, 2011
    Joined: May 25, 2009
    Messages: 22,205
    Likes Received: 168
    Trophy Points: 160
    Hahahaha ungemalizia bwana maana ulikua umeanza vizuri kweli!

    Pole na wewe mpendwa!!
     
  9. Y

    Yakuonea JF-Expert Member

    #9
    May 25, 2011
    Joined: Apr 11, 2011
    Messages: 600
    Likes Received: 5
    Trophy Points: 35
    Pole yaliyokufika, e ndugu magulumangu
    Hujafa hujaumbika, hiyo kazi ya mungu
    Acha kusikitika, najua una machungu
    Mola atamrehemu,alale pema peponi

    Dunia ni ya kupita,yeye ametangulia
    Na sisi tutafuata, punguza ndugu kulia
    Ya mema atayapata,mola atamjaalia
    Mola atamrehemu, alale pema peponi

    Busara alokwachia, hilo la kujivunia
    Fuata yake tabia, pepo utakuja ingia
    Sifuate ya dunia, hofu yatakupatia
    Mola atamrehemu, alale pema peponi

    Futa machozi machoni, mama amepumzika
    usiwe mwenye huzuni, najua wataabika
    tumuombee kaburini,aishi ka malaika
    Mola atamrehemu, alale pema peponi


     
  10. klorokwini

    klorokwini JF-Expert Member

    #10
    May 25, 2011
    Joined: Dec 2, 2009
    Messages: 8,711
    Likes Received: 20
    Trophy Points: 135
    Pole malenga wetu, kwa msiba wa mama
    Amlaze mola wetu, mahala palipo pema
    Subira ibaki kwetu, kifo cha mama chauma
    Huu ndio mwisho wetu, hakuna wa daima

    Pole mkuu magulumangu, RIP mama

    DEDICATED TO ALL MAMAZ
    Ewe mama mpenzi, shairi nakutungia
    Yako mema malezi, sina cha kukulipia
    Daima nitakuenzi , hadi mwisho wa dunia
    Ewe wangu mzazi, zawadi yangu pokea

    Miezi tisa tumboni, mwako ulivumilia
    Chakula hukutamani, udongo ulijilia
    Usiku ni hamkani , usingizi ulipotea
    Umbo lako la thamani, shepu ilikupotea

    Ladha hukujionea, ukila ulitapika
    Homa za kujirudia, hakika uliteseka
    Miezi tisa katimia, uchungu nikakutwika
    Ulichukia dunia , wakati mimi natoka

    Mara ulifurahia, kwa mimi kunipakata
    Wala hukujutia, jina zuri uliniita
    Nikaanza na kulia, usingizi hukupata
    Uliacha ya dunia , huduma niweze pata

    Malezi ukayatunza, maisha niyakabili
    Mengi uliyonifunza, sasa nimeyakubali
    Nina mengi kueleza, muda haunikubali
    Mama sitotelekeza, wosia wako ni mali

    Kaditamati wa tama, kalamu naweka chini
    Tuwaenzi wetu mama, hima hima jamani
    Hata akiwa rikwama, walisema wa zamani
    Vibaya wakitusema, basi tumo laanani
     
  11. Asprin

    Asprin JF-Expert Member

    #11
    May 25, 2011
    Joined: Mar 8, 2008
    Messages: 42,551
    Likes Received: 5,424
    Trophy Points: 280
    Ndugu yangu klorokwini, Yote umeshayasema,
    Kote hapa duniani, hakunaye kama mama,
    Wamama nawaenzini, siku zote na daima,
    Huyu mama huyu mama, mwacheni aitwe mama.

    Bila mama duniani, Wapi pangeli kalika?
    Mama ndiye namba wani, hilo halina mashaka,
    Ndiye bingwa wa amani, upendo pia hakika
    Huyu mama huyu mama, mwacheni aitwe mama!
     
  12. klorokwini

    klorokwini JF-Expert Member

    #12
    May 25, 2011
    Joined: Dec 2, 2009
    Messages: 8,711
    Likes Received: 20
    Trophy Points: 135
    Tukiamua kueleza , mateso alopitia
    Kurasa tutamaliza, wala hatutoishia
    Mama hana mwenza, aspirin nakwambia
    Naiona miujiza, kwa yote alovumilia

    Wakwangu nae pia, akhera katangulia
    Magulu kakumbushia, namimi namalizia
    Dua ninamuombea, daima taendelea
    Urithi aloniachia , bado ninajivunia
     
  13. Kbd

    Kbd JF-Expert Member

    #13
    May 25, 2011
    Joined: Oct 9, 2009
    Messages: 1,264
    Likes Received: 0
    Trophy Points: 133

    Hili bandiko limenikumbusha mbali sana. Limenikumbusha the most painful tears of my life. How i wish could be able to turn back the hands of time. Ohhh dear
     
  14. Y

    Yakuonea JF-Expert Member

    #14
    May 25, 2011
    Joined: Apr 11, 2011
    Messages: 600
    Likes Received: 5
    Trophy Points: 35
    NA HAKUNA KAMA MAMA

    Malenga mmeandika, mama kumuelezea
    Na mimi najumuika, machache kuongezea
    Hakika twafarijika, malezi waliotugea
    Na hakuna kama mama, mama ndiye namba wani

    Na hakuna kama mama, malenga twakubalia
    wapata nyingi dhahama, usiku twawalilia
    Hawastahili lawama, mengi wametupatia
    Na hakuna kama mama, mama ndiye namba wani

    Bila mama duniani, tungepata shida nyingi
    Leo tupo furahani, sababu wao msingi
    Mama yangu natamani, uone miaka mingi
    Na hakuna kama mama, mama ndiye namba wani

    Mama umejaaliwa, wema uliozidia
    Nahisi changanyikiwa,roho itapokimbia
    Nitageuka mfiwa, milele takulilia
    Na hakuna kama mama, mama ndiye namba wani
     
  15. Rogie

    Rogie JF-Expert Member

    #15
    May 25, 2011
    Joined: Nov 22, 2010
    Messages: 4,925
    Likes Received: 881
    Trophy Points: 280
    We loved u mum and dady bt the almighty loved you the most,we couldn't think tht u will leave us in only three months time and that this would be life turn-out. We P,Y,J,H,H,S AND M,YOUR GRANDCHILDREN R. AND F. we remember u both so much and we love u so much. You left us by the time we need you the most.inshaallah M.MUNGU awarehemu na awaweke moingoni mwa waja wake wema. AMINA
     
  16. Magulumangu

    Magulumangu JF-Expert Member

    #16
    May 25, 2011
    Joined: Jan 7, 2010
    Messages: 3,041
    Likes Received: 11
    Trophy Points: 135

    Usijali ni salam kwa mama yangu kwani kesho siku yake mama na mama wote...asante kwa pole
     
  17. Magulumangu

    Magulumangu JF-Expert Member

    #17
    May 25, 2011
    Joined: Jan 7, 2010
    Messages: 3,041
    Likes Received: 11
    Trophy Points: 135
    ubarikiwe sana ndugu...
     
  18. Magulumangu

    Magulumangu JF-Expert Member

    #18
    May 25, 2011
    Joined: Jan 7, 2010
    Messages: 3,041
    Likes Received: 11
    Trophy Points: 135
    Asnte nami natoa,kamwe siwe mbanifu,
    ni yeye aliyetoa,kachuka kwa ubunifu,
    maombi mie natoa,kila siku yakinifu,
    kila moja wetu hapa,atayaonja mauti,
     
  19. Magulumangu

    Magulumangu JF-Expert Member

    #19
    May 25, 2011
    Joined: Jan 7, 2010
    Messages: 3,041
    Likes Received: 11
    Trophy Points: 135
    Ubarikiwe ndugu na mungu awe nawe pia
     
  20. Magulumangu

    Magulumangu JF-Expert Member

    #20
    May 25, 2011
    Joined: Jan 7, 2010
    Messages: 3,041
    Likes Received: 11
    Trophy Points: 135

    Ntakujibu jamani,acha kwanza nitulie,
    Wewe ni wangu vitani,kuchana wote tulie,
    upo juu kilimani,kwa vina pia misilie,
    Nitakujibu mkuu,acha moyo utulie,
     
Loading...