Chama cha Mapinduzi: Taarifa kwa Vyombo vya Habari

[Informer]

TAARIFA KWA VYOMBO VYA HABARI
​

Siku za hivi karibuni kumeibuka baadhi ya watu ambao wamekuwa kwa makusudi na kwa malengo maalum wakitunga na kujiandikia taarifa, za uongo, kujenga hofu na au kupotosha na kisha kuzisambaza kwenye mitandao mbalimbali ya kijamii kwa malengo mahsusi dhidi ya Chama Cha Mapinduzi.

Watu hao katika nyakati tofauti wamekuwa wakitengeneza uzushi na uongo huo na kuusambaza kwenye mitandao pamoja na baadhi ya vyombo vya habari kwa lengo lisilo wazi.

Baadhi ya uzushi na uongo uliotungwa na kusambazwa na watu au kikundi hicho ni pamoja na hii ya leo inayoeleza mambo mbalimbali juu ya Ndugu Edward Lowasa na ambayo watunzi wake wameandika kuwa imetolewa na Katibu wa NEC Itikadi na Uenezi Ndugu Nape Moses Nnauye.

Ifahamike kuwa uzushi huo na mwingine uliofanywa na watu au kikundi hicho umekusudia kujenga msukumo ambao haupo ili kuujengea umma hofu ya huruma dhidi yao ili kusukuma na kushinikiza agenda zao.

Jambo hilo ni uzushi mtupu kwa sababu kwanza Ndugu Nape na wajumbe wote wa Sekretarieti hawapo jijini Dar es Salaam badala yake wapo mikoani kushiriki katika zoezi la kura ya maoni kwa ajili ya uteuzi wa wagombea Udiwani na Ubunge zoezi ambalo litakamilika Agosti Mosi, 2015.

CCM inasisitiza kuwa habari hizo si za kweli, zimeandikwa na watu kwa malengo binafsi ya kugombanisha, kujenga chuki na uhasama baina ya Ndugu Nape, Chama, Wajumbe wa Sekretarieti na wananchi kwa ujumla bila sababu.

Viongozi, wana-CCM na wananchi kwa ujumla hawana budi kupuuza uzushi wowote ule unaotolewa na kusambazwa na watu au vikundi vya hovyo vinavyotumiwa na watu kwa maslahi binafsi, badala yake CCM itakuwa inatoa taarifa sahihi kwa wakati ili kutoruhusu uwepo au kuibuka kwa ombwe la mawasiliano baina ya umma na Chama.

Imetolewa na:-

Kitengo cha Mawasiliano na Umma
Ofisi Ndogo ya Makao Makuu ya CCM
Lumumba, Dar es Salaam.
29/07/2015
​

 

[Ibada ya kwanza]

mtajijuuuu

 

[Mgumu04]

mh uzushi upi mbona huwi muwazimkuu,?

 

[Simiyu Yetu]

Akili za chadema hizo.

 

[PakaJimmy]

Kwa ccm hakuna tofauti kati ya uzushi na ukweli!.

 

[Ziroseventytwo]

Mtakoma mwaka huu.

 

[Shimba ya Buyenze]

Ile sheria ya makosa ya mtandao iko wapi? Mbona haifanyi kazi au imewashinda utekelezaji? Mliikimbiza bungeni ikiwa ya moto tena kwa dharura sasa mbona kimya tu. Kama ni uzushi kamata tia ndani. Kuja kulalamika hapa haitasaidia cho chote!

 

[BansenBurner]

SISIEMU wajiandae kisaikolojia

 

[RockSpider]

Hata Ndugai Kuua ni Uzushi? Nchemba kugawa Rushwa za Escrow kama Njugu ni Uzushi?

 

[hekimatele]

sawa
Hamna neno

 

[RockSpider]

Mwenye akili na akimbie haraka huko CCM ... Mafuriko yatazoa hadi makalio yao ....

 

[HIMARS]

Heheheh mtanyooka sana mwaka huu

 

[Radhia Sweety]

Lowasa kuhamia Chadema waita uzushi?

 

[honoget]

kimbunga kimbunga kinafunua nyeti za kuku,Lumumba mapanya buku yanakimbilia porini

 

[Tukundane]

Kama mpuuzi mmoja aliyesema kuwa CCM yamsajili Messi wa CHADEMA wakati kwa kiwango alichonacho Messi wa CHADEMA,CCM hawana mahali pa kumuweka kwa kuwa CCM ni kama kakichuguu mbele ya Messi wa CHADEMA.

 

[MIGNON]

mh uzushi upi mbona huwi muwazimkuu,?

Kuna taarifa kwa vyombo vya habari ikieleza sababu za kutoswa Lowasa na mengine kumhusu yeye ikiwa na kuhusishwa na kudhuru watu.

 

[Lyimo]

Haya mambo ni ya kwenu hukohuko ndani, kama kamati ya maadili ilifanya kinyume, je tutakuaminije wewe?

 

[Kibo255]

mnalalamika acha kuweweseka hewe ccm na bado

 

[gumegume]

Kuna taarifa kwa vyombo vya habari ikieleza sababu za kutoswa Lowasa na mengine kumhusu yeye ikiwa na kuhusishwa na kudhuru watu.

Tuwekee hapa taarifa hiyo yote, tafadhali.

 

[Arushaone]

Kwa ccm hakuna tofauti kati ya uzushi na ukweli!.

CCM wanaweweseka mpaka wanatia huruma mkuu.