Bundi wavamia mkutano wa CCM!!!!

[Nyakipambo]

KATIKA hali isiyokuwa ya kawaida, bundi wawili juzi walivamia mkutano wa uchaguzi wa viongozi wa Chama Cha Mapinduzi (CCM) wilayani hapa na nusura waangukie meza waliyokuwa wameketi Mbunge wa Kahama Mjini, James Lembeli na Mwenyekiti wa CCM Mkoa wa Shinyanga, Khamis Mgeja.

Kuingia kwa bundi hao katika uchaguzi uliokuwa unasubiri kwa hamu na wakazi wa Kahama kwenye Ukumbi wa Shule ya Msingi Rocken mjini hapa kuliibua hofu kubwa kwa wagombea, kiasi cha baadhi ya wanaCCM kugeuza tukio hilo kuwa ajenda kwa muda."Ni ajabu kwa bundi kuingia katika ukumbi wa mkutano, hawakuogopa kelele za watu cha ajabu ni kutaka kuangukia meza za viongozi. Ni tukio la kustaajabisha sana," alisema Damas Joseph, Diwani wa Kata ya Chambo wilayani Kahama.

Aliongeza kuwa, kama tukio hilo lina aina yoyote ya nguvu za giza, linapaswa kukemewa kwa nguvu zote kichama, kwa kuwa viongozi wa kweli wanapaswa kuchaguliwa bila `kuchezea' akili za wajumbe ambao ni wapigakura.

MwanaCCM mwingine, Deo Ndilima kutoka Kata ya Ukune, alikiri kufadhaishwa na tukio hilo, huku akielezea hofu ya kutopatikana kwa viongozi wasio na sifa kukiongoza chama, hasa endapo bundi hao wanahusishwa na masuala ya ushirikina.

Ukiondoa tukio hilo, wajumbe wengi walisifu hali ya utulivu iliyokuwa inaendelea katika uchaguzi huo.

http://habarileo.co.tz/index.php/habari-za-kitaifa/4556-bundi-wavamia-mkutano-wa-ccm

 

[Ileje]

Bundi ni ndege kama walivyo mwewe, kunguru, tai, njiwa n.k., tofauti ni kuwa yeye hujitafutia riziki usiku kutokana na macho yake kuathiriwa na mwanga mkali wa jua! Sasa kuna ajabu gani hapo! Huenda kuna kiota chake jirani!

Acheni ushirikina!

 

[valid statement]

Bundi wanaonekanaga kama alama ya mkosi!Sijui kwanini!

 

[platozoom]

Nakumbuka mbunge wa Sumve Richard Ndasa akihojiwa na BBC miaka kadhaa iliyopita alisema yeye bundi alikosakosa kumgonga akiwa amekaa meza kuu.......kilichomsaidia ni kuwa alimkwepa!

 

[Bujibuji Simba Nyamaume]

Bundi arudi kwao Chama cha Manyang'au mchana kweupeee

 

[Bilionea Asigwa]

teh kwa kuwa katokea shinyanga sina ubishi KUNA UNANILIU HAPO ULIKUA UNATENDEKA............

 

[Ndahani]

Bundi arudi kwao Chama cha Manyang'au mchana kweupeee

Hizi siasa za Tanzania mbona kazi ipo!!

 

[Chimunguru]

mwl wangu wa english wa o level frm 3 alikuwa mama wa wa ki irish, huko kwao ireland bundi akitua home kwako ni sign ya good omen bahati kwao, wao kunguru ndo anashirikishwa na hayo mambo ya ulozi. Bongo bundi ht km ni ndege wa kawaida akilia hapo nje kesho watu wanahamia kwa fundi

 

[Mercyless]

Chama cha wakulima na wafanyakazi hicho.

 

[Philipo Kidwanga]

yaani chama kikikaribia kufa kumbe ni kama kukata roho kwa ngamia,tutaona mengi sana miaka hii.

 

[Leak]

Huyu sio bundi ni mbwembwe za uchaguzi