TBL yaonyesha sononeko lake kuhusu kuongezewa kodi kinyemela.
Kupitia gazeti la Mwananchi lililochapishwa leo tar 24, Kampuni ya uzalishaji bia ya Tanzania Breweries Limited kupitia ofisi yake ya mkurugenzi mtendaji imetoa tangazo rasmi la kwa umma juu ya kitendo cha serikali kuendelea kuongeza kodi inayotozwa kwenye bidhaa za bia ambazo pia huzalishwa na kampuni hiyo.
Katika tangazo hilo, kampuni ya TBL imeelezea kuwa uamuzi wake wa kupandisha bei kwa mara ya kwanza mnamo July Mosi mwaka 2014.Ulitokana na bajeti ya Wizara ya fedha iliyosomwa Juni 12 mwaka huu iliyokuwa na ongezeko la kodi la asilimia kumi.
Tangazo hilo linaeleza kuwa, Baada ya TBL kufanya ongezeko la bei, serikali iliamua kupandisha kodi ghafla kufikia asilimia 20 kutoka asilimia kumi ya awali jambo linalo ilazimu TBL kupanga bei upya kulingana na ongezeko hilo la kodi. Kwa mantiki hiyo serikali imeongeza asilimia kumi nyingine 10% kinyemela tofauti na ile iliyopangwa kisheria na iliyosomwa kwenye bajeti ya serikali kupitia Waziri wa fedha
Kupitia tangazo hilo TBL imeilalamikia serikali kwa kuendelea kuikandamiza kampuni hiyo licha ya mchango wake mkubwa katika kodi ya serikali na maendeleo ya jamii
Tangazo hilo limeelezea mchango wa zaidi ya shilingi Billioni 600 ambao imechangia kwenye serikali kupitia makato ya kodi, kisha kuonesha uwekezaji wa dola millioni 500 za kimarekani uliolenga kupanua uzalishaji wa bia hapa nchini hususan katika mikoa ya Dar, Arusha na Mwanza.
Katika kuonesha umuhimu wa kampuni hiyo katika uchumi wa Taifa, TBL inaelezea fursa kubwa ya ajira iliyotoa kwa vijana wa kitanzania na kuonesha kuwa kitendo cha serikali kuendelea kupandisha kodi kiholela kinaweza kupunguza uzalishaji hivyo kusababisha kundi kubwa la vijana kupoteza ajira zao.
Pia kampuni imelalamikia gharama za ziada zinazoikumba kampuni hiyo zinaathiri sana shughuli zao kama hali isiyotabirika ya upatikanaji wa maji na umeme unaokatika mara kwa mara
Mwisho TBL inatoa malalamiko ya wazi juu ya mazingira magumu ya uwekezaji ambayo wamekuwa wakiyavumilia na kutaja shida kubwa wanayoipata kutokana na kutokuwa na nishati ya uhakika wala maji.
Pamoja na malalamiko yote TBL inamaliza kwa kuandika, "Kwa kuzingatia ufafanuzi huo, Tanzania Breweries Limited Imelazimika kuongeza bei ya bidhaa zake kutokana na ongezeko hilo.
