Baba wa mchumba wangu alimuua baba yangu

[Vella]

Wadau salaam,

Ni kijana wa miaka 28 naishi Masaki D'salaam, nina shahada moja ya udaktari wa binadamu na stashahada ya sheria. Mchumba wangu ana shahada ya Biashara na Utawala.

Sijao ila nina mchumba wangu tangu tukiwa Advance, hadi leo tunaishi vizuri kwa kuheshimiana, kujaliana na kusikilizana, ananipenda nami nampenda sana tena sana.

Lakini kuna jambo linanisumbua sana moyoni na kunikereketa sana akilini, iko hivi wakuu, Baba yangu alikuwa ni wakili wa kujitegemea, kipindi nikiwa O level baba mdogo wake na mchumba wangu ambaye alikuwa ni mfanya biashara, alimpiga mtu barabarani na kumuumiza vibaya sana, wakati huo baba yangu alikuwa akitoka kazini jioni hivyo alishuhudia tukio zima akiwa kwenye gari yake.
Akaondoka zake kuelekea nyumbani, kesho yake baba ake mdogo na mchumba wake alikuja nyumbani kumwomba baba akamsaidie kusimamia kesi yake yakupiga na kujeruhi mtu aliyempiga jana yake baada ya yule mtu kwenda kumshataki polisi.

Baba alikataa na kusema yeye ni Wakili ambaye lengo lake ni kusaidia watu kwa haki, akamwambia yupo tayari kutoa ushahidi mahakamani kwa aliyoyaona kama raia mwema na sio wakili.

Yule mzee aliitwa mahakamani, lakini akawa anakuja kumwomba mzee wangu kila siku ili akubali kwenda kumsaidia kesi yake, Baba alikuja kukubali akaenda mahakamani, kadiri siku zilivyozidi kwenda baba alikuwa akirudi nyumbani akiwa analalamika kuwa mteja wake hamlipi malipo yake, waliendelea hivyo lakini karibia kufikia mwisho wa kesi mzee wetu alirudi nyumbani na kukiri mazingira ya mtuhumiwa kutenda lile kosa hayampi mteja wake ahaueni ya kushinda kesi zaidi ya kushindwa.

Basi mtuhumiwa pia naye alishaanza kunusa harufu ya kushindwa kesi, hivyo alichokifanya, alimwita baba yangu nyumbani kwake, wakala chakula, mzee akarudi nyumbani alivyopewa chakula aliomba asile na badala yake wapewe watoto maana yeye ameshiba kwani alisema alikula kwa huyo mzee mwenye kesi.

Mzee wangu kesho yake alifajiri aliamka akiwa anaumwa sana, hakuweza kuongea, ila alikuwa akigalagala kwa maumivu, na hatimae kufariki.

Nilisikia familia yetu (baadhi) wakihusanisha kifo cha baba yangu na mipango miovu ya mteja wake. Kwani baada tu ya kifo cha baba yangu yule mzee kesho yake alitorokea mjini Arusha, na wala hata baada ya kurudi hakuja nyumbani kutoa pole, licha ya kwamba alikuwa ni jirani yetu wa mtaa moja.

Turudi kwa Mchumba wangu, Mchumba wangu hili jambo hakuwahi kulifahamu kwani hata habari za kifo cha baba yangu nilimjuza mimi majuzi tuu, hajui chochote kuhusu kesi ya babaake mdogo na baba yangu, ingawa mimi nafahamu.

Huyu binti nampenda sana, mara kadhaa tumekuwa tukijadili kuhusu kuvalishana pete ya uchumba lakini moyo wangu unakosa utayari. Mwaka mmoja na nusu niliwahi kumwacha kwa siri baada yakuwa na msongo wa mawazo kuhusiana na mambo ya baba yake mdogo na kifo cha mzee wangu, ila aliendelea kuwa karibu sana na mimi hadi mwaka juzi tukarudiana tena japo sikumwambia sababu za kumwacha, zaidi ya kumwambia "sikukuacha ni ukali wa maisha na ubusy wa masomo" kwani wakati yeye akiwa chuo kikuu cha D'salaam mimi nilikuwa masomoni nchini Finland.

Hivyo wadau naombeni ushauri, je huyu binti niachane naye kimya kimya au nimpe mkanda mzima wa kifo cha mzee wangu na jinsi baba yake mdogo alivyohusika?

Au niendelee naye tu kisha tuoane? Je familia yangu haitajiskia vibaya? (Japo hakuna uhasama wowote wa wazi kati ya hizo familia mbili)

Nifanyaje wadau wangu, naombeni mawazo yenu.

 

[Mamndenyi]

Alimuua baba yako tena unalifahamu kabisa, halafu unataka kuoa,
hapana, kimila wanasema ni mwiko;
na endapo utadharau yatakayokukuta utajuta;

Mwache kabisa, huyo ni adui yako wa damu.

 

[Bonny]

Tell her the truth and let her decide for herself.

 

[cheupe dawa]

sioni kosa la huyo dada, alieua ni mtu mwingine kabisa tena baba mdogo wala sio babaake mzazi, me nadhani ni muda wa kusameheana kama familia ya kuanza maisha mapya, msimulie jinsi ilivyokuwa then yeye ataona anafaa kuwa upande gani!!

 

[kishaija]

Inaonekana ukimuona huyo bint huwa unakumbuka kifo cha baba ako.Mtu unaetaka uishi nae had kifo kiwatenganishe ndo huyo anaekukumbusha baba ako.So,akil kichwan mwako

 

[Iringa Native]

Samehe ila kama huwez bhas muue mtoto wake ambae ndio mchumba wako ili kulipa kisas.

 

[Unknown2]

Wadau salaam.
Naitwa Vella ni kijana wa miaka 28 naishi Masaki D'salaam, nina shahada moja ya udaktari wa binadamu na stashahada ya sheria. Mchumba wangu ana shahada ya Biashara na Utawala

Sijao ila nina mchumba wangu tangu tukiwa Advance, hadi leo tunaishi vizuri kwa kuheshimiana, kujaliana na kusikilizana, ananipenda nami nampenda sana tena sana.

Lakini kuna jambo linanisumbua sana moyoni na kunikereketa sana akilini, iko hivi wakuu, Baba yangu alikuwa ni wakili wa kujitegemea, kipindi nikiwa O level baba mdogo wake na mchumba wangu ambaye alikuwa ni mfanya biashara, alimpiga mtu barabarani na kumuumiza vibaya sana, wakati huo baba yangu alikuwa akitoka kazini jioni hivyo alishuhudia tukio zima akiwa kwenye gari yake.
Akaondoka zake kuelekea nyumbani, kesho yake baba ake mdogo na mchumba wake alikuja nyumbani kumwomba baba akamsaidie kusimamia kesi yake yakupiga na kujeruhi mtu aliyempiga jana yake baada ya yule mtu kwenda kumuishataki polisi.

Baba alikataa na kusema yeye ni Wakili ambaye lengo lake ni kusaidia watu kwa haki, akamwambia yupo tayari kutoa ushahidi mahakamani kwa aliyoyaona km raia mwema na sio wakili.

Yule mzee aliitwa mahakamani, lakini akawa anakuja kumwomba mzee wangu kila siku ili akubali kwenda kumsaidia kesi yake, Baba alikuja kukubali akaenda mahakamani, kadiri siku zilivyozidi kwenda baba alikuwa akirudi nyumbani akiwa analalamika kuwa mteja wake hamlipi malipo yake, waliendelea hivyo lakini karibia kufikia mwisho wa kesi mzee wetu alirudi nyumbani na kukiri mazingira ya mtuhumiwa kutenda lile kosa hayampi mteja wake ahaueni yakushinda kesi zaidi ya kushindwa.

Basi mtuhumiwa pia naye alishaanza kunusa harufu ya kushindwa kesi, hivyo alichokifanya, alimwita baba yangu nyumbani kwake, wakala chakula, mzee akarudi nyumbani alivyopewa chakula aliomba asile na badala yake wapewe watoto maana yeye ameshiba kwani alisema alikula kwa huyo mzee mwenye kesi.

Mzee wangu kesho yake alifajiri aliamka akiwa anaumwa sana, hakuweza kuongea, ila alikuwa akigalagala kwa maumivu, na hatimae kufariki.

Niliskia familia yetu (baadhi) wakihusanisha kifo cha baba yangu na mipango miovu ya mteja wake. Kwani baada tu ya kifo cha baba yangu yule mzee kesho yake alitorokea mjini Arusha, na wala hata baada yakurudi hakuja nyumbani kutoa pole, licha ya kwamba alikuwa ni jirani yetu wa mtaa moja.

Turudi kwa Mchumba wangu, Mchumba wangu hili jambo hakuwahi kulifahamu kwani hata habari za kifo cha baba yangu nilimjuza mimi majuzi tuu, hajui chochote kuhusu kesi ya babaake mdogo na baba yangu, ingawa mimi nafahamu.

Huyu binti nampenda sana, mara kadhaa tumekuwa tukijadili kuhusu kuvalishana pete ya uchumban lakini moyo wangu unakosa utayari. Mwaka mmoja na nusu niliwahi kumwacha kwa siri baada yakuwa na msongo wa mawazo kuhusiana na mambo ya baba yake mdogo na kifo cha mzee wangu, ila aliendelea kuwa karibu sana na mimi hadi mwaka juzi tukarudiana tena japo sikumwambia sababu za kumwacha, zaidi ya kumwambia "sikukuacha ni ukali wa maisha na ubusy wa masomo" kwani wakati yeye akiwa chuo kikuu cha D'salaam mimi nilikuwa masomoni nchini Finland.

Hivyo wadau naombeni ushauri, je huyu binti niachane naye kimya kimya au nimpe mkanda mzima wa kifo cha mzee wangu na jinsi babaake mdogo alivyohusika?

Au niendelee naye tu kisha tuoane? Je familia yangu haitajiskia vibaya? (Japo hakuna uhasama wowote wa wazi kati ya hizo familia mbili)

Nifanyaje wadau wangu, Naombeni Mawazo Yenu.

Mchumba wako hana kosa. Pili samehe saba mara sabini.

 

[ney kaaya]

Samehe ila kama huwez bhas muue mtoto wake ambae ndio mchumba wako ili kulipa kisas.

daaaaaaaaahhh ama kweli

 

[blackberry m]

Sikushauri uachane naye lakini hebu usikilize moyo wako. Ingelikuwa ni mimi, basi nisingejiuliza hata mara moja kuhusu kuachana naye, ningemwacha haraka sana kwani hata nikilazimisha kumuoa basi sitakuwa na mafanikio yoyote zaidi ya nyumba kutawaliwa na simanzi. Japokuwa unasema hakuna uhasama wa wazi baina ya familia zenu, lakini upo tena ni mkubwa.
ukitaka kuuona na kuuthibitisha kuwa upo, jaribu kumtambulisha huyo mpenzio kwa familia ndiposa utaona na kuamini. Kwa ninavyojua na kadri ya uelewa wangu, familia yenu itatawaliwa na simanzi na mikosi itokanayo na chozi la babayo. Epuka majonzi kama hayo na chozi hilo kwa kuachana naye na kuitafuta furaha kwingineko.
Cha msingi hata kama unampenda sana tena sana, huna budi kuchukulia kama ametoweka duniani kama alivyotoweka baba yako.

 

[gfsonwin]

sikubaliani na wanaosema mchumba wako hana kosa. mikono imwagayo damu laana yake hupatiliza.
mie sikushauri wala hata umwambie just tell her siwez kukuoa basi.

jiulize hivii.................hivi siku ya harusi unaambiwa uwashike wakwe mkono utaanzaje kumshika buyo baba bila kutokwa na chozi?

afu pata picha baba yako huko aliko anakuona na anaona umejiunga urafiki na wale waliomuua na pengine anasema 'mwanangu huyu aliniua' utamjibuje?

hao wanalaana ya kuua na usishange hata wewe wakataka jambo la kinyume na taratibu zako ukawagomea wakakuua.

 

[Castr]

Lakini hakuna aliyethibitisha kua kweli Baba Mdogo alimuua Baba hii ni kwakua haujasema kama kuna autopsy yoyote ilifanywa na kuona kama kifo kilisababishwa na sumu (wewe ni daktari).

Na hakuna aliyefungua kesi wote tunajua kwa miaka ya nyuma mtu alikua akiona ushahidi wa kimazingira hata kama uhusika wake ni 0.0001% atakimbia (una stashahada ya sheria hili utakua unalijua).

Kupigana hadharani au kumpiga mtu ukiachilia faini na kumhudumia mlalamikaji unaweza ukala mvua ngapi? Idadi ya hizo mvua zinatosha kukufanya uue mtu? (Una stashahada ya sheria)

Kila mtu ana haki ya wakili, na hatokua na hatia mpaka mahakama iamue hivyo, baba kwakua ni wakili ilitakiwa ajue hili mapema na wewe unatakiwa kujua pia.

Kama alimuua kweli sababu haiwezi kua hiyo kesi watakua wana mengine. Muoe tu huyo binti.

 

[kamusi]

sasa huyo mchumba wako anahusika wapi hapo? tena ni babake mdogo na wakati huo ye alikuwa mdogo

we samehe ila mueleeze kila kitu na waeleze familia yako uamuzi kabla hujamchumbia ili familia yako isije kukutenga..

lakini huyo aliyeua kama bado yupo kwa nini hamkumchukulia sheria? na huyo baba yenu mlimzika bila kufanya postmortem? je daktari alithibitisha kuwa aliuwawa kwa sumu? au mnagues tu ..

ila huyo mkeo hana kosa na utamuonea tu..

 

[Paprika]

We ilianzaje kua nae wakati unaujua mkanda mzima!?
Hii ni story au real life?

 

[rubii]

TELENOVELA

 

[Sky Eclat]

Kweli dunia ni duara na Mungu anamiujiza, katika wasichana wote moyo umeangukia kwenye familia iliyoleta majanga kwenye familia yako. Ndiyo maana vitabu vya dini vinafundisha tuishi kwa upendo.

 

[Vella]

Naendelea kusikiliza busara zenu wadau

 

[lup]

Hiyo ni familia ya umwagaji damu na huenda IPO kwenye ukoo sasa kama kama utaunganisha ukoo ambao tayari umeshaanza kuja ukoo wenu hiyo una maana kwa vizazi vya mbele (sio nyie au watoto wenu) unaweza tengeneza ukoo wenye uhasama mkubwa

 

[Vella]

Kweli dunia ni duara na Mungu anamiujiza, katika wasichana wote moyo umeangukia kwenye familia iliyoleta majanga kwenye familia yako. Ndiyo maana vitabu vya dini vinafundisha tuishi kwa upendo.

Teh teh moyo umegoma kusukuma damu pekee unajishughulisha na mambo mengine ya ziada.

 

[Raymond kisonzo]

Bwana we angalia lipi jema ila kama mm ctaki mazoea na huyo Dada kwa upande Wangu ningemwambia ninyi mnatoka ukoo wa izrael watoa roho sipendag ujinga unamuua mxhua wang

 

[lup]

Rafiki ni kweli mchumba wako hana kosa ila kumbuka yule ni baba yake hivyo mtakapooana tayari ukaribu utaongozeka na huyo ba'mdogo wake..je utaweza kuvumilia kuwa naye na kufanya siri hasa pale unapojikuta mnakula naye chakula sahani moja. Utaweza kumuangalia usoni na kumfutahia.. Kwa binti hana shida na Huyo ni upendo wa uchumba ni tofauti kabisa na maisha ya ndoa..maana maisha ya ndoa ni harisi... JIPIME