Uchaguzi 2020 Askofu Bagonza aitaka NEC isitumike kudhulumu Watanzania

[Missile of the Nation]

*Lwakalinda Kalikawe Bagonza kaandika hivi:*

NEC WAHURUMIENI WANANCHI
NEC WAHURUMIENI VIONGOZI.

Kuna jambo haliko sawa. Kama liko sawa, basi kuna jambo haliko sawa ndani yangu.

1. Ni mzigo na adhabu kubwa kwa Wananchi kuongozwa na kiongozi ambaye hawakumchagua. Ni kuwatesa wananchi, ni kuwadharau, na kuwadhalilisha. Tuliwakataa wakoloni kwa sababu walitutawala bila sisi kuwachagua. Desemba 9 kila mwaka ni muhimu kwetu kwa sababu tunakumbuka siku tulipoamua kuchagua Viongozi na watawala wetu.

2. Ni mzigo mzito kwa kiongozi kuwaongoza watu ambao hawakukuchagua. Ni dharau na mateso kwake kulazimika kuwaongoza watu ambao hujui kama wanakupenda au hawakupendi kwa sababu hawakupiga kura kukuchagua.

Yote mawili hapo juu ni uchokozi. Tume inawachokoza wananchi kwa kuwalazimisha kuongozwa bila kuchagua. Ni kuwachokoza Viongozi kwa kuwalazimisha kuongoza bila ridhaa ya wananchi. Uchokozi haujawahi kuwa na matokeo mazuri.

Vigezo vya mtu kugombea vinafahamika kikatiba: Raia, umri, dhamana ya chama, kutohukumiwa kifungo, kutohukumiwa kukwepa kodi, muda wa kurejesha fomu nk. Haya hayahitaji wiki kuyaamua

Viongozi wetu uteuliwa/upendekezwa na vyama na kuchaguliwa na wananchi. Tume imeanzisha kundi jipya la Viongozi wanaoteuliwa na tume. Jimbo liitwalo TUME liko mkoa gani? Kata iitwayo TUME iko wilaya gani?

Tulifanya hivyo serikali za mitaa na sasa tunataka kufanya hivyo kwenye bunge. TUNAKOSEA. Hatutakuwa na uhalali wa kudai utii na Maendeleo kwa watu waliolazimishwa kuongozwa na watu wasiochaguliwa. Hatutakuwa na uhalali wa kudai matokeo chanya kwa Viongozi tuliowalazimisha kuongoza bila kuchaguliwa.

Hata baadhi ya mifumo ya kidini isiyochagua Viongozi kidemokrasia hailazimishi muumini kuikubali. Ni kwa mujibu wa Imani, si Sheria.

 

[relis]

Na hawa wa makanisani wangekaa kimya kuhusu siasa au Serikali ingewasweka kama mashehe wa Uamsho, maana nao siasa ziliwaponza baada ya kuhangaika na dini zao.

 

[Kipangaspecial]

Huyu baba Askofu ana historia ya kumnyanyasa kisaikolojia msomi Magufuli tangu alipokuwa Katoke Seminary
Tangu wakati wa Corona. Na wakati huu wa Uchaguzi mkuu

 

[Kipangaspecial]

Na hawa wa makanisani wangekaa kimya kuhusu siasa au Serikali ingewasweka kama mashehe was Uamsho,maana nao siasa ziliwaponza baada ya kuhangaika na dini zao.

Mbona wakiwaimbia mapambio wanasiasa hamsemi wakae kimya?

 

[Themagufulianz]

Heil JPM

Mbona wakiwaimbia mapambio wanasiasa hamsemi wakae kimya,

 

[eliesikia]

Na hawa wa makanisani wangekaa kimya kuhusu siasa au Serikali ingewasweka kama mashehe was Uamsho,maana nao siasa ziliwaponza baada ya kuhangaika na dini zao.

Kukemea dhambi ndio kazi zao.. Watu wakinajisi chama chetu au mifumo yetu ya kiutawala wametenda dhambi na lazima viongozi wa dini wawakemee.. Wanajua haki huinua taifa lazima waongee shetani ashindwe.

 

[denooJ]

Huyu baba Askofu ana historia ya kumnyanyasaji kisaikolojia msomi Magufuli tangu alipokuwa Katoke Seminary
Tangu wakati wa Corona
Na wakati huu wa Uchaguzi mkuu

Historia gani wakati mtu analaani maovu yanayotendeka wakati huu, tendeni haki kwa wapinzani sanduku la kura litaamua, wacheni huo uhuni wenu wa kuchagulia watu viongozi wasiowataka.

 

[kwamwewe]

Askofu unaongea na sikio la kufa?

CCM NA TAASISI ZAKE WAMEKUWA NI MBUZI HATA UWAPIGIE GITARI HAWAWEZI KUUSIKIA MZIKI WOWOTE

HAO NI CANCER NA DAWA YAKE NI KUFANYIWA OPERATION TU

 

[Me I and my self]

Uongozi wa kutofata haki utakuja kusababisha tatizo mno.

 

[Heron]

Na hawa wa makanisani wangekaa kimya kuhusu siasa au Serikali ingewasweka kama mashehe was Uamsho,maana nao siasa ziliwaponza baada ya kuhangaika na dini zao.

Hujielewi

 

[Lucky Star]

Kura inaweza kuhesabika kuwa ni MKATABA kati ya wapiga kura na mgombea/wagombea.

Huwezi kudai maendeleo kwa mtu ambaye hukumchagua, kwa maana hakuna mkataba baina yenu.

Kitendo cha kupitisha wagombea bila mchakato wa sanduku la kura ni kuwaamuru kwenda kumtumikia aliyetaka wawe katika nafasi hizo na siyo wananchi.

Lakini hawasikii.

 

[Benjamini Netanyahu]

Amina kubwa kwa baba Askofu

 

[Benjamini Netanyahu]

Tume inaamua nani awe kiongozi? upuuzi kabisa

 

[mliberali]

"Vigezo vya mtu kugombea vinafahamika kikatiba: Raia, umri, dhamana ya chama, kutohukumiwa kifungo, kutohukumiwa kukwepa kodi, muda wa kurejesha fomu nk. Haya hayahitaji wiki kuyaamua."

Asante Baba Askofu

 

[M-mbabe]

Huku kulia yupo Askofu Bagonza, hapa kati wapo Sheikh Ponda & Askofu Mwamakula na kushoto pale kasimama Askofu Niwemugizi.

mbarikiwe sana enyi watumishi wa Mungu!

 

[Bulamba]

Uongozi mzima wa NEC ni wa kusukumia NDANI

 

[Benjamini Netanyahu]

Huyu mzee MUNGU wa mbinguni amlinde sana maana system haitaki hata kumuona

 

[Missile of the Nation]

Tume inafanya uhaini!

Kuwanyima wananchi haki ya kuchagua na kuchaguliwa au kupinduapindua chaguzi za wananchi hakuna tofauti na uhaini.

Na Uhaini ndiyo kosa la juu kabisa kwenye Jamhuri ya Muungano wa Tanzania

 

[Mkwaruu Kombo-Tapa]

Na hawa wa makanisani wangekaa kimya kuhusu siasa au Serikali ingewasweka kama mashehe was Uamsho,maana nao siasa ziliwaponza baada ya kuhangaika na dini zao.

Mku hawa ndo wanakaa karibu na sisi kama jamii pia ndo wanaoheshimika na kuaminika zaidi ya wanasiasa

 

[Tigershark]

Na hawa wa makanisani wangekaa kimya kuhusu siasa au Serikali ingewasweka kama mashehe was Uamsho, maana nao siasa ziliwaponza baada ya kuhangaika na dini zao.

Ila wakikutana kuunga mkono mafanikio ya awamu ya 5 inakuwa sahihi? Kiongozi wa dini asipokemea maovu kwenye jamii yake,hatimizi wajibu wake!