WAFANYABIASHARA ndogondogo zaidi ya 300 eneo la Manyema, Manispaa ya Moshi, wamefunga barabara ya Manyema inayotokea Mbuyuni kueleka Mtaa wa Viwanda kwa muda wa saa nne, baada ya uongozi wa manispaa kubomoa vibanda vyao zaidi ya 100.
Walifunga barabara hiyo kwa kuchoma moto magurudumu ya magari na kuzuia watu kupita, huku wakirushia mawe magari ya mizigo yaliyokuwa yakipita na kusababisha gari la Mkuu wa Upelelezi (RCO) Mkoa wa Kilimanjaro, aina ya Toyota Land Cruiser kuvunjwa kioo cha mbele.
Barabara hiyo ambayo kwa kiasi kikubwa inatumiwa na magari makubwa ya mizigo, ilifungwa kuanzia saa 12.15 alfajiri hadi saa 5:00 asubuhi, huku wakizuia watu kupite na kusababisha usumbufu kwa wafanyakazi waliokuwa wakielekea kazini kutokea kata za Pasua, Bomambuzi na maeneo jirani.
Baadhi ya wafanyabiashara hao, Godlizen Joseph na Peter Lukumai, walisema manispaa hiyo imewahamisha kutoka Soko la Mbuyuni miezi miwili iliyopita, lakini cha kushangaza wameanza tena kuwafukuza eneo
hilo bila taarifa.
Awali walipotuhamisha hawakutwambia tusijenge vibanda leo wanadai
walisema tuweke tu meza, ilhali tayari tumejenga kwanza kwa gharama kubwa kama mimi nilitumia Sh200,000 leo nimekuta kimebomolewa na hakuna kilichookolewa, alisema Joseph.Naye Lukumai alisema manispaa iliwagawia maeneo hayo baada ya kulipa Sh120,000 kila eneo la kuweka kibanda na kwamba, alitumia Sh100,000 kugharimia ujenzi wa kibanda.
Lukumai alisema kutokana kuvunjwa kwa vibanda hivyo usiku bila taarifa, ameibiwa mali ambazo ni nguo zenye thamani ya
Sh570,000 .
Kamanda wa Polisi Mkoa wa Kilimanjaro, Lucas Nghoboko, alisema alipata taarifa kutoka kwa mkurugenzi mtendaji wa manispaa hiyo akitaka msaada wa askari.Kweli kuna vurugu nimepata taarifa kutoka kwa mkurugenzi akitaka nimpe askari, lakini sikutoa askari wangu maana nimeona ni kuvunja
uhusiano na wananchi na polisi, alisema.
Nghoboko alisema manispaa walipotoa eneo hilo waliwaona wafanyabiashara hao wakijenga, iwapo walikuwa hawaruhusiwi wangewakataza wakati huo siyo kusubiri vimekamilika na kuomba msaada wa polisi kuvibomoa.
Siwezi kupeleka askari wangu na risasi za moto kwa wananchi hao, hii ni kuvunja uhusiano mzuri uliopo kati ya polisi na wananchi,manispaa iliona muda wote vibanda vinajengwa na wakawa kimya iweje leo wanawabomolea? alihoji Nghoboko.
Mkurugenzi wa Manispaa ya Moshi, Bernadeta Kinabo, alisema wameamua kuvunja vibanda hivyo baada ya wafanyabiashara kukiuka makubaliano waliyoafikiana; ya kuweka meza siyo kujenga vibanda eneo
hilo.
Source: Mwananchi
Hapo kwenye red
Walifunga barabara hiyo kwa kuchoma moto magurudumu ya magari na kuzuia watu kupita, huku wakirushia mawe magari ya mizigo yaliyokuwa yakipita na kusababisha gari la Mkuu wa Upelelezi (RCO) Mkoa wa Kilimanjaro, aina ya Toyota Land Cruiser kuvunjwa kioo cha mbele.
Barabara hiyo ambayo kwa kiasi kikubwa inatumiwa na magari makubwa ya mizigo, ilifungwa kuanzia saa 12.15 alfajiri hadi saa 5:00 asubuhi, huku wakizuia watu kupite na kusababisha usumbufu kwa wafanyakazi waliokuwa wakielekea kazini kutokea kata za Pasua, Bomambuzi na maeneo jirani.
Baadhi ya wafanyabiashara hao, Godlizen Joseph na Peter Lukumai, walisema manispaa hiyo imewahamisha kutoka Soko la Mbuyuni miezi miwili iliyopita, lakini cha kushangaza wameanza tena kuwafukuza eneo
hilo bila taarifa.
Awali walipotuhamisha hawakutwambia tusijenge vibanda leo wanadai
walisema tuweke tu meza, ilhali tayari tumejenga kwanza kwa gharama kubwa kama mimi nilitumia Sh200,000 leo nimekuta kimebomolewa na hakuna kilichookolewa, alisema Joseph.Naye Lukumai alisema manispaa iliwagawia maeneo hayo baada ya kulipa Sh120,000 kila eneo la kuweka kibanda na kwamba, alitumia Sh100,000 kugharimia ujenzi wa kibanda.
Lukumai alisema kutokana kuvunjwa kwa vibanda hivyo usiku bila taarifa, ameibiwa mali ambazo ni nguo zenye thamani ya
Sh570,000 .
Kamanda wa Polisi Mkoa wa Kilimanjaro, Lucas Nghoboko, alisema alipata taarifa kutoka kwa mkurugenzi mtendaji wa manispaa hiyo akitaka msaada wa askari.Kweli kuna vurugu nimepata taarifa kutoka kwa mkurugenzi akitaka nimpe askari, lakini sikutoa askari wangu maana nimeona ni kuvunja
uhusiano na wananchi na polisi, alisema.
Nghoboko alisema manispaa walipotoa eneo hilo waliwaona wafanyabiashara hao wakijenga, iwapo walikuwa hawaruhusiwi wangewakataza wakati huo siyo kusubiri vimekamilika na kuomba msaada wa polisi kuvibomoa.
Siwezi kupeleka askari wangu na risasi za moto kwa wananchi hao, hii ni kuvunja uhusiano mzuri uliopo kati ya polisi na wananchi,manispaa iliona muda wote vibanda vinajengwa na wakawa kimya iweje leo wanawabomolea? alihoji Nghoboko.
Mkurugenzi wa Manispaa ya Moshi, Bernadeta Kinabo, alisema wameamua kuvunja vibanda hivyo baada ya wafanyabiashara kukiuka makubaliano waliyoafikiana; ya kuweka meza siyo kujenga vibanda eneo
hilo.
Source: Mwananchi
Hapo kwenye red
