Afungwa jela maisha kwa kumnajisi mtoto wa miaka 7

[Mjanja M1]

Mahakama ya Hakimu Mkazi wilaya ya Mbeya imemhukumu kifungo cha maisha jela Mwalimu Johnwell Mwamboya (38) mkazi wa Iyela jijini Mbeya baada ya kupatikana na kosa la ubakaji wa mtoto mwenye umri wa miaka saba.

Hukumu hiyo imetolewa na Hakimu Mkazi Mfawidhi wa Mahakama hiyo Tedy Mlimba mbele ya mwendesha mashtaka wa serikali Wakili Julieth Katabaro wakati akisoma maamuzi ya kesi ya jinai namba 50/2023 iliyokuwa ikimkabili Mwalimu huyo

Mahakama imetoa hukumu hiyo baada ya kuridhika na ushahidi uliotolewa na mashahidi nane (8) wa upande wa mashtaka akiwemo mtoto aliyefanyiwa kitendo cha ubakaji mara kadhaa na mtu huyo, daktari aliyemchunguza mtoto huyo na jirani aliyegundua mtoto huyo kunajisiwa

Mahakama imesikiliza kwa umakini ushahidi wa Jamhuri na ule wa utetezi kupitia mashahidi wake wawili na kujiridhisha bila kuacha shaka kwamba mtu huyo alimbaka mtoto huyo wa darasa la pili kwani hata wakati wa uwasilishwaji ushahidi mhathirika wa tukio hilo ambaye ni mtoto (7) alimtaja na kumtambua mbele ya Mahakama mshtakiwa aliyetajwa kwa jina maarufu la Mwalimu Jofu licha ya kwamba yeye alikuwa akikana kutenda jinai hiyo

Mahakama imesema Jamhuri imethibitisha shauri hilo bila kuacha shaka hivyo kumtia hatiani kwa kosa hilo

Akizungumza kabla ya hukumu kutolewa, Mwendesha mashtaka wa serikali Wakili Julieth Katabaro aliiomba Mahakama kutoa adhabu kama sheria inavyoelekeza ili iwe fundisho kwa mshtakiwa na watu wengine katika jamii kutokana na kuendelea kushuhudiwa kwa vitendo vya ubakaji na ulawiti hasa kwa watoto na wanawake miongoni mwa jamii ikiwemo kwa wanaoendekeza imani za kushirikina

Ndipo Mahakama ikamhukumu adhabu ya kifungo cha maisha jela Mwalimu Mwamboya (38) huku ikiweka wazi haki ya kukata rufaa ndani ya siku 30 tangu kutolewa kwa hukumu hiyo

Kwa mujibu wa hati ya mashtaka, Mwalimu Johnwell Edward Mwamboya (38) Mkazi wa Iyela jijini Mbeya alikuwa akidaiwa kwamba katika tarehe tofauti kati ya Januari na Februari 2023 alikuwa akimlaghai mtoto huyo kwa pipi na biscuit na kumbaka akiwa kwenye shule yake ya watoto wadogo ambayo ni jirani na familia ya mhathirika huku ikielezwa kuwa Mwalimu huyo alikuwa akimtishia kutosema nje ya hapo atamuuwa kosa ambalo ni kinyume na kifungu namba 130 (1) (2) (e) na 131 (1) cha sheria ya kanuni ya adhabu sura ya 16 ilitofanyiwa marekebisho mwaka 2022 madai ambayo hata hivyo yameelezwa kuthibitika bila kuacha shaka mbele ya Mahakama.

Source - JamboTv

 

[passion_amo1]

View: https://www.youtube.com/watch?v=Dk1wrpd9Rgo

Huyo mwigine kakutwa na mke wa mtu.

huko manyara wananchi walifunga barabara wakitaka mtuhumiwa aliyemtenganisha kichwa na kiwiliwili mtoto wa miaka saba aachiwe wananchi watoe hukumu.

 

[Scars]

Kesi za aina hii siku hizi zimekuwa nyingi sana.

Ila chache kati ya hizo ni za kweli.

Watoto wananguvu kubwa kwenye mahakama na hiyo ndio silaha ya watu wengi wenye nia ovu na mtu..

Mwaka jana kuna mtoto mdogo wa kiume zezeta zezeta hivi akili zake hazipo sawa, umri kama miaka 8.

Huyo mtoto ni ombaomba anakawaida ya kupita kwenye nyumba za watu kuomba hela.

Sasa siku moja akaenda kuomba nyumba ambayo ina wapangaji, wapangaji wakamuambia hawana hela. Jamaa mmoja akamuambia "we mtoto unaomba hela unataka ukafanyie nini"

Mtoto akasema nataka nikale. Jamaa akatoka na msosi kwenye sahani akampa mtoto akawa anakula. Dogo alivyomaliza akasepa.

Baadaye jioni wanashangaa watu wanakuja nyomi kwenye ile nyumba halafu yule dogo wamemtanguliza mbele.

Kufika tu pale dogo akaambiwa "enhee tuoneshe hapa yupo wapi"

Dogo si akanyoosha kidole kwa yule jamaa aliyemla msosi.

Watu wakamvamia jamaa wakasema unatuhumiwa kwa kumlawiti mtoto.

Sasa uzuri waoangaji wenzake walikuwepo ule muda aliokuwa anakuja kuomba na mostly walikuwa ni wanawake. Ndio wakaelezea tukio zima jinsi ilivyokuwa, ndio jamaa kusalimika.

Baada ya hapo mtaa mzima uliamua kumsusa kabisa yule mtoto, akipita kuomba anafukuzwa kama mbwa.

Dogo akabadilisha mitaa baada ya kuona mitaa ya home raia wamemkataa.

Kutokana na visa kadhaa nilivyoshuhudia nimejikuta sipendi kabisa mazoea ya kiseng na vitoto vitoto bora tu nionekane kauzu.

Na ujinga wa vipimo vya kidaktari huwa havitoi majibu exactly kwa kumbaini muhusika kupitia vinasaba vilivyoachwa kwa huyo muhanga.

Huo ndio upenyo wanaotumia opportunists pale wanapotaka kufanikisha jambo lao.