Aliyekuwa Mwanachama wa Chama cha Demokrasia na Maendeleo (CHADEMA) ambaye sasa ni mwanachama wa Chama cha Mapinduzi (CCM), Ezekiel Wenje, akizungumza katika mahojiano maalum na Televisheni ya Kenya, TV47, amezungumzia kuhusu machafuko yaliyoikumba Tanzania wakati wa uchaguzi wa Oktoba 29 akikiri kuwa ghasia hizo zilisababisha vifo, majeraha na uharibifu mkubwa wa mali na miundombinu ya miradi ya Serikali na kudai kuwa takwimu zinazosambaa mtandaoni na katika baadhi ya vyombo vya habari kuhusu idadi ya vifo vya waandamanaji “hazijathibitishwa.”
Wenje alisema kuwa baada ya kupiga kura Mwanza, alielekea Dar es Salaam na kukuta miundombinu muhimu ya Jiji ikiwa imeharibiwa vibaya, ikiwemo miundombinu ya usafiri wa mabasi ya mwendo kasi (BRT).
“Vituo vyote havifanyi kazi kwa sababu vimevunjwa na kuharibiwa… Serikali imepoteza mamilioni,” alisema Wenje, akieleza kuwa fedha zilizopaswa kuelekezwa kwenye huduma kama afya, elimu na ujenzi wa barabara sasa zitalazimika kurekebisha meli hiyo ya usafiri wa umma.
Aliongeza kuwa baadhi ya majengo ya serikali na mali binafsi pia yalichomwa moto.
Ofisi ya Haki za Binadamu ya Umoja wa Mataifa (OHCHR) imeripoti kuwa mamia ya watu huenda wameuawa wakati wa maandamano, huku chanzo cha kidiplomasia kikiiambia BBC kuwa kuna ushahidi wa “kuaminika” kuwa angalau watu 500 wamefariki.
Hata hivyo, Wenje alisema kuna utofauti mkubwa wa madai yanayosambaa, ikiwemo visa vya kudaiwa kuwepo kwa makaburi ya pamoja.
“Sikatai kwamba watu walikufa, wengine walijeruhiwa na wengine kukamatwa,” alisema. “Lakini takwimu tunazosikia hazijathibitishwa"- amesema Wenje
Alikumbusha kuwa Rais Samia Suluhu Hassan tayari alikiri kuwepo kwa vifo hivyo katika hotuba yake ya kwanza bungeni, na aliagiza vyombo vya usalama kuangalia upya kesi za baadhi ya waliokamatwa, hasa wale waliobebeshwa mashtaka ya ugaidi.
CHADEMA tayari imetangaza kutoshiriki kwenye mazungumzo ya maridhiano yaliyoitishwa na Rais Samia, lakini Wenje alisema si sahihi kuhitimisha kuwa upinzani wote umekataa.
“Tanzania ina vyama 19 vya siasa vilivyosajiliwa. Ni makosa kusema kwamba CHADEMA wakikataa, basi upinzani wote umekataa,” alisema.
Wenje alielezea hatua za serikali zikiwemo:
Wenje alisema kuwa baada ya kupiga kura Mwanza, alielekea Dar es Salaam na kukuta miundombinu muhimu ya Jiji ikiwa imeharibiwa vibaya, ikiwemo miundombinu ya usafiri wa mabasi ya mwendo kasi (BRT).
“Vituo vyote havifanyi kazi kwa sababu vimevunjwa na kuharibiwa… Serikali imepoteza mamilioni,” alisema Wenje, akieleza kuwa fedha zilizopaswa kuelekezwa kwenye huduma kama afya, elimu na ujenzi wa barabara sasa zitalazimika kurekebisha meli hiyo ya usafiri wa umma.
Aliongeza kuwa baadhi ya majengo ya serikali na mali binafsi pia yalichomwa moto.
Ofisi ya Haki za Binadamu ya Umoja wa Mataifa (OHCHR) imeripoti kuwa mamia ya watu huenda wameuawa wakati wa maandamano, huku chanzo cha kidiplomasia kikiiambia BBC kuwa kuna ushahidi wa “kuaminika” kuwa angalau watu 500 wamefariki.
Hata hivyo, Wenje alisema kuna utofauti mkubwa wa madai yanayosambaa, ikiwemo visa vya kudaiwa kuwepo kwa makaburi ya pamoja.
“Sikatai kwamba watu walikufa, wengine walijeruhiwa na wengine kukamatwa,” alisema. “Lakini takwimu tunazosikia hazijathibitishwa"- amesema Wenje
Alikumbusha kuwa Rais Samia Suluhu Hassan tayari alikiri kuwepo kwa vifo hivyo katika hotuba yake ya kwanza bungeni, na aliagiza vyombo vya usalama kuangalia upya kesi za baadhi ya waliokamatwa, hasa wale waliobebeshwa mashtaka ya ugaidi.
CHADEMA tayari imetangaza kutoshiriki kwenye mazungumzo ya maridhiano yaliyoitishwa na Rais Samia, lakini Wenje alisema si sahihi kuhitimisha kuwa upinzani wote umekataa.
“Tanzania ina vyama 19 vya siasa vilivyosajiliwa. Ni makosa kusema kwamba CHADEMA wakikataa, basi upinzani wote umekataa,” alisema.
Wenje alielezea hatua za serikali zikiwemo:
- Uzinduzi wa Tume ya Uchunguzi yenye wajumbe wanane wakiwemo majaji wastaafu, kuchunguza chanzo cha maandamano na ghasia.
- Ahadi ya Rais kuanzisha Tume ya Ukweli na Maridhiano baada ya ripoti ya uchunguzi kukamilika.
- Kuanzishwa kwa wizara maalum ya kushughulikia masuala ya vijana.
- Ahadi ya kuanzisha upya mchakato wa Kuandika Katiba Mpya, hoja ambayo imekuwa mada ya kudaiwa kwa miaka mingi na upinzani
