Waziri Simbachawene aifuta bodi ya Machinga Complex

[Kurzweil]

Waziri wa Nchi Ofisi ya Rais Tamisemi George Simbachawene ametangaza kuifuta na kutoitambua bodi inayosimamia jengo la Machinga Complex Dar es Salaam ambalo lilijengwa kwaajili ya matumizi ya wafanyabiashara wadogo na hatimaye imekuwa tofauti na kusudio.

Waziri Simbachawene amelikabidhi jengo hilo kwa mkuu wa mkoa wa Dar es Salaam Poul Makonda kwaajili ya kuandaa mpango wa kuwaingiza wafanyabiashara hao bila masharti huku ukiangaliwa utaratibu mpya.

Chanzo: Millard Ayo

======================

WAZIRI wa Nchi Ofisi ya Rais, Tawala za Mikoa na Serikali za Mitaa (TAMISEMI), George Simbachawene ametangaza kuifuta Bodi inayosimamia jengo la Machinga Complex, Dar es Salaam Aidha Waziri amemsimamisha kazi Meneja anayesimamia jengo hilo na kumtaka kwenda katika ofisi za jiji kwa ajili ya kumpangia kazi nyingine.

Simbachawene aliyasema hayo jana jijini Dar es Salaam wakati akizungumza na Jumuiya ya wafanyabiashara nchi nzima. Jengo hilo kwa sasa limekabidhiwa kwa Mkuu wa Mkoa wa Dar es Salaam, Paul Makonda kwa ajili ya kuandaa mpango wa kuwaingiza wafanyabiashara bila masharti huku ukiangaliwa utaratibu mpya kwa wafanyabiashara hao.

Alisema jengo hilo limekuwa likitumiwa kinyume na lengo ambalo walitakiwa wafanyabiashara kulitumia kwa gharama kidogo lakini limekuwa likitumiwa na watu wengine tofauti na wafanyabiashara jambo ambalo limesababisha kushindwa kulipa deni linalodaiwa na Mfuko wa Hifadhi ya Jamii (NSSF).

“Jengo hili limejengwa kwa gharama kubwa sana lakini kwa matumizi hayo kumesababisha kushindwa kumaliza deni ambalo tunadaiwa na tumelipa Sh milioni 50 pekee,” alisema Simbachawene.

Aidha waziri huyo pia ameziagiza halmashauri zote nchini kutotoa leseni kwa wafanyabiashara wa nje hadi tamko kutoka katika Wizara yake lengo likiwa ni kuongeza nafasi kwa wafanyabiashara wa nyumbani na endapo watatoa leseni hizo lazima zipitie katika wizara yake.

Pia amewaagiza wakuu wa mikoa wote nchini kuwa walezi wa vyama vya jumuiya katika mikoa yao na wakuu wa wilaya wawe wasimamizi wa jumuiya hizo katika wilaya zao kwani utaratibu huo utasaidia kuwaleta karibu wafanyabiashara.

 

[Governor of Bettors-GB]

Aisee lile nalo jipu.
Niliwahi kwenda pale kuulizia,yaani unaona kabisaa kuna ubabaishaji.
Pesa kibao zimetumika,lakini hakuna kitu,urasimu kwenda mbeleee
Viongozi wa mkoa kibao wana sehem zao mle wamezuia

 

[Rachel Marcel Chuwa]

AFADHALI

 

[Ngalikihinja]

Hivi zile machinga complex nyingine kule Mwanza, Arusha etc aliyeahidi kuzijenga ameishia nazo wapi..?

 

[msumeno]

Mjipu mpaka mikono inanuka usaha du!

 

[Mshana Jr]

Hivi zile machinga complex nyingine kule Mwanza, Arusha etc aliyeahidi kuzijenga ameishia nazo wapi..?

Mipango kurupuzi

 

[mbezithefighter]

Kwa mtazamo wangu kwa hili waziri Simbachawene kakurupuka. Haiwezekani migogoro iliyopo machinga complex imalizwe na mkuu wa mkoa wakati Meya wa jiji yupo. Swali lakujiuliza muda wote alikua wapi?

Anasubiri Meya wa jiji kachaguliwa na kaibua jipu hilo ndo Simbachawene anaibuka na kusema eti matatizo yaliopo Machinga Complex yamalizwe na mkuu wa mkoa.

Swali jingine la kujiuliza, Je Meya wa jiji kashindwa kuyatatua wakati yeye ndo kayaibua? Ni dhahiri Simbachawene kapania kuwachonganisha Meya wa jiji na mkuu wa mkoa.

 

[Kigodoro]

CCM wamekaa ktk mkao wa kuwafitini ukawa

 

[Nando]

hapo sawa.

 

[mwasu]

Hawa mawaziri wa awamu hii wanafanya kazi kwa kukurupuka tu, hawafikiri hata kidogo! Halafu wanafanya maamuzi kisiasa ili kulinda maslahi yao, hapo kwa kuwa kuna mengi machafu yana wahusu ndio maana wanapeana majukumu, kuficha maovu yao.

 

[Gilbert A Massawe]

Hivi zile machinga complex nyingine kule Mwanza, Arusha etc aliyeahidi kuzijenga ameishia nazo wapi..?

Muulize lema atakujibu pale Arusha

 

[Ngalikihinja]

Muulize lema atakujibu pale Arusha

Na Mwanza nimuulize nani?

 

[Gilbert A Massawe]

Na Mwanza nimuulize nani?

Wenje atakusaidia japo wananchi walimuuliza kwenye sanduku la kura oct 25

 

[singidadodoma]

WAZIRI wa Nchi Ofisi ya Rais, Tawala za Mikoa na Serikali za Mitaa (TAMISEMI), George Simbachawene ametangaza kuifuta Bodi inayosimamia jengo la Machinga Complex, Dar es Salaam Aidha Waziri amemsimamisha kazi Meneja anayesimamia jengo hilo na kumtaka kwenda katika ofisi za jiji kwa ajili ya kumpangia kazi nyingine.

Simbachawene aliyasema hayo jana jijini Dar es Salaam wakati akizungumza na Jumuiya ya wafanyabiashara nchi nzima. Jengo hilo kwa sasa limekabidhiwa kwa Mkuu wa Mkoa wa Dar es Salaam, Paul Makonda kwa ajili ya kuandaa mpango wa kuwaingiza wafanyabiashara bila masharti huku ukiangaliwa utaratibu mpya kwa wafanyabiashara hao.

Alisema jengo hilo limekuwa likitumiwa kinyume na lengo ambalo walitakiwa wafanyabiashara kulitumia kwa gharama kidogo lakini limekuwa likitumiwa na watu wengine tofauti na wafanyabiashara jambo ambalo limesababisha kushindwa kulipa deni linalodaiwa na Mfuko wa Hifadhi ya Jamii (NSSF).

“Jengo hili limejengwa kwa gharama kubwa sana lakini kwa matumizi hayo kumesababisha kushindwa kumaliza deni ambalo tunadaiwa na tumelipa Sh milioni 50 pekee,” alisema Simbachawene.

Aidha waziri huyo pia ameziagiza halmashauri zote nchini kutotoa leseni kwa wafanyabiashara wa nje hadi tamko kutoka katika Wizara yake lengo likiwa ni kuongeza nafasi kwa wafanyabiashara wa nyumbani na endapo watatoa leseni hizo lazima zipitie katika wizara yake.

Pia amewaagiza wakuu wa mikoa wote nchini kuwa walezi wa vyama vya jumuiya katika mikoa yao na wakuu wa wilaya wawe wasimamizi wa jumuiya hizo katika wilaya zao kwani utaratibu huo utasaidia kuwaleta karibu wafanyabiashara.