Quemu
JF-Expert Member
- Jun 27, 2007
- 984
- 137
Jana nilipanda basi kwa mara ya kwanza baada ya muda mrefu sana. Safari yangu ilianzia Tegeta na kuishia Posta Mpya. Kilichonigusa katika safari hiyo, sio msongamano wa abiria, ukosefu wa utumiaji wa deodorant kwa watanzania wengi, ubovu wa basi nililopanda au mengineyo. La hasha! Kilichonigusa ni jinsi watanzania tulivyokuwa waongo.
Haya. Nilikamata basi la kwanza kutoka Tegeta kibaoni mpaka Mwenge. Tulipofika mitaa ya Mbezi Makonde, jirani yangu niliyekaa naye kwenye kiti akapigiwa simu. Inavyoonekana kuwa alikuwa na mihadi ya kukutana na mtu mjini. Basi bila ya hiyana, nikamsikia yule bwana akimwambia mtu wa upande wa pili wa simu kuwa ameshafika Mwenge, na kwamba sasa hivi yuko katika basi linaloelekea mjini.
Nikajikuta natoa mguno wa mbali!
Haya. Nikafika Mwenge, na kuchukua basi la MwengePosta. Tulipofika mitaa ya Ubalozi wa Ufaransa, bwana mmoja (sio wa basi la mwanzo) akampigia simu mtu aliyekuwa ana ahadi naye mjini, na kumuuliza yuko wapi. Alipopewa jibu na kuulizwa yeye yuko wapi, nikamsikia akisema kuwa yuko maeneo ya Red Cross.
Nikatoa kiguno cha wastani!
Haya. Nikafika zangu mjini, nikafanya kilichonipeleka, na kutafuta usafiri wa kurudi zangu Tegeta. Nikatumbukiwa kwenye basi la Posta-Mwenge. Tulipofika maeneo ya Moroko, mama mmoja aliyekuwa amekaa kiti cha mbele yangu akapigiwa simu. Kutokana na mazungumzo yalivyokuwa yanakwenda, ni dhahiri kuwa yule mtu wa upande wa pili simu ulikuwa unauliza kama yule mama bado yuko mjini, na kwamba anatarajia kurudi nyumbani saa ngapi. Basi yule mama bila ya hiyana akasema kuwa bado yuko mjini anamalizia malizia shughuli.
Nikatoa mguno mkubwa mpaka nikajistukia !
Wazungu wana msemo mmoja unaenda hivi You are what you eat. Sasa je kuna uwezekano kuwa kuta za Taifa letu limejengwa kwa misingi ya uongo uongo? Kwa hiyo je ni sahihi kusema kuwa uongo umekuwa ni sehemu ya hulka yetu watanzania? Je ni kweli kuwa bila ya kuongopa hatuwezi kuaminika?
Pengine huu uongo nilioshuhudia kwenye safari yangu unaweza kuwa hauna impact kubwa (debatable) katika maisha yetu ya kila siku. Lakini kwani si viongozi wetu ni reflection yetu sisi wananchi? Sasa je, kutokana na hulka hii tuliyokuwa nayo, unafikiri ni mangapi yanayosemwa na viongozi wetu ni ya kweli? Uchaguzi unakuja. Je kuna uwezekano kuwa kuna namba kubwa (kama sio wote) ya wataka ubunge wamejichimbia kambini wanasuka uongo kabambe wa kuombea kura ?
NB : hayo mazungumzo yote ya kwenye basi yalikuwa yanasikika wazi. Kwa hiyo sikutega masikio makusudi kutaka kusikiliza mazungumzo ya watu. Si mnajua masikio hayana mfuniko.
Haya. Nilikamata basi la kwanza kutoka Tegeta kibaoni mpaka Mwenge. Tulipofika mitaa ya Mbezi Makonde, jirani yangu niliyekaa naye kwenye kiti akapigiwa simu. Inavyoonekana kuwa alikuwa na mihadi ya kukutana na mtu mjini. Basi bila ya hiyana, nikamsikia yule bwana akimwambia mtu wa upande wa pili wa simu kuwa ameshafika Mwenge, na kwamba sasa hivi yuko katika basi linaloelekea mjini.
Nikajikuta natoa mguno wa mbali!
Haya. Nikafika Mwenge, na kuchukua basi la MwengePosta. Tulipofika mitaa ya Ubalozi wa Ufaransa, bwana mmoja (sio wa basi la mwanzo) akampigia simu mtu aliyekuwa ana ahadi naye mjini, na kumuuliza yuko wapi. Alipopewa jibu na kuulizwa yeye yuko wapi, nikamsikia akisema kuwa yuko maeneo ya Red Cross.
Nikatoa kiguno cha wastani!
Haya. Nikafika zangu mjini, nikafanya kilichonipeleka, na kutafuta usafiri wa kurudi zangu Tegeta. Nikatumbukiwa kwenye basi la Posta-Mwenge. Tulipofika maeneo ya Moroko, mama mmoja aliyekuwa amekaa kiti cha mbele yangu akapigiwa simu. Kutokana na mazungumzo yalivyokuwa yanakwenda, ni dhahiri kuwa yule mtu wa upande wa pili simu ulikuwa unauliza kama yule mama bado yuko mjini, na kwamba anatarajia kurudi nyumbani saa ngapi. Basi yule mama bila ya hiyana akasema kuwa bado yuko mjini anamalizia malizia shughuli.
Nikatoa mguno mkubwa mpaka nikajistukia !
Wazungu wana msemo mmoja unaenda hivi You are what you eat. Sasa je kuna uwezekano kuwa kuta za Taifa letu limejengwa kwa misingi ya uongo uongo? Kwa hiyo je ni sahihi kusema kuwa uongo umekuwa ni sehemu ya hulka yetu watanzania? Je ni kweli kuwa bila ya kuongopa hatuwezi kuaminika?
Pengine huu uongo nilioshuhudia kwenye safari yangu unaweza kuwa hauna impact kubwa (debatable) katika maisha yetu ya kila siku. Lakini kwani si viongozi wetu ni reflection yetu sisi wananchi? Sasa je, kutokana na hulka hii tuliyokuwa nayo, unafikiri ni mangapi yanayosemwa na viongozi wetu ni ya kweli? Uchaguzi unakuja. Je kuna uwezekano kuwa kuna namba kubwa (kama sio wote) ya wataka ubunge wamejichimbia kambini wanasuka uongo kabambe wa kuombea kura ?
NB : hayo mazungumzo yote ya kwenye basi yalikuwa yanasikika wazi. Kwa hiyo sikutega masikio makusudi kutaka kusikiliza mazungumzo ya watu. Si mnajua masikio hayana mfuniko.
