Vigezo vya kujiunga kidato cha 5 mwaka 2018/2019; Mwanafunzi mwenye umri zaidi ya miaka 20 kutodahiliwa

[Mwanahabari Huru]

Siku chache baada ya Rais wa zamani wa Tanzania Mh Benjamin Mkapa kutoa wito kwa serikali ya Rais Magufuli kuandaa mjadala wa kitaifa juu ya kujadili changamoto zinazoikumba secta ya elimu hapa Nchini ili kuinusulu kwa kuitafutia majawabu , tumeshuhudia kasi kubwa kweli kweli kutoka taasisi za elimu Nchini kushusha miongozo huku chini yenye mabadiliko kadha wa kadha juu ya mfumo wetu wa elimu .

Muongozo wa kwanza toka kauli hii ya Mh Mkapa kutoka ulitolewa na baraza la mitihani Tanzania (NECTA) ambao ulitangaza mabadiliko ya utungaji wa mitihani wa darasa la Saba kwa kubadili maswali kutoka maswali 50 kwa somo moja mpaka maswali 45 kwa kigezo kuwa mabadiliko haya yanalenga kumpa fursa mwanafunzi kujibu mwaswali 40 katika mfumo wa kuchagua ( Multiple choice) na maswali matano ya kujieleza , hii ni kwa masomo yote mpaka hesabu mtihani unakuja na majibu ya kuchagua .

Wakati tunajadili mapungufu yaliyopo katika walaka huu wa baraza la mitihani kwa namna ambavyo bado haujakidhi mabadiliko sahihi yatakayomuandaa mwanafunzi kuwa bora zaidi kuliko ilivyo sasa , ghafra serikali imetoa walaka mwingine . Kwa sasa Walaka huu umetoka Wizara ya elimu na umetolewa na kaimu katibu Mkuu wa wizara husika Mh Dr Ave Maria Semakafu ambao unalenga kutoa maelekezo ya kubadili mfumo wa udahili wa wanafunzi wa kidato cha tano hapa Nchini .

Waraka huu umetoa maelekezo Mengi lakini moja lililonishtua mimi ni hili la Mwanafunzi ambaye atakuwa ana miaka zaidi ya 20 kutopewa nafasi ya kujiunga na kidato cha tano hata kama amefaulu kwa kiwango cha juu ,yaani hata kama Mwanafunzi huyo ndio amekuwa Mwanafunzi bora kwa mwaka husika (Tanzania one) lakini akawa na miaka 21 haruhusiwi kujiunga kidato cha tano.

Ukisoma kifungu (e) cha Muongozo wa Wizara ya elimu kinasomeka hivi " Mwanafunzi atakayedahiliwa asiwe na umri zaidi ya miaka 20"

Yaani Wizara ya Elimu inashangaa kuwa kwa nature ya mazingira yetu ya elimu nchini , Mazingira ambayo asilimia kubwa ya jamii bado ziko katika mpango wa kuhamasishwa kupeleka watoto wao shule kama ilivyo jamii za wafugaji ambazo huko awali walikuwa hawaoni umuhimu wa watoto wao kupelekwa shule na sasa wameamka wameanza kuwapeleka watoto shule ,eti Mtoto wa miaka 20 au 21 kujiunga kidato cha tano kwao ni jambo lisilo la kawaida .

Hivi hawa watu ni watanzania kweli ? Unawezaje kushangaa mtoto wa miaka 20 kujiunga kidato cha tano Tanzania hii , Nchi ambayo bado changamto za elimu ni kubwa kweli kweli ? Nchi ambayo watoto wa Shule ya msingi na sekondari bado wanasafiri kwa mitumbwi kwenda shule ? Nchi ambayo bado kule Jimbo la Kwela watoto wa miaka 7 wanasafiri zaidi ya kilometa 2 kutoka kitongoji cha Mkowe kwenda kusoma kijiji cha Miangalua ? Nchi ambayo huduma za afya ni mbovu kwa kiwango ambacho kinamlazimu mtoto anayetakiwa kupata huduma za kipimo cha MRI ni sharti atoke Kule kasulu au Kakonko kigoma aje Dar es salaam ili atibiwe ? Na bado akafika Dar es salaam ambako anaweza kukaa zaidi ya miezi mitano na akawa hajapata kipimo hicho ? Kwa kuwa Mashine ya MRI imeaharibika kwa zaidi ya mwezi ? ,Wakati huo wenzake wanaendelea na Masomo ? Unashangaaje nchi ya namna hii mtoto wa Shule ya Msingi kumaliza na miaka 16 na wa kidato cha nne kumaliza na miaka 21 ?

Hivi ni kweli serikali haijuwi sababu za umbali wa shule ziliko au sababu za kuumwa au kuchelewa kuandikishwa kunaweza kumfanya Mwanafunzi huyu akamaliza shule akiwa na miaka 21 ?

Embu chukulia Mwanafunzi ameanza shule ya msingi na miaka 8 kwa kuchelewa ,kutokana na matatizo ya kifamilia na akiwa ameanza darasa la kwanza akaugua na kuahirisha masomo mwaka mmoja na akamaliza darasa la saba akiwa na miaka 16 + (Jumlisha ) Miaka Ya kidato cha kwanza mpaka cha nne na kwasababu za kuugua mwanafunzi huyu akaahirisha tena mwaka mmoja akiwa kidato cha tatu na kumaliza na miaka 21 badala ya 20 .

Mwanafunzi huyo aliyemaliza kidato cha nne akiwa na miaka 21 anafaulu vizuri kwa kupata daraja la kwanza ( division one) . Huku akifurahia matokeo yake na furaha ya kutimiza ndoto zake za kusoma udaktari au Ualimu au fani yoyote ile kwa kwenda kitado cha tano na baadae Chuo kikuu anaambiwa kwa kuwa ana miaka 21 hapaswi kudahiliwa kidato cha tano .

Embu niambie mtoto huyu Wa kitanzania aliyesoma kwa shida anakatishwa kuendelea na masomo ya kidato cha tano kwasababu eti aliugua muda mrefu akiwa shule ya Msingi na Sekondari , Changamoto za magonjwa au za kifamilia zinamhukumu wakati changamoto hizo zilikuwa nje ya uwezo wake , chukua viatu vya mtoto huyu na uvivae uone kama utatamani kuendelea kuishi hapa Duniani.

Wizara ya elimu badala ya kuondoa vikwazo katika elimu wanaweka vikwazo zaidi hii maana yake nini , kwamba hawajui changamoto za elimu yetu au hawayajui mazingira yetu tunayoishi ? Kumbuka Viongozi wengi wanaoshiriki kutoa miongozo ya namna hii wao walisoma kidato cha tano wakiwa na miaka 24 mpaka 25 leo wanasahahu wanatunga miongozo kuzuia watoto wa wenzao kusoma kidato cha tano wakiwa na miaka 21 hivi walaka huu ungetoka wakati viongozi wetu hawa wako shuleni wangekuwa hapa walipo ?

Tulianza kuzuia watoto wetu wa kike kurudi shule baada ya kupata mimba , sasa tumekuja kuzuia watoto wenye miaka 21 kusoma kidato cha tano , hivi haya ndio mabadiliko ya kuinua elimu yetu ? Au ni mabadiliko ya kuzika kabisa elimu yetu?

====

TAARIFA MPYA (Masahihisho)..

Naibu Katibu Mkuu Wizara ya Elimu, Dkt. Avemaria Semakafu amesema kuwa kigezo cha umri wa kutodahiliwa na masomo ya kidato cha 5 na 6 ni miaka 25 na siyo miaka 20 kama ambavyo imesomeka katika taarifa iliyotolewa jana ambayo ilikuwa na makosa..

Zaidi >> Serikali: Taarifa ya umri wa kudahiliwa kidato cha 5 ilikosewa. Ni kuanzia miaka 25 badala ya miaka 20

 

[britanicca]

Mkapa anaongoza nchi kuputia Magufuli

 

[mjumbe wa bwana]

nachosubiria hapa ni kutunga mtawala Kwa ajili ya vyuo ili tuzidi kuwa wapumbavu zaidi ya hapa

 

[kyagata]

mpaka 2025 tutakoma

 

[malisoka]

Kwani wa miaka 20 na zaidi akiingia kidatu cha tano kuna shida gani?

Tanzania tutabaki kuwa majinga miaka yote.

Ni upuuzi kabisa. Huku kwenye elimu ya chuo kikuu wamebana kabisa na leo kwa ujinga wanabana tena kidato cha tano.

Hapo hapo wanaanzisha mfumo wa elimu ya sekondari kuwa ya lazima kwa wanfunzi wa shule za msingi ili iweje?

Rais mtaafu mimi nimekuelewa unaona mbali kuliko wenyeji wa nchi.

Huku Kenya mtoto wa shule ya msingi kabla ya kumalizia elimu ya msingi anakuwa na mwaka mmoja kwa ajili ya kupata elimu yeyote ya kujitegemea(Ufundi,muziki,sanaa, nk) ili atakapo maliza elimu ya msingi awe na kitu cha kujiajili katika maisha yake.

Huku kwetu TZ mtoto wa shule ya msingi akimaliza anaandaliwa kwenda kukata miti atengeneze mkaa!!

 

[Mukulu wa Bakulu]

Mwisho itakuja hata chuo mwenye miaka zaidi ya 25 asidahiliwe.

 

[Job K]

Enzi ya Mwinyi walikuwa wanaeda five hata wenye miaka 30! Serekale iache ujingaaaaa!!

 

[dudus]

Hawakawii kutoa miongozo kwenye level zingine pia; bachelors max age 21; masters 25; Phd 30 maana tafakari kwao huwa zinakuja mwishoni baada ya madhara. By the way, kwa wale wenye uwezo wakiamua kuzitafuta hizo F.5 nje ya nchi hawatapewa vibali vya kwenda huko? Ile dhana ya elimu haina mwisho ndio imefikia tamati na haina maana tena?

 

[Kennedy]

Mungu Ni Mwema Wakati Wote

 

[Mwifwa]

Aisee

Ingekuwa enzi zetu ningekuwa nishaliwa kichwa mchana kweupe

 

[popoma03]

Na bado watanzania mtaipenda hii ngoma ngumu sana endeleeni kulala mkiamka kushakucha

 

[Atkins Mendel]

hahhha wakuu mimi nimejiuliza wale wanaorisiti Form 4 itakuwaje maana unakuta kisheria mtu anapomaliza Form 4 saiv anatakiwa awe 18 years old, sasa tokeo limekuja vibaya huyu mtu ameamua kurisiti mimi naona anaweza akawa over 20. Mumetuaminisha kwamba elimu haina mwisho sijui elimu ni bahari, mbona sasa naanza kuona kama elimu ina mwisho, toeni fursa watu wapambane na hali zao.

 

[jchilloh]

Its makesense but Gvt should set up to 23 years

 

[Omkara G]

Wakuu hiyo kauli nikwa shule za government pekee au Pamoja na private???

 

[yoga]

Safi sana napongeza juhudi za nacte na necta katika kumuunga mokono rais wetu john pombe makufuli!!

Ni ukweli usio pingika kuwa wanafunzi waliozidi miaka 20 wanapunguza idadi ya viwanda nchini, nahata ivo wengi si watoto wa wanyonge!

heko nacte, heko necta kwa kuufanya mtihani wa darasa la saba kuwa bora zaidi, kwani vijana wetu sasa wana maswali 40 ya kubeti wa faulu! Kwenda kidato cha kwanza!

Heko chama changu cha ccm! Maendeleo tunayaleta sisi!! Hapa kazi tu!

Ukipinga hili unapinga maendeleo ya nchi!





Nyooooooooooooo, mxiuuuuuuuuuuuuuuuuu

Mibichwa hiyo! Mkajua nitawasifia!

Vurugeni tu elimu maana ndio inawapa watu wakuwapigia kura!!!

 

[la magica]

Kwani si wanasemaga elimu haina mwisho? Kweli hii ndo TZ ya VIWONDER

 

[Salary Slip]

Recruiting smart and intelligent people in the sensitive senior positions could be very expensive, but recruiting less intelligent people in the very same positions,could even be more expensive.

 

[Maserati]

Aisee

Ingekuwa enzi zetu ningekuwa nishaliwa kichwa mchana kweupe

mie ningepita. sababu form five niliingia na miaka 17
Lakini hii ni hatari sana.

 

[Mkumbwa Jr]

Amakweli ukitaka kumdhoofisha mpiga kelele mpachike mdaraka.

Huyo Ave Maria alikua anaiponda sana serikali,ila kama amekuja na KITUKO hicho aombeweeee

 

[NAKWEDE]

Duu! sasa wale mababa wa kisukuma ambao walikuwa wanaanza form one wameacha wake zao home si ingekuwa balaa. Tena mengine yalikuwa yanaanza form one hata HAWAJATAHIRIWA mpaka baadhi ya wakuu wa shule walikuwa wameweka mkakati wa kuwatahiri watakaokuwa tayari.