Hadidu za Rejea zilipotoka, hata upatikanaji wa katiba kwa jinsi watu na taasisi kama Bunge la Katiba zinavyopenda ukawa umefungwa pingu na kibaya zaidi hata Jaji Warioba na Tume yake wakaja na angalizo lao na kusema Madaraka ya Bunge Maalum ni kuboresha Rasimu ya Katiba na siyo kunyang'anya madaraka ya wananchi (act of popular sovereignty).
Kwa sasa tena amekuja Mwanasheria Mkuu wa Serikali na angalizo lingine la kuzuia kujadili Serikali Moja kwa sababu kufanya hivyo katika macho yake kisheria ni kuvunja sheria ambayo ndiyo msingi wa upatikanaji wa Rasimu ya Katiba.
Sasa hiyo Rasimu utaiboreshaje bila kubadili au kuviondoa baadhi ya vipengele?. Inakuwa kama neno uboreshaji ni kupitia vifungu na kuvikubali au kuvikataa lakini siyo kuviondoa, kuongeza au kubadilisha.
Sasa mantiki ya Bunge la Katiba ni nini katika eneo la taasisi inayojitegemea katika maamuzi yake nje ya Tume ya Jaji Warioba hasa ikichukuliwa kuwa hawa jamaa wanataka posho zaidi wakidai kuwa kazi waliyopewa ni muhimu sana kwa vizazi vijavyo. Hii inakuwa ni sawasawa na kuwa na chombo ambacho kazi yake ni rubber stamp.
Hapa ninaiona mantiki iliyokuwa inapigiwa kelele ya kuendelea kuwepo au kutokuwepo kwa Tume ya Jaji Warioba hata kipindi hiki cha Bunge la Katiba huku ikijikusanyia Tsh 500,000 kama posho za siku kwa kila mjumbe katika misingi ya kutoa ufafanuzi katika Bunge la Katiba pindi inapohitajiwa na wajumbe.
Tutaona na kusikia mengi.
