Usirogwe ukampa mtu lift njiani usiyemjua, kumbe niliyembeba alikuwa mgonjwa sana akafariki

[Hivi punde]

Duniani kuna mambo mengi sana,na mengine ni mikosi!

Kuna siku nilikuwa nasafiri na gari kutoka kijiji kimoja kwenda kingine. Njiani porini nikamkuta jamaa mmoja anatembea kwa miguu kuelekea uelekeo niliokuwa na kwenda na alikuwa kabeba mfuko we rambo mweusi. Alionekana kachoka sana, nikajua ni sababu ya jua na umbali mrefu.

Nilipotembea kama 10 km, nikafika kijiji alichosema anakwenda, basi nikasimamisha gari. Nikaita "mzee..mzee...tumefika shuka". Akawa kimya. Nikarudia tena, kimya. Kugeuka nyuma ya seat naona mtu kalala. Nikamshika mkono, tingisha kimya. Mungu wangu, nikasema nini tena hii.

Akili ikanijia nimshushe pale barabarani nisepe. Kucheck pembeni nikaona wanakijiji wamekaa. Nikajua hapa noma sasa. Nikamuacha kwenye gari, nikawasha gari na kukimbia kituo cha Polisi. Kufika Polisi na kutoa maelezo, kucheck mtu amefariki. Sitasahau.

Nikawekwa rokapu kwanza kwa siku moja. Kesho yake baada ya uchunguzi, Polisi wakaniambia yule alikuwa mgonjwa na alitoka hospitali kwa daktari kuchekiwa. Na mfuko wake wa rambo ulikuwa na kadi ya hospitali na dawa alizopewa huko hospitali.

Hiyo ikawa pona yangu.

Lakini nilipoteza muda, hela, kuharibu ratiba zangu sana kwa sababu ya kumoa lift mtu nisiyemjua halafu kumbe ni mgonjwa.

Tuwe makini sana.

 

[Naki 12]

Pole sana ndugu.

 

[agata edward]

Pole hiyo !.ni ajali tu

 

[Leonard Robert]

Ndio watu wanaamua kuwa na roho mbaya..yaani unatoa msaada alafu unalala ndani

 

[Pricillah]

Duh poleo aisee

 

[Hivi punde]

acha kabisa

 

[Kambaku]

Unahesabu shida ulizopata za muda unasahau fadhila na thawabu ulizopata za milele!

Wala huna haja kujuta aisee, utaharibu thawabu zako

 

[MTK]

Pole sana, ilikuwa bahati mbaya tu ila naamini thawabu zako ulipata kwa moyo wako wa huruma kwa kumpa lift bila kumfahamu kabisa.

 

[mandella]

Duuuh... aisee hata hivyo ulisolve mapema sana ni jambo la kushukuru .

 

[ngalakeri]

Bahati mbaya saikolojia ya baadhi ya askari wetu nayo ni jipu.

 

[Mchiwa Ng'ambaku]

Pole Sana mkuu hilo ni funzo kubwa sana

 

[MADAM T]

Nimekuelewa, pole kwa changamoto

 

[mangatara]

Pole sana. Halaf watu wengine wanasema ati tunaringa tunapowapita watu bila kuwapa lift. Swali langu kwa umma, kwa nini polisi hawakukuamini ulipofika na kueleza kisa chako??
Fikiri;
Kama ingelikuwa ni mimi. Kwanza kama ulimuua, si ungelimtupa njiani?? Kwa nini polisi wasichukue jukumu la kuulizia kwenye kile kijiji kama kweli huyo mtu ni wa hapo na kuona kuwa mgonjwa alikufa kwa ugonjwa wake?? Matatizo ya kulala selo na kupoteza ratiba yako je ni sawa??
Kwa nini hukuthubutu kuuliza mwenyewe pale kijijini? Nadhani mahali flani hatupo sawasawa Tz. Hatuaminiani. Tufike mahali tuone kuwa, tunajinyima misaada wenyewe

 

[MR MAJANGA]

Hii Ni sawa na umeiba mke wa mtu halafu kafia ndani kwako, kwa Mara ya kwanza utajua msemo wa dunia tambara bovu tembea kwa uangalifu, unaleta maana

 

[proton pump]

Pole kwa msaada ulioutoa

 

[proton pump]

Hio nayo kali sasa

Hii Ni sawa na umeiba mke wa mtu halafu kafia ndani kwako, kwa Mara ya kwanza utajua msemo wa dunia tambara bovu tembea kwa uangalifu, unaleta maana

 

[El cholo]

Sasa ata kama mngekua mnafahamiana halafu akafariki ndani ya gari si ni yale yale tu mkuu?? Au kuna tofauti??

 

[The Elephant]

Elimu tosha hii.........

 

[Mr.Junior]

Yaani ilichukua wiki moja kwa polisi kigundua hilo?

Soma vizuri shemeji.

 

[Sky Eclat]

Kuna risks binadamu tunazichukua bila kufikiri, fikiria umchukua binti wa watu ameaga kwao anakwenda kwa shangazi/mama mdogo akufie usiku