Ukomo wa ajira vyeti feki huu

[BAK]

Ukomo wa ajira vyeti feki huu
www.ippmedia.com/sw/habari/ukomo-wa-ajira-vyeti-feki-huu-0


Akizungumza jana jijini Dar es Salaam, Waziri wa Nchi Ofisi ya Rais (Menejimenti ya utumishi wa Umma na Utawala Bora), Angella Kairuki, alisema wale ambao hawatawasilisha vyeti hivyo kwa ajili ya kuhakikiwa watakuwa wamejifukuzisha kazi.

Waziri Kairuki alisema hayo wakati wa mkutano wa mwaka wa watendaji wakuu wa wakala 32 za serikali nchini kuwa watumishi hao wawe wamewasilisha vyeti vyao au ‘index’ namba kama hawana vyeti.

Alisisitiza kuwa maofisa watendaji wakuu wa wakala za serikali, idara, taasisi za umma na wakurugenzi wawahimize watumishi wao kufanya hivyo.

Kairuki alibainisha kwamba wengi watumishi wa umma wanaghushi vyeti, huku akitoa mfano kwamba kuna mtumishi mmoja wa umma amegundulika kughushi cheti cha shahada ya uzamili (masters).

Kwa mujibu wa Waziri, mtumishi huyo alighushi cheti hicho na kwamba alipata kazi ndani ya serikali huku akijua hajasoma na kufika ngazi hiyo ya elimu.

Alisema baada ya kumalizika kwa muda uliotolewa kwa wafanyakazi kujihakiki, alisema ajira za serikali zitaanza kufunguliwa na kwamba waraka maalum wa serikali umesambazwa kwa kila idara.

“Haiingii akilini mtendaji mkuu anaongoza wakala wenye watumishi 100 au 200, lakini unakuwa na watumishi hewa. Lazima muwe makini, kila mmoja alisimamie hili maana tumekwishapoteza rasilimali fedha kubwa ya serikali," alisema.

Alibainisha kuwa pamoja na mahitaji makubwa ya watumishi katika taasisi za umma, bado watendaji wakuu wanatakiwa wajiridhishe kwa kufanya uhakiki, tathmini iwapo watumishi wanahitajika kwa kuwa hakuna kumbukumbu rasmi zinazoonyesha idadi halisi ya mahitaji.

Kati ya maeneo ambayo yana ajira zinazotia shaka, alisema ni wakala za serikali na baadhi ya taasisi, hatua inayosababisha gharama kubwa kwa serikali katika kuajiri wafanyakazi wa muda walio na mikataba maalum.

Hadi Agosti, mwaka jana, serikali ilibaini kuwapo kwa watumishi hewa 16,127 nchini na kwamba ajira 71,496 zitatolewa katika mwaka wa fedha 2016/17 baada ya kumalizika uhakiki unaoendelea.

Kairuki aliwaagiza watendaji hao kujiweka vyema kwa kuwa na matumizi sahihi ya fedha za umma, kuandaa na kuwasilisha taarifa za utendaji wao wizarani.

Alisema kumekuwa na matumizi ya fedha na rasilimali kinyume cha maadili, ikiwamo magari ya umma, kujilipa fedha kubwa kwa ajili ya likizo bila kufuata kanuni na kwamba wakala za serikali zitimize sheria ya Wakala za Serikali Sura ya 245, inayoainisha majukumu, ikiwamo kuzishauri wizara.

Sambamba na hilo, alisema kumekuwa na taarifa chafu za watumishi kuwa na matumizi mabaya ya madaraka na kutosimamia ipasavyo utekelezaji wa mifumo ya utendaji wa kazi. Kutokana na hali hiyo, alisema serikali imejipanga kuondoa urasimu na kutoa huduma bora kwa wakati kwa wananchi.

Kairuki alisema changamoto kubwa katika wakala ni mawasiliano duni kati ya wizara na wakala na kwamba baadhi ya taarifa zimekuwa hazifanyiwi uchambuzi na kutoa mrejesho.

 

[Bonde la Baraka]

Yaani hamna jipya, hizi zote ni kutafuta tu njia ya kujisitiri ili waendelee kutunyima haki zetu.Zoezi la kuwasilisha nakala za vyeti tumelifanya kama mara 3 hivi ndani ya miezi kama 2 sasa leo unakuja na mdomo maneno mengi.
Watumishi wa umma wanachowaza wanakijua wenyewe, si wote waoga kama mnavyofikiri.

 

[Kkimondoa]

Huyu mama kairuki huwa una akili timamu kweli ?

Kinacho nishangaza kuna watu hawana vyeti na wengine wana share vyeti na wengine wanvyo feki bado wapo na wanalamba salaries kama kawa sijui walikuwa wana hakiki nini maana hata siwaelewi hawa watu ,nguvu nyingi matokeo hakuna.

 

[jme]

Eti kwamba ajira 71496 zitatolewa mwaka wa fedha 2016/2017
Bado kauli yake madam anaendelea kuirudia mmmh

 

[ndeambase]

Halafu mbona uhakiki hauishi? na kama tunatishiwa vile!

 

[DAFU NA NDIMU]

Ngoja mi niendelee na safari zangu

 

[mitale na midimu]

Kwa nini Mtu anakuwa na Vyeti feki?
Kwa nini mtu ashangae mwenye vyeti feki anapochukuliwa hatua?
Kwa nini mwenzako ahangaike kusoma wewe ukae tu baadae yeye akae nyumbani wewe ukae kwenye kiyoyozi?

Hii imesababisha watoto wa masikini KUCHUMIA JUANI NA KULIA JUANI.
Wafukuzwe tu, hakuna namna

 

[Bujibuji Simba Nyamaume]

mbombo jilipo

 

[g vizy]

Hamna kitu hapa ni ujinga ujinga tu

 

[GANG MO]

Washatuona cc ni mazombi

 

[jiwe angavu]

Serikali iliyofeli..itendelea kufeli daima...wakafie mbele..

 

[Consigliere]

Imebaki myda gani kwa mwaka wa bajeti 2016/17 kuisha. Si wangeanza kwa kuwarudisha kazini waliozuiliwa na kuwapandishia ngazi za mishahara wenye stahiki zao?
Hapo Kairuki anapiga alinacha tu. Angeanza Ku edit kauli zake.

 

[chabusalu]

Kwa nini Mtu anakuwa na Vyeti feki?
Kwa nini mtu ashangae mwenye vyeti feki anapochukuliwa hatua?
Kwa nini mwenzako ahangaike kusoma wewe ukae tu baadae yeye akae nyumbani wewe ukae kwenye kiyoyozi?

Hii imesababisha watoto wa masikini KUCHUMIA JUANI NA KULIA JUANI.
Wafukuzwe tu, hakuna namna

Kwani umeambiwa miongoni mwa wenye vyeti feki watoto wa masikini hawamo?

 

[mitale na midimu]

Kwani umeambiwa miongoni mwa wenye vyeti feki watoto wa masikini hawamo?

yoyote mwenye feki, hata kama wamo sio tatizo wakichukuliwa hatua maana sio suala la huruma bali utaratibu na uadilifu

 

[Mzee]

>>>>>Hizo ajira 71,000 ni blah blah toka mwaka juzi....... Nilidhani zitakuwa zimeongezeka maana mahitaji ya mwaka juzi sawa na ya mwaka huu..

◆Kairuki kama huna la kuongea ni vyema ukakaa kimya tu .... Maana unayoongea tumeyachoka.

 

[mr cool]

yoyote mwenye feki, hata kama wamo sio tatizo wakichukuliwa hatua maana sio suala la huruma bali utaratibu na uadilifu

Ishu cyo kuchukuliwa hatua, ishu ni ucheleweshwaji wa kuchukua hatua hzo ambapo unaathiri mpaka stahiki za watu wengine wasio na hatia.

 

[mitale na midimu]

Ishu cyo kuchukuliwa hatua, ishu ni ucheleweshwaji wa kuchukua hatua hzo ambapo unaathiri mpaka stahiki za watu wengine wasio na hatia.

nakubaliana na wewe. Nigeria wamefukuza wafanyakazi hewa na feki zaidi ya 50, 000 bila kumuathili mtu yoyote mwenye ajira halali. Ndio maana naona mipango ya utekelezwaji wa hili jambo ni hafifu labda kama wawe na matatizo mwengine tusioyajua.

 

[Askari Muoga]

mukiitwa wachochezi mnalalamika ebu nioneshe wapi alipo sema ajira hadi march

 

[germanium]

huyu mama nilikuwa namkubali sana kumbe na yy ni walewale tu

 

[Askari Muoga]

[29/01 08:45: HOTUBA YA WAZIRI WA NCHI, OFISI YA RAIS MENEJIMENTI YA UTUMISHI WA UMMA NA UTAWALA BORA MHESHIMIWA ANGELLAH JASMINE KAIRUKI (MB) KATIKA MKUTANO WA WATENDAJI WAKUU WA WAKALA ZA SERIKALI TANZANIA ULIOFANYIKA KATIKA UKUMBI WA TaGLA, DAR ES SALAAM TAREHE 27 JANUARI, 2017.

Dkt. Laurean Ndumbaro, Katibu Mkuu - Ofisi ya Rais, Menejimenti ya Utumishi wa Umma na Utawala Bora; Ndugu Watendaji Wakuu wa Taasisi za Umma mliopo; Mwenyekiti wa Umoja wa Watendaji Wakuu wa Wakala za Serikali (FCEGA); Ndugu Watendaji Wakuu wa Wakala za Serikali; Wakurugenzi kutoka Ofisi ya Rais, Menejimenti ya Utumishi wa Umma na Utawala Bora; Wana Habari Mliopo hapa;

Wageni waalikwa; Mabibi na Mabwana; Habari za Asubuhi. Awali ya yote, napenda kuchukua nafasi hii kusema Heri ya Mwaka Mpya wa 2017 kwenu nyote. Hakika hatuna budi kumshukuru Mwenyezi Mungu, mwingi wa rehema, kwa kutujalia uhai na afya njema, na kutuwezesha kujumuika hapa leo hii kwa ajili ya kujadili masuala mbalimbali yanayohusu utendaji kazi wa Wakala za Serikali ambazo ni Taasisi na vyombo muhimu vya Serikali kiutendaji.

Pili, napenda kuwashukuru wote waliohusika katika kuandaa mkutano huu kwa kunipa fursa ya kukutana nanyi kwa mara ya kwanza tangu nimeteuliwa na Mheshimiwa Rais kuwa Waziri wa Nchi Ofisi ya Rais, Menejimenti ya Utumishi wa Umma na Utawala Bora.

Hakika hii ni fursa adhimu sana kwangu na bila shaka kwa wote tuliopo hapa leo kwani sisi sote ni Wadau muhimu katika uendeshaji wa shughuli za Wakala za Serikali. Nimearifiwa kuwa wapo pia wenzetu kutoka Tume ya Utumishi wa Umma, Ofisi ya Msajili wa Hazina na Sekretarieti ya Ajira katika Utumishi wa Umma ambao kutokana na majukumu ya Taasisi zao ninaamini wataweza kutoa ufafanuzi wa masuala mbalimbali yanayohusiana na Wakala zetu na Utumishi wa Umma kwa ujumla.

Wageni Waalikwa, Mabibi na Mabwana; Kama sote tunavyofahamu, dhana ya uanzishaji wa Wakala inalenga katika kuvifanya vyombo hivi kutekeleza majukumu kwa niaba ya Serikali kwa tija na ufanisi zaidi. Aidha, inalenga katika kupunguza urasimu na hivyo kutoa huduma bora kwa wakati kwa wananchi. Kwa sababu hiyo, sote tuliopewa dhamana ya usimamizi wa Wakala za Serikali tunao wajibu wa kuhakikisha tunatekeleza majukumu yetu kwa mujibu wa
[e: Sheria, Kanuni na Taratibu za uendeshaji wa vyombo hivi na Utumishi wa Umma kwa ujumla

. Bila kufanya hivyo, Serikali haitaweza kufikia matarajio na malengo ya uanzishaji wa Wakala. Ndugu Watendaji Wakuu; Katika utendaji wenu wa kila siku mnatakiwa kuzingatia Sheria mbalimbali ikiwemo Sheria ya Wakala za Serikali Sura 245 ambayo inaainisha wajibu na majukumu ya Wizara mama katika kusimamia utendaji kazi wa Wakala pamoja na Bodi za Ushauri za Wizara ambazo majukumu yake ya msingi ni kuzishauri Wizara juu ya masuala ya kimkakati katika maendeleo ya Wakala zilizo chini yake.

Aidha, Sheria hiyo inaainisha majukumu ya Mtendaji Mkuu ambaye pia ni Afisa Masuuli, Mamlaka ya ajira na nidhamu kwa watumishi wote wa Wakala anayoiongoza.

Sheria nyingine ambazo ni muhimu kuzizingatia wakati wa utekelezaji wa majukumu yenu ya kila siku ni pamoja na Sheria ya Utumishi wa Umma Namba 8 ya mwaka 2002 pamoja na marekebisho yake, Sheria ya Fedha, Sheria ya Ununuzi wa Umma na Sheria nyingine hasa zile zinazoainisha majukumu ya msingi ya Wakala zenu.

Ofisi yangu pamoja na kusimamia Wakala zilizo chini yake, inao pia wajibu wa kusimamia na kuhakikisha Wakala zote za Serikali zinakuwa na mifumo bora ya utendaji kazi. Aidha, Ofisi yangu hutoa miongozo na ushauri kwa Wizara mama na Wakala kwa lengo la kuziwezesha Wakala kutoa huduma bora kwa Wananchi. Hivyo, kila mmoja wetu katika eneo lake anao wajibu wa kuhakikisha Wakala za Serikali zinaendeshwa kwa kuzingatia sheria.

Kwa upande wa Ofisi yangu, napenda kuwahakikishia kuwa wataalamu wangu chini ya usimamizi wa Katibu Mkuu wataendelea kuwawezesha ili Wakala zenu ziwe na mifumo bora ya utendaji kazi itakayoongeza uwajibikaji, tija na ufanisi na hivyo kikidhi matarajio ya Serikali ya kubadilisha baadhi ya majukumu ya Idara na Vitengo kuwa Wakala za Serikali.

Ndugu Watendaji Wakuu, Wageni Waalikwa, Mabibi na Mabwana; Kama alivyoeleza Katibu Mkuu – (UTUMISHI) kwenye maelezo yake ya utangulizi, miongoni mwa maeneo ambayo nimebaini wakati nikipitia taarifa mbalimbali zinazohusiana na Wakala za Serikali ni changamoto ya mawasiliano hafifu kati ya Wizara mama na Wakala zilizo chini yao.

Taarifa ambazo nimekuwa ninapitia mara kwa mara ni pamoja na muhutasari wa Mikutano ya Bodi za Ushauri za Wizara (MAB) na Taarifa za Utendaji za Wakala za Robo mwaka.

Katika kupitia taarifa hizo nimebaini kuwa baadhi ya taarifa kutoka kwenye Wakala kwenda Wizarani hazichambuliwi vya kutosha na wakati mwingine hata zinapochambuliwa na Wizara mama kunakuwa hakuna mrejesho unaotolewa na Wizara kwenda kwenye Wakala.

Hivyo basi, ni muhimu tukawa na mfumo thabiti wa utoaji wa mrejesho amboa utatoa maelekezo kwa Wakala ili ziweze kuchukua hatua st Kewell kwa mfumo huo kutawezesha kupunguza kama siyo kuziondoa kabisa baadhi ya changamoto zinazozikabili Wakala.

Nikuombe Katibu Mkuu uwasiliane na Makatibu Wakuu wenzako ili muweke utaratibu mzuri wa mawasiliano kati yao na Wakala zao. Ndugu Katibu Mkuu na Watendaji Wakuu wa Wakala; Taarifa niliyopewa inaonesha kuwa kuna baadhi ya Wakala ambazo hazina Bodi za Ushauri.

Bodi za Ushauri za Wizara zipo kwa mujibu wa Sheria ya Wakala za Serikali Sura 245 hivyo ni lazima utaratibu wa kuziunda ufanyike ili kila Wakala iwe na Bodi ya Ushauri kama Sheria inavyoelekeza. Katibu Mkuu tafadhali fuatilia kwa Makatibu Wakuu ambao Wakala zilizo chini yao hazina Bodi za Ushauri wakamilishe mchakato wa kupata Bodi haraka iwezekanavyo.

Vile vile niwatake Watendaji Wakuu wa Wakala za Serikali kuhakikisha mnazikumbusha Wizara mama zenu kuanza mchakato wa kuunda Bodi mpya pindi muda wa Bodi zilizopo unapokaribia kufikia ukomo. Hii itaepusha Wakala kuendeshwa bila ya kuwa na Bodi za Ushauri.

Watendaji Wakuu na Wageni Waalikwa; Hakuna shaka kuwa Wakala za Serikali zinafanya mambo mengi mazuri kwa niaba ya Serikali. Hata hivyo, naona kuna changamoto ya Wakala za Serikali kujitangaza ili Umma ujue mnayoyafanya. Najua ni gharama, lakini ukweli ni kwamba kutojitangaza huwa ni gharama zaidi hasa pale unapotakiwa kukanusha yale yanayosemwa vibaya juu yako na wale unaowahudumia.

Ninawaomba mlifanyie kazi eneo hili kwani matunda na faida zake ni kubwa kwa Wakala zenu na Serikali kwa ujumla. Bila shaka wengi ni mashahidi wa namna Serikali ya Awamu ya Tano inavyochukua mwelekeo mpya wa kujitangaza kupitia Magazeti, Redio na Luninga.

Vipindi vya Luninga kama vile Tunatekeleza, Dakika Arobaini na Tano na vingine vingi vimewawezesha wananchi kuelewa kazi kubwa inayofanywa na Serikali katika Awamu hii. Wakala pia tumieni fursa kama hizo kujitangaza. Ndugu Watendaji Wakuu, Wageni Waalikwa, Mabibi na Mabwana; Sote tunajua kuwa tuna changamoto kubwa kwenye suala la maadili na uwajibikaji miongoni mwetu na Utumishi wa Umma kwa ujumla.

Wakala za Serikali pia hampo salama kwani malalamiko mengi tunayoyapata yanaendana na kukosekana kwa maadili na uwajibikaji.

Tuna Watumishi hewa, Taarifa chafu za Watumishi, matumizi mabaya ya madaraka na rasilimali za Umma, kutosimamia ipasavyo utekelezaji wa mifumo ya utendaji kazi na wakati mwingine hatutekelezi majukumu ya msingi tuliyoanzishwa kuyatekeleza. Niwaombe kila mmoja ajipange ili kuona namna ya kulifanyia kazi na kulisimamia suala la maadili pia kuhakikisha watumishi walio chini yenu wanazingatia maadili ya utendaj

Ndugu Katibu Mkuu na Watendaji Wakuu; Eneo lingine ninalopenda kuligusia ni kuhusu kuwepo kwa Watendaji Wakuu wa Wakala za Serikali wanaokaimu nafasi zao kwa sababu mbalimbali. Hali hii siyo nzuri kwani inazorotesha utendaji wa Wakala hasa katika kufanya maamuzi.

Niagize Ofisi yangu kupitia Katibu Mkuu kufanya uchambuzi na kuniletea taarifa ya Watendaji Wakuu wote wanaokaimu, sababu za kukaimu na mapendekezo ili tuchukue hatua mara moja. Kama sababu zipo kwa Wizara mama tafadhali wakumbusheni wajibu wao na kama sababu ni ndani ya Ofisi yangu tafadhali Katibu Mkuu na Wataalam wako simamieni suala hili tumalize suala la watumishi kukaimu muda mrefu.

Aidha, kwa nafasi za Wasaidizi wa Watendaji Wakuu wa Wakala wanaokaimu lipo chini yenu nyie Watendaji Wakuu. Ni vizuri kila Mtendaji Mkuu afuate taratibu husika ili kujaza nafasi hizo kwani kufanya hivyo kutawapunguzia mzigo ninyi wenyewe katika kuendesha na kusimamia Wakala zenu.

Ndugu Katibu Mkuu na Watendaji Wakuu wa Wakala; Nafahamu kwamba moja ya changamoto kubwa inayozikabili Wakala nyingi ni upungufu wa Watumishi hali inayosababisha Wakala kuingia gharama kubwa za kuajiri Wafanyakazi wa mikataba.

Hapa nitoe wito kuwa kila mmoja wenu ajiridhishe kwa kuandaa taarifa ya mahitaji halisi ya Watumishi maana haitoshi kusema Watumishi hawatoshi wakati hakuna taarifa na kumbukumbu sahihi. Kwa Wakala zenye Watumishi wa mikataba naagiza pia zifanye tathmini na kuhakika kama kweli watumishi hao wote wanahitajika maana hili ni moja ya maeneo yenye ajira za mashaka kwa baadhi ya Taasisi.

Wote tunafahamu kuwa Serikali ilisitisha ajira mpya ili kupisha zoezi la kuondoa Watumishi hewa. Ninafurahi kusema kuwa zoezi hilo limekwishafika ukingoni na hivi karibuni mtajulishwa kurudisha rasmi kwa ajira.

Pamoja na hayo niwatake Watendaji Wakuu kuweka mikakati ya kusaidia tusirudi tulikotoka kuhusu suala la Watumishi hewa. Haingii akilini Mtendaji Mkuu unaongoza Wakala yenye watumishi wasiozidi 100 au 200 lakini unakuwa na Watumishi hewa.

Simaanishi Wakala zenye watumishi wengi ziwe na Watumishi hewa bali matarajio yetu kwenu ni makubwa kwamba mtakuwa makini zaidi kama sehemu ya kujitofautisha na Idara na Taasisi zingine za Serikali zenye tatizo hili. Naomba kila mmoja alisimamie kwa dhati suala hili maana limetuumiza na kupoteza rasilimalifedha nyingi sana za Serikali.

Sambamba na hilo, ninawaomba msimamie uhakiki wa vyeti ili watumishi wenu wafanye kazi kwa sifa stahiki. Yuko mtumishi mmoja katika Wakala fulani ambaye alikuwa na cheti ‘Fake’ cha Shahada ya Kwanza na Shahada ya Uzamili. Watakeni watumishi wenu wote wawasilishe vyeti vyao vya elimu na taaluma au ‘Index Number’ za mitihani yao ili zihakikiwe na Baraza la Mitihani la Taifa (NECTA). Watumishi watakaoshindwa kufanya hivyo ifikapo tarehe 1 Machi, 2017 watakuwa wamejiondoa