Hakika ndugu umegusa palepale kunako...nimeishi katika familia zenye watu wa tabia hizi ( mume mkarimu, mke balaaa). Chakula na makazi Kwa wanandugu na hasa upande wa ndugu wa mume Ni chukizo kwa wanawake wengi hasa wa mjini hapa DSM. Kitu cha kuzingatia tu Ni kuwa wengi wa wadada tunaowaoa hapa mjini wameishi maisha ya kibepari zaidi, wengi wao Hata hawawatambui ndugu zao na Hata hawaishi ama hawakuwahi kuishi na ndugu, jamaa Hata marafiki toka wakue. Hivyo, anapoolewa na sie wa kutoka SIKIMBI ambao katika familia kuishi na ndugu, jamaa na marafiki Ni jambo la kawaida, inakua mtihani mkubwa sana sana kwa wake zetu hawa.
Mbali na Hilo Ni kuwa kuna wadada (wake zetu) wanahulka za uchoyo na ubinafsi. Kwao ndugu na mtu anayestahili kula vizuri na kupewa mahitaji yote kama mwanafamilia Ni Yule wa upande wa MKE (huyu atakula, kunywa, kupewa fedha na Hata kusomeshwa Kwa gharama yoyote na kuthaminiwa sana tofauti na ndugu wa MUME ambaye kwake kupewa Hata 5000 na kaka yake, ama baba mdogo/mkubwa, mjomba Ni kero Kwa mke).
Hili linatokea na limejichimbia mizizi sana Kwa jamii nyingi za mjini na HASA hapa DSM Kwa wala NUSU na ROBO. Kuna baadhi ya makabila pia yanahusishwa sana na hizi tabia hasa WACHAGA, WAHAYA ambao inasemekana (na baadhi tumeshuhudia Kwa kuwa tumeishi katika sakata hili) binti akishaolewa basi kama ana mdogo wake ama Hata dada/kaka yake mkubwa au ndugu yeyote ambaye yupo nyumbani na anahitaji kusaidiwa basi anapoolewa tu Yule ndugu yake atakabidhiwa ahakikishe shemeji mtu anasaidia kufikia malengo fulani (hasa kama ndo una mihela yako). Huyu mdogo mtu akishafika basi atataka ndiye awe na usemi na kauli juu ya mambo ya familia hasa inapohusisha ndugu wa pande mbili (ndugu wa mume na ndugu wa mke) Kwa kigezo tu dada Yao ndiye ana mamlaka juu ya Mali.
Hii Ni tabia chafu sana maana imekuwa Ni chanzo cha kuharibika Kwa mahusiano mazuri baina ya ndugu wa pande mbili. Na mbaya zaidi Ni pale ambapo mume unakuwa na mahusiano mazuri tu na ndugu zako (ambao Hata unapokuwa katika uchumba na mchumba wako atakuwa anawafahamu na tena akiwa Ni rafiki Yao mkubwa na wakati fulani akikushauri juu ya nini uwafanyie ndugu zako kimaisha na ki elimu pia) lakini baada tu ya kufunga pingu za maisha (ambazo Kwa karne na kizazi hiki naamini Ni za makubaliano ya kuishi kadri mtakavyoweza na Kwa muda mtakaoweza) mahusiano yanaingia nyongo, masimango, masengenyo, matusi, uchoyo na Hata kusingiziwa mambo (e.g. Wadogo zako hawaniheshimu, mara wananitongoza Mimi, Mara wameiba, etc) vinaibuliwa na kupelekea kuharibika Kwa mahusiano ya wanandugu.
Kwa hakika, Ni tabia zisizopendeza na ikumbukwe kwamba mnapokubali kuoana basi manunganisha familia mbili katika uhusiano wa kindugu na kidamu. Hima wanawake tunaowaoa muone umuhimu wa kuthamini ndugu zetu maana pasi wao msingetuona hivi mnavyotuona sasa. Kama unamnyima chakula hadi BABA/MAMA yangu mzazi na wadogo/wakubwa zangu, je, Mimi Ni nani pasi wao? Hao watoto tutakaowazaa ndugu zao Ni kina nani? Nikisema twende nyumbani likizo, tutafikia Kwa akina nani na kutembelea akina nani? Mbona mwatufanya tuwe na wakati mgumu turudipo nyumbani/vijijini kwetu? Tuziweke wapi sura zetu mbele ya ndugu, jamaa na marafiki zetu Kwa matendo yenu maovu juu Yao?
Ni mengi sana ya kuandika, lakini Kwa THREAD hii Ni dhahiri kuwa tatizo hili Ni kubwa sana na kama lisipoangaliwa na HASA kina dada, basi TALAKA hazitaacha kuwaandama hapa mjini. Kama mume nahitaji kuwa na mahusiano mazuri na ndugu, jamaa na marafiki. Ninachokitafuta natafuta Kwa ajili ya familia yangu (ambayo ndiyo ya kwanza), ndugu zangu (wazazi, wadogo/wakubwa zangu, ndugu wa karibu), jamaa na marafiki. Siwezi kuishi Mimi kama Mimi na mke na watoto wangu. Siku hazilingani, Leo na kesho nikitoweka duniani, watoto wangu wataishi katika Hali gani (japo si guarantee kwamba ukisaidia basi utegemee nao wakusaidie)?
Hima hima kina dada muache tabia hizi na mjapo katika familia ya watu fulani, jaribuni kuziimarisha zaidi ya kuzisambaratisha. Tunaishi Africa, Tanzania kwenye ujamaa na si ULAYA kwenye ubepari na UBINAFSI (umimi).
KUDOS Kwa muanzisha mada.
