Ua sumu yako iliwalaza wengi, na sasa unakinyea kikombe kitamu cha sumawati. Uliyokuwa umande wa alfajiri ukageuka ukungu wa makaburi; harufu yako ikawa utenzi wa usingizi ambao waotaji wake hawakuamka kuisimulia.
Ulisuka nyuzi za tabasamu kwa sindano za sumu, ukawapa wengi maua huku mizizi yako ikinywa machozi yao. Hukujua kwamba hata kivuli kina mwisho wake, na kwamba mkono unaopanda miiba hauwezi milele kuvuna waridi.
Leo, ua limenyauka hatimaye. Si kwa sababu bustani imekosa umande, bali kwa kuwa majira yamevunja mkataba na mizizi. Kikombe ulichokinyanyua kwa shangwe kimegeuka kioo cha fumbo lako; na kile ulichokiita utamu huenda kikawa mwangwi wa uchungu uliowatangulia wengine.
Mto umehifadhi nyayo, udongo umeficha siri, na upepo umekataa kuwa shahidi. Waliolazwa na harufu yako hawana ndimi za kusimulia; walio hai wamebaki wakisoma jalada la kitabu ambacho kurasa zake ziliandikwa kwa wino wa machozi.
Hatimaye, hatutakukumbuka. Si kwa kuwa hukuwahi kuchanua, bali kwa kuwa hata maua yenye sumu huachwa na majira, na hata kivuli kinachotisha hujifuta jua linapobadili njia yake.
Ulisuka nyuzi za tabasamu kwa sindano za sumu, ukawapa wengi maua huku mizizi yako ikinywa machozi yao. Hukujua kwamba hata kivuli kina mwisho wake, na kwamba mkono unaopanda miiba hauwezi milele kuvuna waridi.
Leo, ua limenyauka hatimaye. Si kwa sababu bustani imekosa umande, bali kwa kuwa majira yamevunja mkataba na mizizi. Kikombe ulichokinyanyua kwa shangwe kimegeuka kioo cha fumbo lako; na kile ulichokiita utamu huenda kikawa mwangwi wa uchungu uliowatangulia wengine.
Mto umehifadhi nyayo, udongo umeficha siri, na upepo umekataa kuwa shahidi. Waliolazwa na harufu yako hawana ndimi za kusimulia; walio hai wamebaki wakisoma jalada la kitabu ambacho kurasa zake ziliandikwa kwa wino wa machozi.
Hatimaye, hatutakukumbuka. Si kwa kuwa hukuwahi kuchanua, bali kwa kuwa hata maua yenye sumu huachwa na majira, na hata kivuli kinachotisha hujifuta jua linapobadili njia yake.